رواية الغرام و جنونه
الفصل الثالث عشر 13
بقلم نور الشريف
بص في عيوني بتهديد وقال أنا عايز أجرب نفس البو'سه زيه
أتنفضت من مكاني برعب ..ظافر أنت مجنون ؟
مسك أيدي اخدتها بسرعة
قلت بخوف وهو بيقرب مني وأيده بتلمس جسمي بقذرة
حط نفسه في نفسي وبدأ يقل'عني هد'ومي بفتح باب العربية كان مقفول طلعت المسد'س بتاعي و كسرت ألازاز بتاعها
قال بعصبية : هتموتي نفسك أحنا علي طريق سريع أستني يا غرام ..محستش بنفسي غير وانا برمي نفسي منها
وجت عربية بسرعة خبطتني
بيقف ظافر بتوتر و قلبه مقبوض بيقرب منها بيلاقي د'م علي الطريق و البدلة البيضاء كلها بقت دم
و بتيجي الإسعاف تنقلها علي المستشفي بيمسك ظافر دماغه وبيقول بخوف ..أنا أترفدت خلاص
يوم ما أترفد يبقي علي أيد غرام
بيرن ظافر علي أبوها ايوه يا حضرت اللواء بنتك عملت حادثة
بيتصدم محمد و بيقوم من المكتب بسرعة : غرام بنتي
بيسمعوا عيسي قبل ما يمشي من القاهره..في اي يا محمد قلقتني وشك أتخطف قال بتعب : غرام عملت حادثة
بيتصدم عيسي و بيتنازل عن المهمه المنسوبة أليها بحزن !!
بينزل الخبر علي النت و بيتحرك كل المدرية
للمستشفي
بيعرف زين الخبر و هو في المطار بيرن علي اللواء مغلق بيرجع تاني القاهرة و هو مش متملك أعصابه
بتروح المدرية كلها المستشفي و كانت في العناية المركزه
بيوصل ظافر واول ما بيشوفه أبوها بينقض عليه بعصبية ..
عملت اي في بن"تي يا كل'ب
بيتوتر و بيبصله بخوف : معملتش حاجة هي اليي رمت نفسها من العربية و عدت عربية خبطتها
بيقع محمد علي الارض من الصدمة : بنتي
بينقلوها من العناية المركزة ل عناية تانيه بيشوفها أبوها و أول ما بيشوف هدومها و دماغها كلها د'م
ضغطه بيوطي و بيقع من منظرها بيمسكه عيسي بحزن ..
بنتك تبقي بنتي يا محمد
غرام غالية علينا كلها شقاوتها هي اللي عامله روح ل القسم .
سكت محمد و طبطب علي ظهره !! اول مره أحس أن هخسرها
قال بابتسامه ..غرام بسبع أرواح تلاقيها داخله علينا دلوقت
ضحك محمد و فجأة دموعه نزلت بقوة
_معقول ممكن في يوم أخسرها دي حته من روحي أنا مخلفتش غيرها ولو جبت عمري ما هجيب زيها
أبتسم عيسي وقال : أنا ربنا مرزقنيش ب أولاد وهي كانت بتعملني كأن أبوها و أكتر بتيجي ل مراتي البيت
و تقولها يا ماما كانت مراتي تتدعي كل يوم أنها يبقي عندها طفل أو طفله زي غرام
عيط محمد لحد ما عدا ساعه و وصل زين والمستشفي كلها عساكر و حراس بيقرب زين من محمد
بحزن : غرام كويسه
بيحضنه أبوها بتعب :وحشتني يا ابن الك'لب عايز تسبني و تمشي يا زين هان عليك العشرة يا ولدي
بتتدمع عين زين و بيقول بتوتر : غرام كويسه يا عمي !!
مش عارف يا زين قلبي وجعني من ساعة ما دخلت وهي مخرجتش
بيعدي ساعتين و بيخرج الدكتور بتعب :
عندهاكسر في القدمين الاتنين واحده فيها شرخ و التانيه مكسوره من الركبه
الحمدلله لولا ستر ربنا كان هيحصل نز*يف في الجسم
هي مش هتفوق من دلوقت أخده حقن تهدي الوجع لأن لما تفوق مش هتبطل صراخ
بيتصدم كل اللي واقفين من سماع كلام الدكتور و بتختفي أبتسامة زين بيبص من شباك العناية وقال بدموع :
وحشتيني ...
بنتي أنا عايزه أشوف بنتي قلبي بيحرقني عليها !!
للاسف يا مدام مش هينفع تتدخلي المستشفي كلها عساكر
قالت بحزن: بنتي تبقي الظابط غرام عبد المنعم
اللواء محمد مانع دخول اي حد هنا يا مدام مهما كان أنتي مين
صرخت أمها فيه و زقته و دخلت بسرعة ركبت الاسانسير بتعب لحد ما وصلت العناية
اول ما شافتها قالت بصدمة : يعيني عليكي يا بنتي ؟
قرب منها محمد و حضنها بحزن ..هتقوم يا كوثر أجمدي ..
