رواية يمني والياس الفصل السابع7والثامن8بقلم زهرة الربيع
الشاب بص لالياس من فوق لتحت بقرف ومردش عليه وقف قدام يمنى بغضب وقال...عايز اعرف عملتي كده ليه
يمنى كأنها مش سمعاه قالت ببرود اهدى يا يوسف..العصبيه مش هتفيدك بحاجه
بس يوسف اتعصب جدا وخبط على المكتب بقوه وقال بغضب وزعيق...عملتي كده ليه يا يمنى
الياس اتعصب من طريقتو وزعيقو قال بغضب..ايه ده انت ازاي بتكلمها كده..وبص ليمنى وقال...مين ده
يوسف كان متعصب قوي قال بغضب وانت مالك يا حيوان انت مين ده يا هانم البادي جارد بتاعك ولا ايه
الياس قال بحده.... ماتحترم نفسك يا جدع انت و
بس يمنى قاطعتو و قالت بنفس البرود...استني يا الياس يوسف بيه معاه مشكله صغيره هو فاكر ان حلها عندي بس هو غلطان و هيشرب قهوتو ويمشي
يوسف قال بغضب..بقى دي مشكله صغيره انتي عارفه خسرتيني كام الصفقه دي بتاعتي وكل السوق عارف كده وربنا ماهعديهالك يا يمنى انا عارف بتعملي كده ليه علشان رفضتك و
بس يمني قاطعتو بغضب وقالت... اعلى ما في خيلك اركبو وعلى فكره البزنس ملوش دعوه بحياتنا الخاصه يا بيه..وانا بعرف افصل كويس بس الظاهر ان انت الي لسه متعلق بالماضي ....وقتك خلص معايا اتفضل اخرج بدال اما اناديلك الامن يرموك بره
يوسف محسش على نفسو من كتر غضبو وهجم على يمنى عايز يضربها وهو بيقول...يرموني يا زباله ياو
بس الياس وقف قدامها ومسك ايده بقوه وضربو بوكس جامد ونزل عليه ضرب ويمنى كانت بصالو بزهول من غضبو ده واتحركت حاولت توقفو بس كان متنرفز وبيقول...هتعمل ايه...ها ..هتعمل ايه
و وقفو بغضب وهو بيقول بزعيق..اعتزر...عتزرلها بقولك..يلا
يوسف كان بيجيب د.م من بقو وقال بتعب...اسف..اسف
الياس زقو بعنف وقال..اخرج من هنا ومشوفكش حواليها تاني فاهم.
يوسف خرج بعصبيه وهو مش فاهم مين ده اصلا وعمل كده ليه
يمنى بقى كانت بتبص لالياس باستغراب من جرأتو وشجاعتو ودفاعو عنها كل الي عملو غريب جدا بالنسبالها
الياس بصلها بحده وقال..وانتي ازاي سيباه يكلمك بالطريقه دي و
بس يمنى قربت عليه ووقفت قدامو وفضلت مركذه في عيونه وقالت بهدوء...ليه...ليه يا الياس
الياس استغرب وقال..هو ايه الي ليه
يمنى قالت ...ليه بعد كل الي عملتو معاك..ليه بتدافع عني وحتى امبارح فضلت جمبي مكنتش مضطر خصوصا بعد الي عملتو معاك
الياس بلع ريقه بتوتر وهو اصلا معندوش اجابه على سؤالها قال احم..انتي ..انتي في عصمتى مهما كان وبعدين حتى لو معرفكيش مش هسيبك لوحدك في موقف زي ده
يمنى قالت بوجع ...كان فيه اولة منك وسابني لوحدي يا الياس
الياس بصلها باستفهام وقال..تقصدي مين
بس يمنى بصت بعيد عنو وقالت بضيق وعصبيه مصتنعه...ملكش دعوه..ومتدخلش تاني في الي ملكش فيه انا بعرف ادافع عن نفسي كويس... ودي اخر مره هقولك..متدخلش انت هنا مجرد سكرتير تشوف شغلك وبس فاهم
