رواية رفيقة الدرب
الفصل السابع7والاخير
بقلم مي الحسين عبد الرحيم
المعلمه/يا بنات احنا هناخد الورقه الرابعه دوي هتكون الاخيره النهارده ونكمل الحلقه اللى جاية أن شاء الله
-الورقه الرابعه
[س/ ايه هي مميزات النقاب وهل هو فرض او مستحب؟ ]
أول حاجة إنه سبب لمحبة ربنا ازاي ؟؟!!
لأن النقاب حكمه إما فرض أو مستحب على خلاف بين اهل العلم
فلو لبستيه وهو فرض هتاخدي اجر
" وما تَقَرَّبَ إلَيَّ عَبْدِي بشَيءٍ أحَبَّ إلَيَّ ممَّا افْتَرَضْتُ عليه"
ولو هو مستحب وده أقل قول عند أهل العلم
هتاخدي أجر تطبيق السنة ده أولا غير إنه هيدخل في حديث
وما يَزالُ عَبْدِي يَتَقَرَّبُ إلَيَّ بالنَّوافِلِ حتَّى أُحِبَّهُ
النوافل يعني المستحبات ، أي حاجة ربنا يحبها وهي مش فرض هتخليكي من اللي ربنا بيحبهم
ثانيا بيزود طاعتك لربنا لأن الشرع أمر بالستر وأكييييد المنتقبه بجد يعني أكثر سترا واكثر طاعة لله
ثالثا مع النقاب كل خطوه بأجر
كل وقت بتقفي قدام المراية تظبطي نقابك بأجر
كل لحظة بتشتكي فيها من الحر بأجر
كل خطوة في شارع كنتي سبب في ان الشباب تغض بصرها عنك بأجر
كل بنت شافتك وعملت زيك بأجر
رابعاً كمان النقاب ينطبق عليه حديث:
"الْعِبادَةُ في الهَرْجِ كَهِجْرَةٍ إلَيَّ."
تخيلي تيجي يوم القيامة بأجر الهجرة لمجرد إنك لبستي النقاب في وقت الناس كانت بعيدة
النقاب في حد ذاته عبادة عظيمة وأجره عظيم جدا
فلو بتفكري يلا خدي الخطوة
ولو مش في خطتك عيدي حساباتك من تاني الأجر يستاهل
وبس كده كل واحدة على بيتها أنا تعب
مي/كده يا معلمتي بتطردينا
المعلمه/ايوه انتي بذات بره يلا
مي/هههههههه ماشي مقبوله منك
انتهت الحلقه وتوجهت الفتيات على منازلهم وفي اليوم التالي
مريم/ايه يا بنتي نزلت امبارح كنتي نايمه نمتي بدري ليه
مي/كنت تعبانه والله وسخنت شويه
مريم/الف سلامه عليكي يا قلبي طنط مقالتليش ليه
مي/أنا اللى قولها علشان متقلقيش 🤧🤧 الحمد لله
مريم/ ارحمكم الله
مي/اللهم امين واياكي 🤧🤧
مريم/لا دي الحاله صعبه جدا باركاتك يا أم محمد
مي/🤧 أنا اللى غيظني أن هي كل شويه تقولي كويس أن انتي كويس أن مي
مريم/هههههههه
مي/روحي يا أم محمد يولع فيكي بغاز وسخ في يوم حر تكون الميه قاطعه متقلقيش حد 🤧🤧 الحمد لله متقلقيش حد يطفيكي يا بعيده روحي منك لله
مريم/هههههههه يا بنتي حرام عليكي في مالك بيقولك لكي بالمثل استغفري الله
مي/ايوه صح استغفر الله العظيم بس برده يولع فيكي يا أم محمد
مريم/برضو
مي/المهم دلوقتي النهارده الحديث الثامن عشر من الأربعون النووية مين يسمع ومين يشرح
مريم/أنا هسمع وانتي اشرحي
مي/ماشي يلا سمعي
