رواية لعنة حمايا
الفصل الثالث3
بقلم عادل الصعيدي
الحاجات اللي بتحصل في شقتي بعد وفاة جوزي مكنتش عادي خالص
النور اشتغل فجأه تاني وطلعت اتأكد من الباب بتاع شقتي اتفتح والا لا
لقيت الباب مقفول ومفيش
اي تغير عليه
بس ازاي وانا سامعه صوت الباب بوداني
اعمل اي يعني مشيت شويه ناحية الحمام
لقيت باب الحمام مفتوح وانا متأكده كنت قافله الباب
كدا بدأت احس اني اللي سمعته صح
وانا ببص في الأرض وانا طالعه من الحمام
شفت الخاتم اللي بيلبسه حمايا واقع بالأرض
ازاي ومين جاب الخاتم دي هنا
حاجه غريبه بجد
معقول كل الا بيحصل دي من ورا حمايا
طيب وغرضه ايه من اللي بيعمله دي
-اخدت الخاتم ودخلت اوضتي ونمت
وتاني يوم الصبح نزلت تحت مع عند حماتي عشان اعمل شغل البيت
فكرت ازاي اواجه حمايا بالخاتم واقوله اي جابك شقتي بالليل بس لقيتني هدخل في دوامة مشاكل
وفكرت ان لازم انتبه ليه
واوقعه بشر اعماله
اخدت الخاتم ودخلت اوضة حماتي وعملت نفسي بنضف معاها
الاوضه بتاعتها
وانا جوه الاوضه لقيت الجلابية بتاعت حمايا اللي بيلبسها لما يرجع من الشغل
وفكرت ولقيت الحل ان احط الخاتم في جيب الجلابية
عشان يشوفه ويعرف ان انا لقيته واعطيه إنذار ان عارفه بكل حاجه بيعملها واشوف رد فعله ايه
لما يشوف الخاتم
حطيت الخاتم وطلعت انا وحماتي عشان نجهز الغداء
؛ وعلي الضهر كدا رجع حمايا من الشغل وكنا خلصنا الغداء
وجهزنا السفر وقعدنا عشان ناكل
وانا قاعده علي السفره وحمايا قاعد قدامي
حسيت بيبص عليا من بعيد لبعيد
خلصت اكلي وقمت علي طول عملت الشاي
وحطيته قدامهم علي السفره
وطلعت لشقتي فوق عشان ارتاح شويه
وصلت شقتي وقبل ما ادخل اوضة النوم بتاعتي
وصلني رساله علي الواتس
بفتح الرساله
لقيتها من حمايا
وبيقولي ...