رواية جوازة ميراث الفصل التاسع والعشرون29والثلاثون30الاخير بقلم رانيا عماره
صفاء(بصويت) :سامي أخويا
••وجريت عليه حضنته..ولما حسناء سمعت صويتها خرجت لقيت سامي قامت بعداها عنه وحاضناه••
حسناء(بصويت) :ياابني ياحبيبي...ياابني..كانوا يومين زي الزفت من غيرك
ماهر:ادخلوا جوا..متخلوش الناس تسمع حكاوينا!
حسناء(بعياط) :تعالى ياحبيب أمك..طمني عليك
••وخدته ودخلوا الأوضه وكان سامي متبهدل من السجن••
سامي(بتعب) :اه اتمرمطت..منك لله يا داليدا
صفاء(بعصبيه) :هى داليدا دي فاكره نفسها هتروح من ربنا فين؟..اوعى تسكتلها يا سامي..لازم اللي زي داليدا دي نلفألها مصيبه وتترمي في السجن عشان تعرف ان الله حق!
حسناء(بزعيق) :اسكتي يابت كفايه جري على المشاكل!!..هو انتي واخوكي مبتتهدوش؟..ده احنا محيلتناش غيركم!
ماهر:اطلعي وسيبي الواد يرتاح..وجهزيله أكله ترم عضمه
حسناء:حاضر سلامتك يا سامي انشالله اللي يكرهك
••وقامت دخلت المطبخ تجهزله الأكل••
<جـلسـة يـوم 14 فـي الـمـحـكـمـه>
••كان ساهر ورشاد وداليدا رايحين المحكمه..وماهر كان غصب عنه لازم يروح ومعاه الفلوس وإلا هيتسجن••
سامي:مابقولك ايه ماتكبر دماغك من المشوار ده..انت عارف دول كام؟..دول ٣مليون مره واحده!..انا وصفاء أولى بيها من الزباله داليدا وأختها
ماهر(بزعيق) :داليدا حطتنا قدام الأمر الواقع..ولو انا مروحتش..هروح في ستين داهيه..وانت هتقعد متنعم في الفلوس وولا فارق معاك أبوك اللي اتسجن!
سامي:ياعم بعد الشر متقولش كده..احنا نِحل الموضوع بالحب ونرميلهم 100 ألف ولا حاجه
ماهر:100 ألف ايه ياأبو 100 ألف؟..الأخت داليدا رايحه تتجوز واحد..هو وأهله عندهم نفوذ ومعارف في كل حته..الـ100 ألف اللي بتتكلم عليهم دول تبلهم وتشرب مايتهم..انا هروح في ستين داهيه لو مروحتش!
سامي:أصل صعبان عليا المبلغ ده كله يروح لـ داليدا!
ماهر:خلاص يا سامي اهو نصيب ومكتوبلنا
••وعند داليدا كانت واقفه في المحكمه هى ورشاد وساهر والمحامي..وعدى من جنبهم ماهر وسامي..وكان سامي بيبص لـ داليدا بـ غل..ورشاد بيبصلهم بقرف••
رشاد:متخافيش يا داليدا بإذن الله حقك هيرجع
داليدا:ان شاء الله
المحامي:اتفضلوا في القاعه
رشاد:يلا يا داليدا
••ودخلوا جوا••
<عـنـد صـفـاء>
••كانت واقفه قصاد المرايا بتكلم نفسها••
صفاء:يانهار اسود؟؟..ده انا ممكن أروح في ستين داهيه لو حد عرف اللي انا عملته!..وفرحك يبوظ يا صفاء؟..يانهار اسود!...يابختك المايل!..انا ايه اللي خلاني أمشى وراهم!..اديهم كلهم عايشين متطمنين الا انا..عايشه والخوف بياكل في قلبي كل يوم!
••دخلت حسناء لقيتها بتكلم نفسها••
حسناء:ايه ياصفاء مالك؟..بتكلمي نفسك ليه؟
صفاء(بحزن) :خايفه اوي ياماما..خايفه ومش عارفه أعيش!
حسناء(بإستغراب) :انتي بتتكلمي عن ايه؟
••وقفلت الباب وقعدت على السرير..ولـ سوء الحظ كانت زينه جايه ولقيت باب الشقه مفتوح••
زينه:يا طنط حسناء..ياصفاء..انتوا هنا؟.. هو محدش بيرد ليه؟
••ولما دخلت وقربت من باب أوضة صفاء سمعت عياطها••
حسناء:ماتتكلمي يا صفاء انا مش فاهمه حاجه!
صفاء(بصويت) :المصيبه السوده اللي انا عملتها!
حسناء(بصدمه) :مصيبة ايه دي يابت؟؟.. انطقي!
••ولما زينه حسيت ان في اسرار بتتقال..راحت فاتحه التسجيل الصوتي••
صفاء(بصويت) :انا لو حد عرف ان انا قتلت عمي!..هروح في ستين داهيه!..شبابي وأحلامي وطموحاتي هيترموا على الأرض!..انا لسه في عز شبابي يا ماما!..عايزه اتجوز وأخلف واعيش حياتي زي اي واحده!..مادام الوليه أم خالد دي متابعه كل حاجه مش بعيد تكون شافتني وانا طالعه لـ عمي طاهر بس لالا انا كنت لابسه نقاب ايه هيعرفها ان دي انا!
حسناء:وانتي ايه اللي فكرك بالكلام ده دلوقتي؟
صفاء:مش عارفه!..انا كنت قاعده وفجأه الحاله دي جاتلي..خوفت على نفسي اوي وخايفه اتكشف!
حسناء:لا ياحبيبتي متخافيش محدش هيعرف انك انتي اللي عملتي كل ده..وبعدين ده اللي كان لازم يحصل من زمان..أمال كان اخوكي هيتجوز داليدا ازاي؟..تصدقي بالله اخوكي ده بخته مايل زيك..كان راسم يتجوزها وورثها هى وأختها يبقى لينا احنا وبس..لكن معرفش يوصل لـ غرضه..أمال هو اتحرق من داليدا أوي كده ليه وحطها في دماغه؟
صفاء:يعني تضيعوني عشان توصلوا لـ مصلحتكم؟
حسناء:انتي عبيطه يابت؟..ده على أساس حد يعرف مين اللي عمل كده؟..وبعدين يا خايبه لو حد اتهمك بحاجه انكري.. وخلي عينك قويه..اوعي تضعفي ولا تحسسيه بالضعف!
صفاء:مش عارفه ياماما..انا قلبي مقبوض ومش مرتاحه..وخايفه حد يجي في أي وقت ويرمي عليا تهم!
حسناء:قوي قلبك و متخافيش من حاجه طول مااحنا معاكي.. انا اللي واكل قلبي بجد..ليه داليدا وأختها يلهفوا ٣ مليون جنيه في جيوبهم!..دول في الأول والآخر حتة بتين لا راحوا ولا جم!
صفاء:ماهي رايحه تتحامى في العره اللي متجوزاه..ماهما الاتنين شبه بعض..بس ورحمة أبوها وأمها لا يكون الجاي سواد فوق دماغهم..مش علشان هتاخد الـ٣ مليون جنيه يبقى كده انتصرت علينا!...هاهاها ده في خيالها
حسناء:الصبر حلو واحنا مرقدينلها...المهم طلعي الافكار المنيله دي من دماغك وافرحي!