بقلمي...زهرة الربيع
الياس اتصدم من كلامها المفاجأ ده وعيونه اتملت دموع ابتسم بوجع وقال ...تمام يا هانم ..انا اسف اني اتدخلت وخرج من المكتب بسرعه وساب الشركه كلها ونزل من غير مايهتم كان مخنوق ومش قادر يتنفس عايز يبعد مش قادر يعمل حاجه
يمنى بقى اول ما خرج قعدت على الكرسي ونزلت دموعها وحست بوجع لاول مره تدايق حد تتألم علشانو مسحت دمعه نزلت من عيونها وقالت...خليك بعيد يا الياس...خليك بعيد ارجوك
كانت حاسه انها غلطت معاه بس فجأه اتحولت ملامحها لغضب وافتكرت يوسف وجيه في بالها ذكريات أليمه جمعتهم فلاش باك
يوسف ...يا تيتا خليني اشوفها وانبي
سميه..وبعدبن معاك يا يوسف..مينفعش تشوفها بفستان الفرح قبل فرحكم ده فال وحش وبعدين كلها اسبوع ونعملكم اجمل فرح وتشفها براحتك
طلعت يمنى من الاوضه وسعادة الدنيا على وشها قالت انا خلصت يا يوسف
يوسف قال ...حبيبة يوسف عجبك الفستان
يمنى بفرحه...ده حلو اوي يا يوسف ...بجد يجنن
يوسف ...ولسه يا عمري هعملك فرح اجمل وشهر عسل اجمل واجمل ربنا يخليكي ليا
يمني ابتسمت بكسوف وقالت بحبك اوي يا يوسف
يوسف..وانا بعشقك يا قلب يوسف
باااااك
فاقت يمنى على صوت خبط على الباب غمضت عنيها بألم وقالت...ادخل
دخل علي وقال...الياس بيه مشي من شويه يا هانم
يمنى قالت..مشي قبل ميخلص الشغل بتاعو مش كده
علي قال..ايوه..بس هو كان مضايق..و
يمنى قالت بمقاطعه..اخصملو يومين علشان يتأدب...بقولك وثقت العقد بتاع شقتو
علي.... ايوه خلصتو يا فندم
يمنى ....كتبتها باسم الياس زي ما قولتلك
علي....ايوه يا فندم كلو تمام ومش هجبلو سيره زي ما حضرتك امرتي
يمنى تمام ..لازم يفضل فاهم ان الشقه باسمي يلا انا همشي مش قادره اكمل ..يوسف الكومي لو جيه تاني ممنوع يدخل فاهم تحت اي ضغط
على قال تمام. وخرج ويمنى بقت تتصل على الياس بس مردش عليها فخرجت واتوجهت للقصر
...................
عند.تسنيم كانت خارجه من الجامعه ومستنيه الباص وقفت عربيه قدامها وطبعا كان منير قال اركبي..يا تسنيم
تسنيم بصتلو كده وقالت...نعم واركب معاك ليه ان شاء الله...يلا يا بابا الله يسهلك
منير ابتسم وقال...اطلعي يا تسنيم هوصلك بدال الشمس الي واقفه فيها دي
تسنيم قالت...اووووف ..وانت مالك اقف في الشمس ولا في الضل..قولتلك امشي بقى
منير شاف انها مش هتركب وكل زمايلها بيبصولهم قال ...طيب همشي بس على فكره الياس هو الي باعتني
وكان هيطلع تسنيم قالت بسرعه..استنى ..هو الياس بجد بعتك
منير بكدب..ايوه ..امال ايه الي هيخليني اجي في الحر ده يعني عاشق عيونك القمر دي
تسنيم قالت بابتسامه...ودي معاكسه ولا ايه علشان الجمله مش راكبه على بعضها خالص
منير قال بابتسامه جميله..اركبي بس وانا هشرحهالك واعربهالك كمان
تسنيم ضحكت وركبت معاه وطلعو سوا يوصلها بيتها
.............
