رواية زواج بالاحتيال
الفصل الحادي عشر11
بقلم جمانه السعيدي
نهله...هلمره أطول فتره نبقى بدون ماننصب على احد
مجاي نلكه الشخص الي عنده هاي الموصفات
لازم عندا فلوس ومعروف بلمجمتع ويخاف على سمعته
يخاف ينطعن برجولته كدام الناس
حتى يطلك بسرعه
نهله...رحنا للسوك اني وامي اني كنت اخر اناقه واخر جمال
حتى ذهب لا بسه بلكت نصيد واحد
امي تفتر واني دخلت على شركه اتصالات جبيره
عليهم ازدحام مو طبيعي
اول مادخلت جذبني ولد يشتغل بهاي الشركه
شكله كلش حلو وانيق ومرتب
بس التفت وشافني عيني علي راسا عاف كل الزباين واجا عليه
إياد...تفضلي
نهله...اريد تليفون
إياد... نوع معين ابالج لو اني اشوفلج
نهله...لا انت شوفلي
إياد...تمام والسعر
نهله...معقول مو كلش غالي لان امي تذبحني
إياد...تمام هسه اشوفج كم موديل والميزات مالتهن
نهله...تفضل
جاب كم موديل وبدأ يشرحلي مميزات الموديل
واني رحت بعالم ثاني كلشي مافهمت منه لان حلو ويحجي بطريقه كلش حلوه
إياد...هااا عجبج
نهله...لا ولله كلشي مافهمت
إياد...ترا بسيط ميرادله شي
نهله يحجي واجن عيوني بعيونه اني ضيعت وهو بين علي معجب بيه لان عاف كل الزباين وركز وياي
نهله...ممكن تفهمني اكثر
إياد...لا انتي سالفتج داجه
نهله...شنو قصدك ترا زعلت
اياد...ههه اتشاقه وياج
نهله...زين انت مشغول هسه انطيني رقم تليفونك
اذا ماعرفت اتصل عليك وتعلمني
اياد ...تمام
نهله...طلعت اتصلت على امي
...يله اني خلصت انتي وين
امي...انتي وين حتى اجيج
رجعنا للبيت
نهله...يمه واحد يجنن
امي...شبعان
نهله...مااعرف يشتغل بشركة اتصالات
امي...جبتي رقمه
نهله...اي
امي...اتصلي علي وجرجري بلكلام بلكت يطلع صاحب املاك
نهله...ماااعتقد
امي...انسي اي واحد فكر ابتعدي عنه
نهله...يخبل
امي...عمه كون عمه شنو يخبل
نهله...بس اني إلى متى راح ابقه هيج اريد ازوج زواج حقيقي
امي...اس لا تفكرينا خلينا نشتغل منا لمن نجمع مبلغ زين
احنا بس نسوان لازم ناامن نفسنا
نهله...ولله يخبل والضحكه دمار
امي...اس شوفينا واحد شبعان وحبي بكيفج
رجعنا للبيت جمانه السعيدي اتصلت بي بعد العشى مارد عليه
رجعت اتصلت هم مارد عليه
ضجت كلش اريد احجي وياا ونتسلى
بلعشره هو اتصل
اياد...الووو
نهله...بعد وكت
اياد...منووو
نهله...اني اليوم اشتريت منك تليفون
اياد...بس اني هواي تجيني زباين
نهله...شنو ماعرفتني راح ازعل
اياد...يمكن عرفتج
نهله..همزين بعد وكت
اياد...اعذريني لان مشغول كلش
نهله...انت تشتغل بلشركه
اياد...لا اني ابن صاحب الشركه
نهله....تمام
اياد...ممكن اخدمج تفضلي
نهله...مااعرف للتليفون
اياد...بسيطه اني هسه اعلمج علي يله نبدي وحده حده
نهله...افتح كامرا حتى افتهم
اياد...اي ليش لا
نهله اني كنت مبدله لابسه تراك ضيك وردي ومكياج
وخاله الشال على راسي
بدا يشرحلي شويه شويه
نهله...اي هسه فهمت
اياد...تمام بعد اكو شي
