رواية قطتي الشقية الفصل الخامس عشر15بقلم همس كاتبة
امسكت كتابها و فتحت الباب بهدوء الى ان تجمدت مكانها من الصدمة و سقط الكتاب على الارض
صرخت باعلى صوتها صرخة دوت في المكان
مليكة بصراخ : اسددددددددد
نزلت جري للطابق السفلي و هي تصرخ
اتت زينب و دنيا و سليم على صوت صراخها
دنيا بصدمة : فييي ايييييييه
مليكة و هي بترجف : اسدددد … اسد
زينب بشهقة و خوف : فيييي ايه يا بت انطقي اسد حصله حاجة ؟؟؟
سليم : مالك يا مليكة انطقي
مليكة وهي لا زالت ترجف : اسددد في اسدددد فوووق
و وقعت من طولها مغما عليها في حضن زينب من شدة الخوف
زينب : يا انهااار اسووود
رفعتها و سندتها لغاية الكنبة و قالت : روحي هاتي قرازة الكولونيا يا دنيا
دنيا كانت واقفة مصدومة و سليم مبلم زي الاهبل
زينب بصراخ : بكلمك يا بنت الكلب
دنيا بلخبطة : اه اه حاضر
و احضرت القزازة و قربتها من مليكة الي ان فاقت و جسمها كله بيترعش
نظرت ليهم متجمعين حولها
فجأة قعد سليم و بدأ يضحك بهستريا و دنيا بتضحك و بتحاول تكتم صوتها
سليم بضحك : يخربيتك يشيخة وقعتي قلوبنا
مليكة و هي خايفة و بترجف : والله في اسد فوق في البلكونة
بدأ صوت ضحكات دنيا يعلا و زينب بتكتم الضحكة
زينب و هي بتملس على شعر مليكة قالت : يا بنتي اهدي شوية … ده مش اسد
سليم بضحك هستيري : انتي وصلتي للسن ده و مش بتفرقي بين الاسد و الشبل
مليكة بخوف و صدمة : هو ده شيء عادي يعني ؟!
دنيا بضحك : ده الشبل صاحب سلو يا بنتي .. حيوان بيتي عادي
مليكة بخوف : ازاي مش خايفين ياكل حد فيكو ؟!
زينب بضحك : لا يحببتي ده متربي كويس و ماشي على نظام البيت معانا
دنيا بضحك : ده بيفطر فول و طعمية يا بت
سليم و هو بيضحك : انا مش قادر همووووت شكلك يفطس ضحك و انتي نازلة بتقولي اسد اسد
مليكة بخوف و هي بترجف بحضن زينب : طنط ممكن تكلمي اسد … انا مرعوبة بجد
زينب : يا حببتي اطمني اعتبري مربين قطة في البيت … خلاص هكلملك اسد هو هيعرف يهديكي
اخذت الموبايل و طلبت اسد
اسد : الو يماما
زينب : اسد يا ابني ممكن تيجي البيت .. مليكة خايفة و محدش هيهديها غيرك
اسد بخوف : مالها في ايه ؟؟؟ حصل ايه يماما ؟؟
زينب : مفيش .. بس خافت اوي من الشبل بتاع سليم
اسد بصدمة : اييه ! طيب انا جاي حالا
و اخذ مفاتيح العربية و خرج بسرعة
لم يمر الكثير من الوقت حتى وصل البيت
اسد بلهفة : حببتي مالك
جريت مليكة على حضنه و هي مرعوبة و بترجف
اخدها بحضنه و بدأ يملس على شعرها و يطمنها
اسد : هششش خلاص يحببتي .. ده شبل صغير يا قلبي مش بيأذي
دنيا لسليم بتمتمة : اخوك بقا قلبه رهيف اوي يا اسطا
سليم بضحك : اممم ده الحب بيعمل عمايل سودا
دنيا بتريقة : و مليكة الحساسة اوي دي تشل
وكزها سليم و قال : يا رب اسد يسمعك عشان يربيكي
مليكة بدموع : انا خوفت اوي .. انتو ازاي مربين كائن زي ده هنا .. اسد ارجوك خلينا نمشي من هنا انا بخاف اوي
اسد : اهدي يحببتي ده مش بيأذي ابدا … خلاص يا سليم احبسه باوضتك اوعى يخرج
سليم : اممم ماشي يعم الحنين
اسد : سليم اخرس
سليم : حاضر اهو
و طلع فوق
زينب : عادي يا حببتي بكرا تتعودي منا اول ما جابه البيت خوفت و دنيا ما نامتش طول الليل بس اهو اتعودنا
اسد لمليكة : تعالي يا حببتي ارتاحي و حاولي تهدي .. عادي اعتبريه زي القطة في البيت
