الفصل التاسع9
بقلم منة محرم
حمزه: ايوه بس انا عمري ما هحبك يا جنه احنا هنعيش زي مااحنا وهطلقك اول ما تولدي
جنه: بس
حمزه: مش عايز كلام كتير انا مافيش في قلبي غير انسانه واحده ومش متخيل حياتي مع واحده غيرها عن اذنك انا طالع انام
جنه: هيحح مش مشكله يابت يا جنون متضايقيش نفسك يابت بكره الحب يجي بعد الجواز
ياسمين: عمره
جنه: هو ايه
ياسمين: يعني حمزه مستحيل يحبك حمزه حب جميله بجد ومستحيل يشيلها من دماغه
جنه: طيب طيب اسكتي بلاش رغي كتير
ياسمين: انا خارجه
جنه: راحه لحبيب القلب هو رجع من عند مامته طب كويس فكرته عمل عملته وهرب هههههه
ياسمين: اسكتي شويه هتفضحيني
جنه: باي ياقلبي
ياسمين بقرف: منك لله
جنه: بتقولي حاجه
ياسمين: لا
جنه: اه صحيح حمزه قال انه هيتجوزني بس مش عارفه امتي ابقي اساليه كده
ياسمين: تمام
عند جميله
••••••••••••••••••
جميله: انا هنزل يا مروه شويه
مروه: اجي معاكي
جميله: لا خليكي
مروه: طيب
بعد شويه كانت جميله ماشيه ولقت ياسمين داخله عماره ومعاها شاب
جميله: اده ياسمين وطالعه العماره دي ليه ومين الشاب ده
بعد شويه
••••••••••••••••••
-افتحي ياحياتي شوفي مين
ياسمين: حاضر
جميله بصدمه: ياسمين
ياسمين بتوتر: انتي انتي عرفتي مكاني ازاي
جميله مسكت اديها بعصبيه: انتي بتعملي ايه هنا انطقييي
-مين دي يا حبيبتي
جميله ضربتها بلقلم: ياخساره تربيه اهلك فيكي انتي عارفه لو اهلك عرفو هيعملو ايه
ياسمين بدموع: ده ده جوزي صدقيني استني هجبلك الورقه احنا متجوزين والله
بقلمي/menna moharam
جميله: يابنتي انتي عبيطه ده متجوزك عرفي عارفه يعني اااايه
ياسمين: متقوليش لحد علشان خاطري
جميله:هستناكو انتو الاتنين تحت
ياسمين: حاضر
بعد شويه في كافيه
••••••••••••••••••
جميله: اقسم بالله لو روحتيلو تاني يا ياسمين انتي حره خليه يجي يتقدملك
ياسمين: اهلي مش هيوافقو مهو اتقدم كتير وموفقوش يا جميله علشان محمد علي قد حاله
جميله: انت بتحبها
محمد: والله العظيم بحبها
جميله: تقوم تتجوزها عرفي انت لو بتحبها بجد تتقدم مره واتنين وتلاته
محمد: خوفت تضيع مني
جميله: وانت فكرك كده مش هتضيع اهلها لو عرفو هيقتلوك انت مش عارف ياسمين عندهم عامله ايه
محمد: طيب اعمل ايه
جميله: انت معاك شقه
محمد: لا
جميله: طب بتشتغل ايه
محمد: لسه بدور
جميله: اومال الشقه الي قاعد فيها دي ايه
محمد: دي ايجار وهسيبها الاسبوع ده علشان مش معايا ادفع وباخد من اهلي مصروف علي قدي ميكملش ادفعهم للشقه
بقلمي/menna moharam
جميله: طب ما حقهم يرفضوك يابني انت لازم لما تتقدم يبقا ليك شغلك ويبقا عندك شقه انت فاكر انهم هيدوك بنتهم كده وخلاص ما لازم يدوها لواحد تبقا مرتاحه معاه تقدر تقولي هتصرف عليها ازاي وانت بتصرف علي نفسك بلعافيه
محمد: ماانا بدور كتير علي شغل بس مش لاقي
جميله: انت متخرج
محمد: اه معايا كليه تربيه
جميله: طب ما حلو مقدمتش ليه في اي مدرسه
محمد: مش حابب اشتغلها
