رواية ضحايا ورث الديب
الفصل الثالث عشر13
بقلم حور طه
_____________في القسم_______🖤🥀
ديب ::مش مقاسك البدله دي يا ابن عمي
مروان ::جاي تشمت فيا صح
دورت كثير عشان الاقي سبب
لكرهك لينا ما لقيتش
ديب:: امضي هنا وانا هخرجك
من المصيبه لاخوك ما اعرفش يخلصك منها
مروان :: همضي على ايه وانت
هتخرجني من هنا ازاي يعني
ديب:: مش مهم تعرف المهم
انك تمضي عشان الحبل اللي
على رقبتك الحلوه دي يكون كرفته
من حرير لما تكون حر خارج الزنزانه دي
مروان ::عايزني اثق في تعبان زيك
وانا مغمض ومش عايزني اسال كمان
ديب:: اوقات لما الشخص يقع
في قاع البحر وهو ما بيعرفش يقوم
فهو بيتمسك بتعبان عشان ينجيه من
الغرق لانه ما عندوش حل ثاني امضي
مروان يمضي بدون ما يعرف
هو على ايه مضى :: صحيح انا مجبور
اثق في ديب وانا واثق انه
هينهشني لكن مجبور
ديب:: مبروك البراءه يا ابن عمي
بكره هتكون في مكان ثاني
احسن من ده انا باكد لك
مروان يقوم ليرجع الى زنزانته::
اتمنى ان ثقتي فيك ما تكونش
السكينه اللي هتتغرس في ظهري
ديب ابتسامه:: عايزك تنسى كل
اللي انت عشته هنا وتفكر في اللي
جاي من عمرك هتعيشه ازاي
بعد ما تخرج بالسلامه
_________🖤🥀🖤🥀في شقة ايشان______🖤🥀
ايشان يفتح الباب:: اريام؟؟
لو كنت ناويه تلوميني ثاني
فانا اللي فيا مكفيني لو سمحت امشي
اريام:: انت قلت لي ادي لنفسك
فرصه ترجعي الطريق ثاني من
اوله بس لازم تركزي في الاحداث
اللي حصلت بجد مش اللي
اتهيات لك عشان تصدقيها
ايشان ::يعني انت صدقتي انا مروان بريء
اريام تدي له صوره مرسومه لشخص
لا يظهر كل ملامحه:: وعرفت هنبدا منين
ايشان ياخذ منها الصوره:: مين ده؟؟
وايه اللي عرفتيه غير رايك
وتصدقي ان مروان بريء
اريام:: هحكي لك على كل حاجه
بس الاول لازم تساعدني ادخل
الشقه اللي قصاد شقتنا
ايشان:: ايه علاقه الشقه باللي
بيحصل وهندخل الشقه ازاي اصلا
اريام:: ممكن تبطل اسئله وتساعدني
ندخل الشقه وانا هفهمك على كل حاجه
ايشان:: ماشي يا اريام انا معك
لحد ما نوصل للحقيقه
بعد مرور وقت يقف ايشان
قدام باب وبيحاول يفتحه::
من محامي محترم لهجام على شقق
مش عارف هتوديني على فين ثاني
اريام ::بطل غلبه وافتح الباب
كل ده مش عارف تفتح حته باب
ايشان يقف ويرفع حاجبه ::
معلش اصلي ما درستش في
الكليه ازاي اطفش بيبان
اريام:: تمام ممكن افتح الباب ده
بقى قبل ما حد يجي
ايشان يفتح الباب:: اتفضلي بس
ممكن تقولي لي انت بتدوري
على ايه هنا عشان على الاقل ادور معك
اريام وهي تدور على اي حاجه
توصلها للي عمل كده ف ريم ::
الطب الشرعي اثبت ان ريم اتعرضت
لصدمات كهربائيه اكثر من مره
ايشان:: انت قصدك انه ممكن
يكون ريم كانت بتتعرض للصدمات دي هنا
اريام:: لو قدرنا نلاقي اي حاجه هنا
يبقى احنا كده وصلنا لاول خيط في القضيه دي
ايشان:: بس ايه اللي خلاك تشكي
