رواية عروسة مريم
الفصل الثالث3
بقلم محمد امام
.جريت علي الصوت وانا مرعوبه جريت علي اوضة مريم لقيتها نايمه وصوت الصريخ لسه شغال وابتدى نور الشقه ينور ويطفي لوحده فضلت واقفه مرعوبه ومش عارفه اعمل ايه جريت علي الحمام لقيت صوت الصريخ جاي من جوه فتحت باب الحمام لمحت قط اسود اول ما شفني نط من شباك الحمام ودخلت لقيت الغساله مغرقه المطبخ دم وصوت الصريخ جاي من جوه الغساله شيلت فيشة الغساله بسرعه فضلت الغساله تلف برده بسرعه وصوت الصريخ شغال مش بيوقف ارتبكت ومبقتش عارفه اعمل ايه دخلت لبست هدومي وانا مرعوبه وشيلت مريم علي كتفي وجريت وقفلت باب الشقه وخرجت اتصلت بسمير جوزي مردش فضلت واقفه في الشارع مش عارفه اعمل ايه وانا عماله اتصل بحسام ومفيش فايده مش عارفه اروح فين واعمل ايه وقفت تاكسي وقولت هروح لحسام المصنع وصلت المصنع لقيت بتاع الامن بيقولي خير يا مدام سلمى فين استاذ حسام مجاش النهارده ليه؟ قلقت اكتر طلعت المكتب عند حسام وفضلت فيه مش عارفه اتصرف ازاي وبعد وقت كبير معرفش هو قد ايه لقيت التليفون بيرن ببص لقيتو رقم حسام فتحت ورديت ايوه ياحسام انت فين لقيت حد تاني بيرد عليا غير حسام وبيقول هو حضرتك زوجته . قولتلو اه، قال طب هو عندنا هنا في المستشفي وانا الدكتور المعالج ليه وهو قالي اتصل عليكي. ... قولتلو مستشفي! ليه ايه اللي حصل قالي ا. حسام عمل حادثه الصبح ونقلوه عندنا هنا المستشفي قولتلو طب حضرتك اديني العنوان وانا جايه في الطريق وصلت المستشفي لقيت حسام نايم بس رجله متعلقه لفوق ومتجبسه سألت الدكتور علي حالته قال هو كان جاي فاقد الوعي لانه اتخبط في دماغه وفضل فاقد الوعي فوق الاربع ساعات وكمان لقينا رجله مكسوره واول ما فاق قالي اتصل بحضرتك لكن هو خد حقنه مسكنه ونام
فضلت قاعده جمب السرير مستنياه يصحي كل ده ومريم نايمه نوم غريب ... مريم نايمه من ساعة ما كنا في البيت وحصل اللي حصل في الغساله حاولت افوقها وبالفعل صحيت وبعد شويه باباها صحي بصتله جامد وقالت ايه اللي انت عملته في بابا صوفيا ده كويس كده اهو ضربك هو كمان ماهتمش حسام بكلامها او مسمعهوش لانه كان لسه بيتوجع لكن انا سمعته كويس واستغربت من كلام مريم ومن اللي قالته واتحقق لكن مين ابو العروسه صوفيا اللي بتقصده ده شويه وحسام انتبهلنا وانتبه لوجودنا قولتلو حمدلله علي السلامه ايه اللي حصل رد وقال مش عارف انا ماشي بالعربيه في امان الله رايح علي الشركه فجأه ظهر قدامي قط اسود كبير فرملت بسرعه عشان مدسهوش ومن شدة الفرامل العربيه لفت في مكانها لبست في الرصيف واتقلبت بيه فوقت لقيت نفسي هنا... سلمى هي هدومكو متبهدله ليه كده....قولتلو ها اصل ايه اه احنا ملحقناش نلبس لما الدكتور كلمنا ...ما هوانا بردو اكيد مينفعش احكيلو حاجه من اللي حصلت وهو في الحاله دي . وفي اليوم ده فضلت قاعده مع حسام لحد الساعه 11بالليل وقولت انا هبات معاه انا كده كده مش عارفه انا هروح البيت ازاي لكن بعدها بشويه عرفت ان النظام في المستشفي بيمنع ان حد يبات مع المريض فضلت اعطل نفسي عن المرواح لحد اما حسام اخد باله وقالي سلمي لو خايفه تقعدى في البيت لوحدك روحي لمي شنطتك وروحي اسماعيلية عند امك لحد اما اخف قولت لا يا حسام انا مش خايفه ومش هينفع اسافر واسيبك في الحاله اللي انت فيها دي اخدت مريم وروحت وصلت البيت وفتحت باب الشقه وانا مرعوبه -انا لو كان معايا فلوس كنت اجرت اوضه في اي فندق ومجتش البيت غير اما حسام يخف - دخلت البيت لقيت الدبان مالي الشقه وريحة الدم ماليه المكان فتحت الشبابيك ورفعت مفاتيح الكهرباء وببص ملقتش مريم جمبي فضلت انادي عليها لكن مكانتش بترد و دخلت الحمام لقيت الدم اللي كان نازل من الغساله نشف بس مالي الحمام والدبان ملموم عليه ولقيت مريم فتحت باب الغساله ومطلعه العروسه وبتقولها معلش هي مكانتش تعرف انك هتتألمي من الغساله يعني ينفع كده يا ماما لو سمحتي لما تحبي تحمي صوفيا حميها زي ما بتحميني كده ومتحطهاش في الغساله تاني قولتلها مريم خدي عروستك وادخلي الاوضه وانا جايه وراكي سمعت كلامي واخدت العروسه ودخلت اوضتها وانا مسحت الحمام من اثار الدم ورشيت مبيد حشري عشان الدبان وفكرت اني لازم اتخلص من العروسه دي بأي شكل
الفصل الرابع من هنا