رواية امتلاك بالاجبار
الفصل العاشر 10 والحادي عشر 11
بقلم هاجر عبد الحليم
الكل دخل الفلة
الالفى طلع بيطتوح لحد باب اوضته
الكل تجاهله بس جاسر كان زعلان بجد على ابوه
فاطمة بفرحة:بجد انا مبسوطة انه خلاص حفيدى هينام ومراته جمبه اوعدينى ياعيون انك هتبقى جمبه وتكونى زوجة مطيعه وتصونى شرفه
عيون بكسوف:اوعدك
جاسر ببرود:تصبحوا على خير
عيون اتضايقت فاطمة حست بيها وقالت:ايه ياجاسر فى حد يوم فرحه يبقى بارد كدة
عيون:ايوة ونبى قوليلوا...دة فى الفرح كان ساكت ورخم حتى ساعة الرقصة مرداش يرقص قال ايه مبيعرفش يرقص ربنا يسامحك خليت وشى فى الارض
جاسر بصلها بحدة عيون خافت من شكله
صافى:بس انتى المفروض تكونى مبسوطة...دة انتى لابسة فستان لو فضلتى تشتغلى عمرك كله مكنتيش هتلبسيه واهو بقيتى عايشة ف فلة بمقام حارتك كلها
عيون اتضايقت من كلامها
جاسر بفخر وعظمة:صدفينى ياصافى عيون احسن منك ميت مرة على الاقل سابت الدنيا تخبط فيها علشان تصرف على نفسها مش زيك واخدة واحد قد ابوكى علشان خاطر الفلوس وياريت متنسيش اصلك اظن فاهمانى
صافى ضحكت بسخرية
اما عيون استغربت كلام جاسر وكانت بتبصله بحيرة
جاسر اتجاهل نظرات عيون كانها لم تكن
فاطمة:بسملة حبيبتى سيبى فستان عيون واطلعى على اوضتك
بسملة:لا بسملة تقعد مع عيون وجاسر اه
فاطمة:ياحبيتى مينفعش وبعدين اسمعى الكلام خليكى شاطرة
جاسر:فى ايه ياستى متخليها تنام معانا بدل متنام لوحدها...وبعدين متقلقيش مفيش حاجة هتحصل بسملة وجودها هيفرق كتير معايا بسملة حبيتى اطلعى على اوضتنا واحنا هنلحقك
بسملة:بسملة تسمع كلام اه
وطلعت
عيون اتصدمت وبصت لفاطمة
فاطمة:ايه اللى انت عملته دة ياجاسر...كدة تكسر قلب البنت ف عز فرحتها
عيون:لا ياستى انا مش مضايقة
فاطمة:بلاش تكدبى انا ست وعارفة مشاعرك ايه كويس.جاسر اوعى تظلمها البنت خلاص بقت مراتك
جاسر بص لعيون وشدها وشالها
عيون بصوت متقطع:انت عملت ايه نزلنى
جاسر طلع بعيون اوضة بسملة
فاطمة ضحكت وطلعت على اوضتها
اما صافى فكانت هتموت من الغيرة
فى اوضة بسملة
جاسر نزلها وشدها على السرير
وهى كانت هتموت من الرعب وعمالة تبعد لما شافته قلع البدلة وقرب منها
وهو باصص فى عنيها حس انها مختلفة عن نوال
جاسر:بتترعشى كدة لية
عيون بلعت ريقها وقالت:عادى اصل الدنيا ساقعة شوية
جاسر:عيون انا مش بحبك
عيون:هو انا طلبت منك كدة
جاسر:عينك هى اللى طلبت منى
عيون:انت عايز ايه
جاسر:عايز اعرف ليه اتجوزتينى
عيون:منا قولتلك علشان خاطر بسملة
جاسر:تمام دة معناه ان جوازنا على ورق وبس....انا عايزك تكونى ام كويسة لبسملة واللى ف مخك تنسيه
عيون باستغراب:مفيش حاجة ف مخى... جاسر هو انت بتكرهنى
جاسر بص فى عنيها تاه فى جمالهم كانت مختلفة تماما عن عيون نوال
عيون بصوت هادى:رد عليا
جاسر:ايوة بكرهك
عيون:ليه عملتلك ايه
حاسر ببرود:ولا اى حاجة