عند يمنى وصلت القصر لقت جدها وجدتها قاعدين قالت...هو الياس جيه هنا يا جدو
حامد قال بابتسامه..طب حتى سلمي على جدو في الاول ولا راحت علينا خلاص
يمنى ابتسمت وقالت ..لا ازاي بقى يا جدو انت الاول والاخر بس اصل الياس كان تعبان شويه وخرج من غير ما يقول هيروح فين
سميه قالت...طب يمكن راح عند اهلو
يمنى لسه هتتكلم قاطعها معتز وقال بسخريه..ايه طب ما تقولو عيل تايه احسن مالكم قلقانين عليه كده
يمنى نفخت بملل وقالت.... عن اذنك يا جدو هروح اريح اصلي قرفانه ومش ناقصه وطلعت لاكن قبل ماتوصل اوضتها معتز مسك ايدها وقال...يمنى استني
يمنى زقت ايده بعصبيه وقالت بحده...عايز ايه
معتز قال...يمنى انتي عارفه اني بحبك ومن زمان ليه بتعملي معايا كده هو يعني علشان رافضه جوازنا تروحي تتجوزي الكحيان ده.
يمنى بصتلو كده باستهزاء وقالت...عارف يامعتز يوسف جالي الشركه انهارده...وكان عايز يضربني...عارف الكحيان الي مش عاجبك ده عمل فيه ايه مسح بكرامتو الارض من غير ما يهتم للى مكن يحصلو من يوسف كل الي همو انو مينفعش يقربلي ..حاجه كده اسمها شجاعه انت متسمعش عنها يا ابن عمي
وكانت هتمشي بس معتز مسك ايدها ولسه هيتكلم يمنى زقت ايده بعصبيه وقالت بغضب ..اوعي تلمسني فاهم ايدك دي والله احسرك عليها
معتز بلع ريقه بتوتر من عصبيتها وقال...ليه بتعملي معايا كده يا يمنى ...زمان لما قولتلك نتجوز رفضتي ورحتي حبيتي يوسف الزفت ده وسبتيني انا ابن عمك ويريتو حافظ عليكي يا يمنى طب..طب اديني فرصه فرصه واحده اغير نظرتك عني والله مش هتندمي
يمنى قالت بسخريه وغضب...وانت بقى الي حافظت عليا.. انا بقى شايفه ان الي عملو هو اهون من الي انت عملتو وبالنسبه للفرصه...الزمن ادالك فرصه معايا وانت فشلت فيها بجداره ...معتقدش اني هحتاجاك تاني ولا محتجالك ولا محتاجه ليوسف ولا حتى الياس مش محتاجه لاي راجل في حياتي .....ومشيت وسابتو بيفكر ازاي يقنعها بحبو لها
عند الياس كان كلام يمنى جارحو جدا مش عارف ايه السبب الي بيخليه مهتم بكلامها للدرجادي فضل قاعد على البحر اليوم كلو لما حس ان الوقت اتأخر قام بتعب ووقف على الشارع بيوقف تاكسي
اتقدمو عليه اربع شباب معضلين زي الجردات كده ضخمين واحد منهم قال...انت الياس
الياس بصلهم وقال...اه...احم..ايوه..فيه حاجه
واول ما قال كده نزلو فيه ضرب بشده وعنف بعصي حديد في ايدهم الياس حاول يضربهم ويدافع عن نفسو لاكن كانو كتير عليه وفضلو يضربو فيه بشده وبعدو عنو لما لقوه مش قادر يتحرك وبين.زف من كل مكان
واحد من الشباب نزل لمستواه وقال...يوسف باشا الكومي...بيمسي عليك
الفصل الثامن
واحد من الشباب نزل لمستواه وقال ...يوسف باشا الكومي بيمسي عليك وسابوه سايح في د.مه ومشيو
الياس بقى يحاول يقوم بس مكانش قادر ابدا حس بدوار شديد وابتدى يغمض عنيه ببطأ وللاسف غاب عن الوعي
