رواية رسالة الي أحدهم
الفصل الرابع والاربعون 44
بقلم بنت الجهمي
دكتور صادق / اللي هو مين وكان بيعمل ايه
انعام / ما ينفعش اقول حاجة هو مصور اعترافى صوت وصوره وكمان مصورنى و انا عريانه وكمان وهو يعمل معايا حاجات وحشه
دكتور صادق / اعتراف ايه فهميني بس وانا لو اقدر اساعدك هاساعدك
انعام / انا دخلت زي ما بقولوا دايره مغلقه ربنا يسامحني و وما يكشفش ستره عنى
دكتور صادق / ما تخافيش من حد اتكلمي اتكلمي علشان خاطر تفوقي وترجعي بيتك
انعام / ما عادش ينفع انا خلاص انتهيت بايدي مش بايدي حد
دكتور صادق / هو في حد مهددك وانتى فعلا حامل
انعام / مع الاسف حامل انا اللي عندي سبع احفاد وتسع اولاد و حامل من الخطيئه
دكتور صادق / افهم ازاي
انعام / ما ينفعش يا دكتور لو بتحب تعمل خير ساعدني العيل ده ينزل
دكتور صادق / طب ليه حرام اعمل كده انتى على وش ولاده الطفل
انعام / ده مش طفل دلعنه هتحل عليه ارحمني وساعدني ينزل
دكتور صادق / ما اقدرش اقتل روح ملهاش ذنب
انعام / ذنبها انها بذره حرام
صادق / انتى ما عدتش هتاخدي مهدئات علشان الطفل وعلشان انتى مش مريضه هاكلم اخوك او اللي جابك هنا يستلمك
انعام / خليني متحميه هنا بيكم خايفة اخرج من هنا
مديحة / دكتور في حاله جايه مبهدله الدنيا ارجوك تعالى
فهد / بيكلم محسن امين الشرطه ايه يا ابني لسه ما قبضتوش على الزفت ده
محسن / الشيخ درديري يالهوووى فكرتنى بالغالى د محدش عارفه هو راح فين الشيخ درديري اتخطف من بيته
فهد / نعم يا اخويا انخطف ازاى امال لو ما كانش قريب الناس الوصله هو في ايه
محسن / علمي علمك كل اللي اعرفه عن موضوع الشيخ درديري ان مراته قدمت بلاغ بان في ناس راجل ملثم و راجل تانى شكله غلط و واحده ست منتقبه جم اخذوه من البيت وهو عطلها 3000 جنيه والراجل الملثم اعطاها 1000 كمان وقال لها لو فتحت بقك هتموتي انت وهو
فهد / هو مش انتم الحكومه بروضة ولا انا غلطان
محسن / احنا الحكومه وانت الشعب مش عارف والله انا دماغي ساح نفسي اعرف مين اللي اتجرا واخذ ولا خطف الشيخ درديري ومش هو وبس دكل حاجه هو مسجلها اصله كان راجل عقر كان بيسجل لكل واحده تدخل عنده كل حاجه ويعمل معاها الفحشاء و كله متسجل صوت وصوره والكاميرات لسه موجوده بس لقيناها متفرغه ما فيش عليها اى حاجه
فهد / والله راجل اللي عمل كده لما انتم عارفين كل ده وساكتين كل ده علشان ايه علشان قريب حد في الداخليه اقفل ربنا ينكد عليك يا شيخ
محسن / اكتر من كده نكد ده الداخليه واقفه على رجل عايزين يعرفوا الشيخ درديرى راح فين
فهد / سلم على الحكومه وقفل التليفون
فرح / مبروك يا قلبي يتربى في عزك انتى وابوه
بدور / عز مين يا حبيبتي ابوه هيفضل كده سواح باجى كل شهرين يقعد ثلاث ايام ويرجع شغله ثاني
فرح / المهم انتى معاكى الفيزا والولاد وعيشي حياتك
بدور / فكرتيني بالولاد عاوزه حد بيعطي درس مخصوص لاولادي ياخدهم الثلاثه شروه كده ما عنديش استعداد اروح بيهم من سنتر لسنتر عاوزه حد يجي البيت يعطى الثلاثه مع بعض تأسيس
فرح / ماشى يا قمر هاكلم ميس هناء لو تعرف حد
بدور / ماشى ياقمر انا نفسي اكل باميه ويكا
فرح / نعم يا روح خالتك غوري يا بت في شقتك انا اللي جبته لنفسي ربنا يكرمك بكريمه تيجيلك
بدور / كريمه تعبانه سمعت انها بتشتكي من جنبها على طول وكشفت كذا مره ولسه تعبانه
فرح / عرفت منين يا فصيحه
بدور / مين ام هيام جارتنا
فرح / ربنا يشفي الجميع