مريم/ عن أبي ذرًّ جندب بن جنادة وأبي عبد الرحمن معاذ بن جبل رضي الله عنهما عن رسول الله صلى الله عليه وسلم قال {اتَّقِ الّٰلهَ حَيْثُمَا كُنْتَ وَأَتْبِعِ السَّيِّئَةَ الحْسَنَةَ تَمْحُهَا وَخَالِقِ النَّاسَ بِخُلُقٍ حَسَنٍ}
رواه الترمذي وقال حديث حسن وفي بعض النسخ حسن صحيح
مي/تمام بارك الله فيكي الشرح
((اتق الله حيثما كنت))؛ أي: اتقه في الخلوة كما تتقيه بحضرة الناس، واتقه في سائر الأمكنة والأزمنة، ومما يعين على التقوى استحضار أن الله تعالى مطلع على العبد في سائر أحواله؛ قال تعالى: ﴿ مَا يَكُونُ مِنْ نَجْوَى ثَلَاثَةٍ إِلَّا هُوَ رَابِعُهُمْ ﴾ [المجادلة: 7]، والتقوى كلمة جامعة لفعل الواجبات وترك المنهيات، قال عمر بن عبدالعزيز رحمه الله: ليس تقوى الله بصيام النهار ولا بقيام الليل، والتخليط فيما بين ذلك، ولكن تقوى الله: ترك ما حرم الله تعالى، وأداء ما افترض الله، فمن رزق بعد ذلك خيرًا فهو خيرٌ إلى خير.
وقال طلق بن حبيب رحمه الله تعالى: التقوى أن تعمل بطاعة الله، على نور من الله، ترجو ثـواب الله، وأن تتـرك معصية الله، على نـور من الله، تخاف عقاب الله
((أتبع))؛ أي: ألحق ((السيئة)) الصادرة منك ((الحسنة)) صلاة أو صدقة أو استغفارًا أو نحو ذلك، ((تـمحها))؛ أي: تدفع الحسنةُ السيئةَ وترفعها، والمراد: يمحو الله بها آثارها من القلب، أو من ديوان الحفظة؛ وذلك لأن المرض بضده؛ فالحسناتُ يُذهِبْنَ السيئات
((وخالق الناس))؛ أي: عاملهم وعاشرهم ((بخُلقٍ)) بسجية وطبع ((حسَنٍ))؛ أي: جميل محبوب؛ كملاطفة، وطلاقة وجه، وبذل معروف، وكف أذى، فإن فاعل ذلك يرجى له في الدنيا الفلاح، وفي الآخرة الفوز بالنجاة والنجاح.
فقد قال النبي صلى الله عليه وسلم من حديث أبي هريرة رضي الله عنه: ((أكمل المؤمنين إيمانًا أحسنهم خلقًا)) ومن حديث عائشة رضي الله عنها قالت: سمعتُ رسول الله صلى الله عليه وسلم يقول: ((إن المؤمن ليدرك بحسن خلقه درجة الصائم القائم))
مريم/فتح الله عليكي يا قلبي وبارك فيكي
مي/اللهم 🤧🤧🤧امين واياكي
مريم/ربنا يشفيكي يارب يا قلبي
مي/يا رب منك الله يا أم محمد
مريم/ماهو لسانك ده هو اللى تعبك
وعدت الايام ومي ومريم مع بعض الى أن جاء يوم لم يكن في الحسبان
#مي_الحسين_عبدالرحيم
********
#رفيقة_الدرب (8)الاخير
خالد خلاص انا قررت اتجوز مي وهروح عندهم بكره
هتيجي معايا ولا ايه
خالد/طبعاً بس هما عارفين
عبدالرحمن/لا هما في اجازه
تاني يوم في بيت مي كانت مي ومريم قاعدين مع بعض
مريم/تعالى نطلع فوق علشان ماما هتنزل تنفخني أنا وأنتي علشان اليوم كله قاعده معاكي
مي/ماشي بعد ما الكرتون ده يخلص
دخل مامت ومي ومعها مامت مريم
فاطمه مامت مريم/يا بنات احنا عاوزنكم في موضوع
مي /خير يا طنط
خير أن شاء الله مش عارفه أبدا من فين صراحه بس
