سراج طلع على اوضتو..واول ما فتح الباب اتصدم بشده لما شاف تقى مرميه على الأرض ومش بتتحرك جري عليها بلهفه وخوف وهو بيقول برعب..تقى ...تقى مالك..حببتي ردي عليا
بس تقى كانت فاقده الوعي تماما..سراج شالها وحطها على السرير ووقف بتوتر وخوف وجري طلب دكتور وبقى يحاول يفوقها بس من غير فايده
سراج طلع ينادي لفتون لانو مرتبك جدا وعايزها معاه وراح اوضتها وبقى يخبط جامد عليها
فتون كانت بتبكي بسب نادر والي قالو بس مسحت دموعها بخوف من صوت الخبط الشديد وجريت علشان تفتح
نادر كان بيشم هوا بره وطلع يشوف فتزن لانو سابها زعلانه واتفاجأ بسراج بيخبط عليها جامد
نادر قال بقلق..فيه ايه يا سراج خير
سراج لسه هيكلمو فتون فتحت واتفاجات بسراج قالت ..سراج في حاجه
سراج رد بخوف وقلق...ايوه..تقى..تقى لقتها واقعه على الارض ومش بترد تعالي معايا ومسك فتون من ايدها وشدها معاه بدون وعي
نادر اتضايق جدا مشي وراه ومسكو وقال..استني انت واخدها على فين وازاي تمسكها كده اصلا سبها
سراج اتقدم عليه بنظره مرعبه وقال بفحيح..انا دلوقتي مش شايف قدامي يعني مش وقت هبلك والله ادفنك مكانك ..وشد فتون ومشي بيها وسابو
نادر نفخ بغيظ وقال..اللهم طولك يا روح ربنا يصبرني عليه وشي وراه
سراج دخل هو وفتون الاوضه وفتون بقت تحاول تفوق تقى وحطت لها ميه بس مش بتفوق
نادر خبط على الباب وقال من بعيد..احم..الدكتور وصل
وابتدى الدكتور يفحصها وبعد ما خلص بص لسراج وقال..حضرتك جوزها
سراج قال بخوق..ايوه.... ايوه انا
الدكتور قال..هيه المدام كانت بتابع في شهورها الاولي
سراج قال ..احم..لا متابعتش ابدا
الدكتور قال..ده كان غلط جدا ..المدام جسمها ضعيف والطفل كمان وواضح انها مكانتش تتغذى ولا اخدت بالها من صحتها في شهورها الاولى انا هكتب لها مقويات وفيتامن بس لازم تتابع وتاخد بالها من صحتها لحد الولاده لان الضعف ده ممكن يأثر على صحتها وصحه الطفل
الدكتور مشي وسراج قعد جمب تقى بحزن شديد وباس راسها وقال..انا اسف
فتون حطت ايدها على كتفو وكانت حاسه بوجعو قالت..ان شاء الله هتبقى كويسه متقلقش
سراج قال بدموع..انا كنت حابسها يا فتون..كنت سعات اخد ايام كتير مرحلهاش واجيب لها اكل اجي الاقيه زي ما هو مكامتش تاكل ابدا فضلت سنه وهيه مقهوره وبتبكي وبس لا بتاكل ولا بتطلع انا كنت حي*وان معاها ..انا...ان كنت خايف تسبني والله انا بحبها
فتون قالت بحزن ...متفكرش في الي فات يا سراج ..حاول تعوضها وتعيشها الايام الي تستحقها ومتضغطش على نفسك يا حبيبي
سراج لسه هيتكلم تقى فتحت عنيها ببطأ وقالت..سراج.