نهله...اريد تعلمني على البرامج
اياد ...صار تدللين
بقينا نحجي واني اتعمد افتح كامره بحجة نحجي سوا
استمريت اتصل بي كل ليله ونبقى نحجي
إياد...انتي تدرسين
نهله...لا مخلصه ابتدائيه
إياد...ليش يمعوده عجايز جاي يرجعن للدوام وانت بعدج زغيره ليش ماتدرسين
نهله...ضروووف
إياد...شنو هاي الضروف الي تمنعج اتكملين دراسه
نهله...اني ماعندي احد بس اني وامي وبسبب المشاكل
انتقلنا من منطقه للثانيه
وامي صحته يعني
طبعا اني مجاي اعرف ليش ارتاحيتلك وجاي احجيلك
عن حياة تعرف اني حتى صديقات ماعندي
اياد....انت حلوه والكلام وياج حلووو
اني راح اساعدج
نهله....ولله انت الكلام وياك ماينمل ابد
استمريت لمدت اتلث اشهر كل يوم اتصل احجي ويااا
بس هو مجان بخطط امي
يعني تريد واحد شبعان اكثر
بس عايفتني احجي ويااا للتسليه فقط
بس اني بديت احبه صدك وتعلقت بي يمكن لان
طولت احجي ويااا
لو احسه حيل متعاطف وياي يمكن لان مو كبل دخل بخطط الزواج وصار هدف بلنسبه الامي
مااعرف اني قبل متوقعه ماعندي مشاعر بس مااعرف
هلمره هو سحرني مو اني سحرته
بعد علاقه لمدت اتلث اشهر تعلقنا واحد بلثاني
كان يتصل بيه على طول ويحجيلي تفاصيل يومه
واني هم احجيله عن نفسي
بعدها قرر يتقدملي
فاتحت امي بلموضوع
امي...شنو هذا خاف مايدفع مهر زين
نهله...مااعرف
امي...خل يجي احجي ويااااا
اجا للبيت استقبلنا اني وامي واني اريد اطير من الفرح
اياد...خاله اني اجيت اطلب ايد نهله واشوف طلباتكم
واذا تحبين تجي الولده ماعندي مانع
بس نتفق على التفاصيل
امي...اني ماعندي اي شروط بس نهله بعدها قاصر ومايصيرله عقد بلمحكمه بس عقد شيخ
اريد ٤٠ مليون حاضر ٢٠ وغايب ٢٠ وتكدر تكتب بلعقد هذا الشي اذا تحب وباقي التفاصيل مراح ادخل بيه ابد
تريد عرس تريد ماتسوي تاخذه بملابسي العليه
ماعندي اي مشكله جمانه السعيدي
اياد...اولا نهله تستاهل مو هذا المبلغ تستاهل اكثر
بس اني اصلا مجهز بيت وحدي صحيح البيت زغير
بس صار اكثر من خمس سنوات اشتغل بي
وماعندي هذا المبلغ أقدمه اله مهر
اني اكدر ادفع ١٥ مليون ماعندي اكثر اني مشتريه
وراح اخليه بعيوني
امي...لا طلبك مرفوض شنو ١٥ مليون
اياد...عادي اكتبي الموخر الي يعجبج بلعقد
امي...لا مستحيل ماكو هيج بنيه زغيره وحلوه شنو ١٥ مليون
اياد...اني مشتريه فكري واذا احنا واحد مقسوم للثاني
راح يتم هذا الزواج
نهله طلع اياد واني كمت احجي على امي
...ليش ماتقبلين صار اكثر من ٧ اشهر ما محصلين شي
خل ناخذ ال١٥ هاي الفتره بمكان ماكاعدين وساكتين هيج
امي...ولج قليلات
نهله...يمه زواج مايدوم غير اسبوعين وتحصلين ١٥ مليون
امي...هااا جنه عاجبج
نهله...انتي شخسرانه صار اكثر من سبع اشهر كلشي مامحصلين وافقي الخاطري
امي...يله ميخالف شبيهن ١٥ احسن من كلشي ماكووو
نهله...رحت اتصلت علي وكتله امي موافقه طبعا اني أثرت عليه