في صاحب الشقه دي وانه له علاقه بالحادثه
اريام:: فاكر عيشه كانت بتقول
لنا انها بتسمع اصوات غريبه
بتخرج من الشقه دي
ايشان:: ايوه قالت لي قبل كده بس
انا ما ركزتش في الموضوع
اريام ::كان لازم نركز ونصدقها
عيشه ليت خاتم ريم قدام الباب ده
عشان كده انا كان لازم ادخل
الشقه دي واتاكد بنفسي
ايشان بصدمه يفتح باب اوضه ::
اريام شكلك طلع في محله الجهاز موجود هنا
اريام تقف قدام الجهاز وكانت
تتخيل ريم وهي عليه وتشعر بدوخه
ولا تقدر ان تقف على قدميها يسندها
ايشان :: اريام انت كويسه تعالي نخرج من هنا
اريام تقف مكانها ولا تتحرك وكان
المشهد بيتعاد قدامها بكل تفاصيله ::
المجرم ده كان بيحطها تحت جهاز
صدمات الكهرباء على المخ عشان يفقدها
توازنها ويقدر يتحكم فيها مع
المخدر اللي كانوا بيديه لها
ايشان ::تمام اهدي يلا نخرج من هنا
ياخذها ويخرجوا من الشقه وينزلوا شقه ايشان
اريام بحزن وصدمه لسه ماثره عليها ::
انا كنت فيه لما المجرم ده كان بيعمل
فيها كل ده ؟ ! كنت مشغوله بالقضايا
واني ارجع واحافظ على حقوق موكليني
ونسيت احافظ على اختي ازاي
ما قدرتش احس بيها كان كل شيء
ورا ستار وانا كنت عاميه ما قدرتش
اشوفها وهي بتتالم وبتتعذب بالشكل ده
تنهار وتبدا تكسر في كل حاجه
وتضرب نفسها بدون وعي::
انا مش قادره اتنفس مش
هسامح نفسي انا اللي استحق القتل
مش هي انا استحق العقاب
انا شاركت في قت لها باهمالي ليها
ازاي كنت مهمله في اختي بالشكل ده
ازي ما قدرتش احميها انا اللي
استاهل القتل مش هي
ايشان ياخذها في حضنه ويحاول
يهديها:: انت ما لكيش ذنب ارجوك اهدي
اريام ::لا لي؟؟ الذنب كله ذنبي
انا ما كانش لازم اهملها لما
انشغلت عنها ساعدتهم ياذوها
ايشان ::اهدي يا اريام عشان نعرف
نفكر ونرجع حق ريم من اللي عمل فيها كده
اريام وبكاء وضعف :: ليه يؤذوها بالشكل
ده ويقتلوها مين لي مصلحه
في قتل ريم انا هتجنن
ايشان بتفكير:: اللي قتل ريم
كان عايز يسحب مروان يعني يؤذي
مروان مش ريم هو بس استخدم ريم
عشان يوصل لحاجه بس هو عايز
ايه من مروان عشان يعمل كل ده
اريام ::يعني ريم كانت ضحيه
للعبه قذره زي ما بابا قال
ايشان:: احنا لازم نقابل رامي
انا حاسس ان قتل صفا ليه علاقه
بالحادثه دي كل حاجه حصلت ورا
بعض لو قدرنا نجمع كل الخيوط
هنوصل للمجرم الحقيقي
اريام:: الاول لازم نروح ونقدم
بلاغ لصاحب الشقه دي عشان يتحقق معاه
ايشان:: انا هطلب فتح التحقيق
ثاني في القضيه دي وده يكون
اول دليل نقدموه للنيابه اكيد
لما يحققوا مع صاحب الشقه
هيكشف لنا حاجات كثير
______🖤🥀🖤🥀في مكتب يوسف عياش___🖤🥀
يوسف ::انت متاكد من اللي
عايز تعمله ده؟؟ فكر ثاني
رفاعي:: خلاص يوسف وقت
التفكير انتهى دلوقتي وقت التنفيذ
يوسف ::رفاعي انا بكلمك بصفتي
صاحبك مش المحامي بتاعك
اللي انت عايز تعمله ده نتيجه
محدش فينا ممكن يتوقع انت
