رواية عشق احفاد الجوهري الفصل التاسع عشر19والعشرون20 بقلم ايه المهدي
وقفنا لحد موت يحيي صديق حاتم
الجد: مقولتش ليه الكلام ده من الاول
حاتم بحزن : انا ملحتقش كانوا وقتها بيخططوا لقتل ملك وخلوني اصدق انك السبب في موتها كان وقتها ملك حامل في الشهر الرابع ومرات قصي حامل في الشهور الأخيرة
الجد : واي علاقة مرات قصي بالموضوع
حاتم : لما ملك ماتت انا صدقت انكوا السبب زي اي اب لما عرف أنه بنته اتجوزت من وراه هيعمل كده واكتر
الجد بغضب : انت اتجننت انا اقتل بنتي انت مش عارف انها بنتي الوحيدة وعارف هي كانت حتي اغلي من اخواتها عندي
حاتم بحزن؛ انا اسف بس موتها كسرتي
حاتم : انا لما عرفت موت ملك وشوفتها قدامي ميته وكمان ابننا اللي لسه مجاش قلت لازم انتقم وعرفت بعدها أنه مرات قصي تعبت وخدوها المستشفي وقلت للدكتور يبنجها كلي علشان متشوفش حاجة وولادت وجابت بنتين تؤام وانا اخدت واحدة منهم كنت هاحطها في ملجأ أيتام والبنت التانية كنت هاديها لاي اتنين مبيخلفوش وكده يبقي أحفاد الجوهرى عايشين زي اي ناس عادية واحدة في ملجأ والتانية مع اهل مش أهلها بس طفلة منهم عيطت وقصي كان عايز يدخل لمراته ويشوف بناته وانا ملقتش حل غير اني اخد واحدة منهم واخدت بنت منهم وسبت التانية جمب والدتها واخدت البنت وكان قلبي مش مطاوعني اعمل فيها حاجة خصوصا لما فتحت عينها كاني شايف ملك حتي لون الشعر واحد وكنت خلاص هاعرف غلطتي وارجعها وسمعت واحدة من الممرضات أنه ارتكبت غلط وطفلة لسه مولودة ماتت بسبب الغلط ده وافتكرت وقتها موت ملك وابننا فروحت ليها وهي خافت لأكون سمعت حاجة طلبت منها تجيب الطفلة اللي اتوفت وتاخد بنت قصي وشرحت ليها كل حاجة وكان من حسن حظي أنه ولا مرات قصي ولا الست التانية شايفين حاجة والممرضة ادتني الطفلة الميتة واخدت بنت قصي وقلت للدكتور يقول إنه الطفلة التانية ماتت وطبعا زعلت علي حفيدتك اللي اصلا عايشة وبنت قصي معاها ولد اخو الطفلة اللي اتوفت تؤام يعني وانا سافرت بعيد علشان انسي ملك وعلشان ضميري كان بيئانبني ازاي ابعد ام عن بنتها واحرمك من حفيدتك بس كل اما افتكر ملك برجع تاني ودلوقتي انا عرفت انكوا مش السبب في موتها ده كان قدرها وكمان كنا ضحية مؤامرة بسببها ضاعت طفلة ودفعت التمن
الجد بصدمة : انت بتقول ايه بنت قصي التانية اتولدت ميته انت اتجننت
حاتم بحزن : عارف انها صدمة بس سامحني
الجد بصراخ: اسامحك علي ايه انت عارف انت عملت ايه انت اخدت حفيدة عيلة الجوهري وادتها لناس حتي مش عارفين عايشة معاهم ازاي انت ازاي تعمل كده حرمت ام من بنتها انت مش ابن اخويا اللي ربيته
حاتم : غصب عني انا كل اما افتكر ملك بيبقي هدفي انتقم من اي حد حتي لو كانت طفلة
الجد: انت عارف مكان البنت ولا لاء
حاتم : لاء بس شوفت والداها لو شوفته اعرفه
الجد : انت عارف يا حاتم لو حد خد خبر بكده مش هيحصل كويس وخصوصا قصي ومراته انت فاهم
حاتم بحزن : فاهم يا عمي بس البنت هنقولهم ازاي
الجد : انا هاتصرف انت مالكش دخل كل اللي عليك انك تجبلي حفيدتي من تحت الارض
حاتم : اوعدك يا عمي هالقيها
الجد : انت عارف اسم البنت اي
حاتم ؛ لاء يا عمي بس اعرف والداها
الجد : لاقي حفيدتي يا حاتم وكلامنا لسه مخلصش انا مش هسامحك علي اللي انت عملته ده وفجأة دخل سليم للمكتب
سليم بصدمة : اي اللي سمعته ده عمي قصي عنده بنت تانية ازاي
الجد بصرامة: سليم انت كنت واقف بتسمعنا
سليم ؛ اسف يا جدي بس غصب عني
الجد : الكلام اللي سمعته ميطلعش لحد انت فاهم
سليم : حاضر يا جدي بس هنلاقيها ازاي
حاتم : هي شبه اختها ما عادا لون العين والشعر
سليم : ما يمكن اتغيرت لما كبرت
حاتم : لاء لأنهم تؤام متطابق لو شوفتهم مش هتفرق الا من لون العين
الجد : انتهي الكلام اللي اتقال هنا هيفضل ما بينا وانت يا حاتم بيه عارف دورك كويس وسليم هيكون معاك وكمان انت هتفضل هنا في القصر لحد ما تلاقي حفيدتي ومش هافكرك مالكش دعوة بحد يا حاتم