عيون بحيرة:طب ليه بتكرهنى
جاسر:مقدرش اقولك
عيون:ليه متقدرش
جاسر بعصبية شدها وقومها من على السرير:انتى عايزة توصلى لايه.مستحيل يكون فيه تراضى بينا حتى لو انا عايز كدة..لان الحاجة اللى بتخلينى اكرهك ومش طايق اقرب منك لا انا ولا انتى لينا يد فيها
عيون:انت بجد لغز ولا لعز ميكى انا هروح عند بسملة
ومشيت
جاسر غمض عينه جامد:يارب قوينى مش عارف ليه لما بصيت فى عنيها حسيت انها مختلفة عن نوال.مش عارف اعمل ايه بس اللى متاكد منه انه مش هعرف اقرب منها
فى اوصة جاسر
جاسر دخل لقا بسملة نايمة ف حضن عيون اللى نامت بالفستان بتاعها حس لما شافها كانها نوال بالظبط غمض عينه جامد بقهر وبعد كدة دخل الحمام خد الشاور بتاعه وخرج لبس هدومه ونام على الكنبة
تانى يوم
فى حارة العزبى
فى اوضة احمد
اعتدال:يبنى قوم شوف شغلك بلاش وقف الحال دة
احمد وهو قاعد وبيشرب سجاير بحسرة:عايزانى اعمل ايه...دة انا كنت هموت وانا شايفها قاعدة فى الكوشة معاه كات نفسى اقتله بس اللى منعنى انى شوفت الفرحة ف عيونها نهايتو هى فين ايات
اعتدال:راحت الجامعة..بقولك ايه ياسى روميو قوم روح شوف اكل عيشك دة اللى هينفعنى وينفعك وبعدين انت غبى ياواد صدقنى عيون مش هتبعد عن البيت فترة طويلة ودة وعد امك ليه
احمد:انا هقوم علشان اشوف اكل عيشى ادعيلى ياما
اعتدال:بدعيلك يبنى والله وان شاء الله ربنا هيرزقك بواحدة احسن من عيون دى ميت مرة
احمد:ان شاء الله
فى الجامعة
ايات ماشية فجاه خبطت فى بسمة
بسمة:ايه يابنتى مش تحاسبى
ايات:سورى يابسمة
بسمة:تعرفى انك بجحة
ايات:متغلطيش علشان مش هسمحلك بدة
بسمة ضحكت بصوت عالى وقالت:لا انتى فعلا بجحة مش بهزر وواخدة الولاد كل واحد بالدور مرة على ومرة مومن والله اعلم مين اللى بعده بس احب اقولك ان خطتك مش هتكمل
ايات ساكتة ومش عارفة تتكلم
بسمة:ايه اتخضيتى توء توء زعلتينى والله معلش انا عارفة انى بزعلك بكلامى لكن صدقينى دى الحقيقة انا بس بقولك علشان متتصدميش يلة باى
ومشيت
ايات فضلت سرحانة لحد م حست بايد على كتفها بتلف لقيته مومن
ايات اترمت ف حضنه وفضلت تعيط
مومن حضنها جامد علشان يهديها
مومن:فى ايه ياايات حد ضايقك ليه العياط دة بس
ايات بعياط:هو انت ممكن ييجى فى بالك انك تسيبنى
مومن باستغراب:لا طبعا مش هسيبك بس ايه اللى خلاكى تقولى كدة
ايات:انت كلمت اهلك وقولتلهم انك عايز تتجوزنى
مومن:الصراحة لا يعنى مجتش فرصة مناسبة بس يعنى هقولهم وهما مش هيعارضوا
ايات بعدت عنه جاية تمسح دموعها بس هو مسك ايدها
وهو اللى مسح دموعها بحنان
مومن:تصدقى شكلك بيكون احلى لما بتعيطى...بحسك طفلة ومحتاجانى جمبك طول الوقت
ايات:مومن يعنى لو اهلك طلبوا منك انك نسيبنى هتسيبنى
مومن:انتى ليه مقتتعة انى ضعيف ومش هقدر ادافع عنك وعن حبى ليكى اهلى يمكن يبانوا قاسيين بس من جوة غير...وبعدين لو طلبوا منى اسيبك لازم يكون فى سبب..وسبب مقنع كمان