مليكة : ما دي المصيبة اني بخاف من القطط حتى .. مش بحب الحيوانات خالص
دنيا : يختي انتي فلقتيني بدلعك ده .. انشفي شوية
رمى اسد عليها المخدة و قال : و انتي مالك ؟؟ مراتي تتدلع براحتها ما تحشريش مناخيرك
دنيا بضحك : يا عم الرومانسي .. الله يرحم
بعد شوية
اسد : حببتي انا عندي شغل .. ايه رايك تيجي معايا و هاتي كتبتك عشان تذاكري
زينب : ليه يا اسد خليها هنا عندي .. مليكة ما تخافيش يحببتي احنا معاكي
مليكة بابتسامة و اطمئنان : خلاص يحبيبي انت روح الشغل انا هفضل هنا
اسد وضع يده على خدها و قال بحنية : يعني مش هتفضلي خايفة ؟
مليكة بتأكيد : لا يحبيبي .. بس والنبي ما تخلوهوش يخرج من اوضة سليم .. والله بخاف اوي
اسد : ما تخافيش يا حببتي .. المهم انتي دلوقتي اطلعي ذاكري و انا هروح الشغل
قبل جبينها و قام
زينب كانت تنظر لهم بابتسامة : ربنا معاك يا ابني .. ابقى فكر باباك بموعد الدوا
اسد وهو يقبل جبينها : حاضر يحببتي
و قرص خد دنيا
اسد : بلاش شقاوة و اتلمي
ضربته على كتفه
دنيا بضحك : مش هتلم
قرب من عند السلم
اسد بصوت عالي : سليم يلا
نزل سليم و قال باستغراب : على فين
اسد ببرود : ع الشغل …. من النهاردة هتلتزم بالشغل و دوامك هيبدا مع دوام بابا
سليم بضحك : ايه الغنوة الجديدة دي ؟ لا طبعا مش هروح الشركة
اسد بنظرة حادة : هتيجي يا سليم .. يلا ورايا كفاية سرمحة
سليم : ماشي يعم بس ما تبرقش
نظرت مليكة بخبث الى سليم
زينب : نفسي الواد ده يتلم و يركز بشغله او حتى يتجوز
مليكة بخبث : ما تخافيش عليه اسد هيزبطهولك
******************
امير بعملية : انسة رضوى لو سمحتي راجعي الملفات دي و بعدين ابعتيها مع السكرتير على مكتب اسد
رضوى : اسد خرج من شوية و قال مش هيتأخر
امير : ليه في حاجة حصلت ؟
رضوى : لا ما اعتقدش
دلف هشام و قال : ايه يا رضوى مبسوطة بالشغل ولا ايه ؟
رضوى بابتسامة : طبعا مش كفاية اني معاكم
هشام بابتسامة : لو فضلتي ورا امير هتبدعي بالشغل .. ده اشطر واحد عندي و الايد اليمين لاسد
امير بابتسامة : شكرا يا هشام بيه .. و الله باين ان الانسة رضوى شاطرة و مش هتغلبني خالص
رضوى برفعة حاجب ؛ شكرا
اخدت الملفات و خرجت
وصلت مكتب اسد ال دخل بعديها على طول
رضوى : كنت فين يا اسد كل ده
اسد : كنت في البيت
رضوى : ليه حصل حاجة
اسد بضحك : مش هتصدقي مليكة قد ايه كانت مرعوبة لما شافت الشبل بتاع سليم
رضوى : يا حرااام … مليكة بتخاف من الحيوانات اوي
اسد : منا عارف .. بس ما توقعتش تشوفه .. المهم عايز اتكلم معاكي
رضوى : اتفضل
اسد بهدوء : رضوى .. انا عارف انه الموضوع الي هكلمك بيه شخصي بس لازم انبهك .. انك تتكلمي مع هاني ده شيء مش عادي … و ما ينفعش … ده طليقك حتى لو لسا بتحبيه … انا فاهم احساسك كويس بس لازم تحطي سمعة عيلتك قدام عنيكي … انتي مش عيلة و بتلعب انتي بنت واعية و فاهمة ….. تعالي على نفسك شوية و ما تتكلميش معاه … و اشتغلي و اهتمي بنفسك …. الحياة مش راجل يا رضوى
رضوى ابتلعت ريقها و قالت بدموع : و الله انا صديته كتير و ما رضيتش اكلمه بس هو عمال يجري ورايا و مصر انه يكلمني
اسد : طيب من الناحية دي اطمني .. انا همنعه يكلمك خالص … بس اوعديني انك هتنسيه
