رواية زواج بالاحتيال
الفصل الاول1
بقلم جمانه السعيدي
قصه جديده وحصريا
القصه موضوعه جديد اول مره نطرق الهيج موضوع
اني نهله وحيدة امي وابوي عايشين بلريف بس عدنا مي وكهرباء واكو مدرسه ابتدائيه وحده متوسطه بمنطقتنا
ابوي انسان فقير جدا ومسالم ومايقبل بلغلط
عكس امي تماما امي شاطره وعدها طموح وتحب
تشتغل وطور نفسه
بس بمجال معين
امي تموت على شغلة الخيره وشغلة السحر
يعني عدها هوس مو طبيعي بهاي السوالف
ابوي مايقبل ابد اجيب طاري هاي الشغلات
يكول هاي السوالف حرام
لان كلش يخاف من رب العالمين ومايترك فرض اله يصلي
ومايقبل بلحرام
بعمره مامئذي احد الناس كله تحترمه وتحبه
ابوي كان يشتغل فلاح باارض زاعيه بنفس منطقتنا
يشتغل بااجره يوميه
بلا ضافه اهل الكاع الي يشتغل بيه ينطونه من المحاصيل
شكد متمسكين بي هلكد ماامين على حلالهم وكاعهم
امي اهله ميتين وبيت خاله مربينه
على فكره امي حيل حلوه
الجمال الطبيعي الحقيقي
واني اشبه حيل يمكن اني احلى منه
اني بيضه بشرتي صافيه عيوني عسلي وكبار
رموشي كثيفه صاحبة شايف وسنوني حلوات
عندي بكل خد شامه جمانه السعيدي
اني مخلصه ابتدائيه ابوي ماقبل اكمل ايكول اخاف عليج
ومايقبل اطلع من البيت
نهائيا ماكو طلعه
حتى امي هم مايقبل تطلع هو متكفل بكلشي
وضعنا المادي زين
يعني عايشين والحمد لله
كل حجي ابوي ومعارضته الطلعه امي من البيت
ماهزت شعرايه من امي
امي كانت تطلع من يطلع ابوي تروح يم وحده عجوز بمطقتنا تاخذ خيره اسمه ام سالم
امي تقريبا كل يوم تروح يمه لو تاخذله بيضات
لو فواكه من الي بجيبهم ابوي
مرات دهن حر لو روبه
مو حبا بيه بس حتى تتعلم شلون تاخذ خيره
وتتعلم كم شغله من هاي العجوز
عدها شغف مو طبيعي تموت على الخيره
ومستحيل تتنازل عن هذا الحب
يعني طول النهار فكره شلون تتعلم تاخذ خيره
وتجيها ناس وتصير عدها فلوس
بس اكيد بدون مايعرف ابوي لان مايقبل يتخبل من هاي السوالف
مرتين راحت بلبدايه وعرف كلب الدنيا على امي حتى ضربه
بقت فتره ماتروح وبعدين رجعت العادته
كل يوم تروح بدون علم ابوي
اني اضوج ابقه بلببت وحدي ومايعجبني طلعت امي من البيت بدون علم ابوي
نهله....انت كل يوم رايحه وعايفتني وحدي بلبيت
امي...ولج نهله ماشايفه الفلوس الي تحصله من النسوان
تحجي كلمتين وتأخذ فلوس شكد ماتطلب
واكو يجيبوله دجاجه لو فسيفس خوب ذاك اليوم وحده حبلت صار خمس سنيبن معرسه وماعدها طفل
جابتله خروف
اني اريد اضبط الشغله منه واتعلم صنعته حتى اشتغل مثله
نهله...بس ابوي مايقبل
امي...شنو مايقبل اشتغل من يطلع للكاع
هو النهار كله بلكاع
واني اشتغل انتي شايفه ذاك اليوم طلعت صندوق متروس ذهب من شغله
خو مومثلي لا ذهب لا فلوس لا طلعه
ابوج كلشي مايقبل والنوب ضالين نباوع للعلاكه الي يجيبه
ولج فلوس فلوس شكد ماتتخيلين فلوس
تضحك على النسوان بجم كلمه
كلهن حفظتهن واعرف اشتغل احسن منه
اكثر من سنتين وامي رايحه جايه عليه لمن حفظت كل حيله
وكل سوالفه
وتعلمت طريقته بلكلام
بدت امي اجر النسوان على اساس تاخذ خيره
بلبداية ماتاخذ فلوس منهن
حتى تصير رجل عليه
بدت كم وحده تتردد علينا
