رواية حلم واقع الفصل الثالث والعشرون23والرابع والعشرون24بقلم رانيا عماره
ام وائل :بتبلغي عنها ليه ياماجده مهما كان كنتي استري عليها دي بنت اختك
ماجده :استر علي مين اسكتي دي بت فقر تستاهلها اما متعرفيش هي فين
ام وائل: لا ابدا معرفش مكانها
ماجده:ااه طيب طب ابقي سلميلي علي عيالك
ام وائل:يوصل
وكل ده وعبير سامعه كل كلمه بتتقال
عبير:يانهار اسود ومنيل!! طب وحياتك عندي ياخالتي لاطلع القديم والجديد علي جتتكم
*وراحت داخله الأوضه وباعته مسدجات لـ خطيب هبه من اكاونت فيك*
عبير:الاخت الـ انت خاطبها وهتتجوزها قريب بتحطلك سحر في أكلك وانت عبيط واهبل بتاكل ولا حاسس بـ حاجه زي مااختها الكبيره عملت مع جوزها امال كانت رايحه غضبانه عند امها كل شويه ليه وايه سر اختفائها الا ان جوزها حب يخلص منها بعد الـ عملته فيه انا قولت ابلغك تلحق نفسك الا كفايه ضحايا اكتر من كده
وراحت قافله الاكاونت وبقيت قاعده مبسوطه انها خربت لـ بنت خالتها فرحها
عبير:تستاهلها امال خالتي تخرب عليا واحط ايدي علي خدي واقولهم براڨو هه مش انا الـ يتعمل معايا كده
فـ لقيت خالتها داخلالها
ام وائل:الكلام الـ انا سمعته ده بجد؟
عبير(بتستعبط) :كلام ايه؟
ام وائل(بصوت حاد) :عملتي ايه في جوزك يابت
عبير:ولا اي حاجة ياخالتي ده انا دخلت من برا لقيته غرقان في دمه
ام وائل:ااه قولتيلي انتي هتحوري عليا بقولك ايه انتي تاخدي حاجتك وتمشي من هنا الشرطه قالبه عليكي الدنيا ولو عرفوا مكانك انا هروح في الرجلين وانا كبرت ومابقتش حمل جري على الاقسام
عبير:بقي كده ياخالتي هتسيبي بنت اختك في الظروف الـ هي فيها دي؟ عموما انا متشكره كفايه اني منمتش من امبارح ولا دوقت طعم النوم شكرا ياخالتي شكرا
ودخلت لمت حاجتها
عبير:انا ماشيه
ام وائل:مع الف سلامه
عبير في الشارع
عبير:طيب اروح فين دلوقت وانا كل الناس اتخلت عني يلا زي ماتيجي
وراحت نامت في مكان متداري وغطت نفسها
_____تاني يوم____
صحيت ساره ملقتش فتحي في الاوضه فـ اتصلت بـ ياسر
ساره(بصوت واطي) :صباح الخير
ياسر:صباح النور فتحي نزل ولا لسه
ساره(بصوت واطي) :خليك معايا هقوم اشوفه
ياسر :ماشي ياساره
وقامت تدور عليه ملقيتهوش
ساره(بصوت واطي) :شكله نزل المهم استعد
ياسر:انا هجهز وهروح انا وتيم
ساره:طيب خدوا بالكم من نفسكم
ياسر:ماشي يلا عايزه حاجه سلام
ساره:ميرسي سلام
ودخلت ساره الاوضه وكانت قاعده قلقانه
ياسر(في الموبايل) :ايوه ياتيم اجهز انا هجيب البنت عدي عليا ومتنساش الماسك
تيم:تمام انا جاهز ومستني
ياسر:ماشي اشوفك على خير
وقفل معاه ولين خبطت علي تيم
لين:تيم متروحش
تيم:ايه الـ بتقوليه ده يا لين؟
لين:خايفه ياتيم الا فتحي يعمل فيكم حاجه
تيم:متقلقيش انا لابس بدله وقايه في جسمي كله ومأمن نفسي
لين:انا هاجي معاك ياتيم
تيم:مينفعش يا لين انا عايزك تقعدي وتطمني هنخلص الموضوع وهنرجع
لين(بخوف) :طمني عليك
تيم(بإبتسامه) :حاضر ادخلي اوضتك وانا هروح
لين(متردده) :ماشي ياتيم
ودخلت اوضتها وهي بتبصله ومتردده وخايفه
*عند عبير طلع عليها النهار وهي نايمه في الشارع*
عبير(بتفوق) :انا لازم امشي من هنا المكان مش أمان عليا
وقامت وهي ماشيه لقيت حد سحبها
عبير(بصويت) :لاااا ابعدوا عني سيبوني
لحد مااتاخدت في مكان ضلمه
عبير(بصويت) :لاااا انتوا مين؟؟
شخص مجهول:ازيك ياعبير عامله ايه
عبير:انتي مين؟
شخص مجهول:مش هتعرفيني بس احب اعرفك بنفسي انا مرات علي الاولي الـ اتجوزك عليا
عبير:انتي كدابه انتي مش مراته لو كنتي مراته كنت شوفت اسمك في القيد العائلي الـ جيبته علي مش متجوز حد
شخص مجهول:ومين قالك ان القيد العائلي الـ انتي جيبتيه حقيقي؟
عبير:انا مش فاهمه حاجه انتي مين؟؟
فلاش باك
() انا عرفت ان علي له علاقه بيكي من فتره بدأت اراقبك واعرف بتروحي فين وبتيجي منين وبالأماره روحتي للموظفه وادتيها رشوه علشان تخلصلك الورق ويطلع في أسرع وقت بس انا دخلت بعد منك وسألتها ولـ حسن الحظ انها صاحبه اختي
_ لو سمحتي عايزه اعرف الست الـ لسه داخله عندك دي هي شعرها اسود ومتوسط ولابسه نضاره شمس كانت طالبه منك ايه؟
لقيتها بتقوم وبتبصلي بإستغراب وقالتلي
الموظفه:انتي مني؟ اخت لمياء؟؟
_اها انا انتي تعرفيها؟
الموظفه:طبعا دي صاحبتي الانتيم انا عرفتك من الملامح قريبه من بعض جدا
_طب والله دي صدفه حلوه اني قابلتك
الموظفه:احلى صدفه، قوليلي عايزه تعرفي ايه؟
