حرفيا هتتجنن ازاي له عين يقف قدامها ...بصتلو شويه بحقد وقرف وكملت مشي
بقلم...زهرة الربيع
منصف مشي وراها بخطوات سريعه وهو بيقول بحرج وندم..انسه توبه..لو سمحتي..اسمعيني مره واحده..ارجوكي تسمعيني...انا..انا عارف ان مفيش حاجه هتغفرلي بس..بس حتى اديني فرصه اصلح اي حاجه من الي حصل ده
توبه وقفت وبصتلو وقالت بغضب...عايز تصلح...اتفضل...ابويا بين الحيا والموت...روح صلح ده...ولا اقولك..امي اتبرت مني...روح صلح ده اسهل...ولا بلاش سمعتي بقت في الزباله وبقت اوسخ الناس تتكلم عني ...صلح دي احسن...بس عارف بجد ايه اكتر حاجه ممكن تصلحها..اني ماشوفش وشك قدامي ولو صدفه..فاهم
توبه قالت كده ومشيت بس منصف مشي وراها ودموعه نزلت على خدوده من كلامها وقال...معاكي حق مش هقدر اصلح اي حاجه بعد الي عملتو..ومليش اي حق اقف قدامك...بس انتي هتروحي فين دلوقتي الدنيا ليل...خليني اساعدك بس لحد الصبح و
توبه فضلت مكمله ومرضيتش تقف وقالت بغضب....حل عني يا بني ادم انت..انا لو هموت مش هقبل منك مساعده
منصف فضل مكمل وراها وقال بسرعه...ربنا بيسامح يا انسه توبه...وانا عايز اكفر عن ذمبي...اديني فرصه بالله عليكي
توبه وقفت وبصتلو وقالت...ربنا مقالش ارمي الناس بالبهتان يا استاذ...ذمبي هيفضل في رقبتك انت والسا،فل التاني لحد ما اموت..مش مسمحاكو..قالت كده ومشيت ومنصف فضل باصص عليها وهيه بتبعد بدموع وندم رهيب
توبه مكانتش قادره ترجع حارتهم بعد الي الجيران سمعتو والي رجالة ماجد قالوه قعدت عند كوبري وكان الجو برد وحطت راسها على السور وحاولت تنام
توبه كانت تعبانه ودموعها منشفتش والجو برد جدا وهيه باسدال الصلاه بتاع البيت ومش معاها جاكت ولا اي حاجه بقت تترجف من البرد بس حتى الوضع السئ جدا ده مكانش من حقها
لسه هتنام سمعت صوت شباب بيضحكو بسكر واول ما شافوها صفرو بوقاحه وواحد منهم اتقدم عليها وقال...ايه ده هو من امتي الكباري بتحدف كناري
اصحابو ضحكو وتوبه خافت منهم جدا بلعت ريقها برعب ولسه هتجري واحد مسك ايدها وقال...لا لا اوعي تجري انا مفرهد ومش بحب اللعبه دي
توبه قالت بدموع..سيب ايدي لو سمحت عيب كده ابعد عني
الشباب بقو يضحكو ويرخمو عليها وهيه خافت جدا وصرخت وهيه مرعوبه وفي الوقت ده منصف وقف قدامها وقال ...ايه ده توبه هانم..حضرتك هنا...ده والدك حضرة العقيد نشأت باشا بيدور عليكي في كل حته
توبه بقت تبصلو باستغراب مش فاهمه الي بيقوله ومنصف قال بسرعه..اصل انا كنت معاهم في الإداره من شويه وهو قال انك زعلتي وسبتي البيت...فحضرة اللوا كلفني اجيبك من تحت الارض بيقولك ازاي تسيبي بيت عمك وتباتي في الشوارع. دي القياده كلها بتدور عليكي
الشباب بصو لبعض برعب وبقو يبصو شمال ويمين واتسحبو عايزين يمشو قبل ما منصف ياخد بالو
منصف بصلهم وقال..استنو
الشباب وقفو وهما مرعوبين ومنصف قال...اكيد انتو الي لقيتو توبه هانم...وسلم عليهم بشكر وقال..القياده مش هتنسى موقفكم ده ابدا
واحد منهم بلع ريقه بخوف وقال..ها احنا..احنا تحت امر القياده يا باشا...سامو عليكو...وفي ثواني جريو
توبه كانت عايزه تضحك على الموقف وضحكت ضحكه حلوه ومنصف بصلها ابتسامه كانت ضحكتها هاديه وجميله جدا بس اختفت ابتسامتو لما اتحولت ضحكاتها لبكا ودموع وقعدت على الارض وحطت ايدها على وشها وبقت تبكي جامد
منصف حس بذمب رهيب وقعد جمبها وقال..ارجوكي متعمليش في نفسك كده مفيش حاجه بتفضل على حالها
توبه بصتلو بدموع وقالت وسط بكاها..ابعد عني يا اخي قلتلك مش عايزه منك حاجه..كان لازم يعني انت الي تساعدني
منصف ابتسم وقال..هيه المشكله يعني اني انا الي ساعدتك يا ستي اعتبريني معملتش حاجه... اصلا دي ولا حاجه قصاد الي عملتو فيكي
توبه وقفت وقالت...لديك قولت بنفسك ...اتفضل بقى ابعد عني لاني مستحيل اسامحك متتتعبش نفسك
منصف اتنهد وقال بحزن...طيب ماشي اكيد حقك وانا لو حد عمل معايا الي اتعمل فيكي مش هسامحو...بس احسبيها بالعقل...انتي في الشارع والعيال هنا مش تمام..ارجوكي تيجي معايا بيتي بس الليله لحد ما اتصرف
