رواية الحان عمري الفصل الثالث3بقلم زهرة الربيع
فريد خرج من الحمام وهو بيصفر واول ما شافتو قامت وقفت وجريت في ركن في الاوضه وبقت وتبصلو برعب
فريد ابتسم وقال...كويس انك قومتي...كنت قلقان عليكي قوي وقرب عليها وقال بابتسامه جميله..متخافيش يا ألحان...انا مش هأذيكي..انا شوفتك امبارح وشفت المدير عمل معاكي ايه...وعلشان كده هربتك من المستشفى..والصبح ان شاء الله ههربك من المنطقه دي كلها عايزك بس تثقي اني مش هأذيكي تمام
الحان كانت بصالو جامد وعيونها مفتوحه على اخرها تخطف القلب..فريد قال..احم...بس حاولي بلاش النظره الي تسيب الركب دي
الحان اخيرا نطقت وقالت..انت مين
فريد ابتسم بهدوء..وقال...انا فريد...دكتور فريد..هبقى دكتورك من هنا ورايح...وهخليكي تخفي وتبقى زي الفل ومش هسمح للي اسمو شوقي ده يقربلك ولا يأذيكي
الحان اول ماسمعت اسم شوقي اترجفت وجسمها قشعر ومسكت فيه جامد وقالت..لا..لا مش عايزه مش عايزه
فريد زعل جدا عليها رفع وشها باديه وقال...متخافيش..اي حاجه انتي مش عيزاها مش هتحصل..اوعدك
الحان ابتسمت بدموع واطمنتلو جدا وبقت تبصلو بنظرات جميله فيها امان وارتياح وفي ثواني ضربتو قلم قوي تاني...وقالت بزعيق...دوست على جزمتي يا جز،مه
فريد اتسعت عنيه بزهوا وصدمه من قلبتها المفاجأه وداس على اسنانه بغيظ بس حاول يهدى وبص على رجلها وقال..انا اسف لجزمتك يا ستي و...بس قطع جملتو واتنهد لما لقاها حافيه اصلا
اما الحان قعدت على السرير وبقت تنفض على رجلها بضيق زي ما تكون لابسه جزمه واتوسخت
فريد ابتسم وقال...انا هشتريلك واحده اجمل من الي انتي لبساها دي .وهشتريلك هدوم...وشنط...مش انتي بتحبي تشتري
الحان جريت عليه بفرحه وبصتلو جامد وقالت..اه..اه بحب اشتري ..يلا بينا دلوقتي
فريد ضحك وقال..بس دلوقتي المحلات كلها قفلت الصبح بقى..يلا علشان تنامي...واخدها نيمها على السرير وغطاها وقال..يلا..تصبحي على خير
فريد لسه هيقوم..مسكت ايده وقالت...انت هتسبني هناوتمشي
فريد ابتسم وقال...لا هنام على الكرسيين اللي هناك دول تمام..تصبحي على خير
الحان حاولت تنام معرفتش بقت باصه للسقف ودموعها بتنزل من عيونها
فريد قعد على كرسي ..وحط رجليه على كرسي وبقى يحاول هو كمان ينام بس مش جايله نوم..جرب يبص عليها يشوفها نامت ولا لا بس اتفاجا بيها صاحيه وعيونها مفتحوين ودموعها بتنزل
فريد فتح النور وقعد جمبها وقال..مالك يا الحان..انتي تعبانه في حاجه وجعاكي
الحان بصتلو بدموع وقالت..مش عارفه انام..مش بعرف من غير العلاج
فريد اتنهد بحزن..وقال..ده طبيعي متخافيش بكره هظبطلك العلاج واشوفك اخدتي ايه والمفروض تاخدي ايه..بس حاولي تنامي انهارده بس
الحان قالت بدموع..طب خليك جمبي
فريد اتوتر شويه بس قال..احم..ماشي ياستي... وفعلا قعد جمبها وبقى يمشي ايده على شعرها ويقرألها قرأن بصوت جميل جدا صوته كان يشفي القلب
الحان كانت مرتاحه جدا وغمضت عنيها بهدوء لحد ما نامت بصعوبه بعد وقت طويل وفريد نام وهو قاعد جمبها
في صباح يوم جديد فريد قام من النوم بدري ونزل جاب فطار وجاب لبس لالحان وجزمه وصرف كل الفلوس الي معاه وسحب فلوس ورجع على الاوتيل بس اتفاجأ بالناس في الاوتيل مجموعين وبيسقفو وبيضحكو
فريد استغرب بقى يدخل وسط الناس واتفاجأ بألحان واقفه بتقلع هدومها وبتاخد من الناس فلوس وبتقول...يلا يلا قرب قرب...مين عايز القميص ومين هيشتري البنطلون الشباب بقت تطلع الفلوس وتقول..انا...انا