_زي ماسألتك كده الست الـ دخلت عندك من شويه ولابسه نضاره شمس كانت بتسأل عن ايه؟
الموظفه:كانت طالبه مني قيد عائلي لـ أستاذ علي جوز حضرتك
_طالبه منه قيد عائلي بصفتها ايه؟؟
الموظفه:بيني وبينك الحقيقه شكل استاذ علي ضحك عليها وفهمها انهم متجوزين وهي كانت جايه تتأكد
_ضحك عليها؟؟؟
وطبعا كنت في حاله صدمه شديده بس تمالكت اعصابي وطلبت منها شويه حاجات
_انا عايزاكي تعملي الـ هقولك عليه بالحرف الواحد
الموظفه:وانا تحت امرك كفايه انك من طرف اقرب الناس ليا ()
شخص مجهول:كنتي فاكره انك ذكيه وعايزه تقشي الـ وراه والـ قدامه؟ ده بـ عينك انا مش زعلانه منك لا بالعكس بس عايزه اقولك انك مغفله لان علي مستحيل حد يعرف يضحك عليه ودايما عينه في وسط راسه وزي ماحصل وانا مابقتش مستغربه لانه خاني بدل المره مليون بس المره دي الـ كانت غريبه عليا شويه
عبير:وانا مطلوب مني ايه؟
شخص مجهول:مش مطلوب منك حاجه انا جيت اخد حقي منك ومنه وهعرف هاخده ازاي كويس
عبير:سيبيني في حالي وهديكي كل الـ انتي عاوزاه بس سيبيني
عند تيم وياسر كان تيم راح لـ ياسر وخدوا البنت وجهزوا حاجتهم وركبوا العربيه
تيم:انا هنفذ الـ اتفقنا عليه
وبعت لـ هبه بنت ماجده حته من تسجيل المكالمه لما فتحي قال هاتولي بنتي بس مش عايز بنت اختي
تيم:كده تمام نص ساعه والدنيا هتولع حريق
ياسر(في التليفون) :الو جهزت الـ قولتلك عليه؟
فتحي :الو ايوه الفلوس معايا اخد منك البت الاول وتستلم فلوسك
ياسر(في التليفون) :الفلوس تكون كامله تنقص جنيه واحد مش هحلك
فتحي:الفلوس جاهزه وكله في السليم
ياسر:مستنيك في المكان الـ اتفقنا عليه
وقفل السكه في وشه وبدأ يتحرك للمكان الـ اتفقوا عليه وكان تيم وياسر مجهزين المسدسات واول ماوصلوا كان فتحي جاي ومعاه رجالته بالعربيه ووقفوا بالعربيات وياسر نزل وكان ياسر وتيم لابسين ماسكات
ياسر(بحذر) :احدف الشنطه
فتحي:وانا ايه ضمني انك هتاخد الفلوس وهترجعلي البت منار؟
ياسر:سلم وهتستلم وانا قد كلامي مبرجعش فيه
فتحي(بيفكر) :حلو الكلام
وراح حادفله الشنطه راح ياسر ماسكها بـ ايده وراجع لـ ورا بـ ضهره وتيم نزل من العربيه وفي ايده المسدس والايد التانيه ماسك منار
فتحي:هات البت
ياسر:نعد الفلوس الاول
وكان بيعد الفلوس ويرجع يبص بسرعه لـ فتحي وهكذا الا يستغل انه مشغول ويهزمه هو والـ معاه
ياسر :تمام الفلوس كامله، اديله البنت
راح تيم سايب البنت وطلعوا يجروا بضهرهم ركبوا العربيه وكانوا مجهزين المسدسات وراح ياسر مطلع راسه من العربيه وقاله
ياسر:ابقي ادي الفلوس لـ ابوها الحقيقي يافتحي اصل انت متعرفش؟انت عندك عقم ومش بتخلف
وراح حادفله التحليل في ايده وضاربه رصاصه في كتفه وطلع يجري بالعربيه وكانت رجاله فتحي بتضرب نار على العربيه بتاعتهم
فتحي(بتعب) :اااه انقلني علي المخزن بسرعه ياض بسرعه ومتنساش الورقه دي
_حاضر يامعلم
وخدوه علي المخزن
فتحي(بتعب) :اااه كتفي روح بسرعه سخن سكينه علي النار وتعالي
عند هبه وماجده
ماجده:خطيبك هيجي امتي يابت ياهبه
هبه:مش عارفه ياماما هدخل اسأله
وبتفتح الواتس لقيت رقم غريب باعتلها ويكورد فتحته وبدأت تسمع الـ فيه
(فتحي:هههه انت فاكرني بيدخل عليا شغل العيال ده اعمل الـ تعمله
ياسر:يعني مش همك يبقي اسمع خبرهم الصبح
فتحي(بقلق) :ماجرا ايه ياجدع الكلام اخد وعطا بس الـ 200 الف كتير
ياسر:كتير؟ يعني تدفعهم ولا اطير رقبه بنتك وبنت اختك
فتحي:انا هدفعلك 100 الف وهاخد البت بتي وبس مش عايز بت اختي)
هبه:يانهار اسود.. يامامااا.. يامامااا
ماجده:ايه في ايه؟؟
هبه:اسمعي بسرعه
وشغلت الريكورد وبعد ماسمعوه
ماجده :نهارك اسود يافتحي!!! يعني انت عارف ان حنان مخطوفه وساكت ومكتم؟؟ وكل الـ همك بنتك وبس؟؟ انما بنتي في داهيه مش همك؟؟ ورحمه أمي لأوريك انا الـ يجي علي عيالي مبيكسبش
هبه:يعني حنان مخطوفه؟
ماجده(بزعيق) :انتي مش سامعه خالك فتحي بيقول ايه اختك مخطوفه من بدري واحنا ولا هنا
ولما تيم وياسر رجعوا المكان السري بتاع ياسر كانت حنان مربوطه
ياسر:خليكي هنا زي الكلبه
حنان(بتعب) :اااه تعبانه منكم لله
تيم:انتي والـ من امثالك تستاهلكوا اكتر من كده
ياسر:سيبك منها احنا هننزل بمستوانا؟ ادخل ياتيم خلينا نعدهم تاني
تيم:طيب
ودخلوا في اوضه جوا وبداو يعدوا الفلوس
ياسر(بضحكه طويله) :هاهاهاااي حلو اوووي
تيم:الـ 200 الف دول ميجوش حاجه فـ الـ لسه باقيلي انا باقيلي 150 الف كمان
ياسر:سهله دي بقي مهمه ساره
تيم:اوف!!