بدور / انا شوفت جوزك النهارده كان واقف على اول الشارع بتاعنآ
فرح / خير يا رب
بدور / ممكن تكون عياله وحشتنه حقه انه يشوفهم واحنا معاكى اهو ما تخافيش
فرح / يجي يا حبيبتي ساعه ما نشوفه هسيبله الشقه واقعد عندك لحد ما يقعد مع عياله ويمشي
بدور / هو ده الكلام الصح وبعدين والله ده شكله غلبان ومكسور اكيد في حاجه لان انا شوفته وهو بيعاملك كويس
فرح / مش عارفه والله الشقه اللي هناك زي ما تكون مسكونه عفاريت
بدور / ما يمكن حد يكون عامل لكم سحر مثلا بالتفرقه او الاذيه شوفوا شيخ كويس يشوف الحكايه دي ايه
فرح / انا ما ليش في السكك دي
بدور / نرجس ما تعرفيش حد يشوف ولا بيعرف في حكايه السحر والاعمال
نرجس / لا و هعرف منين
كريمة / عاوز اعرف انا عندى ايه بالظبط يا دكتور
دكتور صابر / اعملي اشعه على جنبك وهنشوف
كريمة / ما فيش حل غير الاشاعه
دكتور صابر / مع الاسف لا والتحاليل دي كمان
كريمة / خارجه مقهوره علشان هتصرف الفلوس اللي محوشاها اللي هي في الاصل فلوس فرح اللي واخداهم من فهد
الحاجة حميدة / الشيخ اللي في المخزن عامل ايه يا ولدي
مختار / منتصر عمل له حاله رعب علشان كده ساكت مش بسمع صوته
الحاجة حميدة / طب هات الشيخ محمد يقرا في شقه اخوك نشوف هي فيها ايه
مختار / حاضر ياما حاجه ثانيه
الحاجة حميدة / روح هات مراتك هي ملهاش علاج في المستشفى
مختار / خليها يامه بعيد مش ناقصين والله دماغي مستريح من ساعه ما راحت المستشفى
الحاجة حميدة / هاتها يا ابني علشان ولادك اللي على وش ولاده هي اكيد عرفت غلطتها
مختار / لما الشيخ يجي ويشوف شقه فهد فيها ايه بالظبط بعد كده افكر اجيبها
الحاجة حميدة / هبعت منتصر ولا طلعت يجيبها
مختار / اللي انت عاوزاه ياما انا خلاص رميت طوبتها
عمر / ستي انا نازل المركز عمي فهد وصل وعايز يشوف ولاده اجيبهم هنا ولا يروح يشوفهم عند امهم
الحاجة حميدة / خليه يروح يشوفهم عنده امهم يمكن ربنا يسهل الحال ويصلح ما بينهم
عمر / سبحان الله ما حدش بيقول على فرح انها مرات ابوهم كله بيقول امهم امهم والله لو عمتي ماجده كانت لسه عايشه ما كانت اهتمت بالولاد زي فرح مرات عمي ربنا يصلح حالها يا رب
الحاجة حميدة/ هات اختك معاك
عمر / حاضر من عيني العفش جاي بكره يا ستي
الحاجة حميدة / مبروك يا اولاد ربنا يصلح حالكم نفسي نشوف عمكم هو كمان راجع لمراته
مختار /ما اعتقدش ده يحصل يامه
الحاجة حميدة / خلي عندك امل في ربنا ربنا يصلح ما بينهم مراتك تيجي تقعد في بيتك معززه مكرمه حقها علشان ولادك وصورتهم قدام الناس
عمر / هو ده الكلام يا ستي
فهد / طلع شقته وخبط على الباب رغم ان معاه مفتاح الا انه فضل يخبط الاول
فرح / اتفضل حضرتك بسمه نسمه باسم بابا جه يا اولاد وجايب حاجات حلوه كثير
فهد / عامله ايه انتى انا اسف والله مش عارف اللي حصل حصل ازاي وليه اسف
فرح / انا عندي بدور وانت خارج ابقى رن الجرس بتاع شقه بدور
فهد / شاور بدماغه موافق
باسم / ماسك في فرح جامد ماما عاوزك معانا انا خايف
بسمة / وقفت ورا فرح انا خايفه يا ماما شاورت على فهد
بدور / دخلت اقعدى مع العيال و فهد انا هعمل شاي و هاجيب كمان كيكة من عندى
فرح / هزت دماغها موافقه
فهد / وحشتوني كتير من ياجي يسلم على بابا
فرح / يلا يا اولاد فين الحضن بابا الحلو
باسم / بص لفهد ولفرح
فرح / بابي بحبكم وجايب لكم حاجات حلوه كثير يلا حبايبي فين حضن بابي
بسمة / بابي زع.......