فريد وقعت الشنط من ايده بزهول وقال...يارتني ماسحبت فلوس...ملهاش لزوم...وقرب بقى يزاحم وشدها من ايدها وقال بزعيق...بس... بس انت وهو ..ابعدو ..بس..بس ايه اقلة الاحترام دي..طب دي واحده مريضه..طب وانتو...ايه ماصدقتو
اتقدم واحد شكلو شراني وطويل جدا وعريض زي الحيط ووقف قدامو وقال...اه...مصدقنا...احنا مش محترمين..عندك مانع
فريد زق النضاره على عيونه بتوتر وبقى يبصلو طالع نازل وهو مش مصدق الي شايفو بلع ريقه بارتباك وقال...احم..لا طبعا معنديش مانع ولا حاجه...بس...بس اه...انا وجاي هنا...سمعت ان البوليس هيفتش المنطقه دي فجيت احذركم
فريد اول ما قال الجمله دي والجمع كلو جري كلو عايز ينفد... بعد دقايق مكانش فيه غير صاحب المكان الي قرب منو ومسكو من قميصه بغضب وقال...عارف لو مكانش فيه بوليس بعد ما قطعت عيشي وطفشت الزباين...عارف هعمل فيك ايه
فريد قال بغضب مصتنع..نزل ايدك...ايه السفاله دي..خيرا تعمل شرا تلقى...الحان يلا بينا المكان ده مش من مستوانا...ناس بيئه بجد
الحان كانت بتبصلو وبتضحك بس وهو شدها من ايدها واخد الشنط الي جابها وخرج قدام الراجل وهو بيبصلو بزهول
بعد نص ساعه كانو في المحطه فريد كان باصص لها بغضب وغيظ وقال..اعمل فيكي ايه...امشي نص ساعه ارجع الاقيكي بتترقصي وبتبيعي هدومك..يعني اصرف كل الي معايا علشان اشتريلك لبس وانتي بتوزعيه على الخلق
الحان كانت بتبصلو جامد وقالت بهدوء...ايه الي لابسو على عينك ده
فريد استغرب جملتها واتنهد وقال...عارفه ..الواحد محتاج حد زيك في حياتو علشان يفصل..يعني اكون بتكلم في موضوع وانتي تكلمي في موضوع تاني...على العموم يا انسه الحان...دي نضاره...لابسها علشان نظري ضعيف...مش بعرف اشوف كويس من غيرها
الحان سكتت شويه وقالت..اااااه..اعمى يعني...اه...اعمي...فهمت انت اعمى... اعم
فريد قال بزعيق ..مخلاص يا اختي سمعت انتي بتعايريني ولا ايه...على العموم ماشي اعتبريني كده...شوفي انتي لازم تغيري لبسك ده ...علشان الناس الي في القطر متشكش فينا
الحان قالت بسرعه...تمام...عندي فكره..انا اخد لبسك..وانت تاخد لبسي... ايه رايك
فريد اتنهد وقال...هو انا المفروض البس لبسك..علشان الورطه الي حطيت نفسي فيها...بس شكرا انا جبتلك لبس جديد يلا قبل القطر ما يجي لازم تدخلي الحمام وتغيري
وفعلا اخدها ودخلها الحمام ولبست الدرس وكان جميل وطويل وواسع شكلو محترم ويجنن عليها بلون فاتح بيذيد من جمالها اول ما طلعت بصتلو وقالت..ها..ايه رأيك...حلوه صح
فريد بصلها شويه باعجاب ونزل عيونه وقال..احم..اوي..ماشاء الله جميله جدا يا الحان..حلوه زي اسمك
الحان ابتسمت وفريد قرب فتح الشنطه وطلع منها حجاب بلون الفستان ولبسهولها وظبطو عليها وقال..بس كده بقيتي قمر
الحان بصت في المرايه باستغراب وقالت..بس انا ..انا مش محجبه
فريد فرح جدا انها افتكرت حاجه عنها وابتدت ترجع للواقع قال بلهفه...وايه كمان...فاكره حاجه تانيه..فاكره اهلك...والدك مامتك..اي حد من اهلك
الحان اتحولت ملامحها لحزن رهيب وقالت...اهلي..انا معنديش اهل ماما ماتت وبابا ...بابا باعني..باعني وقبض تمني
فريد كان بيسمعها باهتمام وهو متأثر جدا بدموعها الي بقت تنزل وهيه بتقول...انا.....انا يتيمه...ايوه..يتيمه معنديش اهل...انا مبحبش اهلي..ولا الزمالك ..وبقت تضحك فجأه وقالت...حلوه ولا الزمالك دي صح...ههههههه