ياسر :في ايه؟
تيم:تفتكر ان فتحي مش هيشك في ساره بعد الـ حصل ده؟
ياسر:ساره ولا كأنها عارفه حاجه وهتمشي مع الموضوع عادي وبكل بساطه
تيم:فتحي لو شك ان ساره ليها دخل بالموضوع هيخلص منها
ياسر:متقولش كده ياتيم بمجرد مااخر جزء يوصل يبقي الموضوع انتهي
تيم :ربنا يسهل ونعرف نرجع الباقي
*عند فتحي*
فتحي:اااه
_بالشفا يامعلم فتحي
ولفله كتفه بالشاش والقطن
فتحي:خد البت رجعها لأمها
وبعدين افتكر الـ ياسر قالهوله
فتحي(بزعيق) :استنى هناا
منار:بابا بابا انت وحشتني انت وماما
فتحي:هات التحليل الـ قولتلك عليه
_اهو
فتحي(بيبص فيه) :اتصل بـ المدام الجديده
_حاضر
واتصل بـ كارولين
فتحي:الو ياكارولين انتي فين
ساره(بتوتر) :مممم انا هون في البيت
فتحي :انا جايلك
ساره(بتوتر) :شو عملت طمني؟
فتحي:ااه هحكيلك الـ حصل لما اجي
ساره:شو بك انت منيح؟
فتحي :لا مش منيح انا تعبان ياكارولين جايلك وهقولك حصل ايه
ساره:اوكي باي
فتحي:سلام... حماده خد بالك من المخزن وانا هرجع البيت وهاخد البت منار معايا
حماده:حاضر يامعلم فتحي
وخد البنت ورجع البيت اداها لأمها
مراته(ملهوفه) :بنتي بنتي ياقلب امك كنتي فين وحشتيني وحشتيني ياقلب امك تعالي انتي كويسه؟
منار:اه يا ماما
فتحي:خدي البت وادخلي
وخد التحليل وطلع لـ ساره
ساره:انت منيح؟
فتحي:انا منيل بـ زفت ومليون قطران فهميني ايه الـ في التحليل ده
ساره:اوكي
وخدته وبدأت تقراه
ساره(بصدمه) :فتحي..!
فتحي(بقلق) :في ايه؟؟
ساره(بصدمه) :فتحي انت...
فتحي(بقلق) :انا ايه ماتنطقي!!!
ساره:فتحي انت عندك عقم
فتحي: ايه؟؟؟ يعني ايه
ساره:يعني مو بتخلف
فتحي(بزعيق) :يانهار اسود ومنيل بـ مليون نيله والعيال دول عيال مين؟؟؟؟
ساره:اكيد مو عيالك بس هدي حالك
فتحي(بزعيق) :ده انا ههد الدنيا فوق دماغ الكل بقي انا تستغفلني؟؟؟؟؟
وراح واخد نفسه ونازل لـ مراته
فتحي(بعصبيه) :فين البت منار هي فين
مراته:في ايه؟؟؟ مالك جاي تتخانق كده ليه؟
فتحي(بزعيق) :بقولك فين البت... اوعي من وشي
وزقها ودخل خد البنت ومراته دخلت وراه
مراته(بصويت) :في ايه ماتفهمني؟
فتحي(بزعيق) :اوعي من وشي دلوقت اوعي بقولك
*وزقها وخد البنت وراح المستشفى *
فتحي(بعصبيه) :عايز اعمل تحليل تحديد النسل
الممرضه:ممكن حضرت تهدي؟
فتحي(بعصبيه) :بقولك ايه انجزي الحوار مش عايز لوك لوك انا عايز اعمل تحليل تحديد النسل انجزي
الممرضه:طيب حضرتك روح الاوضه الـ هناك دي واعمل طلب الأول
فـ خد البنت وكانت بتعيط لانه اخدها بـ عنف
فتحي:عايز اعمل تحليل يادكتور تحليل بسرعه
الدكتور:تحليل ايه؟
فتحي:البت دي مش بتي وقالولي اني عندي عقم ومبخلفش عايز اتأكد من الكلام الـ اتقالي
الدكتور:انت عارف انت بتطلب ايه؟ الموضوع ده مش سهل
فتحي(بعصبيه) :مش شغلتي انجز الا اوديكم في 60 داهيه في ايييييه؟؟؟
الدكتور(بخوف) :حاضر
وراح جاب الحقن ونده الممرضين
الدكتور(بخوف) :هاتي ايدك ياحبيبتي
منار(بعياط) :مبحبش الحقن
الدكتور:دي مش حقنه دي لعبه يلا هاتي ايدك
وسحب ايديها وكتفوها وخدوا منها عينه ومن فتحي عينه
فتحي:النتيجه هتطلع امتي؟؟؟
الدكتور:بعد 24 ساعه
فتحي:انا عايز النتيجه دلوقت
الدكتور:حضرتك مينفعش
فتحي(بزعيق) :هو ايه الـ مينفعش بقولك عايزها دلوقت
وطلع من جيبه فلوس كتير وادهاله فـ الدكتور بص له وهو في حيره
الدكتور:استني نص ساعه
فتحي(بعصبيه) :اديني مستني اهو خلصوا
عند عبير كانت لسه مربوطه وبتصوت
عبير:اااه تعبانه.. تعبانه اووي
واغم عليها فـ مرات علي دخلت لقيتها مغم عليها
_يانهار اسود انا كده هروح في داهيه.. انت يازفت... انت يازفت رد عليا تعالي
=في ايه الـ حصلها
_مش عارفه احنا لازم نخلص منها قبل مانروح في داهيه.. يلا فكها وشيل معايا
وبالفعل فكوها وخدوها في العربيه
_حلو هنا عند المستشفى
واول ماوصلوا عند المستشفى راحوا رامينها من العربيه وطلعوا يجروا.. فـ الممرضين شافوها وهي بتترمي راحوا واخدينها جوا بسرعه
الممرضه :الحق يادكتور في واحده اترميت قدام المستشفى
الدكتور:انا جاي حالا
ولما شافها وكشف عليها
الدكتور:الحمدلله الجنين بخير عايزين نعرف مين دي شوفي اي إثبات شخصيه معاها