من سمعت العجوز باامي تاخذ خيره وتسحب بلنسوان عليه
دزت على امي
امي راحت عليه ماتعرف وصل خبر الام سالم امي تاخذ خيره لو كلبت الدنيا عليه
انتي مصاحبتني على حيله تردين تاخذين النسوان مني
هاي تاليته فتحتلج بيتي
وتجيين وتروحين بكيفج
تاليتها تاخذين النسوان مني
امي كان ردها أقبح من فعله
هنا يجن عليه ويكولن اخذيلنا خيره
طبعا كلامه جذب هي الي كانت تسحب النسوان تعالن اخذلجن خيره بلاش جمانه السعيدي
المناطق الريفي النسوان اكثرهن مو متعلمات
وكلش يصدكن بهاي السوالف
يموتن على الخيره
يعني الي يربد يشتري كاع ياخذ خيره
الي يريد يسافر ياخذ خيره
الي ينباك شي من بيته ياخذ خيره يريد بعرف منو الحرامي
الي زوجته مايصير عدها اطفال تاخذ خيره
المريض ياخذ خيره اكيد تمرض لان معموله عمل
البنيه الي يتاخر زواجه تاخذ خيره
الي يريد يشتري اله زراعيه ياخذ خيره
الي يريد يبيع المحصول ياخذ خيره
حتلو ماياخذ خيره يتبارك بلي تاخذ خيره
يعني تنطي ماي يرشه لو حرز يشيله
كلش مومنيبن بلخيره والناس على فطرته اتصدك بكلشي
حتلو كلامه ماطلع صح هم تصدك بي
هاي العجوز الي تاخذ خيره
كانت تشرط عليهم اذا تتحقق كلامه لازم يوفون النذر
او يخرب الشي الي اجو اخذو علموده خيره
يعني اذا صار الطفل اذا مايوفون النذر يموت
حسب كلامه
او الزرع يخسر اذا ما وفو النذر
هيج عايشه براسهم
امي كلش معجبه بهاي الشغله وتريد تشتغل مثله
بعد ماتعاركت هاي العجوز وياا امي وطردته من بيته
امي بطلت تروح عليه
بس العجوز ماسكتت رادت تلقن امي درس ماتنسا خاف ترجع تعيد هاي السالفه مره ثانيه
كانت تعرف ابوي مايقبل
بهاي السوالف
امي كانت حاجيتله هيج شي
راسا دزت ابنها على ابوي
...الله يساعدك ابو نهله
...هله هله عمي هله بيك
...اني رايدك بشغله واعرفك ماتردني
...كول بعد عمك
...خلي مرتك تجفينا شره
...مرتي انا ليش
...مرتك كل يوم كاعده ببتنا وتاكل من زادنا تالي
تاخذ النسوان من امي تكللهن تعالن اخذلجن خيره بلاش
...مرتي انا تاخذ خيره
...اي مرتك امي امس تعاركت وياها وطردته من البيت
....يابويه ماادري مايكون خاطرك اله طبب
هاي الشغله اعتبره كضت
نهله... بيومها ابوي رجع من وكت من الكاع عيونه حمره
ويرعد رعد بس دخل للبؤت صاح وين امج
طلعت امي وهو نزل عليه غضب كسرها تكسر
اربد اخلصه من ايدا ماكووو الجواربن سمعو الصوت وواجو خلصوها من أيدا
ابوي...كلبه بت الكلب مو اني كلت ماطلعين من البيت
انتي ليش ماتسمعين كلامي
ولله لو عدج اهل هسه اطردج عليهم اضحكين عليه
اني اطلع وانتي اطلعين من وراي
اني مو مانعج من هاي السوالف
اني الف كايل مااريد هيج سوالف
تالي تخليني اطلع وطلعين
نهله امي كان الدم مغطي وجهه وكاعده تبجي
اني من شفته كمت ابجي عليه
جبت شكر وخليت على الجرح وبعدين لفيت راسه
بحجابي بقت كاعده بمكانه وتبجي
ماحجت اي كلام لان تعرف نفسه غلطانه
من بعد هاي المعركه ابوي قاطع امي وما يحجي وياها
ولا يطلب منه شي
كلشي يطلب مني اني
كان يعاقبه على عملته هاي ومن يطلع يقفل الباب علينا خاف امي تطلع من ورا
بس تتوقعون بطلت لا هذا الحلم تحول إلى هاجس
تحجي بي ليل نهار
وتنتضر الوقت الي تنفذ بي حلمه