رواية حلم واقع الفصل الخامس5والسادس6بقلم رانيا عماره
علياء بصت لـ صوره الولد الـ لين راسماه وفضلت تضحك
علياء(بتضحك) :والله يالين انا ماعارفه ازاي مقتنعه بالتخاريف دي
ونزلت وشافت حاجه خليتها اتمسمرت في مكانها!!
علياء:لالالالاا
وطلعت تجري علي البيت تاني ومسكت الصوره وفضلت تركز فيها جامد اوي وجسمها بيترعش
ف لين صحيت لقيتها ماسكه الصوره
لين(بإستغراب) :علياء مالك؟
علياء (بتوتر) :لين انتي قولتي ان الشخص ده بيظهر في احلامك وبس؟
لين(بإستغراب) :ايوه بس ليه انا مش فاهمه حاجه؟
علياء:متأكده؟ ممكن تكوني شوفتيه في الحقيقه قبل كده بس ناسيه؟
لين:يابنتي وانا هعمل كده ليه انا فعلا بشوفه في الاحلام وبس لكن عمري ماشوفته في الحقيقه ليه بتقولي كده؟
علياء: لين انا شوفته
لين(بـ صدمه) :نعم؟
علياء: اه والله شوفته يالين شوفته واتمسمرت في مكاني مقدرتش انطق ولا حتى عرفت اعمل ايه؟
لين(بلهفه) :شوفتيه فين؟
علياء :شوفته في المطعم الـ كنت هروحه انا اول مره اشوفه هناك شكله جديد هنا!
لين(بإستغراب) :ازاي؟
علياء:ازاي ايه تعالي معايا
وشدتها وراحوا المطعم وفضلوا واقفين
لين(بـ صدمه) :ده ده.. ده هو!
علياء(قلق) :انا قلقت منك
لين: استني بس
وقربت منه وكان بيتكلم مصري عادي زيهم
لين:انا بحلم صح؟
الشاب (مصدوم) :نعم؟
وهو كمان متنح الحقيقه ان هما الاتنين كانوا في صدمه كبيره هتعرفوا ليه بعدين!
لين:ان.. ان... انت..
الشاب :اهدي انتي كويسه
لين:انت الـ.. بـت..
الشاب :انتي كويسه؟
لين(بصدمه) :ايوه ايوه كويسه
وكل ده وعلياء واقفه واخده وضع الصدمه من الـ بيحصل
الشاب :اتفضلي اقعدي شكلك تعبانه
وجابلها كرسي قعدت وهو كمان كان مستغرب جدا فـ لين لما مشيت مع علياء فضل ماشي وراهم
علياء(بصوت واطي) :هو ماشي ورانا ليه
لين(بصوت واطي) :مش عارفه
علياء(بصوت واطي) :انا قلقت منكم
دخلت علياء ولين شقتهم لقوه في الشقه الـ جنبهم
لين:اضربيني بالقلم بسرعه
علياء (بإستغراب) :قلم ايه الـ اضربك بيه مالك يا لين فيكي ايه؟
لين:في حاجه غلط انا بحلم انا متأكده
علياء :يابنتي والله مابتحلمي واضح ان الاحلام كلت دماغك فوقي يالين
لين:ان... انا... انا
علياء:مالك يابنتي انتي كويسه؟
لين :حاسه اني بحلم ياعلياء ماهو مش معقول احلم بـ واحد واجي هنا مخصوص ويطلع ساكن في الشقه الـ جنبنا مش معقول تكون دي صدفه
علياء:مانا كمان شوفته مش انتي بس وده دليل اننا في واقع
لين:حاساه حلم واقع
علياء:انا الـ مستغربه منكم اوي بقولك ايه هنتأخر علي الشغل يلا بينا سيبك من كل ده
لين:اسبقيني انا هاجي بعدك
علياء:ليه أن شاء الله
لين:هروح اشتري شويه حاجات كده
علياء:ده ع اساس انك عارفه حاجه هنا
لين:متبقيش رخمه بقي روحي
علياء:طيب هروح اهو متتأخريش الا استاذ مجدي يعلقنا احنا الاتنين
لين:حاضر روحي بس
وبعد ما علياء مشيت دخلت لين نامت 5دقايق وصحيت مفيش احلام خالص زي ماهي متعوده
لين :ازاي بس ازاي مانا كل مره بحلم بيه معقول يكون ده واقع!
فـ تمالكت اعصابها وراحت خبطت عليه ف فتح
الشاب :خير في حاجه؟
لين(بتوتر) :حضرتك ساكن هنا
الشاب:حضرتك؟ ايوه انا ساكن هنا خير
لين:من امتي؟
الشاب :نعم؟
لين:ممم اقصد حضرتك جديد في البيت ده
الشاب :ايوه انا لسه جاي من اسبوع
لين: ممكن اعرف اسمك ايه
الشاب:تيم وانتي
لين(بتوتر) :انا لازم امشي
وهي مدياه ضهرها و ماشيه
تيم :لين!!
فـ لفتله!
