رواية عشق احفاد الجوهري الفصل الثالث3والرابع4 بقلم ايه المهدي
حور بصدمة : انت
حور : انت بتاع الكافية انت حرامي وجاي ورايا مش كده وليك عين تيجي ورايا
اسلام : يا انسة أنا
حور : انت اي انت واحد حرامي وجاي ورايا ليه ها قولي لو مش حرامي جاي بيتي لي وكمان لما كنا في الكافية كنت مبحلق زي الاهبل
إسلام بغضب : ما تهدي يا بنتي انتي بالعة راديو من وقت ما جيت مبطلتبش عمال اقولك يا انسة ولسه هاكمل نزلتي فيا انا لسه اتكلمت حتي
حور باحراج : يعني انت مش حرامي لتكون مغتصب يا خرابي انت مين يا كابتن وعايز اي
اسلام بصدمة : مغتصب وكابتن كمان متأكدة انك بنت يعني انتي بتقولي اي
حور: ما تخلص يا كابتن عايز اي أنا مش فاضية وشكلك غلطان في العنوان
اسلام بحسرة في سره: بقي دي هتاخد مكان مليكة ربنا يكون في عون الجميع
حور : يا كابتن سرحت في أي
إسلام : خلاص اهدي بقا بصراحة كنت عايزاك في موضوع وطالب منك تسمعيني للآخر
حور : وانا علاقتي بيك اي علشان تقولي عايزاك في موضوع وأسمعك احنا نعرف بعض يا كابتن
إسلام : لاء بس في حياة ناس تانية متوقفة عليكي وكمان هنبقي في مكان عام وفي بنت هتكون معانا وهتشرحلك كل حاجة ارجوكي ضروري اقابلك بكرة
حور: موعدكش اني اجي بس هاحاول
إسلام : متشكر جدا ليكي يا انسة
حور: حور اسمي حور
إسلام : طيب يا انسة حور اتمني تفكري في كلامي وده رقمي هاستني منك تليفون بكرة ولو وافقتي هتنقابل في نفس الكافية اللي كنا فيه انهاردة
حور : اوعدك افكر في الموضوع شرفت يا كابتن
إسلام : عن اذنك
سلمي : حور مين كان علي الباب
حور بتوتر: هاا لاء ده حد غلطان في العنوان وكنت بوصفهوله
سلمي بعدم اقتناع : طيب يلا نجهز الغدا علشان بابا زمانه جاي هو واحمد
حور : اه يلا بينا
علي الناحية الأخري :
أسيل : ها يا إسلام قالت اي هتيجي
إسلام : قالت هافكر في كلامك وكمان متنفعش تكون مكان مليكة دي كانت بتكلمني دي بتقولي مغتصب وحرامي بقا أنا حرامي وكمان مغتصب لاء هتفشل بقا مليكة الكيوت دي هتكون مكانها
أسيل : بس اسكت بتتشائم ليه بس اكيد هتكون مكانها وهتوافق
إسلام بهمس : هتشوفي بكرة هتنبهري اعلي انبهار منها ربنا يستر
أسيل : انت بتقول اي
إسلام : لاء ولا حاجة
أسيل : طيب يلا بينا
علي الجهة الأخري
في شركة الجوهري
سيف : أسماء سليم جوه
أسماء : اه يا فندم في مكتبه
سيف : طيب انا داخله
سراج : سيف انت هنا
سيف : مالك يا بني هو أنا كنت مسافر ولا اي
سراج : لا وانت الصادق انت لو دخلت دلوقتي عند سليم هاقول عليك يا رحمن يا رحيم كنت فين حضرتك المفروض كل اعضاء مجلس الاداره يكونوا حاضرين
سيف : أنا كنت في مشوار خاص كده يا سراج هاقولك عليه بعدين
سراج : مشوار طب ادخل بقا وشوف يلي هيعمل فيك اي لما تقوله مشوار خاص ادخل ادخل
سيف بخوف : انت مش داخل معايا ولا اي هتسيبني لوحدي معاه ده العقرب وانت عارف اينعم اخويا بس مبيرحمش
سراج : انا مالي يا برنس شيل لوحدك
سيف بقرف: انت بقيت تقعد مع عز وحسام كتير ولا اي الحمد لله أنه مليكة مش طلعت ليكوا
لاء وانت الصادق يا سيف دي حور مش مليكة وهتبهرك والله نرجع لروايتنا
سراج : طيب يا حنين ادخل بقا وقول الكلمتين دول لسليم واستلقي وعدك بقا أنا خلصت شغلي ولازم اروح اجيب ملك من الروضة واوديها مركز التخاطب انت عارف عندي امل ترجع تتكلم تاني
سيف : ان شاء الله يا حبيبي هتتكلم تاني