ايات بحسرة:لا طبعا فيه سبب انت ناسى انا مين واهلى مين...دة انا امى فاتحة محل ملابس صغير على قد الحال..واخويا شغال مندوب مبيعات
مومن:اوحش حاجة يكون الانسان مش عارف قيمة نفسه انتى يمكن كلامك صح الفرق الاحتماعى كبير.بس انا مش حاسس بدة...وعارف انك هتاخدى على الجو بسرعة ايات:ماشى يامومن انا واثقة فيك وعارفة انك مش هتخذلنى مهما حصل
مومن ضحك ومسك ايدها وباسها
ايات بكسوف:ايدة بتعمل ايه
مومن بهزار:بس بس يخربيتك وشك بقا عامل زى التفاحة الحمراء...وعلى فكرة ايه اللى بعمله دة طبيعى مش خلاص هتكونى خطيبتى
ايات:خايفة اوى م
مومن حط ايده على شفايفها وقال:اشششش ولا كلمة ايات والله بحبك وعلشان اثبتلك دة انا هكلم بابا فى موضوعنا انهردة وبكرة الخبر هيكون عندك تمام
ايات:تمام
مومن حضن ايات وهى كمان حضنته
بس بسمة قدرت تصور اللى حصل ما بينهم على تليفونها😱
ياترى ايه اللى فى دماغها؟
فى الكافيتريا
على بصدمة ممزوجة بالفرحة:يخربيت دماغك انتى صورتيهم ازاى
بسمة:عادى بالتليفون مش محتاحة زكاء
على:لا مش قصدى كدة...انا قصدى شوفتيهم ازاى
بسمة:عادى يعنى يامعلم كانوا ف حتة مدارية بس على مين قدرت اوصلهم وصورهم كمان
على:ناوية تعملى بالفيديو دة ايه
بسمة:هيطلع وقت عوزة مش دلوقتى خالص
شوف ياعلى الفيديو دة لو اخوها شافه مش هيكفيه موتها
على:انتى مالك مكبرة الموضوع كدة ليه...دة فيديو عادى على فكرة
بسمة:عادى مين يابو عادى ايه مش شايف ولا عميت دة مسح دموعها وباس ايدها وحضنها وعلى فكرة سهل احرف الكلام وقول انهم كانوا بيتكلموا كلام حب وغرام
على:يخربيتك دة ابليس يتعلم منك...على فكرة الصور للاسف كانت مطبوعة تعرفى لو كانت معايا على الموبايل كنت
بسمة:لا ياعلى بلاش تضايق اللى معايا دلوقتى احسن ميت مرة من الصور اللى كانت معاك...هى اللى حفرت قبرها بايديها...اما خليتك تمشى فى الشارع تكلمى نفسك ياايات مبقاش انا
فى حارة العزبى
على القهوة
العزبى قاعد على الهقوة وبيشرب شيشة
فجاه لمح ايات طالعة
فضل يحرك شنبه يمين وشمال وقال:وماله نجرب ولا ياحديدة
حديدة:ايوة يامعلمى
العزبى:تعرف المكنة اللى قاعد فيها الزفت سمسم
حديدة:العلم عند الله يامعلم الولا من ساعت م سمع انك اتسجنت وهو فص الملح وداب مش عارفينله طريق جرة
العزبى بعصببة:لا تتصرف وتعرفلى الواد فين شوفهولى فين وليك الحلاوة ومتقلقش ياواد دى حاجة كبيرة اوى
حديدة بفرحة:اوامرك ياسيد المعلمين
فى بيت اعتدال
فى اوضة ايات
اعتدال:فى ايه يابت مالك
ايات:مالى ياامى منا كويسة اهو...ولا شابفانى بشد ف شعرى
اعتدال بصدمة:بتردى عليا ياايات دى اخرتها
ايات:فى ايه ياامى هو انا عملت حاجة...ولا انتى اللى بتحبى تكبرى المواضيع
اعتدال:انتى هتقوليلى مالك...ولا اعرف انا بطريقتى