يمنى كانت متوتره جدا وقلقانه الوقت اتأخر جدا والياس مرجعش قالت...ماشي يا الياس حضرتك بتعاقبني ..طيب لما ترجع ...فضلت رايحه جايه ومش قادره تنام ومش عارفه ليه قلقانه عليه اوي وخايفه جدا
بعد شويه كان فيه واحد بيقفل المطعم بتاعو وراجع بيتو واتفاجأ بالياس مرمي على الطريق جري عليه وبقى يحاول يفوقو بس حالتو كانت صعبه جدا اتصل على الاسعاف ونقلوه على اقرب مستشفى
بعد شويه كان الياس في العمليات ووصلت يمنى واهلها المستشفى طبعا قدرو يتواصلو معاها لانها اخر حد كلم الياس على تليفونه
يمنى كانت بتبص على الياس من القزاز وحابسه دموعها بالعافيه مش قادره تتخيل انو يتأذي خصوصا بسببها فضلت رايحه جايه بتوتر لحد الدكتور ما طلع وقال انهم قدرو يوقفو النزيف ولازم يستنو كام ساعه لحد ما الياس يفوق
بعد شويه نقلو الياس على اوضه تانيه ويمنى كانت قاعده جمبو بتبص عليه ومركذه فيه جامد عيونها اتملت دموع وهيه شايفه الكدمات واثر الضرب العنيف عليه
حامد دخل وشافها حزينه جدا..قال...حببتي قومي روحي انتي وجدتك هخلي منير يوصلكم وانا هفضل مع الياس
يمنى قالت..لا يجدو انت خد تيتا وروحو مع منير انا هفضل جمبو وهطمنكم اول ما يفوق ان شاء الله
حامد قال..لا طبعا انا هفضل معاكي و
بس يمنى قالت بتعب وحزن...ارجوك يا جدي حضرتك روح انت وتيتا خد علاجك ونام انا مش عيزاك تتعب لو سمحت ارجوك متتعبش قلبي
حامد لقاها بالعافيه بتتكلم اتنهد وقال...خلاص ..خلاص على راحتك يا بنتى وخرج وخد مراتو ومنير ومشيو ويمنى فضلت جمب الياس
يمنى اول ما جدها مشي مسكت التلفون وطلبت يوسف واول ما قال... الو..مين
قالت بغضب اعمي...استني مني رد على الي عملتو ده يا بن الكومي...رد مش هتتوقعو حتى
يوسف قال باستهزاء....ايه انتى زعلتي على البادي جارد بتاعك ولا ايه..تبقى هبله يا يمنى لو فكرتي ان حتت الموظف ده هيضربني كده واعديها
يمنى قالت بغضب مرعب...لو كنت راجل كنت وقفت قدامو وضربتو زي ما ضربك مش تبعتلو الي يتكاترو عليه ياسبع الرجال...بس كل الي عملتو معايا لحد انهارده كوم والي عملتو ده كوم تاني و حتت الموظف الي مش عاجبك ده هخليك تبوس ايده ورجلو علشان اعتقك...استناني... وقفلت في وشو من غير مايرد
يوسف قال لنفسه باستغراب...غريبه ...يا ترى مين الولد ده علشان تضايقي عليه كده يا بنت الصياد
بقلمي...زهرة الربيع
بعد كام ساعه ابتدى الياس يفتح عنيه بتعب بيبص لقا يمنى قاعده جمبو ونايمه على الكرسي فضل باصص لها وابتسم وسرح في جمالها وبرائتها الي بتحاول تداريها بس بص بعيد بحزن لما افتكر كلامها ليه اتنهد بتعب وقال...يمنى ...يمنى
يمنى فتحت عنيها بسرعه وقالت بلهفه...الياس...انت كويس...انادي للدكتور...استنا هنادي الدكتور حالا
كانت هتمشي بس الياس مسك ايدها وقال..استني
يمنى بصت لايده وهو كمان ساب ايدها وقال...احم...انا كويس..ورجع بص قدامو وقال..مفيش داعي تقلقي عليا
يمنى ابتسمت ابتسامه بسيطه على شكلو وهو مضايق ورجعت بصتلو ببرود وقالت...تمام...اصلا مش قلقانه بس الدكتور قال لازم يشوفك لما تفوق