سراج : أن شاء الله مع السلامة علشان الحق
سيف :مع السلامة وذهب سراج
سيف بهمس : استر يا رب دخل سيف مكتبه شقيقه
سيف : سليم اخبارك واخبار الاجتماع اي
سليم : وأنت يهمك الاجتماع في أي يا استاذ جايلي الساعة 3 والاجتماع كان الساعة 11 كنت فين يا سيف انت عارف انه الشغل مش هزار وانا مبحبش الهزار في شغلي مع مين ما كان يكون انت فاهم
سيف : يا سليم اوعدك مش هاتاخر مرة تانية وكمان واثق انه الصفقة هتكون لينا والعقرب عمره ما خسر
سليم : لاء العقرب والقيصر مع بعض محدش يقدر عليهم طول ما أيدينا في ايد بعض
سيف : طبعا مش أحفاد عيلة الجوهري
سليم : طيب يلا بينا علشان أنا مرهق قوي انهاردة
سيف بقلق : اي مالك اطلبلك دكتور انت كويس
سليم بحنية لقلق أخيه : متخافش ده ارهاق بس مش اكتر لو نمت هابقي كويس
سيف بقلق : طيب خلاص مش هتسوق وانت كده انا اللي هاسوق
سليم بارهاق: طيب يلا بينا
علي الناحية الأخري
في منزل المهدي :
سلمي : حور حور حور حور
حور : اي مالك نازلة حور حور في أي
سلمي : اصلك من ساعة ما قعدتي وانتي سرحانة
حور : لاء يا ستي مافيش حاجة بس الدراسة شغلاني
سلمي : حوارك مش مقنع هو أنا مش عارفاكي مثلا
حور بزهق: خلاص بقا يا سلمي قولتلك دراسة
سلمي : طيب خلاص اي رايك تعالي نشوف تؤامك المصون بيعمل اي
حور : يلا بينا دلوقتي بقا تؤامي خرجت حور وسلمي لغرفة شقيقهم
حور : دق دق
احمد : ادخلوا مش لازم الأدب ده انتوا من امته بتخبطوا
حور بمزاح: اهو مرة من نفسك نحترمك يا اخي احنا غلطانين يعني
احمد : لاء يا ستي خلاص براحتكوا ها عايزين اي
سلمي : عايزين اي شكلك مش طبيعي انهاردة ليه
احمد : ولا حاجة حاسس اني زهقت من شغلانتي
حور : طب ما تقدم يا احمد في مدرسة وشوف كده
احمد : مدرسة اي يا حور انا فاضي العب عيال
احمد : بذمتك ده شكل واحد ينفع مدرس العاب
حور وسلمي بضحك : بصراحة لاء
حور : انت شكلك حلاق بواب
سلمي : أو سمكري أو سواق اي رايك
احمد بغضب : انتوا جايين تحفلوا عليا اطلعوا برة اوضتي يلا عايز انام
حور وسلمي : استني بس يا برنس ده احنا جايين نسهر معاك ونسمع فيلم رعب
احمد : لاء اطلعوا برة عايز انام
حور وسلمي : طب متزقش تصبح علي خير
احمد : وانتوا من اهله
في صباح يوم جديد :
منزل عائله المهدي
استيقظت حور وأدت فرضها
حور : سلمي سلمي قومي يا بنتي علشان الجامعة
سلمي : اسكتي بقا وبطلي دوشة
حور بتوعد : اسكت وأبطل طب استني عليا هاوريكي راحت حور المطبخ وجابت كوباية ماية
حور : سلمي سلمي مش هتقومي طيب انتي الجانية علي نفسك ورمت عليها الماية
سلمي : اعاااا بنغرق بنغرق الحقوني
حور : ههههههههه انتي فظيعة يا بنتي هتموتيني
سلمي : تصدقي انك رخمة بجد يعني
حور : طب يلا يا هانم علشان الجامعة يلا يا بت متنحيش كده الله
سلمي بغضب : طيب هاردها ليكي في يوم
حور بضحك : ماشي لما نشوف
سلمي : ماشي وخرجت حور لتحضر الافطار
حور : بابا احمد سلمي يلا الفطار جاهز وعلشان مش تتاخروا يلا
سلمي : انا جيت اهو بس مش هافطر متأخرة المحاضرة باقي عليها نص ساعة والطريق بقا انتي عارفة الموصلات
حور : طيب ماشي خلي بالك من نفسك
سلمي : حاضر مع السلامة
الاب : اي يا حور يا بنتي مش رايحة الجامعة
حور بتوتر : لاء يا بابا ده اميرة تعبانة وانا هازورها انهاردة
الاب : طيب يا حبيبتي ابقي سلميلي عليها
حور : حاضر يا بابا أن شاء الله
الاب : طيب يا بنتي أنا ماشي بقا علشان شغلي