سراج بصلها بلهفه وقال...يا عيوني..انا جمبك..انا معاكي ياتقى عايزه حاجه
تقى بصت لفتون وقالت..هو ايه الي حصل
فتون ابتسمت وقالت..محصلش يا ستي كل الحكايه انك ناويه تجيبي اجلو من الخوف عليكي
تقى قالت بتعب ..انا دخت ومش فاكره حاجه ابني..ابني كويس
فتون قعدت جمبها وقالت..انتي زي الفل والله وابنك كمان بس الدكتور قال لازم تتغذي مش اكتر يلا انا هسبكم دلوقتي شويه وراجعه
فتون طلعت لقت نادر مستنيها اول ما شافها قال...ها ايه الاخبار تقى كويسه
فتون قالت بجمود...ايوه داخت شويه ادلوقتي تمام
نادر اتنهد وقال...طيب انتي كمان ارتاحي احسن تتعبي
فتون ابتسمت بسخريه ومشيت من غير ما ترد
نادر مسك ايدها بسرعه وقال..فتون..انا اعتذرت ..بلاش تفضلي ساكته كده ارجوكي
فتون نزلت ايده بحزن و مشيت على اوضتها من غير ما تتكلم ولا كلمه وهو فضل باصص لطيفها بحزن وبيفتكر كل الي قلهولها وحاسس بندم شديد
عند تقى بصت لسراج باستغراب لما شافت دموعو قالت..هو انا هموت ولا ايه
سراج قال بخوف..بعيد الشر ايه الكلام ده
تقى ضحكت وقالت...امال قاعد كده ليه وليه الدموع دي
سراج بص بعيد ومسح دموعو وقال..لا انا..انا عيني وجعتني شويه
تقى ضحكت وقالت..لا والله
سراج قال بضحك واضج اني بكدب مش كده
تقى قالت بضحك.... الصراحه اه
سراج فضل سرحان فيها شويه وقال...انا اسف..اسف على كل حاجه عملتها معاكي مكنتش عايز غير انك تفضلي معايا والله انا بحبك اوي... سامحيني
تقى اتنهدت بحزن وقالت...ملوش لزمه الكلام ده احنا خلاص هنطلق وانا عن نفسي مسمحاك ومش زعلانه منك بس تفضل عند وعدك
سراج حاول يبتسم بالعافيه وهز راسو بأيوه ولسه هيرد جالو تليفون قال... الو
سكت شويه وقال...تمام وقفلوها كويس
وسكت وبعدين قال...خلاص تمام ابقى اعما كده كل اسبوع
تقى بصتلو بتستغراب وقالت... فيه ايه
سراج قال ..لا ابدا ..ده بس بيقولي انهم نضفو بيت المزرعه وانا قولتو يعمل كده كل اسبوع
تقى قالت ...احم...هو انت ليه مهتم بالبيت الغريب ده يعني حبستني فيه ودايما مهتم بيه
سراج قال بحزن...البيت ده عشت فيه اسوء يوم عدى عليا كنت لسه طفل وفاكر اليوم ده ..البيت ده اصلا بتاع سالم وهو باعو وانا اشتريتو من الراجل الي اشتراه لاني برتاح فيه
تقى قالت اكيد لك ذكرى حلوه هناك
سراج ابتسم بسخريه وقال...امم امي اتقتلت هناك
تقى شهقت وقاات..ابه امك ماتت هناك ولسه بتروحو ..انت غريب قوب الناس بتحتفظ بالمكان الي فيه ذكريات حلوه
سراج ابتسم وقال..انا بقى عكس الناس المكان ده بيديني قوه ..كل ما اكون مضايف والدنيا تيجي عليا ..اروح هناك وافتكر اني عشت الاسؤ من كده فأحس اني هعديها زي ما عديت غيرها وبالنسبه للذكرى الحلوه انا عملت ذكرى حلوه بنفسي لما حبستك هناك ..هيجي يوم والدنيا تيجي عليا زي العاده واروح وافتكر لحظاتنا سوا ودي اجمل ذكرى بالنسبالي
تقى ابتسمت شويه وتاهت في عيونه .بس فاقت لنفسها بسرعه وقالت..احم انا هدخل اخد دش لاني كنت داخله ودخت
سراج قال..طب خليكي تتحسني شويه ولا اقولك انا جاي اساعدك و
