رواية ضحايا ورث الديب الفصل الخامس عشر15بقلم حور طه
هند ::انت قلتي ان لو بابا قدر
يتكلم هتكشفي الحقيقه صح
اريام:: صح يا حبيبتي بس
ازاي وهو في الحاله دي
هند بحماس:: انت شوفي اكثر
سؤال مهم بين اسئلتك
وانا هخلي بابا يجاوب عليه
هند تنهي كلامها وتقوم وجابت
صندوق وقعدت جنب رومي
اريام باستغراب:: انت بتعملي ايه يا هند
هند ببراءه:: هقول لك على سر
بس توعديني انك مش هتقولي لاي حد اتفقنا
اريام:: اكيد طبعا وعد
هند ::انا اوقات بعرف اتواصل
مع بابا عن طريق اشاره العين
اريام بعدم اهتمام:: يا هند ده ممكن
ينفع لما تعوزي تاكليه او تشربيه
او يغير مكانه يعني حاجات
زي كده مش يدينا اجابه على سؤال
هند تفتح الصندوق وتطلع منه
حروف مرسومه ومقصوصه::
انا بسال بابا سؤالي وبحطه
قدامه الحروف دي وهو بيشاور
على الحرف وانا بكون مركزه
معاه واحط الحروف بجانب
بعضها لحد ما تبقى كلمه
وبكده باخذ الاجابه على سؤالي بالكتابه
اريام باعجاب شديد بذكاء
الطفله هند وبابتسامه::
برافو عليك انت بجد ذكيه
هند:: لما فكرت في الفكره دي
وطبقتها مع بابا ونجحت كنت
مبسوطه جدا بس بابا طلب
مني اني ما اقولش لاي حد عن
الموضوع ده ومن وقتها وهو سر بينا
اريام يرجع لها الامل من
ثاني بفضل ذكاء الطفله هند::
تاكدي انه هيفضل سري
بينا وما حدش هيعرفه ابدا
هند بابتسامه تفرد الحروف
قدام رامي:: سؤالك؟
اريام بتركيز:: مين اللي عمل فيك كده
هند بتركيز مع رامي وتعرض عليه السؤال
رامي يبدا يشاور بعينه على
الحروف وهند تجمع الحروف بجانب بعض
{م ش ,ه ت ق د ر ي ,ت ق ف ي,ق ص ا د ه}
هند ::بابا بيقول لك مش هتقدري تقفي قصاده
اريام :: اللي عمل فيك كده هو
نفسه اللي قتل صفا وريم ومروان صح يا رامي
رامي يميل بدماغه يعني نعم
اريام بترجي:: رامي ارجوك قل لي
مين هو ده اللي بيدمر فينا
بالشكل ده وعشان ايه
هند تجمع الحروف اللي
رامي بيشاور عليها بعينه
{ا ن ا ،ن س ي ت ،ا ل م و ض ع ،
د ه ،و م ع ا ن د ي ش،ا س ت ع د ا د ،
ا خ و ض ،ف ي ه ،ت ا ن ي }
انا نسيت الموضوع ده وما
عنديش استعداد اخوض فيه تاني
اريام بانفعال ::عايزه افهم انت
خايف من ايه ثاني هو ممكن
يعمل فيك ايه اكثر من اللي
عمله ده لازم نوقف الشخص
ده قبل ما يرتكب جرايم ثانيه اتكلم يا رامي
رامي رفض الكلام؟؟ !!!
اريام بخيبه امل تقف علشان
تمشي وتبص له:: ذنب صفا وريم
ومروان في رقبتك لو فضلت ساكت
هند:: اريام استني بابا بيشاور على الحروف
اريام ترجع وتركز في كل
حرف بيشاور عليه رامي
{ا ن ا ،ل م ا ،ح ا و ل ت ،
ات ك ل م ،ق ط ع ،ل س ا ن ي،
ع ش ان ،م ا ا ت ك ل م ش،و ق ط ع ،
ا ي د ي ع ش ا ن،م ا ت ك ت ب ش و ت ق و ل ،
ا ل ي ،ح ص ل ،ا ن ا ،م ش ،
خ ا ي ف،ب س ،ل و ،ك ن ت ،
ش ف ت ،ا ل ل ي ،ا ن ا، ش ف ت ه ،
ك ن ت ،ه ت ع ذ ر ي ن ي}
انا لما حاولت اتكلم قطع لساني
عشان ما اتكلمش وقطع ايدي
عشان ما تكتبش وتقول اللي حصل
انا مش خايف بس لو كنت شفت
اللي انا شفته كنت هتعذريني
اريام بحزن ::مين ده يا رامي ؟
رامي:: هند في ملف ازرق في المكتب
هند تجيبي الملف وتديه الاريام
اريام تبص على الملف اللي في
ايدها وترجع تبص لرومي:: بتاع الملف ده
هند ::بابا بيقول كل حاجه بدات من الملف ده
اريام تفتح الملف بصدمه :: ديب الرفاعي؟؟
رامي انت عايز تقول ان ديب الرفاعي
هو اللي عمل كل الجرايم دي
علشان ورثوا ما يروحش لحد
رامي يميل بدماغه يعني نعم
اريام تاخذ الملف وتنزل من شقه رامي
وهي تايهه مش عارفه تروح فين
ولا تتصرف ازاي بعد ما عرفت مين
اللي قتل اختها وارتكب كل الجرائم
دي تركب عربيتها وتلفي بيها مش