اياد...خير انشاء الله يمته ادز امي لان تريد تشوفج هلكد ماحجيتله عنج تريد تشوفج
نهله...باجر
اياد ...تمام باجر باجر
ثاني يوم اجت امه تتعرف علينا من شافتني اتفاجئت
ام اياد...حقه ذابح نفسه انتي حلوه
نهله ابتسمت عيونج الحلوه
ام اياد....اياد سبع احسن اخوانه كلهم صار خمس سنوات
يبني ببته كل فلس يحصله يخلي بلبيت
لمن كمله وهسه متناقصنا غير العروسه
امي... نهله نضيفه ومرتبه وتعجبج بشغل البيت وهي زغيره علمته على الشغل كله
ام اياد...خير انشاء الله
هلمره اياد مايحتاج سحر هو اجه وحدا تقدملي
بس امي مصممه تربطه بليلة الزواج حتى ارجع عليه
اني الورقه الرابحه باايدها ومستحيل تفرط بيه
على فكره امي موجبيره توها دخلت بالاربعين وشكله كلش حلووو يمكن لو تريد زواج الخطابه تلزم سره عليه
بس هي تحب تجمع فلوس وماتربد رجال يتحكم بيه
دائما تذكر ابوي وتكول جان خانكني
من مات عشت حياتي وشفت الدنيا
المهم حددنا يوم المهر بيومها دزلنا اياد كيك وعصير وكيكه جبيره ودز اخته اخذتني للصالون
اول مره اكون هلكد فرحانه رغم اعرف امي مراح تخليني اتهنى بزواجي بس فرحانه بااياد
دز الفلوس قبل المهر بيوم حتى اشتري ذهب
امي ضمتهن ولبستني من الذهب الي عدنا
هلمره امي قررت تفتح حساب بلمصرف لان الفلوس هواي وتخاف عليهن قررت تفتح حساب وتخليهن بلمصرف
لبست بدله حمره تخبل طلعت وحده ثانيه اجنن
عقدلنا الشيخ وهلمره اياد واهله طايرين بيه
مامصدكين عروسه حلوه وزغيره
بعد المهر اياد بقا عدنا اتعشينا سوااا
جابلي تليفون حديث هديه والتليفون الي اشتريته منه
انطيته الامي
ثاني يوم امي راحت للمصرف فتحت حساب
وخلت كل الفلوس بي جمانه السعيدي المبلغ بحدود ١٩٠ مليون
الفلوس الي حصلناها من زواجاتي تقريبا ١٢٠ مليون
وفلوس بيتنا الي بعنا والفلوس الي هي مجمعتهن من شغله القديم
مبلغ محترم امي كانت معجبه بنفسه لان عدها هيج مبلغ
بعدها بكم يوم اجا اياد اخذني اشوف غرفة النوم واختار وحده حتى يشتريه اليه
اياد...نختار غرفتنا ثنيينه سوا
نهله...تمام
دخلنا اكثر من مكان لمن اختارينا شي يعجبنا
من طلعنا اكو ولد سلم على اياد وبقه يباوع عليه
وكانما يعرفني
بعدين اخذ اياد على صفحه يحجي ويااا
اياد....هلو صادق
صادق ...هلووو شلونك سمعت راح تزوج
اياد..الحمد لله خطبت وراح ازوج قريبا
صادق.. هاي خطيبتك
اياد...اي
صادق...متاكد
اياد...شنو يعني متاكد
صادق...وليش تاخذ وحده مطلكه
اياد...مطلكه شنو مطلكه
صادق...اي هاي ازوجت ولد من معارفنا اسمه علي ابن حجي رائد واني حضرت عرسهم
اياد...لا اكيد انت مشتبه
صادق...لا متاكد مو اسمه نهله
اياد..اي اسمه نهله
صادق...دقيقه عندي صوره من عرسهم هي طالعه بيه
واكفه ورانا عرسهم صار بلقاعه يخبل عرسهم
اياد...بقيت متبسمر واني اشوف نهله عروسه قربت الصوره اتأكد منه هي نهله
اياد...شكرا اخي ممنون منك
صادق...بلخدمه