الممرضه:حاضر يادكتور... اسمها عبير محمد محمد هاشم.. مكتوب انسه ومعاها بكالريوس اداره اعمال
الدكتور:انسه؟ ازاي انسه؟ طيب علقيلها المحاليل ولما تفوق بلغيني
الممرضه:حاضر يادكتور
عند فتحي كانت قاعد متعصب وعلي اعصابه والبنت عماله تعيط
منار(بعياط) :ودوني لـ ماما عايزه ماما
فتحي(بعصبيه) :اخرسي مسمعش صوتك
منار(بعياط) :مليش دعوه عايزه ماما
فتحي(بعصبيه) :اخرسي بقولك
الممرضه:النتيجه طلعت اتفضل عند الدكتور
فتحي(بعصبيه) :قومي قدامي
وخد البنت ودخل للدكتور
الدكتور:انا مش عارف اقولك ايه
فتحي(بزعيق) :ماتتكلم بقولك
الدكتور: قبل اي حاجه اهدي وهدي اعصابك الحقيقه ان حضرتك عندك عقم من وانت صغير والعقم ده وراثي من حد في العيله سواء عم او خال او اي حد من بعيد ونسبه الانجاب عندك لا تتراوح 2٪
فتحي(بصدمه شديده) :يعني ايه؟ يعني دول مش عيالي؟ البت دي مش بنتي؟؟؟ واخواتها مش عيالي؟؟ انا بيتلعب بيا؟؟
الدكتور:انا قولت لـ حضرتك اهدي ومتاخدش الموضوع علي....
فتحي(بيقاطعه بزعيق) :انا ههد الدنيا فوق دماغها يعني اييه؟؟
وسحب البنت وخدها ورجع لـ مراته والشر ماليه واول مادخل رمي البنت علي الارض وراح ماسك في مراته
مراته(بصويت) :في ايه يافتحي ماتفهمني مالك جاي والشر ماليك كده ليه
فتحي(بكل غل) :بتخونيني يازباله؟؟؟ بتخونيني مع راجل تاني؟؟؟ العيال دول عيال مين انطقي!!!!
مراته(بصويت وعياط) :ممم... مين... مين الـ قالك الكلام ده انت تصدق عني كده
فتحي(بزعيق) :قسما بالله العظيم ان مانطقتي لأصفي دمك.. دول عيال مين؟؟؟
مراته(بعياط) :خ...خلاص خلاص هقولك
فتحي(بـ غل) :مين؟؟
مراته(بعياط) :عيال... عيال...
فتحي(بزعيق) :عيال مييين؟؟
مراته(بعياط) :عيال فريد يافتحي عياله
وفضلت تلطم وتصوت وهو سابها وكان مبرق وفي حاله صدمه شديده
مراته (بتلطم) :يامصيبتي السوده يامصيبتي ياني
فتحي(بزعيق جامد) :هموتك بتخونيني انا؟؟؟ مع فريد؟؟؟؟
مراته(بتلطم) :هتعمل ايه هتعمل ايه؟
ودخل جاب سكينه ودبحها ومكنش في وعيه والشيطان قدامه وكان في حاله صدمه شديده
منار(بعياط) :ماااامااااااا مااامااااا
راح فتحي نازل ورايح لـ فريد
عند لين وتيم وياسر في الكافيه
لين :كويس اووي ناقص ساره تخلص اخر مهمه وحقنا يرجع بقي انا ماما وحشتني اوي نفسي حياتنا ترجع لـ طبيعتها
تيم:اه والله وتيته وحشتني اووي بس خلاص هانت
لين:اهم حاجه انكم بخير انا كنت خايفه اوي لـ فتحي يعمل حاجه فيكم
تيم(بيضحك) :فينا كلنا ولا حد بس؟
لين(بتضحك) :خلاص بقي ياتيم
ياسر:ساره بتتصل.. الو ايوه يا ساره في ايه؟
ساره:الحق يا ياسر.. فتحي قتل مراته
ياسر:ايه؟؟
الفصل الرابع والعشرون
ياسر:ساره بتتصل.. الو ايوه يا ساره في ايه؟
ساره:الحق يا ياسر.. فتحي قتل مراته
ياسر:ايه؟؟
ساره:زي مابقولك كده قتلها والدنيا مقلوبه انا خايفه يا ياسر خايفه فتحي يدير عليا انا كمان
ياسر:اسمعي كويس ياساره عايزك تتمالكي اعصابك وتحاولي علي قد ماتقدري تعرفي فلوس فتحي فين وانا هعرف من جوز حنان المهم تتمالكي اعصابك عن كده ومتبينيش اي حاجه
ساره:مستحيل فتحي يرجع تاني بعد الـ حصل بقولك الدنيا مقلوبه عليه والشرطه هنا بتحقق في الموضوع فتحي دبحها وخلص عليها ومشي
ياسر:اعملي زي مابقولك حاولي تعرفي الفلوس فين بالظبط
ساره:حاضر
ياسر:خدي بالك من نفسك
ساره:حاضر يا ياسر
ياسر:سلام
ساره :سلام
تيم:في ايه؟
ياسر:فتحي قتل مراته
تيم:اكيد قتلها بعد الـ انت قولته وهو مين يستحمل الخيانه ده مخدش علي قفاه من دي بس لا ومن التانيه الـ ضحك عليها وكان فاكر انه كده ضحك عليها بس الحقيقه انها هي الـ ضحكت عليه
لين:احنا دلوقت كل شغلنا اننا نعرف مكان الخزنه ونستغل ان فتحي هربان دلوقت
ياسر:ومين قالكم ان فتحي هيهرب وهو ايده فاضيه ده اكيد مأمن نفسه كويس
تيم:عندك حق المهم اننا نحاول من الناحيتين عند ساره وعند صبري
نرجع لـ عبير كانت بدأت تفوق
الممرضه :حمدلله على السلامه
عبير(بتبص حواليها) :انا فين؟
احمدي ربنا ان الجنين فضل عايش
عبير(بإستغراب) :جنين ايه؟