توبه وقفت وقالت بغضب...اعمل ايه..ابات عندك... انت صدقت لعبتك الوسخه ولا ايه...بقولك ايه لو ممشتش حالا هروح القسم اعمل فيك بلاغ فهمت
منصف قال بسرعه..انتي فهمتي ايه..انا مش عايش لوحدي عندي اخت عسوله كده زيك بالظبط..هتباتي معاها..ارجوكي بقى
توبه قالت بغضب..لا والله وصدقتك انا كده...لو الي اسمو ماجد هوالي باعتك تاني فروح فهمو انو مستحيل يطولني لا في الحرام ولا في الحلال...ماشي ويلا روح من خلقتي بقى
منصف اتنهد وقال ...والله انا ما متفق معاه دلوقتي على اي حاجه...انا بس من ساعة ما خرجتي من المستشفى وانا ماشي وراكي خايف تجرالك حاجه. ارجوكي يا انسه انا مش عايزك تسامحيني لاني عارف انو مستحيل بس مينفعش تفضلي في الشارع كده
توبه اتنهدت بخنقه وقالت..انت لو ممشتش دلوقتي هلم عليك الشارع وانا الي بقوله بعمله سمعت
منصف اتنهد وقال...سمعت...ومقداميش اختيار تاني بقى...سامحيني
توبه مفهمتش قصدو بس قبل ما تنطق مسك وشها بسرعه وداها بالدماغ بقوه
توبه دماغها لفت واتصدمت وبقت تبصلو وعيونها مفتوحين على اخرهم ووقعت بين اديه
منصف ابتسم على منظرها وشالها وحطها في عربيتو وطلع بيها على بيتو
بعد نص ساعه كان وصل بيتو في احد المناطق الشعبيه بيت بسيط جدا شالها وطلع بيها شقتهم الي في الدور التاني وخبط على الباب
فتحت بنت جميله من سن توبه واول ما شافتو شايلها شهقت بخضه وقالت..مين دي يا منصف...يخربيتك انت خاطفها ولا ايه
منصف حطها على الكنبه وقعد بتعب وقال...اجري يا ميسون هاتي اي قزازة ريحه من عندك
ميسون قالت بخوف..حاضر ...وجريت على اوضتها بسرعه جابتلو علبة الريحه وقالت وهيه بتدهالو..مين دي يا منصف...رد عليا بقى مين دي
منصف قال بضيق...يخربيت زنك اهدي شويه خلينا نفوقها واحكيلك كل حاجه
وبقى يشممها من البرفان وتوبه ابتدت تحرك دماغها بتعب وتفتح عيونها ببطأ
اول ما شافت منصف في وشها اتفزعت وقامت وهيه لسه دايخه وكانت هتقع وميسون سندتها وقالت...الف سلامه عليكي اهدي انتي لسه دايخه
بقلم...زهرة الربيع
توبه ارتاحت شويه لما شافت ميسون وان فيه شخص تاني في البيت معاهم وبصت لمنصف بغضب وقالت..انت ازاي تعمل كده..انت فاكر اني مليش حد والله انا لوحدي كده اوديك ورا الشمس..اما انسان سا،فل بصحيح
ميسون بصتلو ولوت بقها شمال ويمين وقالت...سافل بس...دي اقل حاجه ممكن تشتميه بيها...وبصت لها بابتسامه جميله وقالت..انتي زعلانه ليه..انا اختو انا ابان صحيح اصغر منو لاكن ده بيخاف مني اكتر من اي حاجه قوليلي بس ضايقك في ايه وانا اوريلو
منصف خاف لتقولها قال بسرعه....ميسون اسكتي انتي وخليكي جوه
توبه ابتسمت بسخريه وقالت...ايه خوفت احكيلها وصوره الاخ المحترم تتهز ...متخافش انا مبفضحش حد ربنا ستره ..قالت كده ولسه هتمشي منصف مسك ايدها وقال..استني هتروحي في...
بس مكملش وتوبه نفضت ايده بغضب وقالت...اياك تلمس ايدي تاني فاهم..وبعدين انت مالك انا رايحه فين..رايحه في داهيه يهمك
منصف بص لاختو برجاء عايزها تساعدو وميسون كانت محتاره لانها مش عارفه هيه زعلانه ليه بس قالت بسرعه...لو سمحتي يا انسه انتي بس احكيلي ايه الي حصل...وانا هساعدك
منصف قال بسرعه..الي حصل اني خبطتها بعربيتي..وعايزها تفضل الليله هنا لانها دايخه...بس كده
توبه ابتسمت بسخريه وقالت..مش عارفه ازاي فيه ناس الكدب سهل على لسانها كده..على العموم يا استاذ انا بقيت كويسه وحابه امشي...عن اذنكم
منصف حس بيأس ومبقاش عارف يقعدها ازاي وميسون بصتلو لقتو حزين جدا ودموعه على شويه هتنزل حطت ايدها على قلبها وقالت ..اه...اه الحقني يا منصف
منصف جري عليها برعب وقال..ميسون مالك...اهدي يا حببتي خدي نفس..وشالها وحطها على السرير وهو مرعوب بجد
توبه مقدرتش تمشي جريت عليها ووقفت جمبها وقالت بخوف مالها ايه الي حصل
منصف قال بخوف وسرعه..ميسون مريضه بالقلب..هروح انادي للدكتور الي بيعالجها ..ارجوكي خليكي جمبها