صفاء:حاضر ياماما
حسناء:ويلا قومي ساعديني..بدل ماانتي قاعده زي قلتك
••وأول ما زينه حسيت انهم خارجين من الأوضه..خرجت من الشقه ومشيت وهى مصدومه من اللي سمعته! ••
<عـنـد عائشه >
••كانت قاعده مع فريده ومصطفى في الريسيبشن••
عائشه:ياه يا فريده كلوا عليكم ٣ مليون مره واحده؟
فريده:ايوه للاسف..الناس دي أذيتنا كتير اوي..بس احنا محتسبين حقنا عند ربنا
عائشه:بإذن الله..حقكم راجع ياحبيبتي..ربنا اسمه العدل..يعني مبيظلمش حد..واللي ظِلم مصيره يجي اليوم اللي يتظلم من الأقوى منه
فريده:يارب بجد..يااارب
مصطفى:ربنا معاكم يا فريده
فريده:يارب
عائشه:هى الساعه كام؟
مصطفى:الساعه 11
عائشه:ياه ده ميعاد علاجك..انا هقوم اجيبلك العلاج
مصطفى:انا تعبت من كتر الأدويه ياماما
عائشه:معلش ياحبيبي استحمل خلاص هانت..فاضلك اسبوع كمان وتبدأ تقف على رجلك
مصطفى:ربنا يسهل
••قامت عائشه..وكانت فريده محرجه انها قاعده مع مصطفى لواحدهم..لحد ما عائشه جابت العلاج وجات ••
عائشه:يلا بسم الله
••وبعد ما خد العلاج..قعدت عائشه..ولقيت التليفون بيرن••
عائشه:الو يا رشاد طمني!
رشاد(بفرحه) :باركيلنا ياماما..حق داليدا رجع!
عائشه:لولولولولوي..الف مليون مبروك ياحبيبي..يعني الفلوس رجعت خلاص؟
رشاد:ايوه الحمدلله رجعت
عائشه:هاتلي داليدا أكلمها
رشاد:حاضر
••وادى الموبايل لـ داليدا••
داليدا:الو ياماما ياحبيبتي..الحمدلله حقي رجع من عمي
عائشه:اللهم لك الحمد والشكر..وعلشان المناسبه الحلوه دي انا هجهزلكم الأكل اللي بتحبوه وهنتغدا سوا النهارده
داليدا:ماشي ياحبيبتي احنا مش هنتأخر..مسافة الطريق ونكون عندك
عائشه:ماشي ياداليدا انا في انتظاركم
داليدا:تمام ياحبيبتي..باي
عائشه:مع الف سلامه
فريده:ايه ياماما..داليدا وصلت لـ ايه؟
عائشه:داليدا الحمدلله حقها رجع..مبروك ليكم ياحبيبتي فريده(فرحانه) :الله يبارك في حضرتك
مصطفى:مبروك يافريده
فريده:الله يبارك فيك يا مصطفى
عائشه(فرحانه) :انا هقوم أجهز الغدا..عرفتوا ان ربنا مبيضيعش حق حد مهما حصل؟
فريده(فرحانه) :اه والله ياماما..الحمدلله
••قامت عائشه وهى فرحانه ودخلت المطبخ••
فريده:عقبال ما كلنا نفرح بوقوفك على رجلك من تاني!
مصطفى:مابقتش حاسس ان ده ممكن يحصل..كأني بعشم نفسي على الفاضي
فريده:لا طبعاً يااستاذ مصطفى..في ناس كتير كانوا نفس حالتك ووقفوا على رجليهم من تاني!..مفيش حاجه صعبه على ربنا
مصطفى:صح..ربنا قادر على كل شيء
فريده:ربنا يشفيك يااستاذ مصطفى
مصطفى:هو انتي عندك كام سنه يا فريده؟
فريده:17 بس ليه؟
مصطفى:أصل يعني انا شايف انك بتقولي أستاذ مصطفى كأن فرق السن بينا 20 سنه..انا يادوب لسه عندي 23 سنه!
فريده:ولما انت صغير كده..اتجوزت بدري ليه؟
مصطفى:كنت معمي..وفي غشاوه على عينيا..بس الحمدلله فوقت لـ نفسي وعرفت ان انا استاهل حاجه أحسن من كده بكتير
فريده:انا شايفه ان السن المناسب للجواز مش أقل من 25 سنه!..تكون انت وهى قادرين تفهموا بعض!
مصطفى:مش بالسن..ياما ناس كبيره وعقلها عقل عيال..التجارب في الحياه هى اللي بتزود خبرتك..مش سنك.. انا ممكن اكون عندي 50 سنه بس متعلمتش اي حاجه في حياتي وفي الآخر هتساوى بـ تفكير العيال اللي عندهم 10 و 15 سنه
فريده:صح..بس ان شاء الله ربنا هيعوضك بحد كويس زي ما عوض رشاد وداليدا بـ بعض
مصطفى:ان شاء الله
<عـنـد رشـاد و دالـيـدا>
••ركبوا العربيه وكان رشاد سايق ورايحين يوصلوا ساهر لحد الشغل••
داليدا:ربنا يخليك لينا يا بابا..وميحرمناش منك..حضرتك ليك فضل كبير عليا..وأنقذتني من حاجه.. لو كنت عيشت عمري كله علشان ارجعها مكنتش هعرف!
والد رشاد:انتي بنتنا يا داليدا..وراحتك من راحتنا..اللي بيتقي ربنا في بنات الناس..ربنا بيبعتله اللي يتقيه في بناته..واللي بيجي على واحده ويظلمها بيبعتله اللي يجي على بنته ولا اخته ويظلمها!..انا ربيت ولادي على مبادئ وأخلاقيات معينه..وحابب ان انا اربي أحفادي بنفس الطريقه
داليدا:ده ياريت يا بابا كل الناس زي حضرتك..كان زمان لا في قتل ولا سرقه..كان الحزن والمشاكل هتتشال من الأرض.. انتوا اللي زيكم عمله نادره!
والد رشاد:انتي ياداليدا اللي عمله نادره واللي زيك في الزمن ده يتعدوا على صوابع الايد الواحده..ربنا يهنيكي انتي ورشاد ويجعل مابينكم كل خير
رشاد:يارب يابابا ويخليك لينا ويبارك في صحتك
••وبعد ماوصلوا،نزل والد رشاد من العربيه.. وداليدا ركبت جنب رشاد ••
والد رشاد:سلام
رشاد و داليدا:سلام
داليدا:بجد مش عارفه أشكركم ازاي يا رشاد!..انتوا عوض ربنا ليا عن كل اللي فات من حياتي!.. انا بحبكم اوي!
رشاد(بحب) :احنا اللي بنحبك اوي ياداليدا..انتي بقيتي جزء مهم اوي مننا!
