رواية احلامي البريئه الفصل السادس6بقلم ملك روحي
دخلت احلام اوضتها ورنت على غاده صحبتها وقالتلها ان مراد عزمها في مطعم شيك اووي بس هيا كانت مكسوفه من لبسها.
غاده؛ ولا يهمك ياحبيبتي مش هوه قالك انك عنده ست البنات ومبيدققش في الحاجات دي.
غاده؛ اه قالي كده بس انا كنت محرجه عشانه هوه كان واضح انه معروف في المطعم ده وكل الناس كانت بتبص عليا وحاسه في عيونهم انهم بيقولوا اني مش شبهه ولا من مقامه. مع اني عمري مابصيت للمظاهر دي ولا كل اللي هوه فيه كل اللي يهمني مراد وبس كنت اتمنى يكون فقير زيي ويحبني ونتجوز ونبدأ من الصفر ان شالله اعيش معاه في اوضه فوق السطوح.
غاده؛ طول عمرك فقريه انا عارفاكي وكمان عارفه انك بتحبيه هوه لشخصه ان شاء الله ياحبيبتي يكون من نصيبك انتي طيبه يااحلام وتستاهلي كل خير.
احلام؛ تليفونها رن وهيا بتكلم غاده وكان مراد.. طيب اقفلي دلوقتي ياغاده مراد بيرن عليا.. وكانت مبسوطه اووي وقلبها بيدق بسرعه.
غاده؛ الله يسهله ماشي بس ابقى احكيلي كل حاجه بالتفصيل.. واتنهدت وقالت اوعدنا يارب.
احلام؛ ماشي ماشي. سلام وقفلت مع غاده وردت علي مراد.
احلام؛ برقه وصوت هادي وقلبها بيدق من الفرحه. الووو.
مراد :الووعامله ايه كل ده على ماتردي عليا.
احلام؛ هوه انا اتأخرت في الرد ده انا رديت علطول.
مراد :طولتي عليا عايز اول ماأرن عليكي تفتحي علطول عايز احس انك منتظراني على نار زي مانا مابنتظر اكلمك واسمع صوتك.
احلام؛ غمضت عينيها وهيا بتسمع كلامه وقلبها بيدق. يااه كل ده يامراد مكنتش اعرف انك عندك المشاعر دي كلها.
مراد؛ ليه بقاا هوه انا معنديش قلب ولا ايه يحس ويحب ويعشق.
احلام؛ وبتحب مين بقاا حد اعرفه.
مراد؛ طبعا عز المعرفه.
احلام؛ ممكن اعرفها.
مراد :مش هقولك غير لما اتأكد الأول من مشاعرها.
احلام؛ ولو اتأكدت هتقولها انك بتحبها.
مراد؛ طبعا. وابتسامه خبيثه.. هااه ممكن اعرف مشاعرها ايه من ناحيتي.
احلام؛ هيا مين دي.
مراد؛ اللي بحبها.
احلام؛ قلبها هيقف من الخوف والفرحه في نفس الوقت.. وانا اعرفها منين.
مراد؛ انتي عايزه تفهميني انك مش حاسه باللي جوايا.
احلام؛ بتعض على شفايفها. وايديها بترتعش.. هه وايه اللي جواك ده.
مراد؛ اللي جوايا مشاعر جميله وكلها ليكي يااحلام.
احلام؛ انا فين وانت فين يامراد... بقلمي #ملك روحي
مراد :الحب مفيهوش مقامات يااحلام وبعدين انا عمري ماشفتك اقل مني بالعكس انتي مقامك كبير عندي.
احلام :وانا طول عمري كنت اتمنى تحس بيا انا كنت براقبك من بعيد بس انت عمرك ماشوفتني ولا حسيت بيا.
مراد؛ بضحكه خبيثه. لاماليش حق حد يبقى جنبه الجمال والرقه دي ومايحسش بيها.
احلام؛ عارف يامراد واتنهدت بحب.. انا دعيت ربنا كتير في صلاتي انك تكون ليا ومن نصيبي.
مراد ابتسم. وقال في نفسه. طبعا عايزاني وبتدعي ربنا اكون ليكي هتلاقي واحد عبيط زيي فين معاه فلوس.. عشان يتجوزك يابنت الجنايني.
احلام؛ انا كنت اتمنى تكون فقير زيي عشان محسش اني اقل منك ولا يكون في حاجز بينا..
مراد؛ وعيونه فيها غضب ونبره صوت حاده.. عايزاني ابقى فقير زيك ليه وساعتها كنتي هتقبلي تحبيني.
احلام؛ مال صوتك يامراد.. طبعا كنت هحبك لو كنت عايش في عشه او اوضه كنت بردوو هحبك واعيش معاك.
مراد :ضحك ضحكه عاليه.. بس انا مش فقير انا غني. وغنى جدا كمان.
