رواية احتواء القاسي
الفصل الثالث عشر13
بقلم سوسو تويكس
مضى شهر وهي بتحاول تتماسك حبه حبه بس ما رجعت لينه القديمه الجنا ضحك وونسه بقت دايما شارده، في يوم قاعدين بعد الفطور بنتونس جات نازله بهدؤ وقعدت انا مركز معاها حسيتها عايزه تقول، اتكلمت بهدؤ :ما عارفه اقول شنو الفترة الفاتت دي كلها ما قصرتو معاي بالزات بعد وفاة امو اهتميتو بي شديد لكن.. لكن خلاص بعده انا راجعه أمريكا هناك امي مسجله لي حاجات باسمي ده غير قروش التأمين وعمو احمد راجل امي زاتو ما بقصر معاي، وانشالله بجيكم زيارات _كلنا اتصدمنا، ابوي اتكلم معاها بي زعل:كيف كلامك ده يا بتي انا ما صدقتا لقيتك اخير قطعه من المرحوم وعايزه تمشي،يشهد الله معزتك عندي اكتر من معزة أولادي كلهم والله كلامك ده زعلني_لينه:عارفه والله مكانتي عندك قدر شنو وما شككت فيها لكن برضو انا لازم امشي ام... _قاطعتها وانا صبري نفذ منها وهجتا فيها لمن هي زاتها اتخلعت، معتصم:طلعة من البيت ده ماف قاليك تقعدي هنا يعني تقعدي هنا ماف داعي للنقاش ولا عاجبك تشوفي ابوي بترجاك عشان تقعدي_من الخوف بكت مقلعه عيونها ودموعها نزلو قالت ببكا:ب.. بس ا.. انا ما ق.... _صرختا فيها زياده:قلنا ماف طلعه من البيت والموضوع انتها_سليمان:معتصم براحه عليها هي ما قاصده كده_طلعتا لي غرفتي خليتها لاني متأكد لو قعدتا اكتر برتكب فيها جريمه، جنت هي ولا شنو كيف يعني تسافر _سمعتا صوت كركبه وكانو زول بجر ليهو في شي طلعتا من الغرفه لقيتها دي هي لابسه عبايتها وطرحتا وبتجر في شنطة سفرها، قلتا بهدؤ عكس العاصفه الجواي: بتنا مش قلنا ماف طلعه_لمن نطت من الخلعه جات واجهتني بي نفس نظرة التحدي الفي عيونها زمان وهي رافعه حاجب بتتكلم بعصبيه:وانا قلتا اني مسافره وماف شي يوقفني لا عصبيتك ولا صراخك ده، وما لينه البتمشي على قرار زول وتسكت_قربتا منها بعصبيه وانا شايف رجفة الخوف بس هي بتعاند وتقوى راسها :فكري اطلعي خطوة واحده برا البيت ده وشوفي انا بعمل شنو_انفعلت وهي بتقول:انت دخلك شنو وبأي صفه بتامرني ما اطلع ولا مفتكرني امنيه مرتك لمن تقعد تتحكم فيني_بحاول استوعب انو هي جابت سيرة امنيه على لسانها يبقى حكمت على نفسها بالهلاك....
يتبع