داليدا(بحب) :ربنا يخلينا لـ بعض ياحبيبي
رشاد:يارب ياحبيبتي
••مشى رشاد من طريق غير اللي هما عارفينه••
داليدا:هو مش احنا راجعين البيت؟
رشاد:لا انا هاخدك ونروح البنك..هعملك حساب نشيل فيه الفلوس وبعد كده هاخدك ونروح مشوار مهم..معلش هتتعبي معايا شويه
داليدا:لا ياحبيبي تعبك راحه..بس قولي هنروح فين؟
رشاد:انا بيعت الفيلا يا داليدا..وهشتريلك فيلا أحلى منها بإسمك
داليدا(مصدومه) :انت بتتكلم بجد ولا بتهزر؟
رشاد:بتكلم بجد طبعاً!..فلوسك دي هتتشال على جنب..والفيلا دي هديه مني ليكي..انا بحاول بقدر الامكان اخليكي مبسوطه!.. لان انا مش عايز أكتر من كده!
داليدا(بفرحه) :ياحبيبي كفايه عليا انك معايا..مفيش حاجه في الدنيا تعوض وجودك معايا!
رشاد:عارف والله يا داليدا..بس انتي تستاهلي كل خير
••ومن كتر الفرحه حضنته داليدا..وباسته!..وبعد ما رشاد عملها حساب في البنك..واشترالها فيلا بإسمها..كانت داليدا عايشه معاه أسعد أيام حياتها وحاسه انها بتحلم!..وبعد مرور شهرين..كان رشاد في الشغل..وداليدا في شقتها..وأختها نايمه..ولما حسيت بالملل قررت تنزل تقعد مع حماتها••
عائشه(بإبتسامه) :نورتي الدنيا يا دودو
داليدا:منوره بيكي ياماما
••وحضنتها ودخلت تقعد..كان مصطفى ابتدا يمشي على رجله..لحد ماجه قعد معاهم••
مصطفى:ازيك يا داليدا؟
داليدا:الحمدلله..انت عامل ايه يامصطفى وايه اخبار رجلك دلوقتي؟.. انا شايفه انك بقيت أحسن بكتير!
عائشه:الحمدلله..احنا كنا فين وبقينا فين؟
مصطفى:انا بصراحه مكنتش متخيل ان ممكن ارجع امشي على رجلي من تاني
داليدا:لا شد حيلك علشان ترجع لـ حياتك وشغلك بقى!
مصطفى:ان شاء الله قريب
داليدا:انتي عامله ايه ياماما؟
عائشه:كويسه والله بألف خير.. امال فريده منزلتش معاكي ليه؟
داليدا(بتضحك) :فريده نايمه..فا حسيت بالملل قولت انزل اقعد معاكي شويه
عائشه:طب كويس انك جيتي..انا عامله كوسه بالبشاميل..ناكل سوا بقى
داليدا:طيب هقوم اساعدك
••قامت داليدا مع حماتها..وأول ماشميت ريحة الأكل..مسكت بطنها وجريت علي الحمام••
عائشه(بإستغراب) :مالك يا داليدا فيكي ايه؟
••وقربت الصينيه منها تشمها لقيت ريحتها حلوه..لحد ماراحت بيها عند مصطفى يشمها هو كمان••
عائشه:شم يابني..والله ريحتها حلوه..شم كده
مصطفى:ايوه ريحتها حلوه فعلاً بس ليه؟
عائشه:مش عارفه داليدا قرفت ليه
••وحطت الصينيه وراحت الحمام عند داليدا..كانت داليدا بترجع وتعبانه..راحت عائشه ضحكت••
عائشه(بتضحك) :شكلك كده يا داليدا..حامل
داليدا(بتعب) :لا ياماما..أصل امبارح نمنا في التكيف.. ورشاد كان مخلي الأوضه تلج..تقريباً خدت برد في معدتي!
عائشه(بتضحك) :بس انا قلبي بيقول انك حامل..ياحبيبتي انتي متجوزه داخل في ٣شهور اهو
داليدا(بتعب) :تفتكري ياماما؟
عائشه:ايوه طبعاً..تعالي معايا نروح نعمل تحليل ونشوف
داليدا(بتعب) :حاضر
••قربت منها عائشه وسندتها لحد ماخرجوا من الحمام••
<عـنـد سـامـي>
••كان بيكلم زينه في الموبايل••
زينه:انت هتفضل مأجل حوار جوازنا لحد امتى؟.. انا قربت اخلل
سامي:وانا هجيبلك فلوس منين؟..الشمال اللي اسمها داليدا رفعت علينا قضية ميراث وخدت ٣ مليون جنيه
زينه(بصدمه) :وانت ميراثكم راح فين؟؟
سامي:هنفتح بيه مشروع..أصل انا وابويا عايزين نعمل مشروع حلو يكسبنا دهب..وانتي عارفه حوار المشاريع دي متجيش خبط رزع كده..لازم تخطيط الأول
زينه(بزعيق) :وانت هتفضل راكني جنب سعاتك..لحد ماتعمل مشروع..وانا ايه مش مهم أولع؟؟
سامي(بزعيق) :صوتك ميعلاش عليا..انا مفيش حاجه بيني وبينك..معشمتكيش بحاجه..انا مش هضيع ورث أبويا على معاليكي
زينه(بزعيق) :يعني ايه ياروح امك كنت بتسرح بيا؟؟
سامي(بزعيق) :احترمي لسانك يا@#&@ يابنت الـ@#&$..انا مش عايزك..ولا هو رمي بلا وخلاص يا بنت الـ@$&@!
زينه(بصدمه) :يانهارك اسود انت بتشتمني بأبويا وأمي؟؟..طب وديني لأجرصكم واعرف الدنيا بحالها مين اللي قتل الحاج طاهر أبو داليدا
سامي(بتريقه) :هاهاهاها قابليني لو عرفتي تجيبي دليل ياروح أمك
زينه:لا يابابا..إن كان على الدليل فااهو في ايدي.. وحالاً هوريك
••وقفلت السكه في وشه..وبعتتله التسجيل الصوتي اللي عملته مابين حسناء وصفاء..لدرجة انها راحت القسم تبلغ عنهم من حرقتها••
سامي(بصدمه) :يانهار اسود ومنيل!!..ايه ده؟..هى جابت الكلام ده منين؟
••وقام يجري على أوضة صفاء••
سامي:ايه ده يا صفاء؟؟..زينه جابت التسجيل ده منين؟؟
صفاء(بإستغراب) :تسجيل ايه؟
سامي:اسمعي!!!
••وسمعها التسجيل..وأول ما صفاء سمعته..وشها جاب ألوان.. وقامت من مكانها وفضلت تلطم••
صفاء(بصويت) :يالهواااااي...ده اللي انا كنت خايفه منه!..قولت لأمك مصدقتش!!...زينه جابت التسجيل ده منين؟
سامي(بزعيق) :يخربيتك روحتي في ستين داهيه!!..دلوقتي الحكومه تطب علينا ويتخرب بيتنا كلنا!!
صفاء(بصويت) ٪طيب اعمل ايه؟؟؟..يالهوي يالهوي
حسناء:في ايه؟؟
سامي(بزعيق) :زينه معاها تسجيل صوتي ليكي انتي وصفاء وهى بتعترف على نفسها انها قتلت عمي طاهر
حسناء(بصويت) :يالهوااااااي... يالهوااااي...البت هتتسجن!!..هيعدموها!!