الممرضه:انتي حامل في 20 يوم والحمل لسه في اوله وضعيف ده الف خير انه منزلش بعد رميتك من العربيه
عبير(بعياط) :يعني انا حامل؟
الممرضه:طبعا دي اكبر نعمه من عند ربنا.. الدكتور هيكتبلك شويه مثبتات وممنوع الحركه لحد بعد 4 شهور
عبير(في سرها) :ربنا اكرمني بـ حته مني بعد امي ما ماتت هي وابويا وسابوني وحيده لواحدي وبلطش في الدنيا يمين وشمال؟ معقول انا كنت غلطانه للدرجادي وكنت ماشيه في طريق غلط؟ مكنتش حاسه ان الـ بعمله غلط طمعي وصلني لحاجات كتير وحشه.. تفكيري الغلط الـ كله شر وقعني في شر اعمالي كل الـ حصلي ده اكبر عقاب من ربنا ليا.. انا غلطت كتير بس جه اليوم الـ هفوق فيه واعمل الصح
عند فتحي راح مكان فوق الجبل واتصل بـ فريد
فتحي:انت فين؟
فريد:انا في مشوار ليه في حاجه؟
فتحي:تعالالي علي المكان بتاعنا
فريد:طيب قولي في حاجه؟
فتحي:بقولك تعالالي علي المكان بتاعنا
فريد:طيب جايلك
وكان فتحي مدي ضهره وماسك سيجاره بيشربها وعلي وشه غضب ربنا لحد ما فريد جه
فريد:خير جايبني علي ملي وشي ليه؟
راح فتحي ضاربه بوكس في وشه وماسكه من هدومه
فتحي(بـ غل وزعيق) :فاكرني مغفل؟؟؟ باخد علي قفايا؟؟ فتحي الـ عايشها بالطول والعرض يتعمل معاه كده؟؟ دخلتك بيتي واكلتك وشربتك بس منيمتكش علي سريري انت الـ نمت عليه من ورايا ماهو انا مغفل يافريييد
*وضربه كمان مره*
فريد(بتوتر) :انت بتتكلم عن ايه
فتحي(بزعيق) :هتستعبط ياروح امك؟ فاكر الحركات دي هتدخل عليا؟؟ عملت كده امتي؟؟؟
فريد(بتوتر) :هقولك.. هقولك..انا..انا عملت كده لما انت كنت مسافر الشيطان ضحك عليا
فتحي(بيضربه) :مش فتحي الـ يتعمل معاه كده ياروح امك انا هغسل عاري بـ ايدي زي ماغسلته من شويه انا هاخد حقي منك زي ماخدته منها
*وبيرفع عليه المسدس*
فريد(بخوف) :انت هتعمل ايه يافتحي استهدي بالله ونزل سلاحك
فتحي(بيضحك) :هاهاها بتستغفلوني في سفري؟؟؟؟
فريد(بخوف) :اسمعني وبلاش تخلي الشيطان يلعب في دماغك
فتحي(بزعيق) :وهو لسه هيلعب ياروح امك؟
غور في ستييين داهيييه
*وراح ضاربه طلقتين في دماغه*
فتحي(بصويت) :كلكم زباااااله انا مش هرحم حد مش هرحمكم ياشويه ناس زبااااله
عند ماجده وبنتها هبه
كانت هبه قاعده لقيت خطيبها باعتلها مسدج
(بتستغفليني ياهبه وانا الـ كنت واثق فيكي ومديلك الامان تطلعي انتي وامك واختك بالحقاره دي وانا اقول اختك مالها غضبانه عندكم كل شويه ماهو من عمايلكم انسي يابنت الحلال اني كنت في حياتك وحاجتي ترجعلي الا قسما بالله اوديكم في داهيه، نسب يعر) وراح عاملها بلوك
هبه(بصدمه) :لااا لااا عرف منين؟؟ اكيد عبير هي الـ ورا الموضوع ده ايوه اكيد اتغاظت مننا بعد مابلغنا عنها فـ حبيت تنتقم مني
*وقعدت تصوت وتلطم*
ماجده:مالك يابت فيكي ايه؟
هبه(بتصوت) :حياتي اتدمرت ياماماااا حياتي اتدمرت
ماجده(بصدمه) :انا مش فاهمه حاجه؟
هبه(بصويت) :حد بعت لـ سامي كلام عننا بالـ بيحصل ومحدش يعرف الكلام ده غير عبير وهي الـ ورا كل ده دمرتلي حياتي ياماما دمرتها
ماجده(بصدمه) :يابنت الجزم طيب والله لـ تقعي تحت ايدي وما حد هيرحمك مني.. اهدي ياهبه انا هرجعلك حقك استنى نتصل بـ خالك
هبه(بصويت) :منها لله دمرتلي حياتي انا كان مالي ومال كل ده اهو جه علي دماغي في الاخر
ماجده:اسكتي بقي ياهبه اسكتي انا دماغي تعبانه خلقه سيبيني اتصل بـ خالك واقوله وهو يتصرف معاها
ماجده(بتتصل بيه) :الو... الو... يافتحي
فتحي(بصوت تعب) :انا قتلت مراتي ياماجده
ماجده(بصدمه) :انت بتقول ايه؟؟قتلت مين؟
فتحي (بيضحك) :قتلتها ياماجده وغسلت عااري بـ ايدي كانت مغفلاني انا مبخلفش مبخلفش
*وقفل السكه في وشها*
ماجده:يانهار اسود ومهبب ايه الـ بيحصلنا ده؟؟ يعني اختك تتخطف وانتي خطيبك يسيبك وخالك يقتل مرات هو في ايييه؟؟
عند الشرطه وهي في مسرح الجريمه
الظابط:انقلوها علي المشرحه ومحدش فيكم يلمس حاجه علشان البصمات
_تحت امرك يافندم
الظابط:قوليلي ايه الـ حصل؟
منار(بعياط) :ماما رجعولي ماما
الظابط:هنرجعهالك بس اتكلمي متخافيش
منار(بعياط) :بابا مسك السكينه وقتلها
الظابط:بابا الـ هو فتحي مش كده؟
