رواية مواجهة القدر كاملة الجزء الثاني2 ترويض ملوك العشق جميع الفصول مكتملة حتي الاخير الخاتمه بقلم لادو غنيم

 

رواية سمرة

الفصل الثالث 3

بقلم وسام الفراجي

سمعت طركعة مشي ع باب غرفتي .. 

تحركت يدة الباب ..

اني يبست بمكاني .. صاح واحد من الكادر الطبي الموجود شنو جاي تسوون انتو كلشي ينباك منا احطه براسكم قسمًا عظمًا حتلو بعد اسبوع ينباك انتم السبب ..

شهالعقليات هاي روحي دوري جنتج بغير مكان مو ناقصين وجع راس فوك هالهوسة .. 

ـ و انتَ شكو ضايج بنتنا ندورها 

ـ اذا شفت واحد بيكم يفتش بالغرف الي مخصصة للكادر الطبي هسة انادي عليكم حرس الباب يعرفون شغلهم وياكم

سكتوا محد ردله صار بيها حرس وجيش ..

راحوا واسمع هوستهم تصيحهم ام حودي اكيد طلعت منا روحوا تبعوها اريد الزمها اليوم افصخها .. 

اني لو عندي اهل براسهم خير جان ما تمادوا بالكلام عليه ومحد كدر يلمسني بس ماصرت مثل الناس وتعاملهم ويا بناتهم ما ادري ليش لهسة مااعرف حقد امي عليه وبشنو مأذيتها ..

صار شوي هدوء بهاللحظة تيقنت ماكو راحوا وتيقنت راحوا يدورولي ياربي مالي غيرك استرني ولا تفضحني  ..

طك وانفتح باب الغرفة روحي شاطت احس اطراف رجليه خدرت كلت هاي ام حودي يالطيف الطف والله اصير بلسان كل المنطقة .. 

انفتح الباب مدت بس راسها تباوع يمين شمال شفتها واني روح مابيه طلعت دكتورة #ريم ..

بوقتها احس نفسي بالجنة من شفتها مو ام حودي ..

بوقتها عندي استعداد اشوف عفريت عادي ولا هاي ام حودي الدبة ..

شافتني وتفاجئت صارت تضرب ع خدودها وكالت 

ـ لخاطر ربج بعدج هنا واني كلت هسة واصلة ديرة شو هنا بعدج شنو هالفطارة هاي متكوليلي راح تجلطيني

ـ ع كيفج وياي والله مكدرت انزع الفستان بي سحّاب من ظهري

ـ اشكه وما اظل هنا كل عقلج تسولفين

ـ والله ماكدرت اسوي بي شي حاولت جبير عليه و الا مو مكيفة اني جان هسة رايحة ولا هالرعب الي اعيشه امانة لا تصيحين عليه الي بية يكفيني

ـ تعالي لفي عالسريع ..       خاصة القصة بـ #وسام_الفراجي 

"نزعت الفستان وطلعت من جنطتها لبسة من ملابسها بحياتي ما امي اشترتلي مثلها بس كلت اثكل واسوي نفسي شايفة وعايفة بعدين كلت عليش شايفة وعايفة واني بهالحالة هم ما اعرف اسولف خلي الي تكوله تكوله"

لبست ملابس دكتورة ريم وكلتلي اطلعي كبل ما يجي دكتور #احمد هذا مسؤول علينا من يجي منكدر نسوي شي كدامه ..

طلعت بس خايفة ارجف شسويت اني ووين راح اروح يمكن لو ظالة يم حودي افضل من الي صار يمكن ورطت نفسي ..

طلعت اتمشى ويا الحيطان وايدي ارفعها لحلكي حتى اضيع ملامحي والطوارئ مليانة مراجعين وصرت اختل بيناتهم بس خايفة لا احد يلمحني من اهلي واهل حودي 

امشي امشي .. باوعت لكيت 3 زلم وام حودي على باب المستشفى واكفين ويا ابو الهمر المسؤول على الباب مال المستشفى ..

شو اني معنوياتي صارت صفر .. روح ماظلت بية وخفت لفيت راسي ورجعت يربي وين اروح وهم منتشرين بكل مكان شنو من بلوة هاي ..

رجعت اخذتلي نظرة عليهم زلم اثنين تحركوا بإتجاهي ..

مدري لحالي اني وصرت احس كل الي يجون هم يدورولي ..