صفاء(بصويت) :كل ده بسببكم انتوا!!..ياريتني مامشيت وراكم..محدش فيكم خسران حاجه غيري!!.. شبابي هيضيع...الحقيني ياماما الحقيني!
سامي(بزعيق) :انتوا لسه هتولولوا؟؟..لمي هدومك بسرعه قبل ماالشرطه تطب علينا... يلا خلصي
صفاء(بخوف) :حاضر.. حاضر
<عـنـد شـادي>
••ندهوا ضياء وكان مجهز كاسين جنب منه••
ضياء:تعالى يا شادي عايزك
شادي:اؤمرني سعاتك
ضياء:اقعد عايزك
••قعد شادي وهو حاسس ان ضياء بيدبرله مصيبه••
شادي:ايوه خير؟
ضياء:مرتاح في الشغل ياشادي؟
شادي:اه طبعاً..اللي يشتغل مع سعاتك لازم يكون مرتاح.. ده انت مش مقصر معانا في أي حاجه!
ضياء:كلامك جميل وبيعجبني..وانا الصراحه مش هلاقي أحسن منك يكون دراعي اليمين
شادي:طب مانا مع حضرتك اهو.. مش فاهم!
ضياء:لا انا همشي كل زمايلك..مش عايز غيرك معايا..اصل بصراحه انت بتتعب جامد في الشغل..محدش فيهم بيعمل ربع اللي انت بتعمله
شادي:والله انا بحاول على قد مااقدر..المهم حضرتك تكون مبسوط مني
ضياء:طبعاً مبسوط..اشرب العصير
شادي(بخوف) :حاضر
••وفجأه رن موبايل ضياء وكانت هنا بنته••
ضياء(بإستغراب) :هنا؟؟.. عايزه مني ايه بعد اللي عملته هى وأختها!
••و رد عليها..وكان شادي رامي ودنه معاه••
ضياء(بصوت حاد) :آخر حاجه كنت اتوقعها ان أشوفك اسمك على الموبايل مره تانيه!!.. كلبه خسيسه زي أمك..بتهربوا مني ياشوية كلاب؟.. ليه مش هعرف أوصلكم؟..لعلمك يا هنا انا سايبكم بمزاجي عشان تكوني فاهمه كويس..ولما احب أرجعكم هقدر اعمل كده بكل سهوله..ضياء مفيش حاجه تصعب عليه!
هنا(بحزن) :بعيداً عن أي حاجه حصلت انت وحشتنا اوي يا بابا
ضياء(بزعيق) :مش عايز اسمع صوتك..لا انتي ولا اختك..وابقوا خلو خالتكم الكحيانه أم جيوب مقطعه.. تنفعكم..سايبه الفلوس والقصور ورايحه لـ ناس زباله
••وفجأه صوت هنا اتغير..واتحول لـ صوت خالتهم••
_احترم نفسك ياضياء ومتزيدش فيها..انا سامعه كل كلمه انت قولتها في حقنا..وعقاباً ليك مش هتشوف بناتك للأبد
••ومن كتر عصبية ضياء راح قايم من مكانه وادا ضهره لـ شادي وابتدا يزعق لـ أخت مراته.. وشادي استغل الفرصه وبدل الكاسات..ودلق بتاعته كانه شربها••
ضياء(بزعيق) :انتي واللي زيك حشرات..انا هعلمك ازاي تتكلمي مع أسيادك ياجربوعه ياجعانه..انا هوريكي اللي عمرك ماشوفتيه و...
••ولسه بيكمل كلامه قفلت في وشه..ومن عصبيته حدف الموبايل اتكسر نصين.. ورجع قعد وهو كله عصبيه••
ضياء(بزعيق) :أشكال حقيره..وديني مانا ساكتلهم
شادي:هدي نفسك يا...
ضياء(بزعيق) :اخرس مسمعش صوتك
••ورفع الكاس وشربه كله••
شادي:طب حضرتك عايز حاجه مني؟
ضياء(بزعيق) :متقومش انا لسه مخلصتش كلامي
شادي:حاضر
ضياء:عارف ياشادي..انت زيك زي لميس زي مروه زي محمد..كلكم شبه بعض..يوسف مش هتاخده لو اتنططت على ايدك ورجلك
شادي(بتمثيل) :يوسف ايه؟.. وانا آخده ليه اساساً؟
ضياء(بضحكة سخريه) :هاهاها فاكرني مش عارف لعبتك الوسخه..اللي بتلعبها عليا..ضياء مفيش حاجه تستخبى عليه..هنا كل واحد بيدور على مصلحته ونفسه وبس..وزمايلك حبوا يوجبوا معايا حفاظاً على مكانتهم عندي..وانا كان لازم اوجب معاك زي ماهما وجبوا معايا
شادي(بتمثيل) :انا مش فاهم حاجه ياضياء بيه!
ضياء(بزعيق) :لا انت فاهم وفاهم كويس اوي..ابقى خلي ساهر ينفعك لما تموت كمان ٥ دقايق...أصل انا ماقولتلكش؟
..انا حطتلك سم في العصير وقدامك 5 دقايق بالظبط وتقابل وجه كريم.. ههههههه
شادي(ببرود) :طب أقولك انا..انا مشربتش العصير اللي فيه السم..عارف مين اللي شربه؟.. انت
••وأول ما ضياء سمع الكلمتين دول وشه جاب ألوان وجاله ضيق تنفس وفضل يكح ومسك بطنه وقام من على الكرسي••
ضياء(بيموت) :خاااين..انت انسان خاين وملكش امااان
شادي:لا انا مش خاين..انا طول عمري قد الامانه الحمدلله.. شوف ياضياء الكلب..من حفر حفرة لأخيه وقع فيها... سبحان الله وانت كنت عايز تسمني وتموتني.. بس اهي جات فيك انت.. وانت اللي موت نفسك بـ ايدك!
••مشى شادي وضياء فضل يسحف على الأرض••
ضياء(بيموت) :اطلبلي الدكتور..اتصلوا بالاسعاف..شااادي
••ولكن شادي مشى ومعبروش! لحد ماطلع رغاوي من بؤه ومات! ••
<عـنـد دالـيـدا>
••عملت تحليل وخدته وراحت للدكتور هى وحماتها عائشه••
عائشه:طمنا يا دكتور عايزين نفرح!
الدكتور(بإبتسامه) :الف مليون مبروك..داليدا حامل في شهرين و ٢٠ يوم
عائشه(بفرحه) :انت بتتكلم بجد يا دكتور؟
الدكتور:ايوه طبعاً..مبروك
داليدا(بفرحه) :بجد مش مصدقه!..انا حامل بجد؟..يعني كمان 7 شهور هكون مامي؟؟
عائشه(بفرحه) :لولولولولوي...مبروك ياحبيبتي.. الف الف مبروك!
••وقامت حضنت داليدا..وكانت داليدا بتعيط في حضنها••
داليدا(بعياط) :اللهم لك الحمد والشكر
عائشه:ربنا يكملك على خير يا داليدا وتقوميلنا بألف سلامه
داليدا:يارب ياحبيبتي
الدكتور:اتفضلوا ده النظام الغذائي اللي مدام داليدا هتمشي عليه
عائشه:شكراً يادكتور..ربنا يفرحك زي مافرحتنا
الدكتور:مبروك
داليدا:الله يبارك فيك يادكتور
••وخدوا الروشته وخرجوا••
داليدا:انا هتصل بـ رشاد اعرفه!
