رواية لأنها توسل
الفصل السابع والعشرون 27
بقلم سوسو تويكس
* تواعدنا ان لا نفترق حتى الموت وتأخر الموت وافترقنا💔 بقيت بس اعاين ليهم و فكيت الضحكة ايي بقيت اضحك بطريقه هستيريا لدرجه عيوني دمعو بس الدورة دي من الضحك الكتير،،وهو بعاينو لي بصدمه وانا لسه بضحك،، اتكلم غيث وهو بقرب علي:توسل اسمعيني ما ز..،، قاطعتو اسيل وهي بتقول:خلاص يا غيث هي اصلا كده كده حتعرف ما تقعد تمث.. ،،ما تمت كلامها قاطعها بكف صداهو اتردد في الجناح كلو،، غيث:طيري من هنا سريع وعندي كلام مع ابوك،،طلعت بسكات، وانا وقفت ضحك وقت ضربها جا قرب على وهو بقول:توسل عليك الله اسمعيني،، توسل:اها اتفضل سامعاك ولا اقول ليك ح تقول شنو، انو اسيل الجاتك هنا وهي حضنتك وهي الفا الكلام من راسهاوبلا بلا بلا،دي حيله قديمه شديد،،، غيث:والله ده الحصل، انا كنت ح اوقفها عند حدها لو ما انتي جيتي،، توسل:احب اقول ليك انا ما طفله، وما عندي معاك اي كلام غير ورقتي تصلني،،، انفعل وهو بقول:انتي دايما كده، اي مشكله بتحصل ما بتحاولي تحليها طوالي جاريه للطلاق،، توسل:ما تحاول تقلب الموضوع لصالحك، لو كان كلمتني من الاول انك عايزها انا ما كان حميتك بس تجيبها في غيابي واجي اتفاجأ بيها هنا ويطلع الفات ده كلو تمثيل منك لااا برافو عليك طلعتا ممثل بارع،،، غيث:يعني صدقتيها بالسهوله دي معقوله ما بتثقي فيني للدرجه دي،، توسل:انا صدقتا عيوني الشافت واضاني السمعت، وحسي زي ما دخلنا بالمعروف نطلع بالمعروف،، مسك راسو وهو بحاول يكتم غضبو:انتي نا عارفه كلامك ده بأثر فيني كيف، وطلاق للمرة المليون ماف،،، توسل:يبقى نتلاقى في المحكمة ما اول راجل مرتو تخلعو،،، نزلتا بسرعه وهو بحاول يوقف فيني ركبتا أقرب ركشه واتحركت، بس برضو ما بكيت يمكن لانو الصدمه الاتعرضا ليها أكبر من انو تتحلا بي بكا،، وصلت البيت ودخلتا ناس امي اتفاجئو سالوني مالك رجعتي، رديت ليهم بوجه خالي من التعابير :انا ح اتطلق من غيث،، اتخلعو وبقو يجوطو معاي، بس والله نا عندي حيل، دخلتا غرفتي عاينتا للخاتم الكان لبسو لي ويادوب انفجرت في البكا، وانا بتذكر في كلام اسيل،،انا متأكده الحصل ده ما لعبه منها لأنها زاتها اتصدمت وقت شافتني ما كانت متوقعه اني ارجع،، شويه كده سامعه صوتو وهو في البيت جات امي نادتني بس ابيت اطلع، وقت سمعتو قال:انا بدخل ليها في الغرفه.