فجأة"
بيسمعوا صوت صراخها من الوجع : اهههه يا ماما لكن كان ممنوع الدخول
بيجري الدكاتره و الممرضين يدخلوا بسرعه و بتاخد حق'ن تهدي الوجع فتحت عينيها كانت ورمه وفي كدمات في وشها قالت بتعب : زين هو كويس
كان زين باصص عليها و دموعه نازله وهي مش شايفه بيخرج الدكتور بهدوء : الحالة مستقرة هي بتفوق من البنج
اول ما تتدخل أوضة عادية هتقدر تشوفها
أبتسم محمد ومشيي الدكتور وهي بتتكلم تحت البنج لكن محدش سامع كلامها
وكان كلامها .. ظافر مش بيحبك يا رنا كداب و بيضحك
عليكي بتحرك أيديها و بتقول باستغراب
_هم دول خمس صوابع ..يا زين لحد ما فتح زين الباب و دخل وقفت العساكر في وشه و زعق أبوها ليه ..أنت
مجنون سبها لحد ما تهدي
_ يا حضرة اللواء محتاج أتكلم معاها سبني
بيدخل زين بتوتر و حزن علي حالتها ..بيدخل اول ما بتشوفه بتتضحك بدون وعي : زين
بيبتسم زين بحزن : اه زين يا غرام
ظافر يا زين ظافر
كان بيسمع كلامها لحد ما راحت في النوم نام علي الكرسي مكانه لحد الصبح فاق علي صريخ غرام
وهي بتتضربه كف علي وشه شديد بيفتح عينه بخضه :
يخربيت أيدك انتي لسه فيكي صحة
بصتله غرام بتبريقه !! ما هو الق'ر بتاعك ده هو اللي عامل فيا كدا ..هي رجلي مالها حسها متخدره
هو اي اللي عمل فيكي كدا سرحت غرام و قالت بجمود :
وحش يا زين كل اللي بيغلبه ازاي يلعب ب البنات و يضحك عليها أنا أموت تحت عربية ولا وحش مقرف زي ده يلمسني .
أستغرب زين كلامها .. أنتي كنتي مع ظافر !!
بصت في عيونه بتعب و دموعها نزلت ..لو كنت معاك أهون عليا بس أنا زعلانه منك اوي
ركز في عيونها بحنان و قال بتنهيدة: كنت غبي احنا هنتجوز النهاردة أنا مبقتش مستحمل يا بنتي أنا داخل علي 30 سنه من غير جواز ..أنتي طلعتي عين أمي
قالت بضحك و كأنها نسيت تعابها : لسه هطلع عينك أنتي اكتر و أكتر
علي كدا نتجوز النهاردة أتصدمت غرام و قالت بصوت مبحوح: لولولييييييييي
بيسمع أبوها و امها صوت الزغروطه بيدخلوا بسرعه وهم شايفين الابتسامة علي وشها ..حضنها محمد بقوة
يومين في نكد أنتي اللي عامله لحياتنا معني يا غرام البيت كان هادي اوي
ضحكت غرام بقوة : تلاقيكي يا ماما عرفتي تنامي
نزلت كوثر عينيها في الأرض : أنام ونتي هنا معرفش فيكي اي ..
دخل الدكتور بأبتسامه : هننقلها أوضة عادية
أتنقلت أوضة عادية و كلهم دخلوا شافوها وقالت بفرحة ..
مبسوطه اوي أن شيفاكم وكمان ان زين مسافرش
طلع زين خاتم من معاه وقال بحب :
غرام تتجوزيني !!!!!!!
سقفت كل العساكر و أبتسم أبوها و عيونه دمعت شاف نظرة الحب في عيونهم وقالت بفرحة :_
اه يا زين موافقة بس عشان كنت مسافر و رجعت تاني علشان قلبك مفهوش غير غرام
بيلبسها الخاتم و بترفع الخاتم في وشهم وقالت بضحك ..
بقيت حرم زين بيه بطلي تعكسي جوزي يا بت أنتي وهي ..
ضحك زين وقال بتوتر و كان مكسوف من أهلها قرب منها وقال بصوت و اطي .... غرام أنا بحبك
أتكسفت غرام و قالت بصوت عالي .. قولها قدامهم يا زين
فهم اللواء محمد كلامهم وقال بهزار ..ما تقول يا زين دي غرام يعني كمبلة الجراءة
عارف يا محمد انت لولا أنك الحج كنت قولتلك حاجة بس عشان انت بابا مش راضيه اقولك حاجة
قال محمد بضحك: أنا مفهمتش بس تمام قول يا زين
بحبكككك يا غرام
إتكسفت غرام و شدت الملاية علي وشها :
اول ما شافت ظافر و رنا قامت من مكانها و فجأة بتسند علي رجليها بتقع علي زين
قالت بصدمة : رجلي هو أنا أتشل'يت
حاول زين يكتم ضحكته وقال : لا مكسورة هترجعي تمشي تاني
قالت بحزن: يعني مش هعرف أنزل القسم تاني
دخل ظافر وقال بتوتر : حمدالله علي سلامتك يا غرام
قالت غرام بخبث : اللي ستره ربه ميفضحوش عبده
بس انت يجوز ليك الفضيحة يا عين امك
بص حوليه و قال بخوف : ميصحش كدا يا غرام اي اللي بتقوليه ده
بتقرب رنا تحضنها.. اي يا شلبي دأسك قطر
رفعت عينها في عين ظافر وقالت بقرف : بكره ظافر يسبب الشغل و يقدم أستقالته يا أم هيترفع عليك قضية تعدي
ولو مسكتها أنا مش هتخرج منها
بيتصدم كل الموجودين من كلامها .. رد اللواء محمد باستغراب !! أنتي مين عشان تقولي سيب الشغل ظافر مكانته زي مكانك ..
صرخت غرام بعصبية : لا مش زي بعض أنا درست قانون و حماية البلد وعارفه مين صحبي ومين عدوي
قالت بجمود و عنيها في عيونه وهو باصص في الأرض :
ظافر كان بيتحر'ش فيا في العربية عشان كدا رميت نفسي منها
بيبص زين ل ظافر بصدمة : ظافر