منار(بعياط) :بابا فتحي قتل ماما بـ سكينه
الظابط:احكيلي الـ حصل من الاول خالص انتي كنتي فين؟
منار(بعياط) :كنت.. كنت انا وماما في اوضه
الظابط:تمام وبعد كده ايه الـ حصل؟
منار:جه بابا زعق وماما خرجت فـ ضربها
الظابط:متعرفيش ضربها ليه؟
منار(بعياط) :لا
فـ لقي ساره نازله وبدأت تتكلم معاه
ساره:انا مرات فتحي الجديده واعرف كل حاجه عنه
عند تيم و لين كانوا راجعين في الطريق وتيم كان بيبص لـ لين نظرات كلها حب
تَيِم(بإبتسامه) :هانت يا لين خلاص
لين(بإبتسامه) :مش مصدقه ان كل ده حصل الفتره الـ فاتت ولا مصدقه اننا اتقابلنا
تيم:انا اكتر حاجه مستغربها اننا اتقابلنا دي مش صدفه ده قَدر.. والقدر هو الـ جمعنا وخلي بينا حاجات كتير مشتركه حتي مصلحتنا كانت مشتركه
لين:ده حقيقي ياتيم انا مؤمنه بـ قدر ربنا وبفكر كتير لو ده صدفه بس قلبي بيقولي انه قدر زي ما قلبك بيقولك
تيم:ولو صدفه فـ هي احسن صدفه حصلتلي في حياتي
لين(بإبتسامه) :احسن صدفه بالنسبالي انا كمان
تيم(بإبتسامه) :طيب ادخلي ولو احتاجتي اي حاجه انا جنبك
لين(بإبتسامه) :وانت كمان ياتيم
وشاورتله وكل واحد دخل اوضته
عند ياسر دخل لـ حنان وفكها
حنان(ماصدقت) :انا مش مصدقه انك فكتني مش مصدقه
*راح رافع عليها المسدس*
ياسر:تعرفيلي فلوس فتحي فين فاهمه؟
حنان:انا معرفش فلوسه فين
ياسر:تعرفيلي وتتصرفي انا هسيبك تمشي بس لو حد عرف حاجه بالـ حصل هعرف اوصلك تاني ولو لآخر الكون انا كان في ايديا اقتلك واخلص عليكي بس مش هعمل كده لانه بمزاجي واي حركه نداله هتندمي عليها
حنان:طيب سيبني امشي بالله عليك
ياسر:تعالي معايا
حنان:هتعمل ايه
ياسر:تعالي بقولك
ولف قماشه حوالين عينيها وخدها ركبها في العربيه ولما وصلوا قريب من بيتها راح منزلها وهي فكيت القماشه وكل ده علشان متعرفش المكان ده فين وتوصفه للشرطه لو بلغت
كانت ماجده قاعده هي وهبه يندبوا حظهم لقوا الباب بيخبط
ماجده:قومي افتحي
قامت هبه تفتح لقيتها حنان اختها ومتبهدله جدا
هبه:حنان!!
وحضنتها وماجده قامت تحضن بنتها
ماجده:وسعي كده... تعالي في حضن امك كنتي فين وايه الـ حصلك ومين الـ عمل كده؟؟
حنان(بتعب) :عايزه ارتاح ياماما
ماجده:تعالي معايا تعالي اقعدي في اوضتك
وخدتها ودخلوا الاوضه
ماجده:قومي سخني لأختك الاكل وهاتيلها العصير الـ في التلاجه زمان جسمها ضعفان وعايزه تتغذي كويس
هبه:حاضر
ماجده:طمنيني عليكي انتي كويسه؟؟
حنان(بعياط) :اتبهدلت اوي ياماما
ماجده:انتي رجعتي ازاي؟؟؟
حنان(بعياط) :الـ خطفني هو الـ فكني وطالب مني معلومات عن خالي فتحي
ماجده(بزعيق) :يعني كل الـ حصلنا ده بسبب خالك فتحي!!
حنان(بعياط) :ايوه ياماما كل ده بسببه هو
ماجده:ياعيني عليا وعلي بختي هقول ايه ولا اعمل ايه بعد المصيبه الـ خالك عملها بقي يقتل مراته
حنان(بعياط) :هو قتلها
ماجده:قتلها يلا الله يرحمها نصيبها كده
حنان(بعياط) :انا عايزه حقي ياماما
ماجده:بطلي ندب احنا عايزين نعرف منك مين ده
حنان:معرفوش كان لابس قناع علي وشه هو والـ معاه حتي لقيتهم داخلين النهارده وفي ايديهم شنطه دخلوا الاوضه وكنت سامعه صوتهم شكلهم كانوا بيقسموا فلوس
ماجده:والبت منار مرجعتش معاكي؟
حنان:فتحي دفع لـ بنته وخرجها مرضاش يدفعلي
ماجده :مااشي يافتحي ليلتك سوده بقي انت تعمل كل مصيبه والتانيه وانا استر عليك
نرجع لـ عبير فكت الكانيولا وراحت القسم تبلغ عن نفسها واعترفت بكل حاجه حصلت
عبير(بـ حزن وتعب) :عايزه ابلغ عن نفسي
الظابط:تبلغي عن نفسك في ايه؟
عبير:ابلغ عن نفسي اني الـ ضربت علي وان انا الـ عملت فيه كل ده
الظابط:الادله عندنا مش محتاجين كلامك بنت خالتك جات وورتنا الفيديوهات
عبير:انا عارفه وعارفه اني غلطت ومستعده اتحمل نتيجه غلطي
الظابط:ضربتي علي ليه؟
عبير(بـ حزن) :ضربته لانه ضحك عليا واتجوزني عرفي وانا اكتشفت ده والـ اكتشفته مؤخرا انه متجوز واحده تانيه بس دي مراته الاولي وهو عمل كل ده علشان ينصب عليا
الظابط:وهو ينصب عليكي ليه؟
عبير:علشان انا كنت ناويه اعمل كده قبله وكنت طمعانه فيه وفي الـ معاه بس اكتشفت ان الفيلا والعربيه مش بتوعه وطلعوا إيجار