حور : مع السلامة يا بابا
حور : انا لازم أكلمه واشوف الحوار اي بالظبط
علي الناحية الأخري :
أسيل : ها يا إسلام متصلتش
إسلام : يا بنتي اهدي لسه البنت بتفكر
أسيل : تفتكر هترفض ولا هتوافق
أسلام : معر
ورن موبيل اسلام
إسلام : شكلها هي ده رقم غريب
إسلام : السلام عليكم
حور : وعليكم والسلام يا استاذ انا حور
إسلام : اهلا يا انسة حور
حور : انا فكرت في كلامك ومواقفة متقابل
إسلام بفرح : بجد يا انسة حور مش عارف اقولك اي
حور : ولا حاجة يا كابتن المهم نتقابل امته
إسلام : دلوقتي لو تحبي هاجيلك أنا وآسيل
حور : طيب تمام هانزل واكلمك
إسلام : طيب تمام مع السلامة
أسيل : اي يا إسلام وافقت
إسلام : هي وافقت نتكلم معرفش بقا هتوافق علي الا هنقولة ولا لاء
أسيل بأمل : حاسة أنها هتوافق بس يلا بينا
بعد مرور ساعة وصلوا الكافية
إسلام : اهلا انسة حور دي اسيل اللي هتفهمك كل حاجة
حور : اهلا بيك اهلا يا أنسة اسيل
أسيل بتوهان : انتي ازاي شبهها كده انا مش مصدقة
حور : نعم هي مين دي اللي شبهها
إسلام : اقعدي يا انسة واحنا هنفهمك
أسيل : بصي يا حور انا هاوريكي حاجة بس مش عايزاكي تتصدمي وأخرجت لها صور مليكة من الهاتف
حور بصدمة : نعم مين دي
أسيل : دي مليكة بنت عمي وعملت حادثة وخلتها تدخل في غيبوبة مش عارفين هتفوق امته
حور بحزن : لا اله الا الله ربنا يشفيها يارب بس انا علاقتي اي بالموضوع بالظبط
أسيل بتوتر : انا عايزاكي تاخدي مكان مليكة لحد ما تفوق ارجوكي جدو لو عرف يروح فيها
حور بصدمة : نعم اخد مكان مين انتوا بتهزروا
أسيل بدموع : ارجوكي يا حور فكري انتي هتنقذي عيلة كاملة وجدو جدو مش هيتحمل خالص ارجوكي فكرى مرة تانية
حور :............
البارت الرابع
وقفنا المرة اللي فاتت علي قرار حور:
حور : انا مش عارفة اقولك اي بجد بس صعب اعمل كده ومش عارفة والله بس قرار صعب
أسيل : أنا عارفة طبعا أنه صعب بس ارجوكي قدري الموقف محدش هيتحمل لو عرفوا اللي حصل مليكة
إسلام : أنسة حور احنا بس بنطلب منك تفكري في عيلة مليكة لو عرفوا امها ابوها جدها اخواتها كلهم مش هيتحملوا الصدمة
حور بحزن : والله يا جماعة مقدرة موقفكوا ومتعاطفة مع الموضوع بس دي خطوة كبيرة وكمان أنا مستحيل اقول لبابا حاجة زي دي مش هيوافق
أسيل : ما هو ده اللي كنت حابة اقولك عليه مش لازم حد يعرف لانك هتكوني موجودة هنا وهناك يعني محدش هيعرف أنه حور مختفية
حور : ده اللي هو ازاي حضرتك
أسيل : مليكة هتكون مكانك وانتي مكانها
حور بصدمة : قصدك عايزة اهلي يفكروا اني عملت حادثة وفي غيبوبة ده قصدك
أسيل بتوتر : ده الحل يا حور علشان محدش يشك خالص وارجوكي مافيش وقت احنا بعد ٥أيام المفروض نرجع القصر ارجوكي فكري هتبقي عملتي خدمة مش هانساها طول العمر والمبلغ اللي تطلبيه تحت امرك
حور بغضب : أنتي شايفني بتاعت فلوس ولا طلبت منك حاجة أنا لو هاوافق يبقي علشان أهل مليكة علشان مش يستاهلوا يسمعوا خبر زي ده
أسيل وإسلام بفرح : بجد وافقتي
حور بخوف : أيوة وافقت بس انا خايفة نتكشف
أسيل باطمئنان: متخافيش أنا هاقولك حياة مليكة ازاي ازاي بتتعامل ازاي بتتعامل مع العيلة بس الاهم دلوقتي نرتب موضوع مليكة وأهلك
حور بتفكير : انا عندي فكرة
أسيل وإسلام : اي هي الفكرة
حور : انا قلت لبابا اني رايحة ازور صاحبتي أميرة انا هاكلمها وأفهمها الحوار بالظبط وهي هتساعدني بس حابة أسأل سؤال هي مليكة دي شبهي بالتفصيل