لين:انت عارف اسمي؟
تيم:انا عارف كل حاجه عنك يا لين
لين:ازاي كنت بتجيلي؟
تيم:انتي الـ ازاي كنتي بتجيلي؟
تفتكروا هما الاتنين كانوا بيحلموا ب بعض طب هل فيه طاقه بتجمع ارواحهم رغم انهم متقابلوش قبل كده!
فـ لين طلعت تجري وقلبها بيدق بسرعه وحاسه نفسها بتحلم بس لما وقعت واتعورت اتأكدت انه حقيقه
تيم (بيشدها) :بتهربي مني ليه؟
لين(بتبصله) :انا في حلم
تيم(بيقومها) :احنا في واقع مش حلم بصي على ايدك وانتي تتأكدي
بتبص لقيت ايديها اتجرحت وتيم كان ساحبها معاه علي الصيدليه وهي بتبصله ومستغربه
تيم:Please, the girl's hand was injured(الفتاه ايديها اتجرحت)
الصيدلي:It's a deep wound(انه جرح عميق)
ولفلها ايديها وكان تيم بيبصلها بـ نظرات كلها حب رغم انهم متقابلوش قبل كده!
لين(بإحراج) :متشكره
تيم:هشوفك تاني
لين بتهز راسها بإبتسامه
عند عبير قررت متروحش الشغل اليوم ده وتفضل في البيت وبالمناسبه هي اهلها متوفيين وملهاش حد غير خالتها ماجده وبناتها
بتبص في الموبايل لقيت علي بيتصل بيها
عبير:ارد ولا استني شويه... هرد وخلاص.. الو نعم
علي:مجيتيش الشغل ليه
عبير(بسهوكه) :انا هقدم استقالتي
علي:مفيش مشكله حتى كنت متصل بيكي اقولك في موظفه كانت بتدور علي شغل لسه ماشيه بعد ماقولتلها ان مفيش مكان بس انا هتصل بيها تاني وأبلغها انك مشيتي
عبير(جابت ورا) :لاالالا انا مش هقدم استقالتي بس كنت تعبانه شويتين قولت ارتاح
علي:تمام مخصوم منك اليوم الـ غيبتيه
عبير:ينفع كده ياعلي تكون قاسي عليا بالشكل ده
علي(بيضحك) :وايه الـ انا عملته يخليني قاسي ده انا كنت بنكشك بالكلام بس عشان اطلع الـ ف قلبك وعلفكرا الشغل مفيهوش دلع الشغل شغل
عبير (بسهوكه) :ينفع عبير حبيبتك تخصم منها اليوم كله ماتديني العذر
علي:مديهولك ياستي بس متغيبيش تاني
نروح ل ماجده كانت ماشيه مع بنتها هبه ورايحه لـ فتحي اخوها في مكانه السري وكان قاعد بيشرب شيشه هو و٢ من رجالته
فتحي :احنا الفتره الجايه عايزين ناخد حذرنا اوي
_ احنا عنينا صاحيه يامعلم فتحي مش بتغفل دقيقه
فتحي:جدع ياض هو ده الكلام الـ يعجبني.. ايه ده ماجده في ايه انتي كويسه انتي والبنات؟
ماجده:اه ياخويا بس جيت مخصوص علشان نفكر
فتحي:ومتصلتيش ليه كنت جيتلك
ماجده:تيجي فين هو احنا ناقصين حد يشك فيك ولا يمشي وراك خليك في جحرك احسنلك
فتحي:وعايزه ايه
ماجده:المخفي جوز البت حنان اداها علقه موت يرضيك بنت اختك تتهان وتيجي غضبانه
فتحي:لا ميرضنيش ال يقرب من اختي وبناتها يبقى زعلني بقولك ياواد ياصلاح عايزك تروح تخلص
صلاح:من عينيا يا معلم اديني التفاصيل
فتحي:هديهولك طيب ماتقعدي ترتاحي
ماجده:لا ارتاح ايه انا ورايا حاجات بس بقولك براحه عليه شويه مش عايزاك تكسره اوي
فتحي:لا متقلقيش ده انا هدوقه حته صغيره
ماجده :جدع يافتحي يلا بالإذن
وخدت بنتها ومشيت
عند نور بعد ماخلصت امتحانها راحت عدت علي المستشفى
نور:لو سمحتي من فضلك هو أستاذ رامي عامل ايه دلوقت؟
الممرضه:الحمدلله بدأ يفوق وفي حاله تحسن
نور:الحمدلله طب ينفع ادخله؟
الممرضه:ممنوع الزياره
نور:ارجوكي ممكن بس دقيقتين بالظبط مش هزود عن كده
الممرضه:حضرتك كده بتضريني في شغلي
نور:معلش محتاجه ادخل ضروري
الممرضه:اتفضلي بس متطوليش
نور:حاضر
ودخلتله وكان نايم بس بيخرف بكلام
نور:ازي حضرتك يااستاذ رامي؟
المحامي(نايم بيخرف) : من.. من... منال
نور:منال؟؟ طنط منال كان في حاجه حكيتهالك انا معرفهاش؟
المحامي(نايم) :من.. منال.. طليقـ..