الياس اتنرفز من برودها جدا قال بعصبيه...وانا قولتلك انا كويس مش عايز دكتور
يمنى قعدت واتنهدت وقالت...المفروض انك دكتور وفاهم وعاقل وعارف ان المفروض الدكتور يشوفك فمتدخلش الي بنا في صحتك
الياس بصلها وقال بغضب...الي بنا...هو ايه الي بنا..احنا مفيش بنا حاجه هيه حتت ورقه ولعلمك بقى انا عايز نطلق قريب...بحب واحده وعايز اتجوزها
يمنى كانت عايزه تضحك على شكلو وكلامو بس شافت الحزن في عنيه اتنهدت وقالت...اسمع يا الياس انا معرفتش راجل في حياتي الى وكرهني في الرجاله كلهم...وشاورت على قلبها وقالت..القلب ده استهلك كل المشاعر الي فيه ومفضلش فيه غير الوجع ..انت الوحيد الي مأذتنيش بالعكس انا الي أذيتك علشان كده هديك نصيحه ...اوعى تفكر فيا يا الياس..مش هتستفيد حاجه مش هتاخد غير الوجع انا جبتك لمهمه محدده هتخلصها وكل واحد يروح لحاله انا متأكده انك ذكي وفاهم قصدي كويس
الياس فضل باصص لها وحس بالم في قلبو من كلامها بعد عنيه عنها وقال بتعب....ومين قلك اني بفكر فيكي ده في احلامك بس
يمنى ابتسمت كده ببرود وقالت..تمام كده ممتاز عن اذنك بقى هطلع اعمل تليفون وجيالك
طلعت يمنى والياس فضل باصص لطيفها بحزن شديد قال بألم...بعد ايه يا يمنى..متأخر...متأخر اوي
بعد شويه جات يمنى ومعاها الدكتور وكشف على الياس وقال انو يقدر يطلع بس يرتاح وميعملش مجهود بعد ما طلع الدكتور يمنى قالت...يوسف الي عمل كده
الياس قال...عارف
يمنى قالت باستغراب...عارف ...عارف ازاي
الياس قال...بعت رجاله كتير فضلو يضربو فيا وبعدها قالولي يوسف الكومي بيمسي عليك ..اصلا حتى لو مقالوش انا مفيش حد يعمل معايا كده ولا أذيت حد يعني مليش اعداء زي ما بيقولو
يمنى قالت...بس طول ما انت معايا هيبقالك اعداء كتير زي يوسف او معتز مثلا
الياس قال...معتز ده تافهه معتقدش يقدر يعمل حاجه
يمنى قالت..تؤ بتهيألك متديش امان لحد
الياس قال..احم..مش هتقولي مين يوسف ده
بمنى اتنهدت وقالت بغضب...يوسف ده كان خطيبي وكنا هنتجوز وفركشنا
الياس بصلها وقال...وكنتي بتحبيه
يمنى قالت بضيق...مش عايز اتكلم في الموضوع ده
الياس محبش يضايقها قال... تمام بس هو ليه كان مضايق كده
يمنى قالت... كان مضايق لانو خسر صفقه بسبب شركتنا علشان كده جيه امبارح بس انا بالعاده بعرف اتعامل مع الاشكال دي مكانش فيه داعي تتورط معاه
الياس قال بغضب...ازاي يعني مفيش داعي..كان هيمد ايده عليكي...يحمد ربو لو عملها كنت كسرتهالو
يمنى ابتسمت وقالت... ومبسوط كده لما دشدشك
الياس قال بسرعه...مين ده الي دشدشني هو يقدر ده لو يواجهني اعملو كفته بس باعت رجالتو كانو كتير وخدوني على خوانه...بس الصراحه حتى لو كنت عارف يعني كنت هعمل ايه اصلك مشوفتهمش كانو عاملين ازاي
يمنى ابتسمت وقالت...جردات مش كده
الياس قال...جردات قولي دببات..مش طبيعين انا اشوف الواحد كده عايز اجيب اخره مش شايف
