![](https://blogger.googleusercontent.com/img/b/R29vZ2xl/AVvXsEjtpe6pYcEJjFfMjFIshLCUm703fE1-OA01a2U3nHMZKEbSQuSuMoqvIfSIB7EzigSb1YnX9lItEbBBvwTBrCUYIpyr9HF8nH1Ufw920NS5vld2HCed1nZ-ly-V8-qwS4BsnZHg18yJW_hRuY9LCrdVnpLaPs-aKzP4Wh-zFcy1hWrWs7d_NI9Dp26NfzRA/s320-rw/FB_IMG_1717529741355.jpg)
محسن بهدوء : احنا كنا طبعا نتشرف و نطلب ايد عائشة يا محمد
محمد بابتسامة: و انا قولتها لاسر قبل كدا مش هلاقي احسن منك بس الرأى رأى عائشة
محسن بهدوء : طبعا رأيك ايه يا بنتى
عائشة بتوتر : هو يعنى موافقة
آسر بصدمة : ايه
محسن بابتسامة: يبقى على خيرة الله
خديجة بضحك : مالك يا آسر
آسر بصدمة: قولى و الله كدا
عائشة بصت بالأرض و ابتسم
مرفت زغرطة مرة واحدة و قالت : مُبارك يا ولاد مُبارك يا حبايبى
آسر بحماس : طب ممكن اتكلم معاها شوية
محمد بابتسامة: اه طبعا
آسر بسعادة : تمام ست عائشة شاور بايده و قال اتفضلي و مشى
عائشة قامت مشيت وراه
آسر: انت بجد وافقتِ
عائشة بخجل واضح بصت فى الأرض و قالت بتوتر : هو اه وافقت
آسر : يا فرج الله ايه يا شيخة حرام عليك نشفت دمى
عائشة بابتسامة: ممكن تسكت
آسر: بس كدا حاضر هسكت لحد ما تبقى مراتى بس مش اكتر و كمل بجدية : حابه تسألني عن اى حاجة
عائشة: ليه أنا
آسر سند على سور البلكونة و قال : هتصدقينى لو قلتلك معرفش
عائشة : دى مش إجابة على فكرة
آسر بابتسامة: مش شايف غيرك يا عائشة دى كفاية مثلا لحد ما اكتب عليك و هبقى اقولك ليه انتِ
عائشة: يعنى اللى فاتوا دول مكانوش إجابة
آسر: لا إجابة بس فى إجابات كمان بس لما تبقى مراتى تعرفيها اشطا
عائشة : اشطا
بصوا على عائلتهم اللى قاعدين قصادهم فى الصاله
عائشة بهدوء : على فكرة باين حبه ليها اوى
آسر بتنهيدة : عارف
عائشة : انت انت صديته يا آسر لا بجد اخص عليك انت ازاى تع...
آسر بمقاطعه: مصدتتش حد اهدى فتحتى زى الراديو ليه بس استنيت يتكلم متكلمش
عائشة بهدوء: طب انت سألت فى حاجة عايزة اسألها انا مسألتش فهسأل فى حاجة الاسطا آسر حابب يعرفها
آسر رفع كتفه و قال : لا عارف كل حاجة
عائشة: يعنى مش حابب تسأل عن حاجة بخصوص هشام
آسر بضيق: و ليه السيرة اللى تسد النفس دى انت ليه غبية كدا
عائشة بنرفزة: احترم نفسك و بعدين حقك تسأل و تعرف
آسر بضيق: لا مش حقى مش من حق اى حد مين من كان يكون يسألك على علاقتك بيه يا عائشة خلاص علاقتكم انتهت و انا مش عايز اعرف ازاى او ليه
عائشة بغيظ : طيب عن اذنك بقى هدخل اقعد معاهم طالما مفيش حاجة هنتكلم فيها و مشيت
آسر بهدوء: تمام و كمل بهمس بكرة الكلام يكتر
جيه يدخل لقى عبده دخل وقف جمبه
آسر برفع حاجب : خير
عبده بتوتر : آسر حبيبى
آسر بسخرية: حبيبك دول بيطلعوا امتى
عبده بتنهيدة : عايزك فى مصلحه
آسر: سامع
عبده بتوتر : هو يعنى عايز مساعدتك
آسر بجدية : خير يا عبد الحليم قلقتنى فى ايه
عبده خد نفس طويل و غمض عينه و قال بسرعه : عايز اتجوز اختك
فتح عينه ببطئ لما ملقاش رد فعل من آسر
آسر بصله و بص للشارع و متكلمش
عبده بتوتر : آسر متفهمنيش غلط انا والله تعاملى معاها كان بحدود انت عارفني بس والله انا مش.....