نور:ارجوك كمل
المحامي:طليقها عنده فيرو.. فيروس
نور:كمل
المحامي:فيروس قات.. قاتل
وعلاجه... في.. المانيا... قدامه سنه... ويموت لو.. لو مخدوش
ف نور بعد ماعرفت المعلومات دي خدت نفسها وراحت كافيه وكلمت لين من رقم تاني
نور:ايوه يالين انا عرفت شويه بيانات خطر
لين: ايه هي؟
نور:ابوكي يالين عنده مرض مناعي خطير قدامه سنه بالظبط ويموت وال فهمته ان العلاج ده الوحيد ال هيعالجه والعلاج في المانيا وهو مش قادر علي تمنه ولما عملت سيرش توصلي بيانات كتير ان العلبه منه ب ١٠٠ الف جنيه
لين:انتي عرفتي كل المعلومات دي ازاي؟
نور:روحت للمحامي بس المحامي ده شكله بيخلص قال كل كلمه بطلوع الروح
لين:انا لازم ارجع مصر
نور:هترجعي مصر ازاي ف الـ انتي فيه ده؟
لين:هتصرف يا نور هتصرف
دخلت علياء ولقيت لين بتتكلم ف الموبايل
علياء:يااه الواحد تعب من الاوردرات دي انتي كنتي بتكلمي مين
لين:دي واحده صاحبتي في مصر
علياء:ااها علشان كده الشوق واخدك
مشيت لين وراحت وقفت قدام شقتها وكانت بتبص علي الأشجار والورد وعماله تفكر ودماغها بتودي وتجيب ولقيت دموعها بتنزل لواحدها
لين(في سرها) :وبعدين انا مش هسيب حق ماما ولا الـ حصلها.. ماما اتبهدلت اوي.. انا مش عارفه ازاي بابا اذاها كده؟
ف لقيت تَيِمْ وراها
تَيِمْ:لين!!
لين (بتبص وراها) :ازيك ياتيم
وبتمسح دموعها
تيم:ممكن تفهميني مالك
لين(بتداري عينيها) :مفيش حاجه ياتيم
تيم:ممكن تحكيلي علشان اساعدك
لين كانت متردده ف الاول انها تحكي بس حكيتله كل حاجه من الاول
تيم(بكل حب) :هساعدك بس أول خطوه نغير اسمك وبطاقتك لـ حاجه تانيه
وخدها وراحوا مكتب متخصص في الحاجات دي وكان بعيد شويه عن المدينه لانه غير قانوني
تيم: السلام عليكم
_وعليكم السلام اتفضل
تيم:كنت عايز اعمل بطاقه وهميه هنغير فيها شويه حاجات كده
_نبغي البطاقه القديمه
تيم:هاتيها يالين
عند علياء كانت خلصت ومروحه دخلت البيت ملقتش لين قالت بس الولد الـ شافته اكيد عمل فيها حاجه او خطفها
علياء:يانهار اسود راحت فين؟
وعماله تدور
علياء:لين.. لين.. لين؟
وعماله تبص بس ملقتش حد وبعد نص ساعه لقيت لين راجعه مع تيم
علياء(بعصبيه) :كنتي فين وايه الـ وداكي معاه؟
تيم:متقلقيش انا كنت بساعد لين
لين:في ايه ياعلياء كنت بعمل اوراق علشان راجعه مصر
علياء(بحزن) :هترجعي مصر؟
لين:مضطره ارجع متخافيش هرجع تاني بس هطول هناك بس هتطمن عليكي متقلقيش
علياء:هتسيبيني؟
لين :مش هسيبك انتي متعرفيش حاجه انا ورايا حاجات كتير لازم اعملها هرجع تاني
علياء:هترجعي تاني وعد؟
لين:وعد
وحضنتها وفضلوا يعيطوا
عند فتحي جاب بلطجيه وراحوا ضربوا جوز حنان وقطعوه ضرب
ماجده:الو ايوه ده بجد؟ هو ده الكلام انا كده مبسوطه منك
حنان:ايه يا ماما ضربوه؟
ماجده:ايوه يابت.. الو يافتحي ماشي ياحبيب اختك لالا متقلقش من حاجه.. ماشي يلا سلام
حنان:عملوا فيه ايه؟
ماجده (بتضحك) :كان راجع من عند امه يابت قاموا عجنوه ضرب كان بيصوت زي النسوان هههه
حنان(بتضحك) :يستاهلها ده لا شكل ولا منظر
ماجده :بعد ال عملوه فيه يستحيل يضربك تاني ابدااا
نرجع لـ لين تاني يوم كانت جهزت شنطها وحاجتها ومعاها بطاقه بإسمها بس اسم الاب متغير والعنوان والرقم القومي وكله حتى شهاده الميلاد وطلعت الصبح بدري وسابت ورقه ع السرير جنب علياء وهي ماشيه ومديه ضهرها لقيت تيم بيطلع من الشقه و معاه شنط
لين:ايه ده تيم رايح فين؟
تيم:مش هسيبك لواحدك هنسافر مع بعض
لين :بس مش هينفع تسيب شغلك وكل حاجه علشاني و...
