![](https://blogger.googleusercontent.com/img/b/R29vZ2xl/AVvXsEjSFbDDEjj-Xjx7xqZt_98g-Nj7Sk-asQB_bsc-_2n3dX9eY2ZThsirhNabjpZGcu4IKks8iqZjdKeCkz_Buz1yz7teDrXmk63xGk89SR-Zs8y8E_jZSA0M8cNFJfMh081pyzvcB4EGtXjTgITZePTnFnazJiPkiAR8fvABpGfoLTuzTU1gVRXjDJmCCNtU/s320-rw/FB_IMG_1714810477104.jpg)
رواية لف بينا يادنيا الفصل الثالث3بقلم منه محمد
ركضت نوحه مسرعه : مصطفى مصطفى
التفت لها و كان يرتدي الزي الفرعوني هو الاخر
دنيا : انت لابس كده ليه انتوا عاملين فيا مقلب
نطق اخيرا بعد ان كان
متعجب من طريقه كلامها : انت مين !!
فتحت فاها بصدمه : انت بتهزر يا مصطفى !!
نظر لها ب تعجب و قال : مصطفى مين و ايه الاسم الغريب ده !؟
دنيا : يا سلام اومال انت اسمك ايه؟
مصطفى : اسمي حابي
دنيا : نعم يا اخويا انت هاتهزر
حابي : و اهزر معاكي ليه هو انا اعرفك اصلا
كانت علي وشك الحديث لكن قاطعها صوت "ايزيس" و هي تصرخ فيها : انت سايبه شغلك ليه
دنيا : انااا
ايزيس : روحي علي شغلك
دنيا : حاضر حاضر
كانت تعمل ف المطبخ و هي ضجره و لا تفهم اي شئ مما يحدث معها كانت ف المقبره تستكشفها فوجدت نفسها تعمل ف المطبخ الملكي وهي
ترتدي الملابس الفرعونيه : يارب انا ايه اللي جابني هنا من ساعه ما فتحت الكتاب ده و انا مش فاهمه حاجه، الكتاب !!
بدأت تسترجع كل ما حدث لها :
الكتاب اكيد هو اللي جابني هنا بس هو راح فين كان معايا، تركت المطبخ مسرعه و هي تحاول البحث عنه
احوال البلاد كانت في فوضي و كان هناك فراغ سياسي لم يكن هناك حاكم للبلد بعد وفاه الحاكم "امنحتب" الذي مات دون وراثه للعرش
و حكم وزيره الاول "حتحور" كوضع مؤقت لحين إشعار اخر
كان يجلس الوزير مهموم، جاء إليه "حابي" الذي يعمل مساعد له
حابي : مالك سيدي شكلك مهموم
حتحور : اوضاع البلد مش عجباني يا حابي
حابي : ليه يا سيدي؟
حتحور : البلد محتاجه حاكم
حابي : طب ما تحكم انت يا سيدي
حتحور : مينفعش يا حابي الشعب مش هيوافق لازم اللي يحكم يكون له شرعيه و دماء الملكيه بتجري ف عروقه
حابي : انا سمعت يا سيدي
ان في نبؤه اسمها نبؤه نفرتاري و النبؤه دي بتقول اني في ملكه من صلب الإله رع هي اللي هتجي تحكم البلاد
حتحور : و الملكه دي هتظر امتي؟
حابي : ف حاله الفوضى
فتشت ف كل مكان عن الكتاب لكنها لم تجده اثناء ذلك رأها احد حراس القصر : انت بتعملي ايه هنا
انتفضت في مكانها
ونظرت له بتوتر : اناااااااا انااااا
الحارس : انا ملاحظ حركاتك المريبه من ساعه ما جيتي القصر ده اكيد انت لصه و انا هاقبض عليك و اسلمك للوزير الاكبر