احلام؛ ميفرقش عندي انت بس اللي تفرق معايا عايزاك تفهم كده كويس.
مراد؛ فاهم. فاهم متقلقيش.
وفجأه الباب خبط على مراد وكان عبدالله.
مراد؛ ادخل.
عبدالله دخل وهوه متوتر.
مراد؛ في ايه ياعبدالله.
عبدالله؛ في حاجه ضروريه في الشغل يامراد بيه حصلت ولازم تعرفها.
مراد؛ طيب.. معلش ياحبيبتي. وبص لعبدالله وابتسم بخبث. وقال هقفل دلوقتي اديكي شايفه عندي شغل. هخلص واكلمك.
احلام؛ طيب اتفضل.وقفلت الخط.
مراد؛ في ايه اتكلم.
عبدالله؛ كمال هرب.
مراد :بغضب. ايييه هرب ازاي وانتوا كنتوا فين انا قلت تخلي الرجاله كلهم هناك.
عبدالله :كلهم هناك زي ماأمرت يامراد بيه بسس في عربيه جات وكانت مسلحه وضربت نار في المكان كله وفي رجاله من عندنا اتصابت.. ومقدروش يوقفوهم. ودخلوا اخدوا كمال من المخزن.
مراد؛ مانا اصلي مشغل شويه عيال مش رجاله.
عبدالله؛ الرجاله عملت اللي تقدر عليه.
مراد؛ متقولش رجاله انا هعرف شغلي معاهم. يلااا بينا على هناك.
ونزل مراد وعبدالله على المخزن.وبعد ماوصلوا لقوا الباب مكسور وفي آثار ضرب نار في كل حته وكان رشاش.
مراد دخل المخزن ونده على رجالته وقعد يكسر في كل حاجه وفجأه تلفونه رن وكان رقم مجهول.
مراد؛ الوو.
المجهول؛ لما تيجي تلعب مع حد ابقى العب مع اللي قدك عشان انا قلتلك قبل كده خليك جنب الحيط والا هيكون مصيرك زي مصير اخوك.
مراد؛ أنت مين انا هعرفكوا ياكلاب والله لأجيب حق اخويا واموتكم كلكم.
المجهول؛ ضحك ضحكه عاليه. وقفل الخط.
مراد؛ رمي التليفون وكان الشر في عنيه وأمر رجالته انهم يدورا على كمال في كل حته عايز اخبار عنه واللي يلاقيه يقتله في الحال.
وخرج هوه وعبدالله على القصر وكانت احلام صاحيه وشافت عربيته وصلت القصر وكانت مراقبه كل حاجه ونزل مراد من عربيته وكان على وشه الغضب ودخل القصر.
احلام استغربت وقالت اكيد في حاجه حصلت هوه مراد ماله متعصب ليه. ودخل مراد مكتبه وبدأ يتصل بناس كتير يعرفهم عشان يجيبوله اخبار عن كمال.
وعبدالله قرر انه يتكلم مع احلام وينتهز الفرصه عشان مراد مشغول في مكتبه ومش هياخد باله.
وراح عند باب اوضه باباها وخبط عالباب. وطلعله ابو احلام.
عبدالله؛ مساء الخير ياعم محمد.
عم محمد؛ مساء النور يابني خير في حاجه.
عبدالله؛ خير ياعم محمد كنت بس عايز انسه احلام في كلمتين.
عم محمد؛ احلام خير يابني البيه تعبان ولا ايه.
عبدالله؛ هه لا ياعم محمد البيه كويس انا اللي كنت عايزها بس تشوفلي الروشته دي بتاعه الست الوالده وتقرالي الدوا اللي فيها.
عم محمد؛ حاضر يابني هندهالك ثواني.. ودخل عم محمد ينادي لأحلام وخرجت احلام قالتله خير ياعبدالله بيه في حاجه.
عبدالله؛ وهوه بيلتفت حوالين منه وخايف مراد يشوفه كنت عايزك في كلمتين مهمين.... بقلمي #ملك روحي
احلام؛ خير قلقتني مراد بيه كويس انا لسه شيفاه داخل من شويه متعصب هوه في حاجه طمني عليه.
عبدالله؛ متقلقيش هوه كويس بس في مشكله في الشغل الكلام اللي هقوله لك دلوقتي ده مش عايز حد يعرفه ولا حتى عم محمد اسمعيني للآخر.
احلام؛ تمام اتفضل.
عبدالله؛ انا كنت عايزك تاخدي بالك من مراد بيه وتاخدي حذرك.
احلام :مش فاهمه ازاي يعني.
وفجأه مراد طلع قدام القصر وشاف عبدالله واقف مع احلام.
مراد. نده بعلوا صوته وقال عبدالله.
عبدالله التفت بسرعه ولقي مراد واقف والشر في عينيه...