اكثر حد عارف ديب &مش هيسكت
رفاعي:: ديب لازم يفهم ان ده
حق اولاد عمه واخذوه انا بشوف
مهران كل ليله في نومي بقى لي 25 سنه
مش عارف انام انا ظلمت اخويا
واكلت حقه في ورث ابوه
لازم يفهم اني بحميه من عذاب
الضمير اللي ممكن يتحط فيه
لسنين زيي لو اكل حق اولاد عمه
يوسف:: انا قلت لك الكلام ده
بس انت الشيطان كان رقبك
وللاسف فوت متاخر ديب عنده
استعداد يعمل اكثر من اللي
انت عملته لو حد قرب من ورثه
رفاعي ::انا بعمل الصح ومش هرجع
في قراري مهما حصل
يوسف ::خايف ليكون قرار ده
هو ضمرهم مش انك ترجع حقهم
رفاعي ::تنقل كل حاجه باسم ايشان
يوسف:: طيب وديب مش هتكتب حاجه باسمه؟؟
رفاعي:: لاء المصنع هياخذوا
بعد ما اموت لكن طول ما
انا عايش هو مش هياخذ اي
حاجه جه الوقت اللي لازم اربيه فيه
يوسف ::طيب ال 50 مليون
اللي فيه الحساب اللي فتحته
لمروان هيفضل ولا هيتحول باسم ايشان برضو
رفاعي:: ديب اخذ الفلوس عشان
كده قلت لك نكتب كل حاجه باسم ايشان
يوسف ::ازاي محدش يعرف حاجه
عن الحساب ده غير انا وانت
رفاعي:: ديب بقى صعاران
وبحاول ياخذ كل حاجه بس انا هعرف اوقفه
وانت تشوف مين بيطلع اسرار مكتبك
رفاعي يخرج بعد ما ينهي كلمه
يوسف ::انت نفخت في
نار هتحرق الكل& ربنا يستر
_____________🖤🥀🖤🥀في القسم______🖤🥀
وكيل النيابه ::الاستاذه مقدمه
بلاغ انك كنت بتحط المجني
عليها ريم رفعت تحت جهاز
صدمات الكهرباء داخل شقتك
ما هي اقوالك في التهمه الموجهه اليك
زياد ::اللي حضرتك بتقوله ده
انا ما اعرفش حاجه عن اللي
حضرتك بتقوله ده وجهاز ايه
اللي عندي في الشقه وبعدين
انتم فتشتوا الشقه وما لقيتوش اي حاجه
وكيل النيابه:: كنت ماجر الشقه ليه
زياد:: انا عندي حفله في القاهره
كمان شهر وانت ماجر الشقه
عشان اقيم فيها الفتره دي
اريام:: انت بتكذب كان في
اصوات بتخرج من شقتك
زياد يقاطعها :: ده طبيعي يخرج
من شقتي صوت لاني مهندس
صوت اكيد كنتم بتسمعوا صوت المزيكا
وكيل النيابه:: لو سمحت يا استاذه
ما تتكلميش اثناء التحقيق بدون اذن
زياد:: ممكن امشي لو ما فيش اي حاجه ثاني
اريان تلاحظ التوتر على عائشه::
ما تخافيش يا عائشه انا مش هسيبك
عائشه ::مش هو ده الراجل
اللي انا شفته يا اريام هانم مش هو
اريام تبص للراجل وترجع تكلم
عائشه بصوت منخفض::
انت متاكده يا عائشه انه مش هو نفس الراجل
عايشه بتاكيد :: ايوه انا متاكده اه
انا ما شفتش ملامحه حلوه
علشان النظارات اللي كان لابسها
بس اللي انا شفته كان طويل
وشعره قصير مش هو ده
اريام تخرج الصوره اللي رسمتها
حسب وصف عيشه وتدقق فيها
فعلا هو مش نفسه الشخص تقدم
الصوره لوكيل النيابه:: هو ده اللي كان
ماجر الشقه مش ده
زياد ::العقد قدام حضرتك وكمان
تقدر تستدعي صاحب الشقه ويقول
اني اجرت منه الشقه من ثلاث اسابيع
وكيل النيابه:: اتفضل امضي على اقوالك وتفضل