جميله: والله طب معلش اشتغلها المرادي مش احسن ما تقعد في البيت يعني ايه مش حابب تشتغلها لا اشتغل وعافر علشان تاخد البنت الي بتحبها هو انت فاكر ان الشغل هيجيلك وانت قاعد في البيت
محمد: طيب
جميله: اه وياسمين مش هتشوفها تاني غير لما تتقدم ويوافقو عليك وبخصوص الشقه قولهم انها جاهزه
محمد: جاهزه ازاي
جميله: بابا الله يرحمه كان عنده شقه في مدينه نصر انت ممكن تاخدها واعتبرها بتاعتك لحد ما تقدر تجيب شقه هي حلوه مش وحشه بس محتاجه شويه حاجات يعني تديها وش نضافه والكهرباء كويسه جدا بس السباكه لا هي محتاجه بس حاجات بسيطه بس حلوه
محمد: انا بجد مش عارف اشكرك ازاي واسف ليكي يا ياسمين اني محافظتش عليكي ومحربتش وزهقت من اول مره
جميله: اوعدوني بقه انكو مش هتشوفو بعض
ياسمين: تعرفي انك جيتي في الوقت المناسب انا ومحمد كنا اول مره نشوف بعض من ساعه ما كتبنا الكتاب علشان كان مسافر المنصوره عند اهله علشان والدته تعبت فجاه بعد ما كتبنا الكتاب علطول وكان لازم يروحلها
جميله ببتسامه: يعني
بقلمي/menna moharam
ياسمين: يعني محصلش حاجه والله العظيم
جميله: طب حلو اوي
محمد: انا والله مكنتش هعمل ايه حاجه من الي كانت في دماغك انا بس اتجوزتها علشان اضمن انها ليا
جميله: وهتبقا ليك بس انت حارب علشان حبك واوعا تسيبها ياسمين باين عليها بتحبك اوعا تجرحها ولا تخونها يا محمد وحافظ عليها يلا همشي انا بقه
ياسمين: شكرا اوي يا جميله انا بجد من غيرك كنت ممكن اضيع
جميله: خلي بالك من نفسك ولما تقومي تمشي علطول ها
ياسمين: حاضر والله جميله عايزه اقولك حاجه
جميله: قولي
ياسمين كانت لسه هتتكلم بس افتكرت تهديد جنه ليها وخافت
ياسمين: خ خلاص انا بس كنت هسالك عن النونو عامل ايه
جميله: هههه بعتلك بوسه كبيره يا عمتو
ياسمين: انتي جميله فعلا
جميله: بس بقه بتكسف يلا سلام
ياسمين: سلام
محمد: ياسمين مالك
ياسمين بدموع: ها مافيش
محمد: بتعيطي ليه
ياسمين: بحمد ربنا انها جت في الوقت المناسب يا محمد
محمد مسك اديها: انا اسف يا ياسمين انا غلطان حقك عليا انا مفكرتش في اهلي ولا اهلك لما يعرفو هيحصلهم ايه علي رأي جميله احنا لازم نحارب علشان الي بنحبهم ونحاول مره واتنين وتلاته
ياسمين: يلا حصل خير
محمد: يلا علشان اروحك
ياسمين: لا همشي انا يلا باي
••••••••••••••••••••••••••
مروه: اتاخرتي ليه كده
جميله:بقالي كتير مخرجتش قولت اتمشي شويه بدل الحبسه الي انا فيها دي
مروه: طب ما تشتغلي
جميله: اه ماانا هنزل الصيداليه بتاعت امي الله يرحمها
مروه: ربنا يهديكي ويريح قلبك
جميله: تسلميلي يا حبيبتي ااااه
مروه: مالك
بقلمي/menna moharam
جميله: بطني بطني بتتقطع اااااه الحقيني
في المستشفي
••••••••••••••••••
جميله: الجنين كويس يا دكتور
الدكتور: الحمدلله وكويس انك جيتي هكتبلك علي مثبت لازم تاخديه وشويه ادويه علشان الوجع الي جالك وحقن ولازم تاكلي كويس وتشربي لبن والراحه وبلاش مشي كتير انتي بتبعي