حاتم بحزن: حاضر يا عمي خرج حاتم من القصر وذهب لمقابلة صديقه
داخل مكتب الجوهري
سليم : جدي الكلام ده حقيقي عمي بنته مش ميته
الجد : لاء مش ميته وحاتم علشان ينتقم خدها
سليم : طيب يا جدي البنت دي لما تعرف هتوافق تيجي تعيش هنا دي صدمة ليها وللكل
الجد بحزن: معرفش يا بني لازم تيجي قصي ومراته لو عرفوا مش هيسبوها تبعد عنهم وعندهم حق انا كمان مش ممكن حفيدة عيلة الجوهري تبقي بعيد عن عيلتها الحقيقة اللي فهمته من حاتم أنه عينها نفس عين ملك عمتك
سليم بغموض: أن شاء نلاقيها يا جدي
البارت 20
صباح يوما جديد في قصر عائلة الجوهري
كان الجميع علي سفرة الافطار ما عدا حور وأسيل
الجد ؛ فين مليكة وأسيل يا امال
امال : نازلين يا عمي بيجهزوا
في غرفة حور ومعها آسيل
آسيل: بقولك اي يا حور طنط وداد اخت طنط امال جاية انهاردة ومعها ابنها وبنتها فعايزة تهدي كده وتسمعيني
حور : حاضر بس شكلهم كده مش يطمن صح
آسيل بهمس: من ناحية مش يطمن فهما مش يطمنوا اصلا
حور: بتقولي حاجة
أسيل : اسمعيني وافهميني ابن طنط وداد اسمه محمود وهو بيحب مليكة وكان عايز يتجوزها واخته بقا هتموت وتجوز سليم طبعا علشان فلوسه
حور : اه طيب ومحمود ده هو واخته انا دخلي اي بيه
أسيل : محمود بيحب مليكة وهو هيحاول يكلمك فانتي تصديه لانه زي اخته بيحب مليكة علشان الفلوس واخته دايما حاقدة علي مليكة علشان جمالها
حور بمرح : ولا يهمك يا اسطا ده انا هاخليه يحرم يجيب اسم مليكة علي لسانه لو فكر بس يقرب مني ومتخافيش هاتعامل مع أخته الصفرا بنفسي
آسيل : لاء بلاش مقالب وكده طنط امال هتزعل
حور: لاء متخافيش مش هاخلي حد ياخد باله احسن مقالبي مش بتتكشف
آسيل : لا واضح يلا بينا ننزل
نزلت حور وآسيل للاسفل والقوا التحية علي الجميع
امال : مليكة حبيبتي خالتك جاية انهاردة هي وولادها
سيف بغضب: نعم وابنها جاي كمان هو ليه عين بعد ما حاول يقرب من مليكة
الجد: سيف الناس ضيوف عندنا وكمان هو مش هيقدر يقرب لمليكة تاني
سيف : يا جدي
الجد : سيف أنا قلت اللي عندي
سيف : حاضر واتجه سيف لمكان حور
سيف : مليكة حبيبتي ممكن نخرج انهاردة انا وانتي
حور بتوتر: نخرج نروح فين
سيف : اي مكان يا حبيبتي أنا انشغلت عنك الفترة دي واوعدك اني هافضي ليكي شوية
حور : لاء طبعا الشغل اهم الخروج مش هيطير
سيف : لاء طبعا يا حبيبتي انتي اهم من الشغل وأمسك يديها
حور : ايديك يا بني لتوحشك
سيف : نعم قلتي اي
حور : لاء ابدا بقول اي رايك نروح كلنا أسرة مع بعضينا كده ولا اي يا أسيل
أسيل بتوتر : ها اه نروح كلنا
سيف بهمس: ربنا يخدك يا آسيل انا مبقتش عارف اتكلم كلمتين معاها
حور : انت يا عم انت يا بني انت يا كابتن
سيف : انتي بتقولي اي هو اخوكي عداكي
حور بمرح : لا وانت الصادق انا اللي عديته
عز : حصل وانا مظلوم وانتوا ظالمني والله مسا مسا عليك يا صاحبي
حور بمرح : احلي مسا يا زميلي
سيف بذهول : صاحبي وزميلي عليه العوض ربنا ياخدك يا عز علشان ارتاح
حور بغضب : متدعيش عليه لو سمحت اخويا واستوب بقا كده علشان هنزعل ونجيب ناس تزعل اشطا
سراج بضحك : الحق
سيف بغضب : بتضحك ليه مش شايف اختك مالها
سراج : مالها قمر اهي قدامك
حور بمرح : حبيبي تسلملي
وظلوا يمرحون وسط غضب سيف ومزاح حور واخواتها وظل سليم ينظر لحور بغموض وبعد مرور الوقت جاءت اخت امال واولادها
وداد: امال حبيبتي وحشتيني
امال بحب: الله يسلمك يا حبيبتي ازيك يا محمود ازيك يا لارا
لارا بخجل مصطنع: الله يسلمك يا خالتو وحشتيني
امال : انتي اكتر يا حبيبتي
حور بهمس لاسيل: اي ده هي عاملة زي الباليتشو كده ليه
أسيل بضحك: بس اسكتي لحد يسمعك
حور : ما يسمع انتي مش شايفة دي شوية وممكن تتحول دي هتاكل ابن عمك بعنيها بكيلو المكياج اللي حاطة ولا الصبغه
أسيل بخبث: وانتي مالك تبص ليه ولا لاء ده انتي حتي مش بطقيه وبتخافي منه
حور بتوتر : وانا مالي ما يولعوا سوا
أسيل بجدية : حور انتي بتحبي سليم
حور: ...................
أسيل : س سليم