عائشه:لا الاخبار الحلوه دي تتقال الوش في الوش.. احنا نروحله الشغل..انا متأكده انه هيطير من الفرحه!
داليدا:طيب يلا بينا
••وبالفعل راحوا الشغل لـ رشاد••
رشاد:ايه الطله الحلوه دي وانا اقول الدنيا نورت ليه؟
عائشه(بتحضنه) :عندي ليك خبر هيفرحك اوي!
رشاد:خير..ربنا يكتر من افراحنا
داليدا(بفرحه) :انا حامل!!
الفصل الثلاثون30 الاخير
••ضحك رشاد..ولف الناحيه التانيه وحط ايده على دماغه..وبعدين لفلهم تاني وقرب من داليدا وحضنها••
رشاد(بصدمه) :انتي بتتكلمي بجد يا داليدا ولا بتهزري؟؟
عائشه:والله يابني داليدا بتتكلم بجد..داليدا فعلاً حامل... ههههه وكلها كام شهر وتبقى أب لتاني مره!
رشاد(بعياط) :بجد بجد؟
داليدا(بتضحك) :اه والله بجد..انت بتعيط ليه طيب؟
عائشه(بتضحك) :انا أول مره أشوفك فرحان الفرحه الكبيره دي كلها!..ولا كأن عندك يوسف!
رشاد:صدقيني ياماما بتفرق..لما اكون متجوز عن حب بيكون أحلى خبر في الدنيا!..وانا المره اللي فاتت مكنتش في اي حاجه بإرادتي!
عائشه:الف مبروك ليكم ياحبيبي..ربنا يخليكم ليا وأشوفكم دايماً مبسوطين وسعداء!
••قرب رشاد منها وحضنها••
رشاد:ويخليكي لينا ياماما وميحرمناش منك ابداً!
<عـنـد صـفـاء>
••لمت هدمها،وخرجت من البيت مع سامي..وأثناء ماهى ماشيه لقيت الشرطه في وشهم..صرخت..وسامي شدها وفضلوا يجروا••
سامي(بزعيق) :اجري أسرع
••ولكن عربية الشرطه لحقتهم..ونزلوا مسكوهم••
سامي(بزعيق) :انتوا عايزين ايه من صفاء ؟؟
الظابط:كنتي عايزه تهربي ياصفاء؟..فاكره اننا مش هنعرف نجيبك؟
صفاء(بعياط) :انتوا بتتكلموا عن ايه؟
سامي(بزعيق) :ايه ياباشا مالك ومال أختي؟؟..عايزين منها ايه؟
الظابط(بزعيق) :أخرس ياروح امك
••وسحبوا صفاء في البوكس وهى بتصوت..وكل ما سامي يقرب منهم يزقوه بعيد••
صفاء(بزعيق) :الحقني ياسامي...متسيبينيش
سامي(بزعيق) :مش هسيبك ياصفاء..متخافيش يابت..
والله العظيم ماهسيبك يا زينه..وديني لأوريكي أسود أيام حياتك
••وخد نفسه وراح على بيت زينه..وهناك كان رجب قاعد مع جمال أخو زينه••
سامي(بزعيق) :افتحوااا الباب..ده انا هطلع عينك انتي واللي جابوكي يازينه يابنت الـ&@$#..افتح
جمال:مش ده صوت سامي؟
رجب:اه هو
••قام جمال وفتح الباب لقى سامي واقف وبيزعق ••
جمال(بزعيق) :انت بتهبب ايه هنا؟؟..وجاي عايز ايه؟
سامي(بزعيق) :ايه ده..ده الحبايب متجمعين اهو!..ده انا هخلي الجاي سواد على دماغك انت واختك الشمال
جمال(بزعيق) :اخرس ياابن الكلب..زينه متجيبش سيرتها على لسانك النجس ده!!.. دي أنضف من ١٠٠ واحد زيك!!
سامي(بزعيق) :أنضف مين يا عيله شمال..ده انتوا بنتكم ماشيه معايا في الحرام..اللي عامله نفسها الشريفه العفيفه المحترمه بنت الناس...اشهدوا يااأهل المنطقه
••ونزل في الشارع وابتدا يزعق..ونزل وراه جمال ورجب.. وجليله وسعد جم على صوتهم والناس اتلمت••
سامي(بزعيق) :بنتكم راميه جتتها عليا وبتتحايل عليا اتجوزها وانا اللي مش عايز..زينه بنت الحاج سعد..شماال..اشهدي يامنطقه..وواخده شقه مفروشه مش عايز أقولكم بتجيب فيها مين
جمال(بزعيق) :اخرس!!...ياابن الـ@&$#@..انت بتشوه ثمعة أختي وفاكر انها هتعدي كده بالساهل؟؟.. لا ياحبيبي مش جمال اللي حد يجي عليه ويسيبها تعدي كده..انا هندمك على اليوم اللي جيت فيه تتكلم الكلام ده!!
جليله(بصويت) :يالهوااااي..انا بنتي محترمه ومتربيه..مش زي أختك..اللهي لا يكسبك ولا يربحك ياسامي ياابن حسناء
سامي(بزعيق) :اخرسي هديكي على وشك..اقلب القدره على فمها تطلع البت لامها..وانتي تلاقيكي وليه مش تمام عشان كده البت طالعالك
••ولما سعد سمع الكلام ده.. ضرب سامي بالقلم على وشه..ولكن سامي مسكتش ونزل ضرب في سعد..وكانت مشكله كبيره..اختفى رجب وشويه ورجع مع جمال بالسكاكين••
جمال(بـ شر) :مش انا اختي شمال؟..انا هعرفك مين الشمال بحق وحقيقي انت ولا هى ياسااامي
••ونزلوا ضرب بالسكاكين في سامي..لحد مااتصفى ووقع على الأرض ومات!..ووقتها صوت الصويت زاد بين ستات ورجالة المنطقه••
جمال(بزعيق) :انا ابويا علمني ان اللي يجي على سكتي ميكسبش..ده أخد الحق حرفه..وانا كنت باخد حق أختي اللي اتغلط فيها من كلب زي ده..واللي عنده نص كلمه..يخليها لنفسه عشان ميحصلوش
••جات زينه من بعيد ولقيت سامي سايح في دمه والناس ملمومه..طلعت تجري وتصوت••
زينه(بصويت) :ايه اللي حصل ياماما؟؟..ايه اللي حصل؟؟
جليله(بصويت) :أخوكي ورجب قتلوا سامي
زينه(بصويت) :يالهوااااااي
<عـنـد رجـالـة ضـيـاء>
••لقوا ضياء ميت مسموم••
_ده مات!
=ادفنوه في أي حته
••جه واحد تالت وقالهم••
_تدفنوه ايه؟..ارموه في أي مقلب زباله وخلصونا
=لازم بناته يعرفوا
••وطلع موبايله واتصل بـ هنا يبلغها••
_الو..هنا بنت ضياء لاشين؟
هنا:ايوه انت مين؟
_ابوكي مات..بلغي الموجودين..سلام
هنا(بصدمه) :ايه؟؟..الووو..الووو..انت بتقول ايه؟؟.. الووو
••جات يمنى من وراها••
يمنى:مين يا هنا؟
هنا(بصدمه) :واحد بيقول بابي مات!