ايات بخوف:والله ياامى كويسة بس يمكن جعانة شوية
ممكن تعمليلى الاكل وبعد كدة هحكيلك ايه اللى مضايقنى
اعتدال:ماشى يابنت اعتدال اما نشوف اخرتها ايه معاكى
ومشيت
ايات تنهدت تنهيدة ارتياح ورمت نفسها على السرير من التعب
فى فلة الالفى
جاسر قام لقا عيون نايمة بس بسملة مش موجودة
جاسر قرب منها حس كان نوال هى اللى نايمة
الشبه ما بينهم كبير
جاسر فضل يهز عيون علشان خاطر تصحى
حاسر:عيون...عيون
عيون فتحت عينها وصرخت
جاسر كممها علشان خاطر تسكت
جاسر بصوت جهورى:عيون اهدى دة انا جاسر والله ولا عفريت ولا حرامى
وبعد ايده عنها
جاى يكمل بس اللى منعه انها كانت بتبصله بهيام
جاسر:هو انا محلو ولا حاجة
عيون فاقت وقالت:لا..ليه يعنى
جاسر:اصلك مبحلقة فيا جامد قومى ياعيون غيرى هدومك
عيون بتبص على نفسها بخضة وقالت:يالهوى معقولة نمت بالفستان وانت مصحيتنيش ليه
جاسر:كنتى تعبانة وكمان بسملة كانت ف حضنك مردتش اقلقها
عيون:اه صحيح هى بسملة فين
جاسر:معرفش
وقام
عبون:رايح فين
جاسر:داخل الحمام اخد شاور وبعد كدة رايح على الشركة
ودخل الحمام
عيون لبست ونزلت رجليها ودتها برة فى الجنينة
فضلت تتمشى لحد م وصلت قدام البسين كانت قريبة منه
وكانت سرحانة
فى اوضة جاسر
جاسر خرج ولبس البدلة بتاعته
ونزل ملقاش حد فقرر يمشى على طول
فى الجنينة
بسملة زقت عيون فى البسين😱
امتلاك بالاجبار الحلقة 11
عيون للاسف مكنتش طايلة الارض
وكمان البسين كان غاويط والمياه ساقعة تلج
فضلت تصرخ والمياه كل مدا بتغطى وشها
جاسر خرج لقا بسملة بتبص ناحية عيون بخوف ومش عارفة تعمل ايه..راح قلع جاكت البدلة والقميص بسرعة ونزل علشان يجيبها
مسكها وشالها بين ايديه
هى كانت حضناه من رقبته وبتترعش وحطاه راسها على صدره
هو مشى بيها لاخر البسين وطلعها منه...كانت مغما عليها شالها ودخلها الاوضة...وكانت بسملة وراه
فى الاوضة
جاسر قعدها على السرير وحاب بشكير ولفها بيه وغطاها كويس
جاسر:ايه اللى حصل يابسملة
بسملة بخوف:بسملة وقعت عيون اه
جاسر:ليه عملتى كدة يابسملة مش تاخدى بالك
بسملة بعياط:بسملة تتاسف اه
جاسر نزل وبقا فى مستواها وقال:متعيطيش خلاص حصل خير بس انتى غلطتى مكنش ينفع تعملى كدة
بسملة:بسملة تتاسف اه
جاسر فى سره:طب اعمل ايه....اسيبها وامشى ولا خلينى جمبها...بس لو فضلت هنا ممكن تحسب انى بقيت اهتم بيها ودة مش صحيح ايه ياجاسر نسيت اللى كنت عايز تعمله بس هى ذنبها ايه...انا بجد تعبت...مفيش اى مشاعر تجاه عيون فى قلبى ودى ف حد ذاتها حاجة كويسة انا لازم امنع المشاعر انها تظهر لازم
جاسر فضل قاعد جمبها وبسملة كانت معاه وكانت خايفة على عيون
وفاطمة جات وطلبت من جاسر يروح شركته وهى هتفضل جمبها
جاسر وافق وراح الشركة
بليل
جاسر ركن العربية ودخل الفلة
جاسر:مساء الخير
الكل:مساء النور
جاسر:لسة نايمة فوق
فاطمة:ايوة يبنى وبسملة كمان معاها
جاسر:انا هطلعلها
