تانى يوم
=يلا يا عائشة آسر مستنى تحت
عائشة : حاضر خلصت اهو ايه رأيك
خديجة : قمر يلا بقى الواد خلل
عائشة: حاضر
عائشة : صباح الخير اسفه على التأخير
آسر و هدى : صباح النور
آسر: لا تأخير و لا حاجة هااا يا عائشة بتجيبى منين
عائشة : روح بينا بس على ......... و بعدين نروح المحلات
آسر: اشطا
فى المحل
آسر: هااا يا هدى ايه اللى عجبك
هدى بارتباك: مش عارفة يا ابيه مش عارفه فى حجات كتير حلوة
عائشة بهدوء: طب بصى يا حبيبتى اختارى الألوان اللى انت حباها و بعد كدا اختار الموديل ماشى
هدى : ماشى
آسر: هااا عايزة لون ايه
هدى بابتسامة: الهافان علشان انت بتحبه
آسر بابتسامة: طب يلا اختارى موديل
هدى : أنهى احلى يا عائشة
عائشة شاورت على واحد و قالت : دا عجبنى اكتر
آسر: طب ادخلى قسيه يلا
هدى : حاضر
=شكراً
عائشة باستغراب: على ايه
آسر: على اسلوبك مع هدى بجد شكراً
عائشة بهدوء : هدى اختى زى ما هى اختك يا آسر
ابتسملها و سكت شوية و قال : ملحقتش تشبع من بابا اتسجن و هى لسه فى اولى الابتدائي كنت بحاول على قد ما اقدر اعوضها بس بس خسرت كتير اوى معرفتش اعوضها عن كل حاجة كات فى حاجة دايما ناقصة
عائشة: ربنا يديمك ليها يا آسر و بعدين هنروح بعيد ليه ما عمو محسن هيطلع كمان كام يوم ربنا يديمكوا ليها
آسر: يا رب
هدى بفرحه : ايه رأيكم
آسر بانبهار : بسم الله ماشاء الله حلو اوى يا قلبى
بعد لف كتير و شراء الطلبات روحوا
بعد شهر
محمد : يلا يا زينب روحى لام آسر و خدى البنات معاك
عائشة بضحك : مبسوط يا بابا
محمد بابتسامة: طبعا دا صاحب عمرى
زينب : الحمد الله يلا يلا آسر مستنيك تحت و مرفت كمان مستنيانا يلا
و نزلوا
مرفت بسعادة : اهلا اهلا يا زينب اتفضلوا
زينب : مبروك يا حبيبتى الف مبروك
مرفت بسعادة : الحمد الله يلا يا بنات ايدكم فى ايدنا كدا خلينا نخلص الاكل بسرعه
هدى بمرح : نخلص ايه يا حاجة بس نخلص ايه انت سيبتى حاجة نخلصها
زينب بزعل : اوعى تكونى عملت حاجة من غيرى يا مرفت
هدى : حاجة دا حجات يا خالتو والله دى طول الليل بتعمل فى الاكل و ترتب فى الشقة
مرفت بضحك : اعمل ايه بس من فرحتي من فرحتي يا ولاد اعمل ايه بس بس بردو فى حجات مخلصتش تعالوا نعبي علب الاكل اللى هيتوزعوا يلا
قعدوا يعبوا فى الحاجة و يغسلوا الفوارغ و يرتبوا فى العلب لحد ما سمعوا صوت زمر و طبل فى الشارع طلعوا جرى على البلكونة
لقوا عربية آسر داخله الحارة و الناس كلها فى الشارع
آسر نزل و فتح العربية لوالده و قاله : اتفضل يا بابا نورت الحارة
محسن نزل حضن آسر و قاله : بنورك يا حبيبى بنورك
عبده بصوت عالى : الاسطا محسن رجع يا حارة الاسطا محسن اللى طلع اجدعها شاب فى المنطقه الاسطا آسر
آسر بصله بابتسامة: تسلم يا عبده يلا يا بابا
عبده : لا يلا ايه بس سمعونا احلى تعظيم سلام يلا يا آسر ايدك بأيد ابوك
بدأوا يرقصوا فرحاً و ترحيباً بمحسن