يمنى(ببرود) :ربنا يرحمه
••وكملت طريقها ومتهزتش!..وهنا واقفه بعيد بتترعش••
هنا(بخوف) :بابي؟.. مات؟؟.. ازاي؟.. ازاااااي!!.. يا بااابي!!!!!
••جات خالتها ولقيتها منهاره فا حضنتها••
_هو كده يا هنا..الجري على الشر آخرته الموت..وانتي أبوكي طول عمره بيجري على الشر..وده جزائه
<عـنـد شـادي>
••اتفق مع ساهر انهم يتقابلوا في مكان معين••
شادي:سلم واستلم
ساهر:حاضر
••واداله الشنطه في ايده..وخد يوسف منه••
شادي:استنى هعد الفلوس..كل رزمه فيهم بكام؟
ساهر:٣٠ألف
••قرب ساهر من يوسف وحضنه وهو مش مصدق••"
ساهر(بحزن) :وحشتني اوي يا يوسف يابني..انت كويس؟
يوسف:ما.. ما
ساهر(بحزن) :امك خلاص الله يرحمها..بس ربنا عوضك بأم تانيه حنية الدنيا في قلبها..ست جدعه وأصيله وتفهم في الأصول..كلهم هيفرحوا أوي لما يشوفوك يابني!
••وقرب راسه منه وباسه..وبعد ما شادي خلص عد••
شادي:كده تمام..ربنا يخليهولكم يااستاذ ساهر وياريت تحطوا عينكم عليه بعد كده..ده مهما كان عيل صغير
ساهر:يوسف في عينيا ده اعز الولد..ولد الولد..اللهم لك الحمد والشكر يارب على رجوع يوسف ابن ابني
شادي:مبروك عليكم رجوعه
ساهر:الله يبارك فيك ياشادي
شادي:يلا تؤمرني بحاجه؟
ساهر:استنى
••بص شادي..ولقى مايا خارجه من ورا ساهر ورايحه ناحيته..واول ماشافها بص الناحيه التانيه••
ساهر:مايا حبيتك بجد..وانت بالنسبالها مكنتش مجرد مصلحه ولا مهمه عايزه تقضيها وخلاص عشان يوسف يرجع!..مايا لو مكنتش بتحبك مكنتش رجعت تاني بعد ماالمصلحه انتهت!
شادي(بصوت حاد) :اسمع كويس ياساهر بيه.. انا عندي استعداد ادوس على قلبي بس برجلي انا..مش حد تاني اللي يدوس عليه..واللي حبتني عشان المصلحه فا ده مش حب ومن أول موقف صعب هتسيبني!
مايا(بحزن) :بس انا حبيتك فعلاً مش حب مصلحه زي مانت فاكر ياشادي!..انت ليه مش عايز تصدق ان انا بحبك فعلاً؟..انت من يوم ماانقذتني من الحادثه وانت كبير اوي في نظري..حسيت انك عملت حاجات كتير اهلي نفسهم معملوهاش!
شادي:انا عملت كده علشان ده طبعي مش علشان بحبك
مايا:تقصد انك مش بتحبني؟
••سكت شادي ومردش..وساهر قرب منهم••
ساهر:ربنا عوضك بالفلوس اللي انت تستحقها..وعوضك بواحده بتحبك وعايزاك..بتحبك حب حقيقي..ومش عايزه من الدنيا حد غيرك..مايا لو بتحبك حب مصلحه فاالمفروض بعد مالمصلحه انتهت..متشوفهاش تاني في حياتك!.. وهى لسه موجوده وهتفضل موجوده.. لانها بتحبك حب حقيقي..اديها فرصه ياشادي..متخليش شغل المافيا يكون لسه مأثر علي تفكيرك ودماغك ومخليك مش سامع غير الصوت اللي جواك.. اسمع صوتها هى كمان يمكن عندها حق
مايا:عندي حق والله يااونكل..وزي ماحضرتك قولت..لو حب مصلحه فالمفروض انا مكنش موجوده دلوقتي
••سكت شادي ومردش••
مايا(بعياط) :انا همشي لو انت اللي مش عايزني ياشادي!
شادي:متمشيش يا مايا..انا كمان بحبك وعايزك!
ساهر:طيب مالدنيا حلوه اهو..يلا يا مايا خليكي مع شادي..ومتنسوش تعزموني في فرحكم!
••ضحك شادي وبص لـ مايا وهى كمان ضحكت..ابتسملهم ساهر وهز دماغه وركب العربيه بيوسف ومشى••
<عـنـد حـسـناء>
••لقيت الباب بيخبط..راحت تفتح لقيته ماهر..كان واقف قصاد الباب وصالب طوله بالعافيه..ووشه عليه حزن وتعب الدنيا كله..اتصدمت حسناء وسألته بخوف••
حسناء(بخوف) :مالك ياماهر؟؟؟
ماهر:-------------
حسناء(بخوف) :ماترد عليا في ايه!!!..صفاء هربت صح؟؟
ماهر(بتعب شديد) :صفاء...
حسناء(بخوف) :صفاء مالها؟؟... انطق
ماهر(بتعب شديد) :صفاء.. اتقبض عليها ياحسناء وسامي اتقتل... سامي ابنك اتقتل!!
••برقت حسناء وضربت ايديها على وشها..وقربت منها وهى مصدومه ومش مصدقه••
حسناء(بخوف) :ابوس ايديك بلاش هزار ياماهر...والله ده ماهو وقت هزار..أبوس ايدك تريحني وتقول الحقيقه..صفاء كويسه صح؟.. سامي هربها!
••جه عيل صغير من ورا ماهر وهو بيصوت••
_سامي اتصفى عند بيت الحاج سعد
حسناء(بصويت) :يالهواااااااااي..... ابني.... ابني ابني ابني ياماهر ابني ابوس ايدك علشان خاطري ريحوني
••ومن صدمتها نزلت جرى بشعرها ورا العيل الصغير.. وماهر كان نازل علي السلم ببطئ شديد وماسك في الحيطه من كتر ماهو مش قادر يتمالك أعصابه..ولما حسناء وصلت هناك لقيت سامي متصفي ومغطينه والدنيا مقلوبه..جريت عليه وشالت الغطا لقيته ابنها!..راحت مرميه على الأرض وفضلت تصرخ.. والستات حواليها بيسندوها••
حسناء(بصويت) :ابناااااي...يابني يابني يالهوي الحقوني يالهوي يالهوي.. اااااه يابني
_لا اله الا الله
=لا حول ولا قوة الا بالله العلي العظيم
حسناء(بصويت) :ابني ياناس...ابني..مين اللي عمل فيه كده؟.... يااارب... ياااارب... ياااارب... يالهواااااي
_اصلبي طولك.. انا لله وانا اليه راجعون
=ربنا يرحمه ويغفر له
••جه ماهر من بعيد.. وهو ماشي بـ بطء..وبيبص حواليه مصدوم.. والناس بتسنده لحد ماوقع على الأرض..وعيط••
_لا حول ولا قوة الا بالله العلي العظيم
=اسندوه ياجماعه.. لا اله الا الله
حسناء(بصويت) :يالهواااااااااي
••وأغم عليها من الصدمه..وعند رجالة ضياء رموه في مقلب زباله ومشوا••
<عـنـد رشـاد>
••كان لسه قاعد مع داليدا و عائشه في المكتب..وكانوا فرحانين جداً بخبر حمل داليدا••
عائشه:بإذن الله أول مانروح..تاخدي علاجك..وكل يوم هعملك كوباية لبن عشان البيبي يتغذى ويكبر
داليدا:حاضر ياماما
رشاد:خدي بالك..جو الطلوع والنزول ده مش هينفع زي زمان..انا مش عايز أي حاجه تتعبك!
