رواية حورية خطفت قلبي
الفصل الاول 1
بقلم هبة نعيم شادي
تبدأ القصة على سيف
سيف شاب أنيق وجذاب جدا وسيم لون بشرته بيضاء عينه لونها عسلي أخلاقه ممتازة بيحافظ دائما على صلاته عمره 26 سنة بيشتغل مهندس عنده شركة صغيرة
عايش مع مامته وباباه وله أخت واحدة
باباه اسمه عادل دكتور في الجامعة
مامته اسمها نهلة مهندسة لكن تفرغت للبيت وأولادها حاليا
أخته اسمها ميرا آخر سنة في كلية الفنون الجميلة هي بتحب الرسم جدا والألوان
وطبعا هنتعرف عن باقي الأشخاص في الأحداث
تعالوا نشوف بقى قصتنا هيحصل فيها ايه
سيف قاعد في الشركة تليفونه رن
سيف السلام عليكم
المتصل وعليكم السلام ورحمة الله وبركاته أزيك يا حبيبي
سيف الحمد لله بخير يا ماما وحضرتك
نهلة دوما يا حبيبي أنا بخير الحمد لله
سيف دوما يا حبيبتي
نهلة أنا متصلة علشان افكرك بعيد ميلاد ميرا النهاردة
سيف حبيبتي يا ماما أنا مش ناسي وهاجيب معايا التورته والهدية كمان
نهلة حبيبي تسلم وربنا ما يحرمكم من بعض
سيف ولا يحرمنا منك يا حبيبتي
نهلة متتأخرش بقى
سيف حاضر مش هتأخر عايزة حاجة تاني أجيبها معايا
نهلة تسلم يا حبيبي مع السلامة
سيف الله يسلمك وقفلوا
الباب خبط
سيف اتفضل
الباب اتفتح وكان صديقه ورفيق حياته أدهم أهلا يا هندسة
سيف بلاش أهلا دي ويا ريت تكون السلام عليكم قلتها لك ألف مرة
أدهم خلاص يا هندسة بانسى
سيف لا افتكرها واتعود عليها لأنها تحية الإسلام
أدهم ماشي هحاول
سيف ماشي ايه الأخبار
أدهم كله تمام الحمد لله العمارة اللي ماسكينها قربنا نخلصها وهنسلمها قريبا جدا
سيف برافو عليك يا هندسة
أدهم الحمد لله كله بفضل ربنا
أدهم عنده 26 سنة يبقى جار سيف ومتربين مع بعض من الطفولة
أدهم شاب وسيم جدا لون بشرته بيضاء وعيونه لونها أخضر أخلاقه كمان ممتازة بس بيحب الهزار شوية واخد الدنيا ببساطة عايش مع باباه ومامته مالوش أخوات
باباه اسمه أحمد مهندس معماري
مامته ربة منزل اسمها سحر واحيانا بيسافروا لظروف العمل ويسيبوه لواحده
سيف تمام طب أنا هامشي بقى دلوقتي
أدهم ليه لسه بدري
سيف النهاردة عيد ميلاد ميرا وهاروح اشتري لها هديتها وأروح البيت
أدهم قلبه اتخطف هو بيحب ميرا من زمان بس مش بيقول
أدهم كل سنة وهي طيبة
سيف وأنت طيب يا حبيبي هامشي بقى
أدهم ماشي
سيف السلام عليكم
أدهم وعليكم السلام ورحمة الله وبركاته
سيف اتحرك وخرج ركب عربيته ومشي
أدهم سرح في ميرا وافتكر المواقف اللي بينهم وقال أمتى يجي اليوم وتعرفي أني بحبك وأني بتمنى تكوني معايا طول حياتي ربنا يكتبك من نصيبي يا ميرا وفاق من سرحانه وشاف شغله
في الجامعة ميرا قاعدة مع صحباتها زينة ومرام
زينة عايشة مع مامتها وباباها متوفي وملهاش أخوات فبتعتبر ميرا ومرام أخواتها
مرام عايشة مع مامتها وباباها مسافر بيشتغل برة مصر لها أخوات محمد ومصطفى هي بنت وحيدة فعلشان كده بتعتبر ميرا وزينة أخواتها
زينة النهاردة بقى محدش قدك عيد ميلادك وكده
ميرا ههههه تصدقي كبرت سنة
مرام كل سنة وأنتي طيبة يا قلبي
ميرا وأنتي طيبة يا حبيبتي
زينة خرجت هدية واعطيتها لها اتفضلي هديتك يا رب تعجبك
مرام خذي هديتي أنا كمان بقى
ميرا الله تسلمولي على الهدايا ومتحرمش منكم أبدا يا حبايبي
زينة ومرام ولا نتحرم منك يا قلبي وهما قاعدين جاء حسام دا معاهم في الدفعة وعينه من ميرا
حسام هاي
البنات هاي
حسام بص لميرا وقال لها كل سنة وأنتي طيبة ممكن تقبلي الهدية دي مني
ميرا وأنت طيب بس مش هاخد منك حاجة متشكرة
حسام ليه بس كده
ميرا مالوش لزوم يالله ياا بنات
حسام لحظة أنتي بتعملي معايا كده ليه
ميرا قلتلك كتير أنساني وأنا مش بفكر في الارتباط دلوقتي
حسام يا ميرا أنا بحبك متعمليش كده فيا وفكري فيا شوية
ميرا مافيش فايدة يالله يا بنات وسبوه ومشيو
كريم صاحبه معلش يا صاحبي قلتلك ابعد عنها هي مش بتحبك
حسام بحزن أنا بحبها يا كريم ومش قادر أنساها
كريم حاول يا صاحبي ومتعرفش ايه اللي مكتوب
حسام خير أن شاء الله يالله نمشي
كريم ماشي
زينة ليه بس كده يا ميرا حرام عليكي
ميرا اعمل ايه من زمان بقول له ينساني وهو مافيش فايدة فيه زهقت منه
مرام مش بإيده هو بيحبك
ميرا بس أنا مش بحس من ناحيته حاجة سيبكم منه يالله نتقابل بكرة بقى
البنات ماشي وكل واحدة ركبت عربيتها ومشيت
سيف ماشي بالعربية ورايح البيت بعد ما اشترى التورته والهدية اللي كانت سلسلة ذهب لقى في طريقه محل ورد وقف العربية ونزل يشتري ورد
دخل المحل السلام عليكم لو سمحتي وبص لقى واتصدم