رواية حورية خطفت قلبي
الفصل الرابع 4
بقلم هبة نعيم شادي
وفجأة لقى إيد بتمسكه إيدك متتمدش عليها تاني هقطعها لك لو فكرت تمدها تاني وضربه بالبوكس في وشه
الشاب لقى في دم نازل من أنفه وبوقه خلاص سيبني أنا آسف
سيف سابه الشاب جرى وخرج من المحل
سيف بص لحورية ولاقاها خايفة وبترتجف حاول يطمنها كان نفسه في اللحظة دي يحضنها ويهديها بس طبعا مينفعش
حورية ابتسمت وشكرته
شريف دخل في ايه يا حورية
سيف متقلقش هي بخير الحمد لله
حورية مسكت ورقة وقلم وكتبت لباباها كل اللي حصل
شريف قرأ المكتوب وضمها وطبطب عليها وبص لسيف أنا بجد مش عارف أشكرك ازاي يا ابني
سيف مافيش شكر ولا حاجة دا واجبي أي حد مكاني هيعمل كده
شريف أنت جدع وابن أصول ومش في ناس كتير يعملوا كده في ناس بتقول وأنا مالي
سيف بس الخير موجود وهيفضل موجود مهما الناس اتغيرت
شريف أكيد هو أنت كنت جاي ليه
سيف أنا كنت ماشي رايح البيت وجيت بالصدفة لقيت حاجة مش طبيعية فنزلت ولقيت الشاب دا وحضرتك عرفت الباقي
شريف تسلم وتاني مرة بشكرك
سيف العفو هو حضرتك فاكرني
شريف طبعا مش أنت اللي اخدت ورد لأختك
سيف بابتسامة أيوة
شريف الورد عاجبها
سيف عاجبها جدا أختي أساسا بتحب الورد
شريف طيب ثواني
سيف اتفضل
سيف بص لحورية أنتي كويسة
حورية هزت دماغها بمعنى أيوة
بعد شوية شريف اتفضل
سيف ورد
شريف دا مني لأختك
سيف بس أنا بقى المرة دي هادفع الحساب
شريف لا مينفعش أنا مش هاخد حاجة
سيف لا حضرتك هادفع حساب الورد علشان خلاص أنا هاشتري من عندكم باستمرار
شريف المحل محلك تعالى في أي وقت وخذ اللي أنت عايزه
سيف تسلم اتفضل بقى حساب الورد
شريف برضه مصمم
سيف أيوة اتفضل
شريف ماشي واخدهم منه
سيف استاذن أنا
شريف مع السلامة يا ابني
سيف ابتسم لحورية ومشي
حورية حست بشعور غريب أول مرة تحسه وحست بفرحة
شريف طبطب على بنته وقعد يقرأ قرآن
حورية راحت ترتب في المحل
سيف راح البيت دخل السلام عليكم
نهلة وعليكم السلام ورحمة الله وبركاته الله الله على الورد
سيف دا لميرا هي جاءت ولا لسه
نهلة لا لسه
سيف طيب من فضلك يا ماما تحطي الورد دا في أوضتها
نهلة ماشي يا حبيبي هاته
سيف اتفضلي هاروح أغير هدومي وأصلي
نهلة ماشي على ما أجهز الغدا بقولك
سيف نعم يا ماما
نهلة خالتك كلمتني النهاردة
سيف بجد عاملة ايه وحشاني كتير وريم وروان عاملين ايه
نهلة كلهم بخير الحمد لله ونازلين الأسبوع اللي جاي
سيف بجد يوصلوا بالسلامة باذن الله
نهلة يا رب اعمل بقى حسابك علشان نروح نجيبهم من المطار
سيف ماشي يا ماما ابقي عارفيني اليوم
نهلة ماشي
سيف بعد اذنك
نهلة اتفضل يا حبيبي
دخل سيف أوضته
نهلة راحت تحط الورد في أوضة ميرا
شريف خلص اليوم وقفل المحل واخد حورية ومشي كان في موعد لحورية عند الدكتور لأنها بتعمل جلسات على رجلها لأنها مرت بظروف كانت مش بتقدر تمشي
ودا هنعرفه بعدين
وفي الكلية خارجة ميرا من المحاضرة هي والبنات
مرام محاضرة كانت جميلة النهاردة
ميرا هههه ما أنا عارفة أنها كانت جميلة
زينة جميلة أوي أوي
مرام تصدقوا أنكم رخمين أوي
ميرا ليه بس هو احنا قولنا حاجة
زينة شوفتيها يا ميرا لما دكتر زياد وقفها وسألها شوفتي كانت عاملة ازاي
ميرا كانت مكسوفة جدا
زينة وشوفتيها بعد ما قال لها اتفضلي أقعدي
ميرا هههه شوفت يا أختي
مرام تصدقوا أنتم رخمين وغلسين كمان أنا غلطانة أني باحكي لكم حاجة أساسا وأني واقفة معاكم
ميرا بنهزر معاك يا جميل
زينة والله بنهزر معاك أنت مبتهزرش يا رمضان
مرام هههه بحبه يا بنات جدا وقلبي كان هيطلع من مكانه أما وقفني وسألني
ميرا ربنا يفرحك يا حبيبتي
مرام معقول يعني يفكر فيا
زينة وفيها ايه يعني
دكتر زياد شاب محترم وباين عليه متواضع وأخلاقه ممتازة وبشوش كده وسنه لسه صغير
مرام ربنا يقدر اللي فيه الخير ويكون من نصيبي
لقيت اللي بيقول أمين بصوا لقوه الدكتور زياد اتحرجوا جدا
زياد ابتسم وقال لهم ممكن أعدي بس أنتم قافلين الطريق
مرام مصدومة مش بتتكلم بص لها وعينيهم اتقابلوا وفضلوا باصين لبعض شوية
ميرا احنا آسفين يا دكتر
زياد انتبه لا مافيش حاجة ومشي
زينة هههه بت يا مرام
مرام مش حاسة بالدنيا
زينة أنتي يا بنتي وخبطتها في كتفها
مرام بتوهان ايه نعم
ميرا ههههه مرام في ملكوت تاني
مرام ايه يا بنات
زينة ولا حاجة تعالي نمشي بقى منظرنا بقى وحش خالص
مرام ليه
ميرا هو ايه اللي ليه يالله يا حبيبتي فوقي كده
مرام أنا فايقة أهو يالله بينا
البنات ضحكم عليها وفضلوا يفتكروا ويضحكوا كل واحدة ركبت عربيتها ومشيت