داليدا:حاضر
عائشه:لا متقلقش..انا كل يوم هطلعلها أشوف كل طلباتها
داليدا:ربنا يخليكي ليا ياماما
عائشه:ويخليكي ليا يا ح...
••ولسه بتكمل كلامها لقيت ساهر واقف وشايل يوسف.. صرخت وقامت تجري هى ورشاد••
عائشه(بصويت) :يوسف.. يوسف
رشاد(بصدمه) :يوسف ابني!!!!
••خدته عائشه في حضنها ونزلت بوس في حفيدها بحرمان.. وداليدا قامت وابتسمت وقربت منهم••
عائشه(بلهفه) :ياحبيبي..ياحبيبي...ياحبيبي ياغالي...ياحبيبي
••شده رشاد منها وخده في حضنه••
رشاد(بلهفه) :وحشتني اوووي اووووي يايوسف..فينك كل ده ياحبيبي؟؟...انت جيبته ازاي يابابا؟؟
ساهر(بيضحك) :انا طول الفتره اللي فاتت كنت بخطط وبرتب لرجوع يوسف لحضننا من تاني..محبتش اتكلم في اي حاجه واخليها مفاجأه
••قربت عائشه من جوزها وحضنته وباست ايده وراسه••
عائشه:كتر الف خيرك ياساهر..ربنا مايحرمنا منك.. انا كنت هموت على يوسف..ياحبيبي انا... ياحبيب قلب جدتك
••ورجعت حضنته تاني.. ورشاد سجد لله شكر••
رشاد:اللهم لك الحمد والشكر.. اللهم لك الحمد والشكر
••ورجع باس يوسف..وبعدين قرب من داليدا وخدها تحت ايده ••
رشاد(فرحان) :بارك لـ داليدا يا بابا
ساهر(بإستغراب) :على ايه؟
رشاد:داليدا حامل!
ساهر(بفرحه) :بجد والله؟.. انتي حامل بجد؟
داليدا(بإبتسامه) :ايوه يابابا..وهتكون جدو لتاني مره
••قرب ساهر من داليدا وحضنها بإعتبارها بنته••
ساهر:الف مليون مبروك يا داليدا يابنتي
داليدا:الله يبارك في حضرتك يابابا
ساهر:طب عارفين انا اول مره افرح كده
عائشه:مانا كنت بقول لـ رشاد انه فرحان اوي المره دي مش زي المره اللي فاتت!
ساهر:علشان داليدا بنت حلال وتستاهل كل خير
داليدا:ربنا يخليك لينا يابابا..وتشيل ولادنا
ساهر:بجد فرحتوني اووي اووي
رشاد:الفرحه النهارده فرحتين..فرحة حمل داليدا.. وفرحة رجوع يوسف
عائشه:لولولولولوي
<يـوم ولادة دالـيـدا>
••كان مصطفى رجع يمشي على رجله من تاني وابتدا يحس بمشاعر ناحية فريده اخت داليدا..وفي المستشفى كانوا كلهم متجمعين وعائشه قاعده بتقرأ قرآن من المصحف..ورشاد رايح جاي قلقان على داليدا••
والد رشاد:اهدي بقى يابني.. ايه رجلك موجعتكش؟
سلمى:انا خايفه اوي..النتيجه بتاعتي هتظهر كمان شويه!
فريده:ان شاء الله هتجيبي مجموع عالي يا سلمى
سلمى(بخوف) :يارب
••لقوا صابرين خالة داليدا جايه هى وجوزها وبنتها••
صابرين:داليدا دخلت العمليات ولا لسه؟
عائشه:صدق الله العظيم...تعالي ياصابرين اقعدي..داليدا لسه داخله من 5 دقايق..بإذن الله خير
عصام:ربنا يقومهالكم بالسلامه
عائشه:يارب
غاده:خير ان شاء الله
••قام مصطفى ووقف مع رشاد••
مصطفى:بقولك كنت عايزك في موضوع كده
رشاد:مش وقتك يامصطفى..انا أعصابي تعبانه دلوقتي
مصطفى:وانت مدخلتش معاها ليه لما خايف اوي كده؟
رشاد:انت عارف الموضوع جه فجأه ومحدش فينا كان مجهز
مصطفى:طب بقولك..
••ولسه بيتكلم.. قامت سلمى وفضلت تصرخ من الفرحه••
سلمى:جيبت 98٪ ياماما!!.. جيبت 98٪!!!!!
••قامت عائشه وحضنتها••
عائشه:لولولولولوي الف مبروك ياحبيبتي..انتي تعبتي كتير اوي السنه دي والحمدلله تعبك مراحش على الأرض
ساهر(بيحضنها) :مبروك ياسلمى ياحبيبة قلبي
سلمى:الله يبارك فيك يابابا
صابرين:ماشاء الله عقبال التخرج
سلمى:يارب
مصطفى(بيحضنها) :مبروك ياسوسي
سلمى:الله يبارك فيك
فريده(بتحضنها) :مبروك ياروحي الف مليون مبروك
سلمى:الله يبارك فيكي يافريده وعقبالك يارب
فريده:يارب ان شاء الله
سلمى:مفيش مبروك يا رشاد؟
عائشه(بتضحك) :سيبي أخوكي دلوقتي.. اعصابه تعبانه وخايف.. بس ان شاء الله داليدا هتقوملنا بالسلامه
رشاد:يارب
••خرجت الممرضه وهى شايله البيبي…وكلهم جروا عليها أول ماشافوها••
الممرضه:اتفضلوا البيبي ماشاءالله
عائشه وصابرين:لولولولولوي
••وشويه وخرجوا بـ داليدا ودوها أوضتها..وكلهم كانوا قاعدين حواليها..كان رشاد قاعد جنب منها.. وعائشه قاعده على الكنبه شايله البيبي.. وفريده واقفه جنب داليدا••
فريده(فرحانه) :مبروك يا لولو..جيبتي بنوته صغيره كيوت زي القمر
داليدا(بتضحك) :قربيها مني أشوفها يافريده
فريده:حاضر
عائشه:ماشاءالله كلها داليدا
صابرين:اه والله هى داليدا الخالق الناطق
سلمى:مبروك يارشاد
رشاد:الله يبارك فيكي
ساهر:عقبال ما مصطفى يلاقي بنت الحلال وربنا يكرمه
عائشه(بتضحك) :بنت الحلال احنا لقيناها خلاص..سكره وزي القمر هى بس لسه صغننه شويه بس عادي تكبر على ايدينا
ساهر(بيضحك) :ولا صغيره ولا حاجه البنات بتكبر بسرعه
صابرين:اه والله فعلا البنات كباره
••شالت فريده بنت اختها ووديتها لـ داليدا••
داليدا:اسندوني عايزه اقعد
رشاد:حاضر ياحبيبتي..براحه على مهلك
••وسندها لحد ماقعدت علشان تشوف بنتها..وأول ماداليدا شافتها عيطت من الفرحه••
داليدا:دي بنتي بجد؟
صابرين(بتضحك) :الله امال بنت الجيران؟.. طبعاً بنتك يا داليدا..دي نسخه مصغره منك سبحان الله
داليدا(بإبتسامه) :شبهي يا رشاد؟
رشاد(فرحان) :كلها انتي يا داليدا..ربنا يخليها لينا وتكبر ونشوفها عروسه
صابرين:لولولولولوي
فريده:هتسميها ايه ياحبيبتي؟
داليدا:عايزه اسميها ليان
عائشه:احلي اسم في الدنيا علشان انتي اللي مختاراه ياحبيبتي!