آسر بمقاطعه و هو لازال على وضعه : تعرف انا استنيتك تقول كدا من امتى يا عبده
عبده بصدمه : انت كنت عارف
آسر بصله و قال : انا كنت عاشق و مغرم بردو و كنت حاسس بيك
عبده يترقب: يعنى موافق
آسر بتنهيدة : هدى عانت كتير و كان على يدك كل حاجة ١٤ سنه بحاول اساعدها و اساندها بس كنت بقصر فى حاجات كتير و بص ناحية هدى وقال بقالى كتير ماشوفتش هزارها و ضحتها اللى بجد كأن وجود بابا كفيل يسد الخانات اللى معرفتش اسدها
عبده بابتسامه: يبقى ممكن استنى شوية و افاتح عمى فى الموضوع و اخدت تنهيدة طويله و قال لو انت موافق طبعا
آسر بود : مش هلاقي زيك يا عبده
عبده حضنه بحب و قال : شكرا يا آسر
محمد بابتسامة: نستأذن احنا بقى يا محسن
آسر بسرعه : عمى انا عايز اكتب كتاب على طول مفيش داعى للخطوبة احنا عارفين بعض
محسن بهدوء: نقرأ الفاتحه الاول يا بنى و بعدين نتكلم
زينب : الفاتحه فى بيت ابوها يا ابو آسر مش هنا نسيبكم ترتاحوا بقى يلا يا بنات و اخدتهم و نزلت
محمد بابتسامة: سمعت ام العروسه حكمت رأيها و خدتها و مشيت
محسن : معاها حق دا الأصول كفايه اننا طلبناها فى بيتنا
محمد بهدوء: بيتك و بيتى ايه يلا عن اذنكم
و مشى
عبده : و انا كمان هطلع ارتاح عن اذنكم
فى بيت عائشة
زينب بحب : زين العقل يا قلب امك مُبارك يا حبيبتى
خديجة بضحك : ايوا كدا بقى
الجرس رن
زينب : هتلاقيه ابوك روحى افتحى
خديجة : حاضر
خديجة : طيب يا حاج جاية اه
فتحت الباب لقت على 🤗
خديجة بحنق: افندم
على بحرج : ازيك يا آنسة خديجة
خديجة بضيق: الحمدالله بخير خير
على بتوتر : هو استاذ محمد موجود
خديجة : لا
عائشة جيت و هى بتقولها : مين يا ديجا ايه دا دكتور على اتفضل
على بحرج : لا لما استاذ محمد يبقى موجود
=خير يا بنى
على لف بلهفه : كل خير يا عمى
خديجة بضيق: عمى الدبب
محمد بهدوء: اتفضل
و دخلوا على جوا
محسن : واد يا آسر
آسر: نعم يا حاج
محسن : انزل جيب تسالى و لزوم السهرة وتعالى يلا
مرفت بحب : بقالنا كتير مسهرناش يا محسن
محسن بحب : نسهر النهاردة يا حبيبتى
مرفت : طب هقوم اعمل فشار متتأخرش يا آسر هدى تعالى اعملى عصير
محسن : و انا هختار المسرحية
و بالفعل كل واحد راح يعمل اللى عليه (عقبالى يا رب 😂)
خديجة بهمس : هو عايز ايه
عائشة بهمس : مش عارفه روحى روحى اعملى عصير و لا شاى اجرى
محمد بزهق : خير يا بنى
على : كل خير إن شاءالله
محمد بنرفزة : دى عاشر مرة تقولى كدا
على بتوتر : هو بصراحه انا كنت عايز يعنى اطلب ايد الآنسة خديجة
محمد بهدوء: اللى فى الخبر يقدمه ربنا
على : يعنى افهم ايه من كدا عايز اعرف رأى حضراتكم ايه علشان اجيب عيلتى
محمد : بسيطة نسأل خديجة دلوقتى
خديجة : السلام عليكم ورحمة الله وبركاته
_وعليكم السلام ورحمة الله وبركاته
محمد بهدوء: تعالى يا بنتى
خديجة بحرج : اتفضلوا الشاى
محمد بابتسامة: دكتور على طالب ايدك يا خديجة رأيك ايه
خديجة بصدمة: ......
زينب بفضول : بيقولوا ايه
عائشة : معرفش ب....فى رقم غريب بيرن عليا
زينب : خير يا رب ردى
عائشة : السلام عليكم ورحمة الله وبركاته
_وعليكم السلام ورحمة الله وبركاته
عائشة باستغراب : مين معايا
_و كمان نسيتى صوتى
عائشة بصدمة : ......