تيَم(بيقاطع كلامها) :هاجي معاكي في المكان الـ تروحيه وانا بحجزلك طياره السفر حجزت ل نفسي
لين(بإستغراب) :بس..
تيم :مفيش بس يلا علشان منتأخرش
وراحوا المطار وكان يُستحيل ان حد يلاحظ ان البطاقه والباسبور مش حقيقين
عند عبير قبل ماتنزل الشركه
عبير:ااه لو يفاجئني ويطلبني للجواز كان زماني عايشه في الفلل ومعايا فلوس قد الرز ولا راكبه عربيه بدل تاكسي كل يوم ده
وراحت الشركه
علي:الحلو نور وانا اقول الشركه منوره كده ليه
عبير:ده عيونك حلوين بس ها خصمت مني يوم امبارح ولا كنت عند وعدك؟
على :لا عند وعدي وهتاخدي مرتبك كامل كمان
عبير(بتضحك) :ايوه كده
في الطياره
تيم:ازاي كل ده حصل؟
لين:ده الـ حصل فعلا انا كنت بحلم بيك كل يوم.. وكل يوم حلم جديد كان كله بيكدبني ويقولي مستحيل تقابليه
تيم:الغريبه ان انا كمان كنت بحلم بيكي كل يوم مع اني معرفكيش ولا عمري شوفتك
لين :انا لحد ماشوفتك كنت فاكره اني بحلم بس اتأكدت اننا في الواقع الـ مينفعش نهرب منه
تيم: طيب وعمتك دي ليه بتعمل معاكي كده
لين:مش عارفه ليه بيعملوا معانا كده.. ماما كانت منهاره عليا ومش عارفه تعمل ايه والشر بان في عيونهم
تيم :واضح اننا متشابهين انا برضه مرات ابويا كانت بتكرهني وبعد مااتطلقت منه واتجوزت واحد تاني كانت لسه بتحارب فينا.. الحقيقه انها ست عدوانيه جدا هي وبناتها وتسببت في موت أمي علشان كده مستغرب جدا
لين(بإستغراب) :الست دي مين يمكن اعرفها؟
تيم(بيتنهد) :اسمها ماجده
لين:ماجده!!!!!!
وهنا كانت الصدمه بس كانت الطياره وصلت ونزلوا وكانت لين دماغها عماله تفكر!
وعند نور كانت عارفه ان لين راجعه ومستنياها في المطار بس لين كانت مغيره الاستايل بتاعها بحيث متتعرفش وعامله نيولوك
نور(بتكلم نفسها) :اتأخرتي اوي يلا انا مستنيه اهو
وبعد ٥ دقايق لقيت لين جايه ومعاها واحد!!
نور(بلهفه) :لين
وطلعت تجري خدتها ف حضنها
نور(بعياط) :وحشتيني اووووي كل دي غيبه
لين(بعياط) :وحشتيني اوي يانور وماما وحشتني اووي اووي عايزه اشوفها اوي
نور:طنط منال اتبهدلت اوي من بعدك ارجعي يالين ارجعي
لين (بعياط) :انا رجعت اهو وخلاص هجيبلها حقها
نور:وحشتيني اوي
وعمالين يعيطوا
نور(بتمسح دموعها) :مين ده؟
لين: ده تيم هقولك بعدين
نور:اهلا بيك ياتيم
تيم (بإبتسامه) :اهلا بيكي تشرفنا
نور:ميرسي.. طب يلا علي بيت طنط
وخدتها وراحوا البيت وهما قدام الباب
لين(اعصابها تعبانه ومتوتره) :انا خايفه يانور
نور:متخافيش مامتك هتفرح اوي
تيم:يلا يا لين خبطي
وبالفعل لين خبطت ومامتها فتحت!!!
الفصل السادس
لين(اعصابها تعبانه ومتوتره) :انا خايفه يانور
نور:متخافيش مامتك هتفرح اوي
تيم:يلا يا لين خبطي
وبالفعل لين خبطت ومامتها فتحت!!!
