![](https://blogger.googleusercontent.com/img/b/R29vZ2xl/AVvXsEjtpe6pYcEJjFfMjFIshLCUm703fE1-OA01a2U3nHMZKEbSQuSuMoqvIfSIB7EzigSb1YnX9lItEbBBvwTBrCUYIpyr9HF8nH1Ufw920NS5vld2HCed1nZ-ly-V8-qwS4BsnZHg18yJW_hRuY9LCrdVnpLaPs-aKzP4Wh-zFcy1hWrWs7d_NI9Dp26NfzRA/s320-rw/FB_IMG_1717529741355.jpg)
_حمدالله على سلامتك يا بابا نورت بيتك
محمد : الله يسلمك يا بنتى
خديجة : ارتاحي انت و بابا يا ماما و انا هحضر الاكل و اظبط البيت
عائشة : لا يلا انت روحى شوفى مذاكرتك الامتحانات قربت انا كدا كدا اخدت اجازه من الشغل
كلهم بصوا لها باستغراب
عائشة بضحك : ليه محسيسنى انكم شايفين بنى ادم برأس بخاخه
زينب : دا اكتر والله
خديجة: بقى عائشة هانم هتعمل كل دا لوحدها
عائشة: ما خلاص بقى الله انا كدا كدا معنديش حاجة و بما ان ماما كانت طول الليل مع بابا و انت عندك امتحانات يبقى انا هعمل
خديجة: طب يلا يا اختى قدامى
و اخدتها و طلعوا
محمد بابتسامة: شكل كلامها مع آسر امبارح جاب نتيجة مش قولتلك سبيها تجرب و تتعلم
زينب بحب : الحمد لله اننا خلصنا من هشام دا و انها رجعت تانى بنتى اللى انا عارفاها
محمد : الحمد لله
زينب : يلا ناملك شوية و ارتاح
محمد : و انت كمان انت طول الليل صاحيه
زينب: طب يلا
خديجة : خدى الورقة الطلبات دى و جيبى اللى فيها و تعالى حضرى فى الاكل و عقبال ما تيجى اكون انا رتبت البيت
عائشة بصدمه: ليه كل دا ايه كل دا هى عاملة وليمة
خديجة بضحك : لا بس خالتو مرفت و عيالها هيجوا يتغدوا معانا انت عارفه آسر تعب معانا ازاى
عائشة بتوتر : يعنى آسر هيتغدى معانا النهاردة
خديجة بغمزة : اه يا عسل يلا بقى اكسبى وقت علشان تلحقى تيجى تجهزي نفسك
عائشة بتوتر : و اجهز نفسى ليه
خديجة بتفكير : يا ترى ليه يا بت يا ديجا ليه اه علشان مثلا مش هتقعدى معاهم و انت ريحتك طبيخ و بصل و لا انت فكرتى ايه
عائشة بتوتر: ولا حاجة بس الناس هتبقى فاتحه دلوقتى الساعه ٩
خديجة بضيق: صبرنى يا رب اه يا اختى هيبقوا فاتحين يلا أجرى بقى قال اختى الكبيرة قال والبسى حاجة مريحه
عائشة بعبوس: طيب
جهزت و نزلت و جابت الطلبات و رجعت بدأت تجهز كل حاجة
عائشة: خدييييجة
خديجة: نعم
عائشة: هما هيجوا امتى
خديجة : ساعه و نص كدا
عائشة : طب اقفى و بعد تلت ساعه طلعى الصواني من الفرن على ما ادخل اخد دش
خديجة : اشطا
عدى الوقت و ضيوفنا جيهم 👀
زينب بترحيب : شرفتوتا والله ازيك يا مرفت
مرفت بود : الحمد الله يا زينب
زينب : اتفضلوا اتفضلوا
آسر: اخبارك ايه يا عمى دلوقتى
محمد : الحمد الله بخير يا بنى
زينب : عائشة خديجة يلا جهزوا السفرة
خديجة : طب نسلم الاول يا حاجة زينب ازيك يا خالتو هو انت مبتكبريش ابدا
مرفت بضحك : الحمد الله يا بكاشه تعالى يا عائشة حبيبتى واقفة بعيد ليه
عائشة بتوتر: لبعيد و لا حاجة شرفتونا والله
خديجة : بت يا هدهد انت على طول ساكته كدا
عائشة بضحك : انت مالك و مالها سبيها كيوت و هادية كدا عاملة ايه يا سكرة
هدى بخجل: ازيكم يا بنات
_ احنا تمام
خديجة بهزار : اسطا آسر
آسر: ازيك يا مفعوصه
خديجة بتمثيل الصدمة : انا مفعوصة
آسر بهزار : بهزر يا رمضان ازيك يا عائشة
عائشة بتوتر: الحمد الله كويسه
مرفت بسرعه : طبعا لازم تكونى كويسه مش خلصتى من البارد اللى اسمه هشام
آسر برقلها بصدمه : ربنا يعوضها يا ماما
مرفت : يا رب يا حبيبى يا رب و اشوفك عريس كدا
عائشة بتوتر : طب اجهز السفرة انا
زينب : روحى مع اختك
هدى بلهفه : خدوني معاكم
خديجة : تعالى
آسر بهمس : خفى على البت شوية
مرفت ببراءة : يوه هو انا قلت حاجة بس يا بنى
آسر بقله حيله : الله يكون فى عونه والله
محمد : بتقول ايه يا يلا
آسر: احم بقول ربنا يديمك يا عمى
محمد برفع حاجب : والله لينا قاعده
خديجة : يلا السفرة جاهزة
محمد : اتفضلوا يا جماعه
بعد الغدا
مرفت : بس اكلك بدأ يتحسن يا خديجة
خديجة : ما هو مش انا اللى طبخت دى عائشة
مرفت بصدمه : ايه دا بجد دا من امتى دا انت مش بتحطى ايدك فى حاجة خالص يا عائشة
عائشة : عادى بقى و ماما كانت تعبانة وخديجة مشغولة انا كنت فاضية فعملت
هدى بصوت واطى : عائشة
عائشة بحنان : نعم يا حبيبتى
هدى بتوتر: هو كنت عايزة يعنى
آسر بهدوء: مالك يا حبيبتى
هدى بتوتر : كنت عايزة عائشة تاخدنى معاها هى بتشتري اخمرة و كدا
عائشة بفرحه : بس كدا دا انت تؤمرى
آسر بهدوء : متأكدة من حاجة زى كدا حبيبتى
هدى : اه
آسر بابتسامة: تمام الست عائشة فاضية امتى اخدكم و نروح نجيب
عائشة بتوتر : بكرة فاضية عادي
آسر بهدوء : تمام بكرة نروح سوا