عارفه تروح فين لحد ما لقيت نفسها
قدام قصر الرفاعي والبوابه مفتوحه
وما فيش حرس عليها كانت صوره ريم
قدام عينيها مش عايزه تفرقها وتغرق
في دموعها ويدور فيه داخلها صراع
كاد ان يقتلها وصوت يقول لها
مستنيه ايه خذي حق اختك لازم تاخذي حقها
_____________🖤🥀🖤🥀في القسم_______🖤🥀
ايشان:: اتكلم ايه اللي تعرفه
صالح ::مروان لما رجع الزنزانه
كان باين عليه انه قلقان
متوتر ما كانش مضبوط كده ؟؟
كان يمسك الحاجه وطاع من
ايده سالته من كم في
الزياره قال لي ديب ابن عمي
بصراحه انا شكله ما كانش
عاجبني قلت له هو قال لك
حاجه ضايقتك قال لي لا
وقال ان ديب قال له هيخرجوا
من السجن بشرط يمضي
على الملف اللي كان معاه
مروان مضى على الورق من
غير ما يعرف هو مضى على ايه
ده كل اللي حصل وبالليل
جو اخذوه حبس انفرادي
وثاني يوم عرفنا انه انتحر
ايهاب:: تمام يا صالح خذه يعسكري رجعوا الزنزانه
ايشان ::ديب وراء اللي حصل
لمروان وكمان ريم ازاي ما جاش
في بالي ان ديب هو الوحيد
اللي ممكن يعمل كل ده
ايهاب:: اهدا يا ايشان كل
ده مجرد استنتاج مش دليل
ايشان بغضب:: الدليل هيبان لما
اجيبه اخليه يعترف هو عمل ليه كده
ايهاب ::وانت فاكر انه هيعترف
بالسهوله كده لازم نفكر ونتاكد
الاول ونحاول نجيب دليل قوي نقدمه للنيابه
ايشان:: انا بقيت متاكد ان
هو الي قتل ريم و مروان بس ليه؟؟؟
ايهاب:: ليه ؟دي بقى اللي احنا لازم
نعرفها ايه الدافع اللي خلاه يرتكب الجرايم دي
_________🖤🥀🖤🥀في قصر الرفاعي______🖤🥀
رفاعي ::قتلت ابن عمك عشان الورث
ديب يقعد ومسدسه على
الترابيزه قدامه:: انت اللي قتلته مش
انا سبق وحذرتك تبعد عن
ورثي واملاكي ودي اخره عنادك
رفاعي ::ازاي ما قدرتش اشوف
ان الشر اتملك منك بالشكل ده من قبل
ديب ::سيبك من كل ده اللي
عايزه منك دلوقتي انك ترتاح
انت كبرت هتروح العزبه وترتاح
هناك كل اللي مطلوب منك
تمضي لي هنا وانا هرتب كل حاجه
رفاعي:: انت ازاي وسخ قوي كده
ديب يولع سيجاره وينفخ
دخانها في وشه:: تربيتك
خليني اشرح لك الموضوع
اكثر انا لو خرجت من هنا زعلان
وحياتك الرجاله اللي بره دي
هيخلصوا عليك انت وابن اخوك اللي فاضل لك
رفاعي بصدمه ::مش قادر اصدق
انك ابني ازاي وصلت للحاله دي
ديب:: امضي وانا هديك فرصه عشان تعيش
رفاعي :: انا مش همضي على حاجه
ديب ::يبقى انت اللي اخترت نوح
نوح ::اوامرك يا باشا
ديب يبص لرفاعي بشر ::
تروح تجيب ايشان عشان نخلي
عمه يودعه قبل ما نبعثه لاخوه
نوح:: امر ما عليك
___________🖤🥀🖤🥀تحت العماره_______ 🖤🥀
ايشان:: ريام انا عرفت مين
ممكن يكون ورا كل اللي بيحصل ده
اريام بتعب :: مين ؟؟؟
ايشان:: ديب ابن عمي هو اخر
واحد شاف مروان قبل الحادثه
وكمان مضه على ورق لو قدرنا
نعرف هو مضه على ايه ونعرف الدافع هنكشفه
اريام ترمي الملف قدام ايشان
على الترابيزه:: الورث
ايشان بصدمه يمسك الملف :: الورث؟؟
اريام بدموع تحكي له عن اللي
حصل في رامي والحاله اللي
وصل ليها ::صفا ؟ريم؟ مروان؟
رامي؟ كل دول ضحايا ورث الديب
ايشان بصدمه:: لا انا مش قادر اصدق
ديب عمل كل الجرايم دي عشان الورث
انا عمري ما طلبت بالورث ده كنت
دائما بعيد عنه انا واخويا ليه فجاه يقرر يعمل كل ده
اريام ::عمك قرر يديكم ورثكم
لكن نسي الديب اللي رباه على
الطمع والشر مش هيسمح لكم
تقربوا من ورثه واخذ في سكته
ابرياء كثير ما لهمش ذنب
ايشان :: بكره هنقدم بلاغ
ونطلب رامي للشهاده وديب
هيتعاقب على كل الجرائم اللي ارتكبها دي
وهنا تخرج رصاصه وتستقر في
جسد ايشان بدون اي سابق انذار
اريام بصراخ تاخذ ايشان في
حضنها:: ايشان رد عليا؟ ايشان؟؟ !!!!