بس تقى قالت بسرعه وخوف...لا..لا اوعى تقرب
بقلمي... زهرة الربيع
سراج بعد عنها تلقائي واتجمعت الدموع في عيونه وتقى خدت بالها قالت..انا قصدي... انا كويسه مش محتاجه مساعده عن اذنك ودخلت الحمام بسرعه
سراج قعد على السرير بحزن واتنهد جامد وحاسس انو مخنوق قوي وفضل مستنيهاتخرج
تقى بعد شويه خرجت وفضلت تبصلو وحاسه باحساس غريب لما بيكون جمبها واحساس اغرب لما تحس انها جرحتو رغم كل الي بيعملو معاها قالت...احم..انا خلصت لو حابب تنزل
سراج ابتسم بحزن وقال.. تمام انا شويه وراجع ارتاحي ومتقوميش من على السرير تمام
تقى قالت تمام..وسراج خرج وقعد على طاوله وفضل يبص للبحر بحزن
عند علا اخدت دش وطلعت لقت خالد قاعد وبيشتغل على الاب وبيتجاهلها تماما قربت منو وقالت...خالد..خالد انت لسه زعلان مني ..يا خالد انا والله ما اقصد انا
خالد قال وهو بيشتغل من غير ما يبصلها...انا مش عايز اسمع حاجه يا علا روحي نامي من فضلك
علا قفلت الاب من قدامو وفاجأتو وقعدت على رجلو وحاوطت رقبتو بايدها وقالت بطفوله... انام وانت زعلان مش هقدر حقك عليا بتزعل من كلامي برضو ماانت عارف اني عبيطه ..وانبي ما تزعل وباستو في خدو بسرعه
رغم انها كانت بتتصرف بعفويه معاه الى ان خالد قلبو دق بسرعه من قربها وكان لها تأثير خاص جدا عليه بلع ريقه وفضل يبص عليها وعلى لبسها القصير وشعرها المبلول كانت مغريه جدا فضل سارح في عنيها وقال..انا..احم..انا مش زعلان ...مش زعلان خالص.
علا ابتسمت بفرحه ولسه هتقوم خالد شدها عليه اكتر وقال جمب شفايفها.. رايحه فين الي يدي حاجه ميمشيش قبل ما ياخد ردها
علا بصتلو باستغراب ولسه هتتكلم حضنها بقوه وباسها من شفايفها بشغف وكانت اول مره يقرب منها كده فضلو شويه وبعد عنها وقال...تجنن
علا اتكسفت جدا وقامت وهيه مكسوفه ومش مصدقه الي حصل وجريت على السرير نامت وغطت وشها بكسوف شديد
خالد ضحك واتنهد براحه وحاسس بشعور جميل بيتولد معاها زي ما يكون قلبو مدقش قبل كده احساس مختلف تماما
نادر كان بيتمشي على البحر شاف سراج قاعد على طاوله وبيشرب قهوه في هدوء رحلو وقال وهو بيقعد على الكرسي ..ايه الهدوء ده كلو ..هو الحب صعب اوي كده
سراج قال بضيق...اسأل نفسك
نادر ارتبك وقال بكدب ..احم..واسأل نفسي ليه انا محبتش قبل كده وش هحب معنديش وقت للكلام الفاضي ده
سراج بصلو بطرف عينه وابتسم بسخريه وشرب شويه من قهوتو وقال بضيق... عايز ايه
نادر قال بغضب..انت الي قولت لابن خالك على مكانا مش كده
سراج قال بضيق شديد..ايوه مقليش انو جاي حب يعمل لنا مفاجاه كان فاكرنا بنصيف انا وفتون لوحدنا
نادر قال بغيره ..ااه..طبعا طبعا..وهو متعود بقى يصيف مع فتون مش كده
سراج نفخ بضيق وقال..بقولك ايه انا مش فاضيلك وياريت متتكلمش معايا غير في الشغل دي الحاجه الوحيده الي ممكن يدور فيها حوار بنا
نادر اتنهد وقال..تمام نتكلم في الشغل انهارده هنقابل الوفد الالماني وهنجتمع مع مدراء الشركات الي هتناصرنا في المناقصه و