محسن قرب من آسر و همس : هى اللى واقفة جمب امك دى
آسر بص لفوق و رجع بصله بسرعه و هو بيرقص معاه و قال بضحك : هى يا حاج انت فى ايه و لا فى ايه بس
محسن بضحك : تستاهل يا واد
آسر بضحك : خلاص يا بابا الله يكرمك ركز معايا انا
محسن بضحك : يا ابن الكل*ب انا كنت بشوف امك هى اللى واقفه جمبها
آسر بغمزة : وحشتك
محسن بهمس : اوى فض الدنيا علشان عايز اطلع لأمك و اختك يلا
آسر: حاضر و شاور لعبده اللى وقف الفرقة
بعد رقص و ترحيب كتير من اهل الحارة
طلع آسر و عبده و محمد و محسن على فوق
محسن بهدوء : السلام عليكم ورحمة الله وبركاته
_وعليكم السلام ورحمة الله وبركاته
وقف يتأمل البيت و مرفت و هدى
محمد : احم حمد الله على السلامة يا محسن حمدلله على سلامتك
محسن : الله يسلمك يا محمد
محمد : يلا يا زينب
زينب : اه عائشة خديجة تعالوا معايا و انتم كمان و شاورت على آسر و عبده و محمد و دخلت المطبخ
محسن قرب على مرفت و هدى بهدوء
محسن : ايه هتفضلوا مبحلقين كدا و فتح دراعاته و قال تعالوا
جريوا عليه
مرفت بدموع : حمدالله على سلامتك يا محسن حمد الله على السلامة يا حبيبى
محسن ضمهم بحب و قال : وحشتونى وحشتونى اوى
مرفت بدموع : ما انت اللى مكنتش عايز تشوف حد غير آسر و محمد
محسن : غصب عنى مكنتش عايزكم تشوفونى بحالتى دى و وجه كلامه لهدى اللى حضناه جامد و قال: ايه يا هدهد مش بتتكلمى ليه كبرتى يا بنت قلبى كبرتى
هدى بصوت مهزوز : 14 سنه 14 سنه يا بابا
محسن : تعالوا نقعد فى الأوضة تعالوا
آسر بحماس : نعم يا خالتو
زينب : بص يا آسر العلب اللى على الرخامة دى هتتوزع للغلابه و اللى على الترابيزة دول مفيش بيت فى الحارة ميخدتش منها يلا وزعوا لحد ما اظبط الغدا لابوك يلا
محمد : سيب بتوع الغلابه هاخدهم انا و نادى حد من تحت يجى معايا و خليك انت و عبده وزعوا هنا فى الحارة
خديجة : و احنا هنزلهملك يا آسر
و فعلا كل واحد بقى فى مكانه محمد خد شاب من شباب الحارة معاه وطلعوا برا الحارة و آسر و عبده بيوزعوا فى الحارة و عائشة و خديجة بيساعدوهم
و محسن قاعد مع هدى و مرفت بيتكلم معاهم
زينب : يااا مرفتتت
مرفت : هقوم اشوف زينب عايزة ايه
محسن : تمام
مرفت : نعم يا زينب
زينب : انا حضرتلكم السفرة اهى عايزة منى حاجة تانى
مرفت : ايه اللى انت بتقوليه دا يا زينب اخص عليك انتم هتقعدوا تتغدوا معانا النهاردة
زينب بهدوء : علشان ابو آسر ياخد راحتوا
مرفت : يعنى هو ابو أسر غريب عنكم يت زينب ابدا ما هى حاصله هتتغدوا معانا يعنى هتتغدوا معانا
محسن: هاا يا زينة البنات امك طلعت ايه مالم
هدى بصت ليه للحظة و بدأت تعيط : وحشتنى اوى يا بابا اوى
محسن شدد على احتضانه ليها و قال : غصب عنى يا بنتى غصب عنى انتِ و امك مكنتوش بيروحوا عن بالى ابدا و الله ربنا وحده يعلم النار اللى كانت فى قلبى و انا مش عارف اشوفكم حبيبة قلبى تبطل عياط بقى دموعك غالية عليا