فريده:مبروك يا داليدا
داليدا:الله يبارك فيكي يا فريده
<عـنـد حـسنـاء>
••بعد ما بنتها اتحبست وابنها اتقتل..جالها جلطه..وكانت طريحة الفراش..وماهر كان بيخدم نفسه بالعافيه!..كانت حسناء قاعده قصاد صورة عيالها وباصه للحيطه وبتعيط وبتتكلم في سرها••
حسناء:روحتوا وسيبتوني يا ولادي؟؟..هعيش ازاي من بعدكم؟.. ده انا مكنش ليا غيركم!..انتوا كنتوا كل حاجه في حياتي!.. فجأه كده بعدتوا عني وسيبتوني؟.. ياحبيبي يا سامي..ربنا يرحمك ويغفرلك..مت في عز شبابك يابني وقطعت قلبي عليك..قلبي مكسور اوي من بعدك.. وانتي ياصفاء..ياريتك مامشيتي ورانا..اديكي خسرتي كل حاجه بسبب طمعنا..يارب كل ده كتير اوي عليا..كتير ومش قادره استحمل..الصبر من عندك يارب
<بـعـد شـهـر>
••ساهر جمع ولاده حواليه..وداليدا وفريده••
ساهر:انا جمعتكم النهارده علشان نتكلم في موضوع مهم..انتوا عارفين كويس انا بحبكم قد ايه..وانا من يوم جوازة داليدا من رشاد وانا بعتبرها هى وفريده زي بناتي بالظبط..انا عندي ٣ بنات..سلمى وداليدا وفريده..وانا يشرفني ويسعدني ان عيلتنا تكبر أكتر..ونتقدم لـ فريده ونطلبها منك
داليدا:وحضرتك يا بابا غالي عندنا جداً..واللي تقوله احنا معاك فيه
ساهر:ربنا يخليكي يابنتي..انا عايز فريده لـ مصطفى..ايه رأيك يافريده؟
فريده(بإحراج) :مش عارفه أقول ايه!
داليدا:انا موافقه يابابا..احنا مهما نلف مش هنلاقي أحسن من مصطفى لـ داليدا
رشاد:ولا احنا هنلاقي أحسن من فريده!
ساهر:يبقى نقرا الفاتحه
••ورفعوا ايديهم وقروا الفاتحه..وبعد ماخلصوا زغردت عائشه••
عائشه:لو لولولولولولوي
داليدا:مبروك يافريده!
فريده:الله يبارك فيكي يا داليدا
••عدت الأيام وداليدا فتحت مشروع..وكانت هى واختها اللي ماسكينه..والمشروع فضل يكبر يكبر لحد مااتشهر وكانت داليدا سيدة اعمال بعد ماكانت بنت ضعيفه والدنيا جايه عليها..كانت داليدا ماشيه بتتابع شغلها ••
داليدا:برافوو كملوا
_حاضر يامدام داليدا
فريده:ممكن تخليه الناحيه التانيه أحسن؟
_كده؟
فريده:ايوه
••لقيت رشاد ومصطفى جايين من برا••
رشاد(بيحضنها) :الف مبروك ياحبيبتي
داليدا(بتحضنه) :الله يبارك فيك ياحبيبي
••راح مصطفى عند فريده••
رشاد:احنا هناخدكم ونروح لعمي ندعيله
داليدا:ياريت..كان نفسي اروح لـ بابا من زمان!
رشاد:طيب يلا بينا نروح
داليدا:ماشي.. يلا يافريده هنروح نشوف بابا
فريده:بجد؟
داليدا:ايوه يلا بينا
••ركبوا العربيه وراحوا المقابر وهناك داليدا وقفت على قبر باباها ودموعها نزلت هى وفريده..ورشاد طلع الموبايل يقرأ منه قرآن.. ومصطفى كان رافع ايده بيدعيله••
داليدا(بعياط) :عامل ايه ياحبيبي؟.. انت كويس؟..أكيد كويس طبعاً.. انت دلوقتي في احسن وأنضف مكان!.. في الجنه!..حقك رجع ياحبيبي وعرفنا مين اللي اتسبب في موتك..صفاء خلاص اتحكم عليها بالاعدام..وسامي اللي ظلمني وجه عليا كتير..اتقتل ومات!..وعارف..ربنا عوضني بأحسن وأجمل راجل في الدنيا كلها..سندي وضهري من بعدك!.. مبيهونش عليه يزعلني ولا يجرحني ولا يخليني انام زعلانه منه!.. ولو حد اتكلم عليا بيجيبلي حقي منه في ساعتها!..عارف يابابا..رشاد اشترالي فيلا..وفتحلي مشروع ووقف جنبي لحد مارجعت وقفت على رجلي من تاني..وعارف ايه الاحلى من كل ده؟..ان ربنا عوضني منه بأحلي بنت..كان نفسي تكون عايش وتشيلها!..كنت هتفرح بيها اوي انا عارفه!..وفريده حبيبتك..ربنا عوضها بـ مصطفى..هما الاتنين بجد ربنا عوضهم ببعض..فعلاً الطيبون للطيبات..واحنا علشان اللي جوانا أبيض بعتلنا اللي شبهنا.. وبعد عننا اللي كان بيإذينا قولاً وفعلاً..انت وحشتني اوي يا بابا..نفسي اترمي في حضنك واعيط واحكيلك كل حاجه حصلت من بعدك!..انت كان نفسك تطمن عليا مع اللي يستاهلني واكيد انت دلوقتي متطمن..ومبسوط بعد مابنتك.. ربنا عوضها بكل حاجه حلوه!..ربنا يرحمك ياحبيبي ويغفرلك
رشاد:ربنا يرحمه ويغفرله
داليدا:يارب
مصطفى(بإبتسامه) :يلا بينا
••خرج رشاد مع داليدا..ومصطفى مع فريده..وهما مبتسمين بعد عوض ربنا ليهم.. ركبوا العربيه ومشوا وبـ كده انتهت حكايتهم بموت الظالم..وعوض ربنا ليهم بعد التعب••
"إن بعد الصبر جبر♥️"
تمت بحمد الله