منال: ايوه حاضر جايه... مين؟
نور:افتحي ياطنط انا نور
منال:حاضر ياحبيبتي استني
وبتفتح الباب لقيت لين فـ وشها
منال(بصدمه) :لين؟
وحضنتها
لين(بعياط) :وحشتيني اوي ياماما وحشتيني اوي اوي
منال(منهاره وبتعيط) :وحشتيني ياقلب امك وحشتيني انا حاسه اني بحلم انتي عايشه؟
وبتسيبها وبتبص عليها وهي مستغربه ورجعت حضنتها تاني
منال(بعياط) :كده تعملي فيا كل ده انا كنت هموت عليكي.. ابوكي مرمطني وبهدلني يالين وفضحني وسط الناس اااه ياحرقه قلبي
لين(بعياط) :متعيطيش انا عايشه ورجعتلك اهو علشان نرجع زي زمان ونخطط سوا
منال(بعياط) :الحمدلله اللهم لك الحمد والشكر انا ضهري اتقطم من بعدك الحمدلله انك رجعتي
نور:خلاص ياطنط مش عايزين عياط لين رجعتلك اهو وهتبقي في حضنك من تاني
منال(بعياط) :الحمدلله والشكر لله
وبتبص لقيت تيم واقف جنب نور
منال(بحزن) :مش تعرفينا؟
لين:ده تيم زميلي ياماما وهو شخص محترم
تيم(بإبتسامه) :ازي حضرتك ياطنط
منال: ازيك يابني طيب تعالوا اتفضلوا
ودخلوا قعدوا
عند عبير راحت تعمل لـ علي تركيبه اعلي علشان تجيب مفعول اكتر وحطتها في الأكل
وراحت الشركه
علي(بإبتسامه سخيفه) :ايه ده عبير خير
عبير(بسهوكه) :ازيك ياعلي انا قولت اجيبلك اكل حاجه بسيطه بس انا ال عاملاه ب ايدي المره دي
علي:متشكر بقولك قبل اي حاجه عايز ورقتين زي دول من مكتبك ضروري حالا
عبير:حاضر بس كده ثواني وتكون عندك
وراحت ورجعت
عبير:اتفضل لقيتهم
علي: كده تمام اقعدي بقي
عبير: اما قولي انت مش ناوي تتجوز
علي(بذكاء) :طبعا ناوي انا بس كنت بكبر من نفسي الفتره الـ فاتت انما طبعا هتجوز وقريب اوي
عبير(بتضحك) :ومين سعيده الحظ؟
علي(بذكاء) :لا دي مفاجأه وانا مقدرش احرق مفاجئاتي
عبير(بتوتر) :اخاف من مفاجئاتك دي
على (بيضحك) :لا متخافيش لان المفاجئه هتكون مُرضيه لكل الاطراف
عبير(بتضحك) :كده انا اتطمنت
نرجع لـ لين ومنال
منال:بقي كل ده حصل من ورا ضهري؟
لين:انا الـ مستغربه ياماما ازاي الحقير ده يعمل فيكي كل الـ حصل من بعدي
نور:فعلا ياطنط ازاي هانت عليه العشره؟
منال:ولاد الحرام بتهون عليهم العشره والعيش والملح
تيم:استأذن حضرتك ياطنط هو اخدك ازاي؟
منال: والله يابني انا كنت ماشيه في حالي لقيت عربيه ماشيه جنب مني بابها اتفتح وشدوني ومحستش بـ نفسي الا وانا هناك
تيم:انا مش هسيب حقك انتي زي امي الله يرحمها
منال:الله يرحمها والدتك حصلها ايه؟
تيم: هحكيلكم ولو ان ده بيجي علي جرحي بالقوي،بس ماما كانت مستقره مع والدي جدا لحد ماخطفته واحده هي ست شر كان نفسي اعملها كتاب بإسم ابليس يتحدث (وبيضحك)
وماما موافقتش علي الـ بيحصل وانا قي الوقت ده كنت صغير اوي وفي يوم امي وهي جايباني من المدرسه جات عربيه خبطتها
'' '' 'فلاش باك'''''
مامت تيم:يلا ياحبيبي علشان نرجع البيت وناكل ونعمل الواجب
تيم:ماما ماما انا عاوز شوكولاته
مامت تيم:ياحبيبي الشوكولاته وحشه ونوتي كده اسنانك تبوظ
تيم:ماما مليش دعوه
مامت تيم:خلاص وعد لما تكتب الواجب هجيبلك كل الشوكولاته الـ في الدنيا
وجات عربيه خبطتها والناس اتلمت ونقلوها المستشفى وكان تيم لسه طفل صغير ومش فاهم حاجه
الدكتور :البقاء لله شدوا حيلكم
جده تيم(بصويت) :لااااا بنتي ااااه يابنتي """"
تيم(يستكمل كلامه) : وماتت من هنا وروحت عيشت مع جدتي وابويا عاش مع الست الظالمه دي كام سنه والحمدلله مخلفش منها بس مات
منال(متأثره) : ياحبيبي يابني طيب مكنش عندها اولاد من قبل ماتتجوز باباك؟
تيم: لا مكنش عندها بس بعدها اتجوزت وخلفت بنتين جيت انا لما كبرت وبدأت استوعب قولت لازم اكون نفسي وسافرت برا من قريب وهرجع اخد حق امي
منال(بدموع) :وجدتك ياتيم يابني عايشه؟
تيم:طبعا عايشه انا دلوقت مليش غيرها
منال(بدموع) :ربنا يديها الصحه وطوله العمر
تيم:يارب
نور:واضح انك شوفت كتير في حياتك
تيم:ده حقيقي
لين(بإبتسامه) :خير ياتيم
وبعدها مشوا و لين قعدت في حضن مامتها والكلب بتاعها
------بعد أسبوع-----
كانت مامت لين بتحاول تفهم كل ده حصل ازاي