الظابط:وانتي عمرك ماشوفتي العقود ولا بصيتي فيها ؟
عبير:بالعكس كل ده حصل في تاني وتالت يوم جواز وقعدت مع علي كذا يوم وبعد كده حصل كل ده ومراته لما خطفتني ولقيتني تعبانه رموني قدام المستشفى ولما فوقت وانا قدامي الممرضه قالتلي اني حامل في 20 يوم
الظابط:يعني انتي حامل دلوقت من الـ المفروض جوزك علي بس ضحك عليكي بـ عقد زواج مزور
عبير:ايوه
الظابط:وجايه دلوقت تعترفي ليه؟
عبير:حسيت بـ غلطي وقولت لازم اكفر عن ذنوبي وابدأ حياه جديده ليا انا وابني الـ هيجي
الظابط:تمام
ورفع سماعه التليفون
الظابط:مستشفى السجن.. معايا متهمه عندها ظروف صحيه جات واعترفت علي نفسها عايز اشوف حالتها الصحيه اخبارها ايه دلوقت قبل مايتحكم عليها.. تمام شكرا
الظابط:تحبي تشربي ايه؟
عبير:متشكره مش عايزه حاجه
نرجع لـ فتحي بعد ماقتل فريد خده يدفنه وراح الصحرا هو و2 من رجالته وبدأو يحفروا وهو واقف بعيد وماسك السيجاره ومش في وعيه
فتحي:الـ هيعرف اي حاجه عن الموضوع ده انا هطير رقبته هو و الـ خلفوه فاهمين ولالا؟
_متقلقش يامعلم سرك في بير
فتحي:كلمتي تتسمع والـ هيعمل عكسها هيشيل الليله كلها فوق دماغه
الساعه 3 بالليل كان تيم تعبان اوي وعمال يتوجع لدرجه ان لين سمعت صوته فـ لبست كاب على دماغها وراحت تخبط عليه
لين(بتخبط) :افتح ياتيم... تيم مالك... تيم
*قام تيم وفتحلها *
تيم(بتعب) :ااه ااه
لين(بقلق) :مالك ياتيم فيك ايه؟
تيم(بتعب) :ااه شكل حرارتي عاليه
لين حطت ايديها لقيته تعبان وحرارته عاليه
لين(بتسنده) :طيب تعالي معايا براحه
ونيمته علي السرير وغطته وقفلت البلاكونه كويس ودخلت التواليت جابت طبق وحطتله فيه مايه وفي ايديها الفوطه وراحتله
لين(بتعمله كمادات) :متقلقش هتبقي كويس.. انا هروح اجيبلك مسكن من اوضتي وخدت الكارت بتاع تيم وراحت اوضتها جابت المسكن ورجعتله وادتهوله
تيم(بـ تعب) :براحه يا لين
لين:حاضر اهو قوم خد المسكن
وسندته يقوم يقعد وادتله المسكن
لين:بكرا ان شاء الله هجيبلك خافض حراره بس النهار يطلع ولا اقولك استنى ياتيم
وطلعت من اوضته ونزلت الريسيبشن تحت
لين:لو سمحتي انا محتاجه خافض للحراره حد معايا تعبان اوي ومفيش صيدليه فاتحه دلوقت
الموظفه:حاضر يافندم هنشوفلك
وفضلوا يدوروا لحد ما لقوا
الموظفه:الحمدلله اننا لقينا اتفضلي
لين:متشكره جدااا
وخدته وطلعت لـ تيم
لين:حظك الحلو اننا لقينا خافض حراره
تيم(بتعب) :فين
لين:هديهولك حالا
وقعدته ياخد العلاج ولما خده نيمته وغطته كويس وحطتله الكمادات البارده وقعدت علي الانتريه الـ جنبه وطفيت النور وشغلت الاباجوره تعمل ضوء خفيف وكل ١٠ دقايق كانت بتغير لـ تيم الكمادات واخره ماتعبت نامت
______تاني يوم_______
كان فتحي الشرطه قالبه عليه الدنيا وعملوا استدعاء لـ ماجده وبناتها
الظابط:انتي اخت المجني؟
ماجده(بتوتر) :ممم ايوه انا
الظابط:كان في مشاكل بين فتحي ومراته؟
ماجده(بتوتر) :لا ده فتحي ومراته كانوا زي النسمه عمر ما حد سمعلهم صوت هو يقولها حاضر ونعم وهي تقوله حاضر ونعم
الظابط:ومراته اصغر منه بـ ١٥ سنه ده مكنش عائق في حياتهم او سبب من اسباب اي مشكله؟
ماجده(بتوتر) :لا ابدا ده هما الاتنين موافقين علي كده والكل كان رافض
الظابط:يعني فتحي مكنش في مشاكل بينه هو ومراته
ماجده(بتوتر) :ابدا كانوا زي الفل، بس عدم اللمؤاخذه ياسعاه الباشا انا اخويا عمره مايقتل ده عارف ربنا انما ايه وبيصلي الفرض بـ فرضه لا يمكن يكون عمل حاجه زي دي ابداا
الظابط:بس السكان كانوا شاهدين علي الواقعه دي بعد ماشافوا فتحي راجع من برا وهو اعصابه مشدوده وتعبيرات وشه بتدل ان في مشكله ده غير صوت الخناقه
ماجده(بتوتر) :حضرتك عارف كل بيت وفي مشاكله لكن متوصلش للقتل لا
الظابط:ولما فتحي برئ من الجريمه دي مجاش في التحقيق ليه؟
ماجده(بتوتر):هاا؟لا ابدا هو اعصابه مشدوده بعد الـ حصل ده حتي محدش فينا عارف يوصله
*وبعد ماخلص تحقيق معاها جاب بنتها هبه*
الظابط:انتي بنت اخت المجني
هبه :ايوه
الظابط:خالك فتحي كان في بينه وبين مراته المجني عليها مشاكل؟
هبه:لا خالص مكنش في مشاكل