وطلع
صافى كانت متابعاه بعيون غيرة وحقد
صافى فى سرها:وبعدين ياصافى مش هو دة اللى كنتى عاملة حسابه...شكله هيحبها ولا ايه...لا مستحيل دة يحصل...انا لازم امنع حاجة زى دى تحصل..جاسر ليا لوحدى..وعيون دى مش هتعرف تاخد قلبه مهما حصل
فى الاوضة
جاسر دخل لقا عيون قاعدة وبتلعب مع بسملة
عيون:تعالى ياجاسر
جاسر دخل وقعد جمبها
جاسر:انتى كويسة
عيون:ايوة كويسة متقلقش
جاسر:مش قلقان
عيون بصتله وقالت:يعنى مخوفتش عليا
جاسر:لا
عيون:انت ليه قاسى كدة...قول كلمة تجبر خاطرى بيها
جاسر:انا قاسى علشان اتعودت اكون كدة...وانا مش مجبر اقولك كلمة اجبر بخاطرك بيها بسملة قومى علشان عندك مدرسة يلة
بسملة:بسملة تتام مع عيون انهردة اه
جاسر:مينفعش يابسملة عيون تعبانة ومحتاجة راحة خشى على اوضتك خليكى شاطرة علشان احيبلك حاجة حلوة
بسملة:بسملة تسمع كلام اه
ومشيت
عيون:مشيتها ليه
جاسر:عادى..لازم تتعود تنام لوحدها
جاى يمشى بس هى مسكت ايده
اتصدم وبصلها
عيون:هو انت ندمان انك اتجوزتنى ياجاسر
جاسر:عايزة الصراحة
عيون شاورت براسها ب اه
جاسر:لا مش ندمان لان بنتى بتحبك وانتى بتعامليها كويس
وبعد ايدها عنه وقال:وياريت متنسيش ان جوازنا على ورق وبس يعنى اوعى تلمسينى او تقربى منى...لان مش هيبقى فيه حاجة بينا...انا بعتبرك ام لبنتى بس مش زوجة ليا ابدا اظن مفهوم تصبحى على خير
عيون قامت من على السرير
وجاية تخرج من الاوضة بس منعها صوت جاسر
جاسر بحزم:متخرجيش برة الاوضة وتعالى نامى
عيون:مش عايزة انام معاك فى اوضة واحدة
جاسر:انتى مجبرة ومعندكيش خيار تانى
عيون بصتله لقيته قاعد على الكرسى وحاطت رجل على رجل
عيون:انا على فكرة مش مجبرة سهل جدا اطلب الطلاق
جاسر:وانا سهل جدا اقولها...بس فكرى بعقلك جوازك منى رحمك من حاجات كتير اهمهم العزبى مش هيعرف يقرب منك
عيون سكتت هى عارفة ان كل كلمة بيقولها صح
عيون قعدت على السرير ومددت وغطت نفسها كويس علشان سقعانة
هو قام غير هدومه ولبس لبس مريح ونام بسرعة
تانى يوم
فى حارة العزبى
فى بيت اعتدال
فى اوضة ايات
ايات بترن على مومن ومش بيرد خالص اتضايقت وقلقت
قعدت تفكر كتير..بعد كدة لبست ونزلت على جامعتها بسرعة قبل م اعتدال واحمد يصحوا
فى الجامعة
ايات خلصت محاضرتها وعمالة بتدور على مومن ومش لاقياه
غادة:اللى بتدورى عليه مش موجود
ايات:ومين اللى بدور عليه مش فاهمة
غادة:ونبى ايه...يابت دة انا غادة هتعمليهم عليا ولا ايه.منا عارفة انك بتحبى مومن بس هو مجاش انهردة
ايات:ليه مجاش
غادة:معرفش والله ياايات متجربى كدة ترنى عليه تانى يمكن يرد
ايات فتحت موبايلها ورنت عليه فعلا واخيرا رد
ايات:ايوة يامومن فينك حرام عليك والله وليه مش بترد على تليفوناتى
مومن بقلق وخوف:انا كلمت اهلى ياايات فى موضوعنا
ايات بلهفة:بجد وقالولك ايه وافقوا ابوس ايدك يامومن طمنى