سراج قال تؤتؤ..مش انت الي تقرر هنقابل مين وامتي انا الي اقرر لازم تعرف اني عمري مت اشتغلت ورا حد انا الي بقرر والكل ينفزو وانت زيهم
نادر اتنهد وقال..بس انا صاحب الفكره وانا الي اتكلمت مع الشركا مش انت وانا الي هكمل الصفقه
سراج قال..مش هيحصل لازم تتعود اني انا هنا الي هقرر انا شريك يا بابا مش شغال عندك
نادر قال وانا الي شغال عندك يعني ولسه هيكمل خالد جيه وقال..فيه حاجه ولا ايه
سراج قال..اهو جالك الي بيسمع كلامك قبل ما تقولو يلا لو حابب تامر وتنهي خالد موجود
خالد قعد بضيق وقال..هو خالد جيه جمبك ولا جر شكل وخلاص بني ادم مريض صحيح
سراج قال..اعتبروني مريض بس برضو انا المدير هنا انا الي اقول امتي نكمل وامتى نقف اصلا انا الأكبر وكلامي يمشي
نادرضحك قال.. ومن امتى الشغل كان بالاكبر انا طول عمري باشتغل مع طارق الله يرحمو وديما كنت بوجهو وبياخد لنصحتي مع انو اكبر مني
سراج اتبدلت ملامحو لما جات سيرة طارق وقال بغضب..انا مش طارق..اناسراج الطحاوي اسمي لوحده كفايه والي عندي قلتو اذا كان عاجبكو ولو مش عايزين انتو حرين انا اقدر اكمل لوحدي بس متلمونيش اذا الشركا بتوعك بقو في صفي مش يمكن اخد المناقصه كلها لوحدي
نادر بصلو بغضب وقال...تمام ياسراج من غير تهديداتك السخيفه اذا عندك راي بناء هيفدنا تمام
سراج ابتسم وقال بغرور..اكيد احسن بكتير من الي عندك
نادر قال ..تمام...على فكره انهارده فيه حفله باليل على البحر هتبقى مختلفه شويه يعني على لون بدوي كده المنافسين والشركا هيكونو مجتمعين ونقدر نتكلم براحتنا عن اذنك
نادرقال.. تعالى يا خالد عايزك ..و لسه هيمشي شاف نهى واقفه بعيد ابتسم بخبث ونادالها بصوت عالى
بقلمي...زهرة الربيع
نهى جات وبصتلو بخوف لما شافت سراج معاه نادر بص لسراج وقال..من الصبح انشغلنا كنت عايز اعرفك على نهى صديقة العيله
سراج وقف وسلم عليها بثبات يحسد عليه وقال..تشرفنا يا انسه
نادر ضحك لما قال انسه قاصد يوترها ونهى سلمت على سراج بخوف وقالت..اهلا بيك
نادر قرب من سراج وهمس في ودنو وقال باستفزاز ..ايه رأيك تنفع ضره لأختك وووووو
الفصل السادس والعشرون26
نادر قرب من سراج وهمس في ودنو وقال باستفزاز ..ايه رأيك تنفع ضره لأختك
سراج بصلو بغضب شديد وقال بهمس....جرب كده و شوف هعمل فيك ايه..عايز تتجوز تطلقها انا اختي ميبقلهاش ضراير يا هارون الرشيد..وبص لنهى وقال.عن أذنك يا حلوه اشوفك بعدين
سراج مشي ونادر بص لنهى وقال...ها ايه ارأيك فيه
نهى بلعت ريقها وقالت بتوتر..رأي فيه ازاي يعني .. احم..كويس مش بطال
نادر قال ..امممم ..طب كويس انو مش بطال يلا بالأذن فتون مستنياني.. ومشي وسابها هتموت من الغيظ والخوف طلعت على طول على اوضه سراج تتكلم معاه
نادر بقى طلع عند فتون وفتحتلو على نفس حالها مش بتتكلم ولا بترد عليه
نادر اتنهد بحزن وفتون قعدت تمشط شعرها قدام المرايه مش عايزه تتناقش معاه ولا تكلمو اصلا
نادر ابتسم بمكر ومسك التليفون وقال...ايوه يامختار اديني بابا اكلمو
وسكت شويه وقال...ايه..زعلان مني ليه بس دانا مقدرش على زعلو