هدى بصوت باكى : حاضر حاضر يا بابا
محسن بحب : اوعدك هعوضك عن كل حاجة
هدى بحب : ربنا يديمك لينا يا بابا
محسن : هو صوت امك عالى و لا يهيألى
هدى بضحك : لا صوتها عالى هتلاقى خالتو زينب هتمشى و مراتك مش عايزة تسيبها
محسن : و دى تيجى انها تمشى تعال نطلعهم يلا
زينب : بلاش غلبه يا مرفت
محسن : هى بردو اللى بلاش غلبه يا ام عائشة انا قلت لمحمد على فكرة و انتم هتتغدوا معانا النهاردة الله اومال فين الولاد و محمد
زينب : بيوزعوا فى الحاجة
محسن باستغراب : حاجة ايه
هدى بحب : اصل ماما عملت اكل كتير و قررت توزع على الغلابة و أهل الحارة
محسن : ليه التعب دا بس يا مرفت
مرفت: والله بقى دى مش فكرتى دى فكرة ابنك
آسر: بتجيبوا سيرتى فى ايه
محسن : ليه التعب دا بس يا بنى
آسر قرب عليه بهدوء و بأس كتفه وقال : تعبك راحه يا حبيبى و بعدين مستكتر علينا نفرح و نفرح اللى حوالينا
محسن ربت على كتفه و قال : ربنا يسعدكوا كمان و كمان يا بنى فين محمد
عبده بسرعه : كان جاى على أول الحارة
محسن : طب كويس يلا اتفضلوا اقعدوا
زينب : بس
محسن : مفيش بس يلا يا عائشة يلا يا خديجة كبرتوا يا ولاد
عائشة بابتسامة: حمدالله على سلامتك يا عمى
محسن بابتسامة : الله يسلمك يا بنتى
خديجة بمرح : حمد الله على السلامة يا اسطا
محسن بضحك: الله يسلمك يا لمضة اهو محمد جيه يلا تعالوا اتغدوا معانا
وقعدوا على السفرة
مرفت باستغراب : اومال عبده فين يا آسر
آسر باستغراب : معرفش يا امى كان هنا
مرفت : قوم هاته
آسر طلع الشقه اللى فوقهم و خبط
عبده : آسر فى حاجة
آسر بمرح : اه يا ندل
عبده باستغراب : فى ايه محتاج منى حاجة تانى
آسر: اه يا سيدى
عبده قفل الباب و قال: انا تحت امرك خير عايزنى فى ايه
آسر: عايزك تشاركنا السفرة النهاردة
عبده : بلاش يا آسر
آسر بجدية: عبد الحليم
عبده : آسر لو سمحت
آسر بحده : مفيش لو سمحت النهاردة الكل تحت انا مضايق انك بتاكل لوحدك و كل مرة بترفض تيجى تاكل معانا من بعد وفاة والدتك و انت لوحدك يا عبده انا صاحبك و اخوك يالا قبل ما اكون الاسطا بتاعك انت دايما معايا و كمل بمرح : و اهو بالمرة تبقى تلحقنى لو لبست فى الكلام و لا حاجة
عبده بابتسامه : طب يلا
محسن : اهو عبد الحليم جيه
عبده: السلام عليكم ورحمة الله وبركاته
=وعليكم السلام ورحمة الله وبركاته
مرفت : تعال يا بنى يلا
بعد الغدا
آسر بهمس : يلا
محسن بنفس الهمس : اهدى يا بنى مش كدا
آسر بزن : يلا يا بابا بقى يلا
محسن بزهق : حاضر
هدى بفضول : انتم بتقولوا ايه
محسن بتوتر : احم هو يعنى
آسر بانفعال : لا كدا كتير بقى كتير اوى بجد
مرفت : ايه يا بن الهبلة
محسن بهدوء : احنا كنا طبعا نتشرف و نطلب ايد عائشة يا محمد
محمد بابتسامة: و انا قولتها لاسر قبل كدا مش هلاقي احسن منك بس الرأى رأى عائشة
محسن بهدوء : طبعا رأيك ايه يا بنتى
عائشة بتوتر : هو يعنى .............
آسر بصدمة : ايه