مومن:انتى خلصتى محاضراتك ولا لسة
ايات:ايوة خلصت من بدرى
مومن:انا فى كافيتريا........مستنيكى اوعى تتاخرى
ايات:ايوة جاية متقلقش يلة مسافة السكة سلام
ومشيت
فى الكافيتريا
بسمة بغيرة:اكيد هتقابلوا
غادة:انا قلبى بيقولى ان اهله موافقوش على الجوازة دى
بسمة:يابنتى دة المتوقع...بس اموت واشوف شكل ايات لما تتصدم وتعرف ان مومن مش هيضحى باهله ورضاهم علشانها
غادة:يابنتى بلاش شماتة وعلى فكرة لو رفضوا ممكن يقنعهم
بسمة:يبقى متعرفيش عيلة البحيرى
غادة:وانتى بقا اللى تعرفيهم
بسمة بغرور:طبعا يابنتى والمستوى الاجتماعى اكيد ضرورى وبيفرق بالنسبالهم
غادة:طب هنعرف ايه اللة حصل ما بينهم ازاى
بسمة:هعرف يابنتى مغيش حاجة بتصعب عليا بفضل الله
غادة:ماشى ياختى
فى كافيتريا ما
ايات بعياط:يعنى ايه رفضوا...هو انت مش قولتلى انهم لو رفضوا انت هتقدر تقنعهم
مومن:صدقينى انا تايه من ناحية انتى ومن ناحية هما انا بجد مش عارف اختار مين...بس كل اللى اعرفه انى بحبك وعايزك
ايات:يعنى ابوك رفض علشان انا من حارة شعبية طبعا واحدة زيي اكيد مش هتليق بعيلة البحيرى
مومن:ايات ابويا هددنى انى لو اتحوزتك مش هاخد اى حاجة من ورث العيلة...وانتى عارفة انى لسة بدرس وشغلى كله هيبقى فى شركة ابويا ودراستى كمان مرتبطة بشغله.....انا بجد محتار وعقلى واقف مش عارف اخد اى قرار
ايات مسحت دموعها وقالت:انا زهقت من الاسطوانة المشروخة دى.ايه هتفضل معتمد على فلوس ابوك صعب عليك تبتتدى من الصفر وتوصل لمركز انت عملته بايدك ومفيش حد ساعدك فيه....لا انت فعلا انسان ضعيف فى حبك انا ماشية
مسك ايدها وقال:ايات استنى
ايات بحسرة:استنى ايه انت مش عارف تاخد قرار...وعلى فكرة انا مش وحشة ولا طمعانة فى فلوسك.انا فعلا بحبك
مومن:انا عارف ياايات انك بتحبينى بس حطى نفسك مكانى
ايات:مش عايزة اشوف وشك ولو صدفة انت فاهم...حبى ليكى سهل جدا ادوس عليه...انت واحد مش عايز حاجة غير المركز والفلوس وانا ميشرفنيش اخد واحد كدة
ومشيت
مومن قبض على ايده جامد وخبطها على الطربازة بغل والم رهيب هى مش بتحبه يبقى المفروض تثق فيه...هيحاول مع اهله علشانها...هو بيحبها ومش هيسمح انه يكسرها..الموت عنده اهون
فى حارة العزبى
فى الشارع
ايات ماشية معيطة العزبى شافها
العزبى:ست ايات
ايات مسحت دموعها وقالت:ايوة يامعلم
العزبى:لامواخذة يعنى فى دى الكلمة هو فى حد ضايقك...قوليلى وانا وشرفك لدبحوا زى العجول والخرفان
ايات:تشكر يامعلم مفيش حاجة شايلينك للكبيرة
العزبى حرك شنبه يمين وشمال وقال:انتى حلوة اوى
ايات بصتله بحدة
العزبى:لا متفهمنيش غلط انا بس بناكشك
ايات:عن اذنك يامعلم
ايات فى سرها:روح جاتك داهية فى شكلك
وطلعت شقتها
العزبى:الظاهر عليك ياعزبى انك مبتشبعش صحيح...احلوت فى عنيك ولا ايه...لا ازاى مكنتش واخد بالى منها...لا لو عيون دى فرس ايات تبقى كرباج