جميله: لا يا دكتور
الدكتور: مش تيجي علشان تشوفي الجنين كويس ولا لا لازم تتبعي
جميله: تمام يا دكتور
الدكتور: تقدري تروحي بس الراحه التامه يا مدام جميله
مروه: حمدلله علي سلامتك ياحبيبتي
جميله: الله يسلمك ياحبيبتي
•••••••••••••••••••••••
ياسمين: حمزه انا اسفه
حمزه: اسفه علي ايه يا ياسمين
ياسمين بدموع: اسفه علي كل حاجه اسفه اني كل يوم بشوف دموعك ومش عارفه اساعدك بأى حاجه اسفه اني السبب في دموعك دي
حمزه: انتي مش السبب ولا حاجه يا ياسمين ليه بتقولي كده انا انا الي خونتها ومكنش ينفع اخونها
ياسمين بتسرع: لااا انت مخنتهاش ولا عمرك خنتها يا حمزه
حمزه: اهو كلام بحاول اقنع بيه نفسي بس جنه هتكدب ليه وبعدين انتي اتاكدتي انها حامل
ياسمين بدموع: حقك عليا
حمزه حضنها: اهدي بس قوليلي مالك طيب في ايه
ياسمين: كان نفسي اقولك اوي بس ساعات الانسان بيبقا مجبر انه يخبي تصبح علي خير
حمزه: يترا فيكي ايه يا ياسمين
جنه: ها قولتيلو
ياسمين: اقوله ايه
جنه: علي جوازنا
ياسمين: انا انا نسيت
حمزه: جوازي منك هيبقا علي الورق بس لحد ما تولدي يا جنه وكل واحد هيروح لحاله وابني هبقا اجي اشوفه انا مش هقدر اعيش معاكي وانا مبحبكيش
بقلمي/menna moharam
جنه: وانا متاكده انك هتحبني في يوم من الايام المهم هنتجوز امتي
ولاء: في ايه يا ولاد ايه مصحيكو لحد دلوقتي
حمزه: الجمعه الجايه
ولاء: الجمعه الجايه ايه يابني
حمزه: فرحي انا وجنه
ياسمين: بعد بعد اربع ايام
حمزه: اه تصبحو علي خير
ياسمين: وانت من اهله
ولاء: هو في ايه انت اتجننت
جنه: انا هفهمك يا طنط انا وحمزه بنحب بعض من زمان وطبعا انتي عارفه اتجوز جميله من الاول ليه
ولاء: بس
جنه: يا خالتو مبسش ها هتكسري فرحتنا
ولاء: لا يابنتي ربنا يتمملكو علي خير بس ب السرعه دي
جنه: اهو بقه حمزه مستعجل اوي ههههه صح يا حمزه
حمزه: انا داخل انام
ولاء بدموع: انا مبقتش فاهمه اي حاجه حرام عليكو بقه
حمزه جري عليها ومسك اديها: متعيطيش يا ماما والله العظيم مافيش حاجه ياست الكل هو زي ما جنه قالت
ولاء: وجميله انت اكيد بتحبها يا حمزه وانا متاكده ليه تعمل كده
حمزه: ممكن متفكريش في اي حاجه بعد كده علشان خاطري
ولاء: حاضر الي شايفه صح اعمله
حمزه: بابا فين
ولاء: في اوضته
حمزه: طيب انا هدخل اقوله
•••••••••••••••••••
جلال: يا خساره تربيتي فيك يا حمزه
حمزه: حقك يابابا تقول الي انت عايزه بس والله انا مكنتش في وعيي
جلال: كتب كتابك عليها يبقا في اسرع وقت
حمزه: حاضر بس متزعلش مني ابوس ايدك
جلال: امشي يا حمزه
حمزه: علشان خاطري يا بابا
جلال: علشان كده جميله سابت البيت ومشيت
حمزه بحزن: ايوه يا بابا
جلال: حقها
حمزه: تصبح علي خير يا بابا
تاني يوم
••••••••••••••••••
جميله: في ايه انتي كويسه انتي ومحمد
ياسمين: اه الحمدلله
جميله: عايزاني ليه ومنزلاني من الصبح بدري قلقتيني بحسب حصل حاجه بينك وبين محمد
ياسمين: لا انا جايه في موضوع يخصك انتي وحمزه