فتون بصتلو باستغراب وكملت تمشيط من غير ما تتكلم
نادر قال..طب قولو حاجه بقى دا انا اتجنن لو مكلمنيش ..عقلو يا مختار هو مش عارف مصلحتو ميعرفش انو ميقدرش يعيش من غيري
فتون اتاكدت انو قصدو عليها وكانت كاتمه ضحكتها بالعافيه ونادر قرب منها وقال..طب اسمع صوتو طيب كده حرام...طب قلو اسف.. ..حقك عليا...طب انا غبي وحمار كمان
فتون بصتلو ومقدرتش تمنع ابتسامتها الجميله نادر ابتسم ونزل التليفون وقال..ايوه بقى خلي الشمس تنور....ها..سامحتني يا بابا
فتون قالت بضحك..اسأل مختار
نادر ضحك وحضنها جامد وقال...الا زعلك اقسم بالله
فتون قالت ...يا سلام ..من امتى الكلام ده بقى
نادر قال ..من انهارده..انا مش عايز غير انك تسامحيني وانا هعتذر هن كل حاجه بطريقتي
فتون ضحكت وقالت..طريقه ايه دي
نادر شدها عليه وقرب منها وقال كده وقرب من شفا*يفها بس فتون حطت ايدها على شفايفو وبعدت وقالت..ومين قلك ان طريقتك دي تنفع معايا
نادر قال..ليه بس دي طريقه مفيش احلا منها
فتون قالت بضحك..مش عايزاها انا عيزاك تفضل بعيد كده ولو عايزني اسامحك تلم لسانك الي عايز قطعو ده ولما تكون مضايق بلاش تتكلم خالص
نادر ضحك وقال..تمام انا موفق الم لساني بس افضل بعيد عنك..مقدرش
فتون قالت..لا هتفضل بعيد لو عايز السماح
نادر ضحك وقال..عايز ....وبراحتك خالص مش هدايقك..لحد بالليل كويس
فتون ضحكت وقالت..بس بقى يا نادر والله عايزه انام شويه تعبانه
نادر قال تمام..نامي علشان باليل فيه حفله رهيبه هتحبيها
عند نهى كانت رايحه لسراج وقابلت ادهم قالت..هاي انا نهى صديقه نادر
ادهم بصلها بغضب لما سمع اسم نادر وكان هيمشي من غير ما يرد بس نهى قالت بسرعه..انا مقدره موقفك لاني بمر بيه
بقلمي...زهرة الربيع
ادهم بصلها وقال..ازاي يعني
نهى قالت..ما هو انا المفروض كنت اتجوز نادر وكنا متفقين لحد ما دخلت قربتك دي في الموضوع ومعرفش ايه الي عجبو فيها لدرجه انو بقى مش عايز يطلقها
ادهم ضحك جامد وقال بسخريه..ايه الي عجبو فيها..لا بجد انتي تحفه
نهى ادايقت وقالت..على العموم انا عايزه اساعدك وتساعدني انت تحاول مع فتون وانا مع نادر يمكن نقدر نخليهم يبعدو عن بعض
ادهو قال..تمام انا موافق اصلا ده الي هعمله فتون مش هتكون لحد غيري
بالليل كانت الحفله على البحر... انغام الموسيقى وجو البحر خلو المكان يسحر وكانت على الطريقه البدوي وفيه مشاوي ومشروبات واغلبيه البنات كانو لابسين عبايات بدوي جميله والاجواء رهيبه
علا كانت قاعده زهقانه وشافت خالد مع بدر بيتكلمو غي الشغل ...نفخت بغيظ شديد
فتون خدت بالها قالت..مالك يا بنتي فيه ايه
علا قالت بحزن..مش شايفه عمالين بشتغلو ازاي ولا كأننا موجودين
فتون ضحكت وقالت..احنا مش جايين نتفسح يا علا هما جايين اصلا للشغل انبسطي بالحفله وسيبك منهم خالص
تقى ضحكت وقالت ..معاكي حق والله
ادهم كان واقفةبعيد ومش شايل عينه من على فتون الي كانت مش شيفاه اصلا قرب منو سراج وقال..ايه اخبارك احسن دلوقتي
ادهم قال بجمود..بخير ..روح انت كمل شغلك مع ابن الي قتل والدتك ومتشغلش نفسك بيا