أسيل : مافيش اختلاف الا لون العين بس ودي سهلة مليكة في غيبوبة مش هنعمل حاجة خالص غير ننقلها مستشفي صحبتك تقول انها اخدتك عليها
حور بتوتر قليلا : ربنا يستر
أسيل : متخافيش يا حور كله هيبقي تمام
حور : طيب انا هاكلم أميرة
اتصلت حور علي اميرة وطلبت منها تروحلها الكافية
بعد مرور ساعة وصلت اميرة الكافية
أميرة : اي يا حور مالك اي الموضوع المهم اللي عايزاني فيه قلقتيني
حور : اطمني يا أميرة بس هو موضوع مهم وممكن ياخد وقت وكمان متوقف علي حياة ناس تانية
أميرة : يا بنتي ما تقولي
حور : هو بصراحة كده الموضوع وحكت ليها حور الحوار
أميرة بذهول : يا سلام وحضرتك موافقة علي الكلام ده حور انتي متعرفيش الناس دي يمكن بيلعبوا عليكي
حور : يا اميرة انا شوفت صور مليكة بنفسي وحاسة انهم مش بيكذبوا وحابة أساعدهم
حور : المهم هتعملي اللي اتفقنا عليه وتنفذيه بالحرف
أميرة بتوتر : حور هو مش ممكن نتكشف وكمان يعرفوا أنه البنت دي مش انتي
حور : يا بنتي مليكة نسخة طبق الأصل مني مافيش حد يقدر يفرق بينا
أميرة بقلة حيلة : طيب يا حور هنفذ امته
حور : احنا دلوقتي هنروح نجيب مليكة من المستشفي ونحطها في واحدة قريبة مننا وكمان هتاخدي سلسلتي وحاجتي وتخليها معاكي علي أساس دخلت العمليات يعني وأسيل وإسلام هيتفقوا مع الدكتور
أميرة : حور انتي مش خايفة من عمو يعرف ولا يحصله حاجة
حور بحزن : بابا مأمن بقضاء الله متخافيش الدكتور هيطمنهم المهم تفضلي جمب سلمي ومش تسبيها
أميرة : حاضر ربنا يستر بس وتمشي كل حاجة زي ما احنا عايزين
حور : أن شاء الله يلا بينا أستاذ إسلام وأسيل مستنين في العربية
علي الناحية الأخري :
عند أسيل وإسلام :
أسيل : هما اتاخروا كده ليه
إسلام : اهدي يا بنتي مش بتفهمها هتعمل اي واكيد صاحبتها رفضت وحاولت تقنعها
أسيل : لاء ابوس ايديك متقولش كده ما صدقنا وافقت
إسلام : طب خلاص اصلهم جاين علينا اهو
خرجت حور هي وصديقتها من الكافيه
حور : معلشي كنت بفهم اميرة تعمل اي
أسيل : ولا يهمك يلا بينا نروح لمليكة المستشفي
حور بتوتر : ها اه يلا بينا
ركبوا السيارة جميعا وذهبوا الي المستشفي
أسيل : يلا يا جماعة ننزل وصلنا
أسيل : حور حور حور
حور : ها نعم في اي
أسيل : مالك في أي
حور : ابدا كنت سرحانة
أسيل : طيب يلا بينا
حور : اه يلا
حور في سرها : يا تري أنا صح ولا غلط يا رب أقف معايا يا رب واحميني
دخلوا المستشفي
أسيل : لو سمحت ممكن أسألك فين الدكتور محمد
موظفة الاستقبال : الدكتور عنده كشف يا فندم اتفضلوا حضرتكوا لما يخلص هابلغه
أسيل ؛ طيب تمام شكرا اتفضلوا يا جماعة لما يخلص
أسيل : اي ده امال فين حور راحت فين
عند حور راحت تشرب مايه وهي ماشية شافت أوضة العناية المركزة وبنت بس مشافتش ملامحها كويس ولسه بتقرب من الاوضة
أسيل : حور حور كنتي فين
حور : ها لاء ابدا كنت بشرب مايه بس مش اكتر
أسيل : انتي شوفتي مليكة
حور : لاء ابدا هي دي مليكة
أسيل بحزن : اه هي
حور : أن شاءالله تخف وتكون كويسة وترجعكوا بسرعة
أسيل : أن شاء الله تعالي نشوف الدكتور محمد ونسأله عن حالة مليكة ونشرحله الوضع
حور : طيب يلا بينا
مشيت حور هي أسيل لمكتب الدكتور
أسيل : الدكتور خلص يا إسلام
إسلام : اه يا أسيل يلا بينا ندخل
دخلو كلهم لمكتب الدكتور
أسيل : ازيك يا دكتور كنا جايين بخصوص مليكة
الدكتور بصدمة : اي ده مين دي