فريد اتنهد بيأس وضحك وقال...ماشي يا سخيفه..انا غلطان اني بسمعك اصلا...على العموم انتي قولتي انك مش محجبه...تقدري تقلعيه ومد ايده هيشيله بس الحان مسكت ايده وبصت في عنيه وقالت..لا...سيبو..هلبسو علشان منك...وعلشان حلو زيك...ومميز... زيك
فريد كان بيسمعها بدهشه وتاه في نظراتها الجميله وقال...احم...هو حلو علشان انتي لبساه
الحان لسه هتتكلم القطر وصل شدتو من ايده وقالت بفرحه..القطر وصل يلا وبقت تجري
فريد ضحك علي حركاتها وجري ونط في القطر وشدها وركبو
بعد شويه كانت الحان قاعده بتتفرج في مجله جبهالها فريد ومبسوطه وفريد كان بيبصلها بابتسامه جميله
لحد ما ركبت ست ومعاها طفل وقعدت قصادهم بس مفيش ثواني والحان ضربت الطفل وقالت بغضب...بتبصلي كده ليه..ها بتبصلي ليه...انت ومامتك بتبصولي ...هو باعتكم صح هو باعتكم
الولد بقى يبكي جامد وامو حضنتو بخوف وبقت تبصلها بشك
فريد كان بيحاول يهديها وبيشدها بعيد منهم بصعوبه وكان في موقف لا يحسد عليه
بعد ما فض الاشتباك وطبعا اضطر ياخدها في كرسي بعيد عن الست وابنها وفضل خايف تمسك في حد تاني لحد ما وصلو قرية صغيره في الارياف ونزل وبقى يسأل عن بيت الست الي لقا عنوانها في ملف الحان
بعد تعب وصلو لبيت قديم وصغير اول ما خبط الباب فتحت ست كبيره في العمر واول ماشافت الحان اتصدمت
في الوقت ده كان شوقي قالب الدنبا على ألحان وعمل ابلاغ ان فريد خطفها وعمل اعلان وقال انها مجنونه وخطر على الناس وكان بيعمل المستحيل علشان يلاقيها
شوقي كان قاعد في المكتب وبيفكر ومضايق جدا وجالو اتصال اول ماشاف الرقم نفخ بضيق وقال...عايز ايه
الشخص الي بيكلمو قال...البنت صحيح اتخطفت
شوقي قال...اه يا اخويا اتخطفت...ولعلمك لحد ما ترجع ملكش عندي حاجه
المتصل قال بضيق...ليه بس..وانا ذمبي ايه
شوقي قال...ذنبك انك معرفتش تربي تمام..معرفتش تربي خالص...قال كده وقفل في وشو وقال بغضب..هلاقيكي...هلاقيكي يا الحان لو ههد الدنيا هد
عند الحان اول ما راضيه شافتها اخدتها بين اديها وقالت ...الحان..يا حببتي يا بنتي كنتي فين يا الحان
الحان بصت لها بدموع ووللحظات افتكرتها وقالت..اذيك يا خالتي
فريد اتفاجأ وفرح جدا ودخلو والست راضيه ضايفتهم وكانت عندها احفادها اطفال والحان بقت تلعب معاهم وفريد كان قاعد مع راضيه
راضيه بصتلو وقالت...هو انت لقيت الحان فين..وليه تصرفاتها بالشكل ده..هيه البنت لسه تعبانه
فريد قال...انا علشان كده جتلك...انا لقتها في المستشفى الي انا شغال فيه...مستشفى للامراض العقليه..وانا الي هربتها من هناك
راضيه بصتلو بزهول وقالت...امراض عقليه..البت اتجننت..منك لله يا رزق انت وشوقي حسبي الله ونعم الوكيل
فريد اول ما سمع اسم شوقي قال بسرعه...شوقي مدير المستشفي انتي تعرفيه
راضيه قالت..انت باين عليك ابن حلال معني انك هربتها ودورت عليا كل ده تبقى جدع وطيب وانا هحكيلك كل الي حصل...انا ابقى خالة الحان اخت امها الله يرحمها ..ورزق والد الحان كان شغال عند شوقي فراش في المستشفى...وفي يوم شوقي شاف الحان...وعجبتو جدا وطلب يتجوزها
فريد قال بغضب .يتجوز مين... دي اصغر من بنتو
راضيه قالت...بس يا بني محدش قلو كده..والدتها اتوفت وابوها وافق...واخد منو فلوس كمان