في اتنين عرسان جين النهارده ليكم انتو الاتنين
مريم/هههههههه عملتوها اذاي دي جبتو الاتنين مع بعض إذاي
تهاني مامت مي/والله مش احنا اللى عملنها يختي لا وايه الاتنين قرايب
مي/ايوه مين هما يعني
فاطمه/هو في واحد دكتور في الجامعة والتاني مدير شركة
مريم ومي بصو لبعض لان الصورة بدأت توضح معاهم
مريم/ماما ممكن اعرف الاسماء لو سمحتي
فاطمه/واحد خالد والتاني عبدالرحمن
مي بكل عفوية/اااااه قولي كده هما دول
تهاني/نعم يختي انتو تعرفوهم
مريم/ايوه يا طنط هو عبد الرحمن الدكتور بتاع مي اصلا
تهاني/طيب وخالد ده ايه أن شاء الله
مي وهي بتكلم بسرعه/هو ابن خالت عبدالرحمن وهما الاتنين ذي أنا ومريم بظبط واحنا اتعملنا مع الاتنين كام مره كده في المكتبه وسمعلنا قرآن كام مره كمان
تهاني/اهدي اهدي واتكلمي بشويش كده قولي تاني
مي/لا مانا قولت كل حاجه خلاص
فاطمه/خلاص يا تهاني نتكلم في الموضوع ده بعدين عموماً يا بنات هما جين بكره واللى في الخير يقدمه ربنا
تاني يوم البنات قاعدين مع بعض
مي/هنعمل ايه يا مريم أنا مش عاوزه اتجوز ولا ابعد عنك
مريم/وأنا كمان احنا نحاول نطفشهم باي حاجه
مي/تمام يا ابو الصحاب يلا نلبس
مريم/يلا
فاطمه/يا بنات احنا هنتفق هنا بس في الرؤيه الشرعية مريم وخالد فوق عندنا في الشقه ومي وعبدالرحمن هنا
تمام
البنات/تمام
عند خالد ومريم
مريم/ السلام عليكم ورحمه الله وبركاته
خالد/وعليكم السلام ورحمه الله وبركاته
=اتكلمي يا مريم ساكته ليه اسألي على كل اللي عاوزه تعرفيه
_مش عارفه أنا عارفة انك شخص ملتزم ومش عاوزه أعرف اكتر من كده
بس انا هقولك حاجه أنا معرفش اطبخ
=عادي اعلمك
_مش بحب اغسل المواعين
=هغسلهم أنا
_مش هنضف البيت أنا بص يا عم أنا منفعكش
=مريم أنتي عاوزه توصلي لايه بظبط وهو أنا فيا عيب يعني طيب انتي خايفه مني يعني متخافيش أنا بحبك من اول مره شفتك لما كنتي مستينيه مي قدما السكشن
_بص انت شخص كويس ومحترم بس أناومي مينفعش نبعد عن بعض أنت مش عارف العلاقة اللي بيني وبينها
=بس كده انتي خايفه تبعدي عن مي هو ده اللي انتي رفضه علشان
مريم بكسوف/بصراحه ايوه
=سهلة أنا وعبد الرحمن الشقق بتاعتنا فوق بعض متخافيش
_تمام هصلي استخاره ورد على حضرتك
عند مي وعبدالرحمن
مي/السلام عليكم ورحمه الله وبركاته
عبدالرحمن/وعليكم السلام ورحمه الله وبركاته اتفضلي اتكلمي أنا سمعك
*انت بتحب الشعر الطويل ولا القصير
_ايه السؤال الغريب ده
*لا جواب
_قصير
*طيب أنا شعري طويل منفعكش
_عادي أنا عاوزه طويل
*اوف طيب أنت بتحب الشطه
_لا
*طيب انا بحبها جدا مقدرش اعيش من غيره
_سهلة احبها عشانك
*طيب أنا متهوره جدا ولساني طويل منفعكش أنت اللي ذيك عاوز واحده هاديه مش أنا خالص
_ما عارف وبحبك كده ومش عاوذك تتغيري