الظابط:يعني مقتلهاش بعد مارجع من برا؟
هبه :خالي فتحي عمره مايعمل كده
*وبعد ماخلص مع هبه جاب ساره*
الظابط:حضرتك كارولين الزوجه التانيه للـ للمجني؟
ساره:ايوه يافندم انا كارولين
الظابط:كان فتحي في مشاكل بينه وبين ضرتك؟
ساره:نعم كان في مشاكل كتيره
الظابط:المشاكل دي تتمثل في ايه؟
ساره:فتحي عنده بنتين وولد من مرته القديمه ولما عرف انه مو بيخلف حكالي انه نزل لـ مرته وقامت خناقه لـ رب السما واكيد اتوقع انه قتلها فتحي مو اول مره يقتل
الظابط:مش اول مره يقتل؟
ساره:أي مصايبه كتيره وهاد الشئ الـ اكتشفته مؤخرا
*وبعد ماخلص تحقيقات مع الكل بدأوا يتحركوا ويدوروا علي مكان فتحي وكان فتحي في الوقت ده مستخبي في المخزن*
_معلم فتحي الحق الحكومه عرفت انك انت الـ قتلت مراتك
فتحي:عرفوا ازاي؟ ومن مين؟
_مش عارف يامعلم بس في حد بلغ احنا لازم نمشي من هنا
فتحي:لم الحاجه ياض بسرعه وعلي الجبل
وبعد ماساره رجعت وغيرت هدومها قعدت علي الانتريه وكلمت ياسر
ساره:الدنيا مقلوبه علي فتحي
ياسر:عملتي ايه طمنيني؟
ساره:روحت وحققوا معايا وشوفت ماجده وبنتها كان علي وشهم غضب ربنا كميه شر طالعه من عينيهم مش طبيعيه ابدا
ياسر:حنان رجعت؟
ساره:معرفش هي كانت مع بنتها الصغيره المهم حققوا معايا وخدوا اقوالي وقولتلهم ان فتحي مصايبه كتير مش بتخلص
ياسر:حلو كده عايزك تعرفيلي مكان فلوس فتحي فين
ساره:هقوم ادور خليك معايا
ياسر:ماشي
وقامت ساره تدور في الشقه كلها
ساره:انا تقريبا شوفت حاجه
ياسر :حاجه ايه
راحت شايله برواز من الحيطه لقيت وراه خزنه
ساره:ياسر انا لقيت خزنه بس مقفوله
ياسر:افتحيها بـ أي حاجه المهم تتفتح
راحت ساره داخله المطبخ وجابت سكينه وفضلت تحاول بس برضه منفعش
ساره :انا حاولت بـ سكينه معرفتش
ياسر:هو مش فتحي هربان؟
ساره:ايوه هربان ومحدش عارف مكانه
ياسر:طيب انا جاي
ساره:هتيجي فين يا ياسر مينفعش!
ياسر:اسمعي يا ساره عايزين ننجز الحوار ده
ساره:ويفرض حد شافك؟
ياسر:متقلقيش محدش هيشوفني محدش فاضي في المصيبه الـ بتحصل دلوقت يلا ربع ساعه بالكتير وهتلاقيني عندك
ساره:ماشي يا ياسر باي
________عند تيم ولين______
تيم صحي من النوم لقي لين نايمه علي الكنبه ورايحه في سابع نومه وجنبه كمادات وادويه ومايه
تيم(بيفوق) :لين.. لين... لين..فوقي
لين(بتفوق) :ايه ده هاا؟
وقامت من مكانها
لين:سوري ياتيم محستش بنفسي خالص.. المهم عامل ايه دلوقتي؟
تيم:أحسن شويه.. مش عارف اشكرك ازاي علي وقفتك جنبي وانا تعبان
لين(بإبتسامه) :متقولش اي حاجه ياتيم المهم تكون بخير.. يلا علشان تاخد العلاج
*وبعدين افتكرت *
لين:ولا بلاش انت مأكلتش استنى اوعي تتحرك
تيم:رايحه فين؟
لين:خليك هنا بس
ونزلت جابتله اكل ورجعت فـ قام تيم يفتحلها
لين:دي حاجه بسيطه ياتيم
تيم(بإبتسامه حب) :مش عارف اقولك ايه يا لين بجد متشكر جداا لـ تعبك معايا
لين(بتقعد) :ولا تعب ولا اي حاجة.. يلا علشان ناكل
تيم :هتاكلي معايا والا مش هاكل لواحدي!
لين:اكيد هاكل معاك طبعا
وبدأت تأكله وكان بيبصلها والقلوب طالعه من عينيه وهي كانت مبسوطه انهم مع بعض
عند عبير بعد مااعترفت علي نفسها قعدوها في السجن ٣ايام علي ذمه التحقيق
عبير(بحزن) :سامحني يارب سامحني انا عارفه اني غلطت كتير اوي وطمعي وداني لـ سكه وحشه لولا طمعي كان زماني قاعده في بيتي معززه مكرمه زي زمان مش هقدر الوم علي
علّي الـ عمله احنا الاتنين كانت نيتنا وحشه لـ بعض
*جات ست شكلها طيبه قعدت جنبها*
_تسمحيلي اقعد جنبك يابنتي؟
عبير(بـ حزن) :اه طبعا اتفضلي
عند ياسر وساره كانت ساره قلقانه لـ حد يشوفه وهو داخل الشقه
ساره(بـ قلق) :ادخل بسرعه
ياسر:فين مكان الخزنه؟
ساره:جوا تعالي معايا
وخدته ودخلوا راح ياسر مطلع الشنيور وبدأ يحدد حوالين الخزنه
ساره :خلص بسرعه يا ياسر قبل ماحد يجي على الصوت
ياسر:مانا بعمل اهو خلاص قربت
ساره:طيب خلص وانا هدخل اعملك شاي
ياسر :لا بلاش اعمليلي قهوه
ساره:حاضر
وهي داخله المطبخ لقيت الجرس بيرن راحت تبص لقيتها ماجده!!!!!
ساره:يانهار اسود
يتبع الفصل الخامس والعشرون من هنا