وضعت يدها على يده و قالت بابتسامة: اوعدك … انا كمان نفسي اتغير و ابدا من جديد
اسد بابتسامة: هي دي رضوى الي انا اعرفها ايوة كدة ركزي بنفسك و اشتغلي
********************
في مكالمة هاتفية
امنية : خالد انا ماما بقت تدايق اوي اني بكلمك كتير … انا عندي امتحانات قربت لازم اذاكر … ارجوك اصبر شوية لغاية ما اخلص
خالد : امنية انا مش قادر … بقيت مش مركز بحاجة غيرك .. انا قاعد في الشغل و مش حابب اشتغل … امنية ع الاقل كلميني مرة باليوم طمنيني عنك .. بس اوعك تغيبي تاني
امنية : خلاص ماشي هحاول اكلمك … خالد هي مليكة اخبارها ايه ؟ انا بقالي كام يوم مكلمتهاش و هي بقت مشغولة كتير
خالد : و الله مليكة مشغولة عن الكل الفترة دي .. كل وقتها مع اسد او بتذاكر …. و مش بتفضى لحد … حتى انا مبقتش تقعد معايا زي زمان
امنية بضيق : بجد اتغيرت اوي بعد الجواز .. دي كتى مش بتطمن عليا و لا بتكلمني و لو بعتلها مسج بترد بعد ساعة .. انا اتخنقت من حركاتها دي
خالد : اعذريها يا حببتي دي لسا عروسة و ما تنسيش انها كانت قاعدة في بيت ابويا و كان مليان ناس و انشغلت معاهم .. هي دلوقتي في بيت هشام و الاسبوع الجاي هترجع اسكندرية
امنية : طب انا هروح اكمل مذاكرة و احاول اكلمها اطمن عليها .. دي مهما كان صاحبتي حتى لو كانت واطية
خالد بضحك : ماشي يا ستي ربنا معاكي
امنية : ميرسي
خالد : بحبك
امنية بخجل : تسلم .. هقفل بقا
*****************
في الاسكندرية
نهال بشهقة : بتبلبعي ايه يا بت ؟ ايه الحبوب دي
رزان باستغراب : مالك يماما دي فيتامينات
نهال : ايوة افتكرت انك عيانة … المهم عايزة اكلمك في موضوع مهم
رزان : اتفضلي يماما
نهال : بصي يا حببتي نضال ابن خالتك متقدملك .. و انتي عارفاه يعني .. ده دكتور و عايش في بلجيكا … انا اتكلمت مع باباكي و هو تدايق جدا و قال مش عايزك تتجوزي دلوقتي.. بس بنفس الوقت مش عايزين نقطع في نصيبك يا حببتي .. ايه رايك تفكري بالموضوع و لو موافقة اكيد باباكي هيوافق ع الي انتي عايزاه
رزان : لا يماما مش موافقة .. و مش عايزة اتجوز و يا ريت ما نتكلمش بالموضوع ده تاني
نهال بشك : ليه في حد تاني بحياتك ؟ انا مامتك و عايزة مصلحتك
رزان بصدمة : ماما انتي ازاي تقولي كدة … طبعا مفيش حد .. مبحبش اسلوب الشك ده .. انا بنتك و تربيتك و لو في حد في حياتي كنت هرتبط بيه رسمي و اعمل خطوبة
نهال : انا اسفة يا حببتي بس كنت عايزة اطمن .. خلاص هبلغ خالتك بالرفض
دلفت ايمان و قالت بتعب : انا فرهدت من الشغل ده .. امته بقا هتجوز و اقعد في بيت قرة عيني
رزان : اتنيلي هو حد لاقي شغل الايام دي
نهال : احمدي ربنا انك بتشتغلي و ناجحة … بكرا تتجوزي و تفتكري
ايمان : جرا يما هو انتو ما صدقتو .. خلاص انا اسفة هروح اقعد مع بابا حبيبي على البلكونة و اعمله كوباية شاي عشان مراته مش مهتمة بيه
نهال بضحك : قومي من وشي .. هتفتحي بيت إزاي و انتي عقلك قد السمسمة
***********************
مر اليوم بطوله
و عاد اسد و سليم و هشام
ارتمى سليم على الكنبة و قال بتعب : ربنا ع الظالم يا اخي .. طول اليوم شغل يخربيتك ما بترحمش
اسد ببرود : استرجل شوية و خففلنا العسل يا سليم
هشام بجدية : سليم حركات العيال دي مش عايزها في بيتي .. من بكرا هتبدأ كل دوام كل يوم و هتفضل مع اسد لحد ما تتثبت بالشغل و تتعلم