منال:لين ياحبيبتي كل ده حصل ازاي وازاي عملتي انك بعد الشر توفيتي وليه عملتي كده؟
لين:انا اتفقت مع شاب اسمه ياسر قابلته في كافيه واتكلمنا بعدها حوالي3 مرات وطلبت منه مساعده هو طلع كويس معايا
منال:ليه عملتي كل ده يا لين وعلشان ايه؟
لين(بحزن) :لاني سمعت بابا قبلها بـ فتره بيتفق علي قتلي كان لازم ابعد
منال (بإستغراب) :بيتفق علي قتلك؟
لين (بحزن) :ايوه يا ماما فـ كان لازم اعمل كل ده واهرب قبل مايقتلني
منال:يافتحي الكلب.. طيب ياحبيبتي لازم نشوف حل ماهو لو عرف انك لسه عايشه هيعيد ترتيب الخطه من الأول
لين:علشان كده غيرت كل حاجه عني
(وبتطلع البطاقه والباسبور)
منال:طيب وملامحك الـ كله حافظها؟
لين:انا اشتريت نقاب ياماما هدخل واخرج بيه
منال:خايفه عليكي اوي يا لين
لين(بإبتسامه) :متقلقيش
فـ لقيت نور بتتصل
لين:ايوه يانور
نور:عايزين نروح للمحامي بيقولوا انه فاق
لين:بجد؟ طيب انا هلبس وهقابلك
منال:في ايه يابنتي
لين:هروح اقابل نور وهنروح للمحامي
منال:خدي بالك من نفسك انا مابقاش ليا حد فـ الدنيا غيرك
لين(بإبتسامه) :حاضر
وباستها وقامت لبست النقاب وراحت المستشفى مع نور
نور:الدكتور بيقول انه فاق
لين:طيب دي حاجه كويسه جدا علشان نفهم منه اكتر
ودخلوا الأوضه عنده وكان قاعد ع السرير
لين:ازي حضرتك يااستاذ رامي؟
المحامي(بتعب) :اهلا اتفضلوا
نور:مش مصدقه ان حضرتك فوقت
المحامي(بتعب) :اهو اتكتبلي عمر جديد
لين:الحمدلله.. ايه موضوع علاج بابا والمرض المناعي الـ عنده؟
فـ المحامي وشه اتقلب اول ماسألته
لين:ارجوك ادينا اي معلومات
المحامي:ده السلاح الـ هنستخدمه ضده
نور:ممكن حضرتك تفهمنا ناوي علي ايه؟
المحامي:دي لعبتك انتي ونور وده دوركم زي مانتوا شايفين انا لو بقيت امشي علي كرسي متحرك يبقى كويس... بس ايه ده انا كنت ناسي انك توفيتي يا لين؟
لين (بتضحك) :حضرتك هتساعدنا وتخرجنا من المشكله الـ انا عملتها لـ نفسي بس مكنش قدامي حل غير ده بعد ماعرفت ان بابا عايز يقتلني معرفس ازاي هان عليه يقتل بنته؟ وبدون سبب ولمجرد انه بيكره ماما؟
المحامي:فتحي مش ابوكي يالين
لين ونور:ايه؟؟
ودخل في غيبوبه تاني
لين(بعياط) :اصحى قولي اي حاجه طيب قول ان انا بحلم؟
نور(بصدمه) :تعالي يالين معايا تعالي
وبتشدها والدكتور جه بسرعه يلحق رامي
لين(بعياط) :انا.. انا.. لازم ارجع البيت دلوقت
نور:طيب اهدي شويه تعالي هنروح
وخدتها وروحوا ودخلت لين وهي متعصبه
لين (بعصبيه) :انتي ازاي متقوليليش طول السنين دي ان فتحي مش ابويا؟؟؟ بتضحكي عليا؟؟ 21سنه وانا فاكره ان فتحي ابويا؟؟؟ وانا الـ مستغربه ازاي عايز يإذي بنته اتاريني مش بنته
نور:اهدي يالين
منال بتقوم من علي الكنبه
منال(بصويت) :ايوه مش ابوكي فتحي مش ابوكي عايزه ايه؟
لين(بعصبيه) :بتضحكي عليا كل الفتره دي؟؟ ليييه؟
منال (بعياط) :ابوكي مات يالين وانتي صغيره كنت هعمل ايه اوجعلك قلبك واقولك انه مات وانتي ف كل مره بتسأليني بابا فين ولما اتجوزت فتحي كنتي فاكراه ابوكي مرضتش ابوظ فرحتك واوجع قلبك واحسسك بالنقص دلوقت بعد ماكنت ابوكي وامك؟ وبشتغل وبصرف عليكي وحرمت نفسي من الجواز 12 سنه جايه دلوقت تقوليلي بتضحكي عليا؟
لين(بعياط) :مش مصدقه لاا مش مصدقه
وطلعت تجري راحت قدام النيل كانت واقفه ومنهاره وعايزه تنتحر فـ نور عماله تشد فيها وهي مش مقتنعه ولا حاسه بحاجه لحد مانور خدت موبايلها من ايدها واتصلت ب تَيم
وجه
تيم:لين اوعي تعملي حاجه فـ نفسك
نور(بعياط) :قولها مش راضيه تسمع كلامي
تيم:انزلي يا لين متستسلميش للشيطان
كل ده و لين بتبصلهم وهي بتضحك وتعيط في نفس الوقت
نور:ارجوكي بلاش تعملي حاجه فـ نفسك
تيم:لين اسمعي كلامي وانا هعملك اي حاجه تطلبيها بس انزلي
لين (بصويت) :مش هنزل ابعدوا عني
فـ جات عربيه ووقفت وكان ابو نور
ابو نور:ايه ده انتي بتعملي هنا ايه؟
نور:الحق لين يابابا عايزه تموت نفسها
ابو نور(بعصبيه) :قدامي علي البيت مخدناش من لين دي غير وش المصايب واقطعي علاقتك بيها فاهمه ولالا؟
نور(بزعيق) :مينفعش مينفعش!!