يمنى بقت تضحك على كلامو والياس كان مبسوط بضحكتها قال ..واحد منهم قلي..انت الياس وانا عايز اعمل زي الناس الصراحه لقيت جسمي لوحده كده بيجهز لعلقه محترمه
يمنى فضلت تضحك من قلبها على كلامو اول مره تضحك كده فضل يبص لها وسرحان فيها وفضلو يتكلمو سوا والدكتور كتب لهم خروج وطلعو وراحو على القصر
في القصر كانو مجتمعين حوالين الياس حامد قال...الف سلامه يابني هو ايه الي حصل ومين دول يا الياس
الياس بص ليمنى كده وقال...احم ...بلطجيه يا جدو معرفهمش
سميه قالت...سلامتك يا ابني
الياس لسه هيرد شرين قالت....الف سلامه يا الياس خضتني عليك..قصدي خضتنا يعني
الياس قال...احم...الله يسلمكم يا جماعه انا بخير الحمد لله
منير دخل ومعاه والد الياس واخته
تسنيم جريت عليه وحضنتو وبقت تبكي جامد
الياس كان حاضنها وبيطبطب عليها وقال... انا كويس يا حببتي اهدي
محمد قال...كفايه يا تسنيم يا بنتي اخوكي تعبان
تسنيم بعدت عنو وعيونها مليانه دموع وبصت ليمنى وقالت انتي يمنى مش كده
يمنى قالت..ايوه انا
تسنيم قالت بغضب..منك لله يا شيخه...حسبي الله فيكي وهجمت عليها عايزه تضربها ومنير وابوها اتدخلو ومسكوها وهيه بتزعق وبتقول....من ساعت ما شافك والمصايب فوق دماغو مش كفايه انتي لوحدك مصيبه ربنا يا خدك
يمنى كانت بصالها بغضب وساكته بس الياس شخط فيها بحده وقال...تسنيم.....انتي ازاي تتكلمي مع مرات اخوكي كده اعتزري يلا....يلا
تسنيم بصتلو بدموع ورجعت بصت ليمنى وقالت بضيق....اسفه
حامد وسميه مش فاهمين حاجه خالص وابتدو يبصو ليمنى والياس بشك الياس قال...انا كويس يا بابا خد تسنيم وروحو انتو وانا اول ما اتحسن شويه هاجيلك
محمد اتنهد بحزن وقال...تمام يا ابني ربنا معاك ..يلا يا تسنيم
تسنيم رجعت حضنتو تاني بقوه وقالت...خلي بالك من نفسك
الياس بصلها بحب وقال...وانتي كمان... وبص لمنير وقال...معلش توصلهم يا منير
منير قال ..اكيد يلا بينا يا جماعه بس حامد قال...وهو ده ينفع انتو ضيوفنا انهارده ولو عايزين تفضلو مع الياس يومين مش مشكله
محمد قال...لا والله معلش خليها وقت تاني
حامد قال...لا والله انا مصر هتفضلو يعني هتفضلو وقال يا منصور...ده يبقى كبير الخدم
منصور نعم يا بيه
حامد... عايزك تجهز اجمل سفره لضيوف الياس بيه هيتغدو معانا
محمد بص لالياس والياس حرك راسو بمعنى مفيش مشكله وطلعو كلهم يقعدو سوا وسابو الياس يرتاح ويمنى معاه
الياس قال بحرج...احم ..اسف.هيه بس تسنيم عصبيه شويه...بس انا مستغرب مين قلهم
يمنى ..انا قلت لمنير يقلهم ويجبهم ...مرضتش اقولهم وانت في المستشفي علشان ابوك تعبان بس لما رجعنا واطمنا عليك قلت لازم يشفوك
الياس ابتسم وقال...شكرا
يمنى قالت ...ما خلاص اختك شكرتني كفايه
الياس ضحك وقال...معلش متزعليش منها
يمنى قالت...وازعل ليه كل الي قالتو حقيقي معاها حق يلا ناملك شويه علشان جسمك يرتاح
في الجنينه كانو الكل مجتمعين وبيتكلمو ويهزرو وتسنيم قامت تتمشي و بعدت عنهم شويه
فجأه حد شدها كانت هتصرخ بس حط ايده على بقها ووووووووو