اسد : ماما فين مليكة انا مكلمها من بدري عشان تجهز
زينب : اهي جات يحبيبي
نزلت مليكة من فوق و هي ترتدي فستان بني فاتح باكمام و لبعد الركبة مع هيلز و رافعة شعرها كحكة
سليم بصفير : دي مرات اخويا و لا وحدة تانية
هشام : ده ايه القمر ده يا مليكة
اسد : ايه هتعاكسو مراتي قدامي ،.. اتفضلي يا هانم ع العربية
زينب : خد بالك منها و من نفسك يا حبيبي
اسد : حاضر
في العربية
اسد بغمزة : بس ايه الحلاوة دي
مليكة : دي طنط زينب اصرت البس الفستان .. انت عارفني مش بلبسهم كتير
اسد : ماما دي عايزة مصلحتي
مليكة بمشاكسة : طب هتوديني فين الليلة
اسد : اول حاجة هنتعشى عشان انا واقع من الجوع .. و بعدين ممكن نروح السينما ايه رايك
مليكة بحماس : اوككك
اسد بخبث: و بعدين ع الفيلا بتاعتي
مليكة بضحك : لا يعم روح لوحدك انا هرجع لنطنط زينب
اسد : الي قولته مش هيتغير
مليكة بخجل : اوكيه .. بس لازم نرجع بدري عشان الضيوف
اسد : ماشي يحببتي ما تقلقيش
***********************
صباح بخبث : فراس حبيبي
فراس : ايوة يا تيتة
صباح : تعالا لمكتب جدك عايزك بكلمتين
رمى السيجارة على الارض و طفاها و اتجه الى جده
فراس : في ايه يا جدي
ابراهيم: تعال يا ابني.. كل خير يا حبيبي عايز اكلمك بموضوع
فراس : انفضل
ابراهيم : انت مش ناوي تفرحنا بيك ؟ انت سنك بقا مناسب و كمان انت عندك شغل ثابت و بتكسب و قادر تفتح بيت
فراس بهدوء : معلش يا جدي لسا بدري ع الموضوع ده … انا عايز اطمن على غدير بالاول و احوش مبلغ كويس .. مش مستعجل على حاجة
ابراهيم بخبث : طب مفيش ببالك وحدة كدة و لا كدة
فراس باحراج : لا
ابراهيم: امممم طب انت عارف ان في عريس متقدم لرزان .. ابن خالتها .. و تقريبا هي موافقة
فراس بصدمة و عصبية : اييييه لا مستحيل بنت عمي انا اولى بيها
ابتسم ابراهيم بخبث و قال : هو احنا ع الاولى ؟ احنا بنمشي على رأي العروسة .. لو عايزها اتقدملها انت كمان قبل ما تطير منك
فراس : بس هي مش بتحبني
ابرهيم: و ليه تحكم عليها من البداية كدة ؟ مش يمكن تكون بتحبك و مش عايزة تقول ؟ زي ما انت بتعمل
فراس : قصدك ايه يا جدي
أبراهيم بابتسامة : امرك مفضوح و باين اوي عليك انك بتحبها
حمحم فراس باحراج
فراس : طب لو اتقدمت و رفضتني
ابراهيم : ما تقلقش انا هزبطلك الموضوع ده كله
فراس : اه يا جدي يا خبيث انت
ابراهيم بضحك : بس يلا احترم اني جدك
***********************
في فيلا اسد بعد مشوار جميل كانت بحضنه على السرير رأسها على صدره و شعرها مفرود و ايده محاوطتها و بيلعب بشعرها
مليكة : مش لازم نقوم دلوقتي؟
اسد : لسا بدري
مليكة : زمان الضيوف وصلو
اسد : عادي مش هيحصل حاجة لو تأخرنا خمس دقايق
مليكة بابتسامة : نفسي افضل معاك كدة و ما اقومش من حضنك
اسد : و انا كمان نفسي اوييي .. بعد الامتحانات على طول هنعمل الفرح … مش قادر اصبر .. بصراحة مش حابب اوديكي اسكندرية خالص
مليكة : طب ما تيجي معايا .. لو مش حابب تقعد في بيت بابا في الشقة الي فوقينا فاضية نقدر ناخدها
اسد اخذ نفس و قال : مش هينفع
مليكة : ليه يعني
اسد : عشان انا مضطر اسافر لبنان يحببتي خلال فترة امتحاناتك.. عندي شغل مهم هناك و هقعد تقريبا اسبوع و بعدها هروح الامارات عندي مؤتمر مهم