سراج قال بعصبيه...انت عارف اني مش بقبل السيره دي ليه عايزني اتغابى عليك
ادهم قال بعصبيه..مش دي الحقيقه ..مش انت جوزتو اختك عادي كده وبتشتغل معاه
سراج قال..انا مش هتناقش معاك لانك مبتفهمش وانا اكتر حاجه بكرها الغباء عم اذنك ..وسابو ومشي
علا قامت من جمبهم وقالت ..لا بقى انا مش هسكت اكتر من كده عن اذنكم
فتون ضحكت وتقى قالت..رايحه فين المجنونه دي
فتون قالت..علمي علمك
علا راحت لخالد وقالت لنادر..عن اذنك هاخد خالد منك شويه
نادر بصلها وابتسم وقال..يا عم براحتكم ...اسبكم انا
نادر مشي وخالد ضحك وقال..عايزه ايه يامجنونه
علا قالت..عايزه اقف معاك نتكلم نعمل اي حاجه انا زهقت ها بقي قولي لايقه عليا العبايه
خالد بصلها بتركيذ وقال...اوي ..حلوه اوي
علا ابتسمت بكسوف بس خالد بص على نادر يشوفه راح فين وكان وقف جمب فتون خالد رجع بنظره لعلا بسرعه وابتسم لها
علا بصت مكان ما خالد بص شافت فتون افتكرتو بيبص عليها قالت بغضب...والله ..ايه عجباك اوي ..لو عجباك روحلها بدال ما تعذب نفسك كده.... وكانت هتمشي وهيه متعصبه جدا
بس خالد شدها بسرعه قربها ليه جامد وفضل بيبصلها باستغراب وقال...اوعي يكون الي في بالي صحيح..هو انتي غيرانه..بتغيري عليا...انتي عارفه الي يغير على حد يبقى ايه
علا بلعت ريقها بتوتر وقالت بتوهان...يبقى ايه
خالد قال وهو بيبصلها باعجاب واضح...الي يغير على جد يبقى ...بحبو ..
علا بصتلو بارتباك شديد وبعدت عنو وقالت.لا طبعا حب ايه وزفت ايه انا بس خايفه على منظري قدام الناس مش اكتر
خالد قال...اممممم قولتيلي..طب بمناسبه شكلك قدام الناس انا عايز اوري اناس دي كلها اني مش شايف غيرك
علا بصتلو باستغراب وقالت..وده ازاي بقى
بس خالد شدها من ايدها بسرعه ووقفو في ساحة الرقص وبقى يرقص بيها رقصه جميله جدا ويتحركو عل نمط واحد وعيونهم على بعض بطريقه تجنن
فتون وتقى بصو لبعض وبقو يضحكو ويصوروهم ويسقفو بفرحه ونادر كمان ضحك لان خالد بطبعو خجول ومش من عادتو
خلصو الرقصه وفضلو كلهم يتكلمو ماعدا فتون الي حست انها دايخه وعايزه تنام استأذنت ونادر طلعها اوضتها ونزل هو
اماسراج كان واقف بعيد عنهم وماسك كاس في ايده وبيشرب واتقدمت عليه تقى وقالت..احم..يا ريت متكترش في البتاع ده احسن تسكر
سراج بصلها وسرح فيها جامد وقال ..متخافيش مستحيل اسكر لاني اصلا سكران..ومن زمان قوي
تقى بعدت نظرها عنوولسه هترد نادر ندالها
سراج اتغاظ جدا ومسكها من ايدها وقال...جاي معاكي
تقى ضحكت وقالت...جاي فين هو انا مسافره دول خطوتين هشوفه عايز ايه لتكون فتون تعبانه ولا حاجه
تقى مشيت وسراج كان هيتجنن عايز يعرف هيقلها ايه
تقى وقفت قدام نادر وقالت..نعم يا نادر فيه حاجه
نادر قال بحرج شديد..اه فيه كنت عايز اعترفلك بحاجه كده بس ورحمت طارق ما تزعلي مني
تقى قالت بقلق..فيه ايه يا نادر خوفتني
نادر قال ..احم انا الي خطفت مريم علشان سراج يطلع هو مكانش يعرف بحاجه
بقلمي...زهرة الربيع
تقى برقت بشده وقالت بصدمه..انت ...انت ازاي يا نادر..ليه...