ابو نور:يلا علي البيت انا قولت كلمه واحده ولازم تتسمع انا مش هستني لما تضيعي مني
نور: يا بابا لين عايزه تنتحر!!!
ابو نور:واحنا مالنا يلا قدامي علي العربيه وانتي يااخت لين انسي ان ليكي صاحبه اسمها نور وكفايه لحد كده
مشيت نور مع ابوها وهي بتبص لـ لين بدموع حزن
تيم:انزلي يالين متعمليش حاجه فـ نفسك!!
فـ ديرت وشها وقررت تنط راح تيم شاددها بسرعه فـ وقعوا علي الارض
عند عبير وعلي في كافيه قدام النيل
عبير:بقالي اسبوع بتحايل عليك تقولي مين سعيده الحظ
على (بخبث) :انتي ياعبير حسيت ناحيتك بمشاعر محسيتهاش ناحيه حد تاني
عبير(بتضحك) :طب ولما ف قلبك كل ده متكلمتش ليه
علي:قولت اتقل شويه بس مقدرتش استحمل وقررت اعترف بكل الـ ف قلبي
عبير:قولتلي... طب وانا ميمشيش معايا جو المقابلات
علي:لا مقابلات ايه انا هطلبك من اهلك
عبير(بفرحه) :بجد بس ياخساره اهلي ميتين
علي:شوفي اقرب حد مين وانا اجيله من بكرا
عبير:خلاص تعالي قابل خالتي دي ست طيبه اوي في مقام امي
علي:في اقرب وقت😉
عند ماجده وبناتها لقوا الباب بيخبط قاموا فتحوا
ماجده(بتوتر) :ايه ده ازيك عامل ايه
جوز حنان:بتبعتيلي بلطجيه يكسروا عضمي ياحماتي بدل ماتعقلي بنتك
ماجده :يوه؟ مين الـ كسرك وانا انط فـ كرشه؟
جوز حنان :قسما عظما ان مابنتك رجعت معايا على بيت الطاعه لأخنقها بإيديا دول
ماجده(بزعيق) :انت جاي تهددني في بيتي ولا ايه لا اسمع يابتاع انت انا بنتي مش هترجع فـ حته ولو الـ اتكسرتلك ايد ف احنا ممكن نخليهم ايدين
جوز حنان:يعني ايه هو انا مش راجل ف بيتي ولا ايه
ماجده:راجل؟😏 مابلاش انت تتكلم عن الرجوله الـ متعرفش عنها حاجه
تيجي حنان
حنان:ايه ده انت ايه ال جابك هنا ياعره
جوزها:لا انتي تحترمي لسانك معايا بدل مااكسر عضمك
حنان:هيهي بيقول يكسر عضمي وهو كله على بعضه عضمه متكسر من العلقه ال خدها لو عايز تاخد غيرها عرفني بس المره دي مش هتعرف تمشي علي رجلك
ماجده :يلا يالا امشي من هنا
وراحت رازعه الباب ف وشه
جوز حنان :ماشي ياحماتي الايام جايه
عند لين وتيم
لين(بعياط) :بتلحقني ليه كنت سيبني اموت
تيم:متعمليش حاجه فـ نفسك يا لين ممكن تيجي معايا في مشوار؟
وخدها معاه وراحوا لـ جدته
جده تيم:حبيبي تعالي ف حضني
تيم بيحضنها
تيم:حبيبتي ياتيته
جده تيم:مين العسوله دي؟
تيم:دي لين صاحبتي
جده تيم:تعالي ف حضني ياحبيبتي
وبتحضنها
جده تيم:مالك مين مزعلك؟
لين(بتضحك) :مفيش حد
تيم:قوليلها بقي علشان مكنتش مبطله عياط
جده تيم(بتضحك) :متعيطيش ده انتي زي القمر
لين(بإبتسامه) :شكرا ياتيته
جده تيم:طالعه منك زي السكر تعالوا اقعدوا تعالوا.. ها قولولي تحبوا تشربوا ايه
تيم:عايزه تشربي ايه يالين؟
لين:اي حاجه
جده تيم:ده انا عامله شويه كيك انما ايه حلو اووي هجيبلكم مع الشاي وقولولي رايكم
وقامت
لين:جدتك طيبه اوي
تيم:ده حقيقي
فـ لين قامت تتفرج وتيم قام وراها وكان باب أوضته مفتوح ومليان لوح ورسومات
فـ لين بتبص لقيت صورتها؟
لين:دي انا؟
تيم بيهز راسه ب ايوه وبيبتسم
لين:انت رسمتني كتير اوي مش صوره واحده
تيم:تصدقيني لو قولتلك ان الصور دي كلها من قبل مااقابلك
لين:تفتكر ايه السبب في كل ده
تيم:انا هتجنن نفسي اوصل لإجابه ومش عارف
لين :هي مرات باباك هي الست دي؟
وبتوريله صوره ف موبايلها
تيم(بصدمه) :ايوه هي!!!!!!