مليكة بدموع : هتروح و تسيبني لوحدي ؟
اسد : يا حببتي انا هسيبك مع اهلك و عشان تذاكري و تمتحني … و بعدها على طول هرجع و اخدك
مليكة بزعل : اسد انا مش حابة تبعد عني .. بحس اني وحيدة
اسد بحب : يعني فاكرة اني مبسوط بده .. بس دي طبيعة شغلي … و بعدين يا حببتي انتي محتاجة تركزي فترة الامتحانات و انا عارف ان جو العيلة لخبطك
مليكة :خلاص ماشي بس اوعدني انك هتكلمني كل يوم
قرب من شفتيها و قبلها و قال بحب : انا يومي مش بيعدي لو مكلمتكيش
**********************
في بيت هشام
مفيد ( والد مروان ): و الله ليك وحشة يا هشام
هشام : اهلا وسهلا يا مفيد و الله البيت نور .. ازيك يا مروان يا ابني و ازاي شغلك
مروان : الحمد لله انا تمام و شغلي ماشي كويس
زينب : و الله نورتو البيت .. بقالكم كتير ما زرتوناش
فريدة ( والدة مروان ) : و الله يا زيزي انا و مفيد ببقالنا مدة مسافرين .. و مروان ابني على طول كان بالشغل
مفيد : وفين اولادك يا هشام .. غريبة اسد مش موجود مش عوايده يعني حتى سليم مش باين
دلف سليم و قال بمرح : انا هنا .. بس مكسوف شوية هيهي
قام مروان و سلم عليه و هو بيضحك و قال : مش هتبطل خفة الدم دي
سليم : لا طبعا
هشام بضحكة : و اسد خرج مع مراته .. المفروض يكون هنا من شوية بس مش عارف ايه الي اخره
مفيد بضحك : هم الشباب كدة اول ما يتجوزو .. بيلخبطو كل حاجة و اسد تلاقيه ناسي اننا جاين اصلا
سليم : طبعا مش مع مراته .. ده بينسى نفسه معاها .. المهم ازايك يا فوفتي عاملة ايه
فريدة بضحك : يلا بطل الحركات دي
مفيد : انت هتعاكس مراتي قدامي
فريدة : الا فين دنيا ؟ انا مشوفتهاش .. و نفسي اوي اشوف مرات اسد
زينب : دنيا بتعمل القهوة و مليكة هتيجي كمان شوية
فريدة : ازاي اسد يتجوز كدة من غير حس ولا خبر .. و مش ناوين تعملو فرح ولا ايه
زينب : لا طبعا اكيد هنعمل فرح كبير ..و الله الجواز حصل بسرعة و هم عملو حفلة ع الضيق عائلية عشان العروسة مشغولة بالثانوية و عندها مذاكرة
فريدة بهمس : بس انا زعلانة منك يا زينب .. اعتماد اختى زعلت اوي .. لي ع الاقل ما قولتو او لمحتو للموضوع من قبل …. يحرام بنتها قطعت نفسها من العياط
زينب بجمود : بصي يا فريدة انا ابني اختار مليكة .. و هو بيحبها .. و انا ما صدقت ابني يحب .. مصلحة اولادي رقم واحد بحياتي .. و بنت اختك انا ما لمحتلهاش بحاجة تخص اسد و حتى اسد ما اعطاهاش اي امل .. انا مش مسؤولة
فريدة : ما اقدرش اقولك غلط .. انا لو محلك هعمل نفس الشيء .. المهم سيبك من ده كله و خلينا في عيالنا .. دنيا ايه رأيها ؟
زينب : مبدأيا تقدري تقولي في قبول بس طبعا مش اكيد و هي متعرفش انكو جاين عشانها اصلا
فريدة : طيب احنا نمشيها الليلة تعارف و نخليهم يتكلمو شوية و بعدها نتفق على موعد نطلبها رسمي
زينب : ايوة فعلا انا بقول كدة برضو
سليم : اهو اسد و مليكة جم
دلفت مليكة و ايدها بايد اسد و سلمو على الضيوف و بعدها دخلت دنيا تحمل صنية القهوة و قدمتها
و قعدت بجانب مليكة
و نظرات فريدة تتفحصها هي و مليكة بالتفصيل
بينما الرجال مشغولين بالحديث سويا
**********************
في اسكندرية
كانت نايمة على سريرها بس سمعت صوت حركة من الخارج
قامت و نظرت الي ايمان النايمة .. فتحت الشباك بهدوء الى ان ………..