نادر قال بحرج...احم..مش هقدر اقولك حاجه دلوقتي بس عايزك تسامحيني والله انا ملقتش حل تاني وكان لازم اخرجو
تقى بصتلو بغضب. وقالت..مش محتاج تشرح اصلا واضح انك طلعتو علشان المناقصه دي ..علشان محتاجو في شغلك ..وعلشان شغلك ميوقفش وقفت ضدي وسبت حق اخوك
نادر قال..اهدي يا تقى..اقسملك بأغلى ما عندي ورحمت طارق اخويا الموضوع اكبر بكتير انتي طول عمرك بتصدقيني يا تقى والله ما بايدي
تقى اتنهدت وقالت...خلاص يا نادر الي حصل حصل وانا اصلا اتفقت مع سراج اننا نطلق اول ما ننزل من السفر كل واحد هيروح لحالو وساعتها حتى انتو مش عايزه اشوفكم
تقى لسه هتمشي ابتسم بمكر وقال..اه طب يعني اكيد هتطلقو ابشر نهى
تقى بصتلو وقالت باستغراب..نهى مين...وتبشرها بايه
نادر شاور على نهى وكانت واقفه مع سراج وقال..دي نهى وتبقي بنت صاحب بابا الروح بالروح ومن اول ماشافت سراج وهيه هتموت عليه انا الصراحه قلتلها مفيش فايده سراج بحب مراتو قوي بس هيه قالت انها مستحيل تيأس ..فبما انكم هتطلقو يبقى اقولها واهو بالمره سراج يحل عنك ..زي ماانتي شايفه البنت قمر واكيد هتنسيه
تقى بلعت ريقها بتوتر شديد وحست بنار جواها وهيه بتبص لنهى ولبسها الي كان شفاف ومكشوف وبقت مركذه على سراج ومش قادره تنطق
نادر ابتسم لما شافها سرحانه وقال... ها... روحتي فين اقولها ولا ايه
تقى قالت بغيظ وعصبيه...تقولها ولا متقولهاش انا مالي ..ايه ده..ومشيت وهيه متوتره وهتطق وراحت تشرب حاجه
نادر ضحك وسراج كان متابعها بنظرو وشاف عصبيتها وتوترها راح وراها بسرعه ووقف قدام نادر وقال بغضب...مالها انت قولتلها ايه
نادر ابتسم وقال...الي قولتهولها بكره هتشكرني عليه انت بس متشغلش بالك ويلا الشركا بينادولنا خلينا نتفق
سراج ايسغرب كلام نادر وبص على تقى وكان عايز يرحلها بس نادر فضل يستعجلو ومشي معاه واجتمعو بالشركا وفضلو يتكلمو في الشغل ومشغولين جدا
تقى اتنرفزت انو مهتمش بيها وفضلت تبص عليه بغيظ
عند فتون خدت دش وطلعت علشان تنام بس الباب خبط راحت تفتح وهيه بتقول...وبعدين يا نادر قولتلك كويسه و
بس اتفاجأت بادهم قدامها الي استغل انشغالهم بالاحتفال والشغل وطلع لها وهو مش شايف قدامو من السكر
فتون بصتلو بقلق وقالت..خير يا أدهم فيه حاجه
أدهم حط ايده على بقها وزقها وقفل الباب وهو بيبصلها بنظرات مخيفه وقال..عايزك انتي ووووو