لين(بإستغراب) :بتهزر
تيم:والله هي انتي ايه علاقتك بيها؟
لين:دي... دي المفروض اخت طليق ماما
تيم:مش غريب الـ احنا فيه ده يالين؟
لين بتعمل فلاش باك فـ دماغها لما تيم قالها في الحلم :انا وانتي ضحيه!!
لين(سرحانه) :انا وانتي ضحيه
تيم(بإستغراب) :بتقولي ايه؟
لين:الموضوع ده في حاجه مش طبيعيه
خرجت جده تيم ومعاها شاي وكيك
جده تيم:معلش بقي ياولاد حاجه علي القد بس هتعجبكوا
لين:تسلم ايديكي ياتيته كفايه انك تعبتي نفسك
تيم :تيته عليها اكل رهيب مش اي حد يعمله
جده تيم(بتضحك) :ياواد يابكاش بتجاملني
تيم:طيب انا هخلي لين تجرب وتقولك وهتعرفي ياتيته اني مش بجاملك
لين:لا باين فعلا انك شاطره
جده تيم:ده شقي عمر يابنتي محدش بيتعلم بالساهل
*عند نور وباباها في البيت *
ابو نور:انا مش كل يوم هجيبك من برا كفايه كده كل يوم خارجه كأنك فـ عماره من غير بواب
نور:ينفع يابابا انك تاخدني في وقت زي ده؟
ابو نور:لا استني لحد ماتنتحري زيها احنا ناقصين عبط كفايه الـ بيحصلنا من ورا راسهم
نور :بس محصلش حاجه يابابا
ابو نور:والتهديد ده كان ايه يااستاذه نور
نور:انت عرفت؟
ابو نور:فاكراني مش هعرف ولا ايه اظن كفايه كده متدخليش نفسك في دوامه احنا مش قدها
عند منال كانت قاعده علي اعصابها لحد مالين جات مع تيم
منال:كنتي فين يالين وازاي تجري وتسيبيني؟
تيم:متقلقيش ياطنط.. لين بخير انا خرجتها شويه غيرت جو وهي بقيت كويسه
منال:يابني انا خوفت عليها اوي
تيم :متقلقيش وبعدين لين مش عيله صغيره دي انسه
لين:متزعليش مني ياماما
منال:مش زعلانه منك يالين
وخدتها فـ حضنها
تيم:واعملوا حسابكم انتوا معزومين عند تيته بعد بكرا ولازم تيجوا علشان نتعرف علي بعض
منال:مشتاقه اشوف جدتك اوي ياتيم
تيم:بعد بكرا ان شاء الله وانا هاجي اخدكم ب نفسي وان شاء الله يكون يوم حلو
منال:ماشي ياحبيبي طب تعالي اقعد اشرب حاجه
تيم:لا المهم اني اتطمنت علي لين عن اذنك
ومشي
منال:تيم ده ابن حلال يالين
ودخلت مع لين الأوضه لقيت صورته ف اتخضت
لين(بتضحك) :في ايه ياماما
منال:بسم الله الرحمن الرحيم انتي رسمتيه امتي؟
لين:فاكره لما كنت بقولك اني بحلم بشخص ومتأكده اني هقابله.. اهو ده تيم ياماما والصوره دي من قبل مااقابله ب زمن
منال:ده تيم؟
وفضلت تبص في الصوره ومستغربه
منال:الولد ده شكله ابن حلال ومحترم نفسي اشوفك في بيتك يالين بس خايفه تقعي ف نفس غلطتي خايفه اووي
لين:متقلقيش انا اصلا هفضل قاعده معاكي دايما مش هسيبك
وبعد يوم صحيت لين ولبست النقاب وخرجت وهي ماشيه في الشارع شافت حد!!
ياتري شافت مين؟؟
يتبع