رواية احتواء القاسي
الفصل الرابع4
بقلم سوسو تويكس
مر اسبوع من وقت جات صاح انو بتلبس طرحه بس شعرها الأمامي كاشف كلو ظاهر ده غير لبسها الكيلو بناطلين ده ما عاجبني، انا بطبعي كده ما بعرف اشوف زول ماشي غلط واسكت بالزات هي،بحس اني مسؤول منها،ولازم اوجها للصاح يمكن لانو خالتي ندى امها وصتني عليها قبل يومين وقالت:عارفه بتي طبعها غلط وما بتسمع كلام زول بس انت من زمان بتوجها للصاح ومتاكده انو بتقدر تغيرها العمر ما معروف وانا لو حصل لي شي بتي لينه دي تحت مسؤوليتك انا واثقه فيك _ما عارفه لي قالت كده، ما جاني نوم طلعتا الجنينه لقيتها واقفه بي بجامه وشعرها البني الناعم متطاير مع الهوا نسبه لانو ده بدايه فصل الخريف بكون في هوا شديد، سرحتا فيها وهي مندمجه في المكالمه الكلها بالانجليزي ملامحها البريئه عيونها الكبار بالبني الفاتح ورموشها الطوال بتتلاحظ من بعيد حواجبها الشبه مقرونه وانها المستقيم وجهها الممتلئ من غير سمنه غمازاتها البظهرو مجرد ما تتكلم، والشامه الكبيره الفوق شافها العلويه، طولها المتوسط ونحفها المعقول واخيرا لونها القمحي الفاتح،دي كلها تفاصيل اول مره الاحظها، انتبهت لي ولاحظتا توترها طوالي انهت المكالمه بي صوتها الرقيق الفيهو شويه حده وقالت بب لهجتها الاجنبيه:good night،bye bye_جات عايزه تدخل وقفتها وانا ماسك يدها :يعني بتتحديني صاح؟_نفضت يدها مني وهي بتواجهني:تحدي شنو؟ وبعدين انت مشكلتك شنو معاي_اتكلمت بهدوء محاول اسيطر على غضبي:انتي ما في أمريكا عشان تلبسي بناطلين ضيقه وشعرك كاشف، وبعده مارقه عادي من غرفتك بي بجامه، الله يعلم هناك في أمريكا كنتي بتطلعي بشنو_اتكلمت بعصبيه وهي رافعه حاجبها نفس حركاتها:انت الدخلك شنو، بمرق بالحاجه البتريحني وللمره المليون انا تصرفاتك دي ما بنفع معاي واي حاجه بعملها يا ريت ما تدخل فيها ونصايحك بلها واشرب مويتها_جات عايزه تمشي تاني مسكتها بقوه وانا بقول:كنت بنصحك عشان خايف عليك بس يا ستي اعملي البريحك ومن اليله حتى السلام بيناتنا ماف والسودان ما زي امريكا وقدام ح تعرفى_فكيتها بقوه لمن وقعت طلعت غرفتي وانا معصب منها شديد، مشيت استحميت وغيرتها البلوفر العلق فيهو ريحة برفانها وقت مسكتها، لمحتا صورة امنيه ابتسمت بألم وانا بتذكر ذكرياتي مع امنيه فجأة جات في بالي صورة لينه وملامحها،حاسي في شي بدا يتغير..
- عينِاكِ أربكت قلبًا، تاب عن الحُب،♥️🍷
يتبع