سرعت ورجعت لدكتورة ريم بس واني ارجع كل شوي اتخيل يلزموني دخلت للطوارئ باوعت يمين يسار ادور دكتورة ريم لكيتها جاي تفحص ببنت من شافتني صاحت ممرضة ثانية تكملها واجت تمشي عليه وتكلي 

ـ اذا يصير بية جلطة دماغية فهي من وراج شبيج يحظي شكد باردة شو بعدج هنا اهلج شلون ما ياكلونج اكل اذا انت هيج فاهية 

ـ دكتورة ع كيفج وياي باليرحم موتاج دكتورة واكفين عالباب شلون اطلع

ـ حبيبتي دخلتيني وياج بالمصيبة واني ساعدتج لوجه الله لا تورطيني وياج والله تجيني عقوبة من فوك تطيح حظي ..

ـ والله اعرف الي سويتي محد يسوي بس شلون اطلع وهم بالباب مكدر والله مكدر اخاف منهم ..

لزمتني من ايدي وكلتلي امشي وياي عالسريع صاحت دكتورة #سما وينها !

راحت تسأل بالممرضات شفتوا سما وين ؟

كالت اها هاي دكتورة سما طلعت دكتورة منقبة نقاب كامل بس عيونها طالعة جانت تفحص بنية اخذتها لزاوية وكالتلها اريد نقابج الثاني الاسود ضروري .. 

ـ ليش ؟ 

ـ اريده جيبي لغرفتي عفية و عود افهمج 

ـ منو هاي ؟ 

ـ يبو يسما شكد فضولية دجيبي نقابج وتعرفين كلشي ..

.. اخذتني لغرفتهم دكتورة ريم ويانه كم ممرضة كاعدة ويباوعولي بنظرات استفهام شجاي تسوي هنا شعدها بمعنى 

انتظرنا شوي اجت دكتورة سما شايلة بيدها نقاب كامل كالتلي عاد ريم البسي هذا وتنقبي وغطي حتى عيونج واطلعي محد يفكر يلمحج اصلا .. 

كلت الها والله معرف البسه كالت سما يبو راح تجلطني كلشي متعرف ..

 اني البسج بس البسي هسة هذا الثوب وبعدين اربطلج النقاب بالكامل .. 

خطية لبستيلي اياه وغطت عيوني يبو مااعرف امشي بيها مدري شلون تشوفون بيها احس نفسي اختنكت كالتلي لان مو متعودة عليها ...

بالعكس افضل شيء هو النقاب لبستني حتى الكف كالت خاف احد يعرفج من ايدج .. 

دكتورة سما دايخة من الي يصير باوعت لدكتورة ريم كالتلها لهسة مافهمت شي شدا يصير كالتلها عود افهمج روحي لشغلج هسة يجي دكتور احمد .. 

حذرتني دكتورة ريم يطلع صوتي ابد لان يعرفوني من خلال صوتي .. 

مراية صغيرة حاطينها الممرضات بغرفتهن ..

باوعت لنفسي كلي اسود صرت اعدل بيها يمين يسار لان احسها مو ملبوسة زين

لزمت جتفي دكتورة ريم وكالتلي شلون يعني رايحة لعرس تباوعين للمراية يلا ماشفت بفطارتج ابد ..

كتلها يلا يلا بس ردت اغطي كلي حتى ما ابين ..

اول ما فتحت الباب وطلعت شفت امي طبت للمكان و اني كوة اشوف بس اعرفها من لبستها وصوتها ..

بصراحة كل شوي احس نفسي راح اعثر .. 

اني صرت جبانة كلش من شفتها رجليه ماتشيلني كعدت بالكراسي مال المراجعين انثولت معرف شسوي ردت ارجع لدكتورة ريم بس خفت لا تنجلط مني بزعتها كل شوي راجعتلها ..

دورت شوي بس هوسة ومراجعين وطلعت تلف براسها يمين وشمال تدورلي  ..

اني كبل كمت ومشيت وطلعت ولابسة كلي اسود من فوك ليجوة لكيت امي كاعدة برا تعبانة من المشي ..

شكد ما منتبهة ع امي جان اكو درجة صغيرة تنزل منها اني كبل نزلت ردت اوكع ماشفتها .. 

ترددت امشي واتعداها بعدين كلت الى متى اظل جبانة لازم امشي واسوي نفسي ما اعرفها .. مشيت كوة اسحل بروحي لان مو متعودة فجأة !!

عثرت بصوندة مالت مي ممدودة ماحسيت نفسي الا كبل بالكاع وصحت كدام امي !

              الفصل الرابع من هنا 

لقراءة باقي الفصول من هنا

تعديل المقال