*يادي النيله يا عم ارحمني
في اللحظة دي فون عبدالرحمن رن
بعد اذنك ارد على الفون
*اتفضل
_ايوه يا خالد في ايه أنت هتفضل طول عمرك فصيل كده
=يا عم أنا غلطان علشان عاوز افهمك هي بتهرب منك ليه
_ليه يا بارد وانت عارفت اذاي اصلا
=علشان كنت قاعده مع واحده زيها هي مش عاوزه تسيب مريم
_اه هي كده يعني تمام يا خالد سلام
_مي أنا عرفت اللي فيها خلاص
*عرفت ايه يا ناصح
_عرفت انك خايفه تتجوزي وتبعدي عن مريم صح
*شكلك فاهم يا نصه
_انا وخالد الشقتين بتوعنا فوق بعض أصلا أنا وخالد مع بعض علي طول وعلي مااظن انك عارفه
*من حيث كده هصلي استخاره ورد عليك
_تمام
بعد فترة من الموافقه مي ومريم طلبو خالد وعبدالرحمن عندهم في البيت
الشباب/السلام عليكم ورحمه الله وبركاته
مي ومريم/وعليكم السلام ورحمه الله وبركاته
خالد/في حاجه ولا ايه انتو طلبتونا
مريم/اه كنا عوزنكم في موضوع كده
عبدالرحمن بقلق/موضوع ايه ده اتكلمو
مي/لا دي حاجه بسيطه احنا مش عاوزين فرح
خالد/ممكن اعرف ليه
مريم/احنا نكتب الكتاب ونروح بفلوس الفرح عمره احسن
مي/ايوه ده احسن بكتير حتي لو كنا هنعمل فرح اسلامي ده هيكون احسن لينا كلنا
مريم/ايوه نبدا حياتنا صح بحاجة ترضي ربنا
خالد/تمام أنا موافق انت ايه رايك يا عبدالرحمن
عبدالرحمن/طبعاً دي حاجه مينفعش ان أنا ارفضها اصلا
خالد/احنا نبدا في اجرات العمره من بكره وقبل معادها بيوم يكون كتب الكتاب حلو كده
عبدالرحمن/تمام كلام مظبوط جدا
البنات/تمام
يوم كتب الكتاب
خالد/عبدالرحمن أنت اشتريت النقابات
عبدالرحمن/ايوه اشترتهم يلا يدوبق نوصل اتاخرنا على الناس
خالد/تفتكر المفاجأة هتعجبهم
عبدالرحمن/طبعا هتعجبهم دي امنيت حياتهم اصلا واهلهم رفضين
الشباب وصلو عند مي ومريم
السلام عليكم ورحمه الله وبركاته
البنات/وعليكم السلام ورحمه الله وبركاته
خالد وعبدالرحمن/احنا عمنلكم مفاجأة
البنات بفرح/بجد وهي ايه
عبدالرحمن/ ممكن تلوف وتغمضوا عنيكم
مي بعفوية/ايه الهبل ده يا عبدالرحمن نلف ليه
عبدالرحمن/هبل ماشي يا مي أنا هعرفك الهبل بجد بس مش دلوقتي لفو وخلصلو
البنات لفو وعبدالرحمن وخالد لبسوهم النقابات
البنات فرحو جدا لان هما أخيراً حلمهم اتحقق بعد الانتظار ده كله
مي/ده بجد يا مريم بجد
مريم/هو ده حلم صح اكيد ده حلم
اخير بقيد ذات النقاب يا مي حلمنا تحقق
مي/ايوه يا قلبي أخيراً وبعد طول انتظار وخضنو بعض
عبدالرحمن/ لا مش وقت انبهار خالص دلوقتي المأذون هيمشي يلا
وتم كتب الكتاب بحمد لله واطلق المأذون جملته الشهيره"بارك الله لكم وبارك عليكما وجمع بينكما في خير "
عبدالرحمن/مبارك يا حبايب
الكل/ الله يبارك فيك يا عبدالرحمن
مي/الى متى يا سكــر.
مريم / الى الأبد يالــوز
تمت