رواية لف بينا يادنيا الفصل الخامس5بقلم منه محمد
حابي بصدمه : ايه !!
دنيا / نفرو : تبقي وزيري لانك شاب ذكي و مثقف و وسيم ااااصدقي يعني ن انت انسب واحد للوظيفه دي
حابي : بس الوزير حتحور مقصرش ف حاجه و هو احسن مني
دنيا / نفرو : انا عارفه طبعا و كنت هارقيه لحاجه احسن
حابي : انا اسف جلالتك بس مش هاقدر اقبل بده
دنيا / نفرو : خلاص تبقي المستشار بتاعي و اكملت بخجل : عشان لما احتاج اخد قرار استشيرك فيه الاول 👈👉
______________________________________________________________________________
مرت الايام و انتعش حال البلاد و ازدهر الاقتصاد
حتحور : حال البلاد انتعش من ساعه ما جلالتك توليتي الحكم
دنيا / نفرو : الحمد لله كله بفضل مساعدتكم ليا ومشور حابي
حتحور : حابي !!
دنيا / نفرو : انا عينته مستشاري الخاص
نظر " حتحور " بعدم الارتياح : امممممممم ، اه بالمناسبه احنا لاقينا الشئ الغريب اللي حضرتك امرتي اننا ندور عليها ، و قدمه لها
دنيا / نفرو : الكتاب اخير و عانقته : لاقيته فين
حتحور : الحراس بيقولوا انهم لقوا ف السوق تحديدا عند سوق الجواري !!
ضحكت بإحراج : اشكرك يا وزير حتحور تقدر
تتفضل
انحنى لها ثم ذهب بعد ذهابه اخذت تتصفح الكتاب و لفت نظرها عنوانه (العوالم الاربعه) : العوالم الاربعه ايه ده !!
فتحته فرأت المقدمه تقول : في كل زمن من الازمنه الموجوده ف الكتاب عليك حل اللغز
بدأت بقراءه الكتاب : الفصل الاول نبوءه نفرتاري ، هي دي النبوءه اللي اتكلم عنها حابي اصدقي مصطفى
كانت تحكي عن سوء احوال البلاد و تأتي الملكه حفيده نفرتاري التي تصلح احوال البلاد و بعد ذلك ينتهي دورها بتضحيه عظيمه : تضحيه عظيمه يعني ايه ؟
______________________________________________________________________________
استدعت "حابي" إليها ، دخل و انحنى لها : مولاتي
دنيا / نفرو : الحقني انا ف مصيبه
حابي : ف ايه جلالتك !؟
قربت الكتاب له : خد اقرأ
نظر للكتاب بتعجب : مش فاهم حاجه
ضربت رأسها : اخ انا نسيت انا لسه قبل الميلاد ، طب بص هي نبؤءه نفرتاري بتقول ايه ؟
حابي : بتقول ان حفيده نفرتاري هتظهر ف حاله الفوضى
دنيا / نفرو : و بعدين
حابي : و بعد ما تتسحن الاحوال هتختفى تاني بعد ما تكون قدمت تضحيه عظيمه للبلاد
دنيا / نفرو : ايوه ايه بقى التضحيه دي ؟
حابى : مش مكتوب
اخذت تطلم و تولول : يا نصبيتي نصيبتي
حابي : جلالتك
قاطعته : اسكت يا عم جلاله مين انا اللي ايه جابني هنا اصلا منا كنت فحالي يارتني سمعت كلامك يا مصطفى لما قولتلي متلعبيش ف حاجه
حابي : انت كويسه
دنيا / نفرو : لا لا انا مش كويسه يارتكوا ما لقيتوا الكتاب
نظر لها بتعجب و هو لا يفهم شئ مما يحدث حوله
________________________________________________________________________________
خرج " حابي " و امسك به حراس الوزير " حتحور" حاول مقاومتهم لكنه فشل اخذوا إلي الوزير
حابي : سيدي الوزير
حتحور : لا سيدك ايه بقى ده انت اللي سيدي انت فيه ايه بينك و بين الملكه
حابي : مش جنابك انت تقصد ايه ؟
حتحور : انت هتعملي فيها عبيط انت داخل طالع من عندها بتعمل ايه ؟
حابي : ده لاني المستشار بتاعها
حتحور : اه مستشارها و انت الوحيد اللي كنت تعرف بموضوع النبوءه دي
حابي : صدقني يا سيدي انا مخلص للبلد و ليك و مفيش اكتر من كده
نظر له بنظرات مشككه لكنه تركه يذهب
________________________________________________________________________________
كانت البلاد تتجهز للاحتفلال بيوم وفاء النيل
دخل "حتحور " و انحنى لها : يوم وفاء النيل قرب
كانت تجلس مهمومه : ماشي ماشي ابقوا خلوا اليوم ده اجازه رسميه للعمال
حتحور : جلالتك هو اصلا اجازه
دنيا / نفرو : اومال عايز ايه ؟
حتحور : احنا جهزنا الموكب اللي هتروحي بيه عشان تشوفي عروسه النيل
دنيا / نفرو : عروسه ايه !!
حتحور : عروسه النيل كل سنه بنختار بنت حلوه عشان نقدمها قربان للنيل
دنيا / نفرو بصدمه : انت بتقول ايه !!
حتحور : دي طقوسنا اللي بنعملها من زمان عشان النيل يرضى عننا و يفيض علينا بخيره
دنيا / نفرو : انتوا مجنانين عايزين ترموا واحده ف النيل عشان الكلام الغريب اللي انت قولته ده بص انتوا ناس عندكوا و حضاره و كل حاجه بس مش لدرجه نرمي انسانه ف النيل
حتحور : انا مش فاهم جلالتك معترضه ليه انت عايزه النيل يغضب علينا
دنيا / نفرو : لا لا انا مش لازم اسكت ع الكلام ده ابدا
و ركضت مسرعه إلي مكان الاحتفال لمتنع جريمه علي وشك الحدوث منه وجهه نظرها