رواية عشق احفاد الجوهري الفصل الحادي عشر11والثانى عشر12 بقلم ايه المهدي
وقفنا المرة اللي فاتت علي صدمة حور
حور: اي جوزى
الجد : اه يا حبيبتي مكتوب كتابكوا
سيف: هو في ايه مالك يا مليكة يا حبيبتي انتي مصدومة ليه هو في ايه يا جدي انا مش فاهم حاجة هي مليكة مالها
الجد : يا بني مليكة عملت حادثة صغيرة كده في المعرض وهي فاقدة الذاكرة
سيف بصدمةوغضب : مين اللي عملت حادثة ازاي منعرفش بحاجة زي دي أسيل ازاي تخبي عليناحاجة زي دي
أسيل بتوتر : هو بصراحة محبتش تقلقوا وخصوصا جدي
سيف بعصبية : ده اللي هو ازاي المفروض كنا نعرف
الجد بحزم : سيف انت ازاي تعلي صوتك واحنا موجودين
سيف : أنا أسف يا جدي سامحني انا قلقان علي مليكة ومصدوم
الجد : اتفضلوا كلكوا علي الغدا ومليكة هنعرفها عليكوا واحد واحد
ذهب الجميع علي سفرة الغداء
الجد: مليكة تعالي هنا يا حبيبتي جمبي علشان اعرفك علي اهلك ذهبت حور بتوتر
الجد : بصي يا حبيبتي ده باباكي ودي مامتك اسمها امال وده اخوكي الكبير سراج ودي سها مراته ودي بنتهم ملك وده اخوكي مراد وده ادهم وعز اخوكي الصغير وعرف الجد مليكة علي الجميع
الجد : كده عرفتي عيلتك كلها ده بقا سيف جوزك وابن عمك وانتوا بتحبوا بعض
حور في نفسها: ايه العيلة الغريبة دي لاء وكمان جوزوني كان مالي انا ومال ده كله كان زماني بتخانق انا واخواتي وكمان اللي اسمه سليم ده مخيف ايه العيلة دي
أمال والدة مليكة : مبتاكليش ليه يا بنتي
حور بهمس: طب دي اناديلها ماما ولا اي بقا بس الكلمة مش راضية تخرج والله
امال : بتقولي حاجة يا حبيبتي
حور : لاء ابدا انا شبعت بس مش اكتر
سيف : شبعتي اي انتي اكلتي حاجة
حور بهمس : يا دي النيلة هاتعامل ازاي مع البني آدم ده قال جوزي قال
حور : لاء الحمد لله اكلت
عز بمرح : لاء كملي اكلك علشان نعرف نتعامل مع بعضينا اصل ناوي اخدك نشوف الخيل انتي بتحبي الخيل علي فكرة
حور : خيل هو أنا كنت بركب خيل
حسام بمرح : طبعا وكنتي بتسابقي سيف كمان
حور بهمس: وكمان خيل ده أنا اخري العجلة ودول بيقولوا خيل ربنا يسامحك يا أسيل بس
حور: اه طبعا بس هو مش فاكرة اني كنت بركب خيل
عز : لاء يا باشا سبيلي نفسك خالص وانا اقولك اللي كنتي بتحبيه
سيف بهمس لسراج: انا خايف من اخوك هيجنن مليكة معاه انا عارف فخليه يبعد عنها احسن اقتله
سراج بضحك : متخافش ده هيعلمها كله مليكة هتتحول لوحدة تانية خالص مع عز وحسام
سيف بضيق: بتضحك علي اي يا بني هي مش اختك انت عايزها تتهبل زي اخوك
سراج بضحك : ما هي مراتك برضو اتصرف انت
سيف: لاء يا عز أن هابقي أخرج انا ومليكة واوديها مزرعه الخيل
حور مرة واحدة : لاء
الجد : لاء اي يا بنتي
أسيل لإنقاذ الموقف: لاء هي قصدها يا جدو نروح كلنا مش كده يا مليكة
حور ؛ اه اه نروح كلنا
الجد ؛ طيب حلو نروح كلنا
الجميع : أن شاء الله
الجد : مالك يا سليم متكلمتش من ساعة ما دخلت
سليم : ابدا يا جدي هاقول اي
الجد : مسلمتش علي مليكة يعني
سليم : اه كنت هاسلم عليها حمد الله على السلامة يا مليكة
حور بخوف منه: الله يسلمك
سليم بغموض: أن شاء الله ترجعلك الذاكرة
حور بتوتر: اه إن شاء الله
حور في سرها : اي الراجل ده حاسة هياكلني بقا ده سليم المفروض يسموه وحش خفاش ديناصور اي حاجة كده
قصي : طيب يا سليم اخبار الشركة اي
سليم : الوضع تمام يا عمي والشركة كويسة
سراج : يا بابا طول ما سليم موجود كله تمام
علي الناحية الأخري 💗
في لندن
المجهول: انا لازم ارجع مصر
الشخص: ترجع لمين بس انت جيت هنا من 23سنة يعني حياتك كلها هنا هترجع لمين انت ناسي انت خسرت اي هناك
المجهول : صح خسرت اغلي حاجة ليا بس عيلة الجوهري اكتشفت أنهم مالهمش ذنب ده كله كان نصيب ومحدش بياخد اكتر من نصيبه وكمان لاني ارتكبت غلطة ولازم اصلحها معرفش هيسامحوني عليها ولا لاء بس لازم اصلح غلطتي واكفر عن ذنبي
الشخص: وانا معاك يا صاحبي في أي حاجة تحب نحجز التذاكر امته
المجهول: كمان اسبوعين لما نخلص كل الصقفات اللي معانا
الشخص : تمام انا رايح الشركة بقا
البارت الثاني عشر
صباح يوما جديد في قصر عائلة الجوهري
كان الجميع علي طاولة الافطار
الجد: أسيل مليكة فين منزلتش ليه
أسيل : نازلة يا جدو ورايا
الجد : طيب سليم انهاردة اجتماع مجلس إدارة الاعضاء
سليم : صح يا جدي حضرتك طبعا هتكون موجود وكل الاعضاء
الجد: والله يا بني انتوا بقيتوا مكاني خلاص بقا جدك عجز
رؤي : من ده اللي عجز ده انت لو مكنتش جدي كنت اتجوزتك ده انت احلي من بابا
الجد بضحك: يا بت يا بكاشة
عز : اول مرة تقولي حاجة صح يا بت يا رؤي
الجد : خلاص يا اولاد انتوا دايما زي الاطفال كده
الجد: شهاب ابنك مالك فين
شهاب : انت عارف يا بابا أنه مالك مبيحبش ينزل
الجد: ابعت حد ينزله مالك هيفطر معانا من هنا ورايح مينفعش كده
شهاب : حاضر يا بابا
نزلت حور للاسفل
الجد : تعالي يا حبيبتي هنا جمبي
حور : حاضر
ذهبت حور بجوار جدها
امال : كلي يا حبيبتي علشان شكلك مش عاجبني
حور في سرها: والله الست دي طيبة وحنينة وشكلها بتحب بنتها قوي
باسل وقصي: مليكة مليكة سرحتي في أي يا حبيبتي
حور: ابدا ابدا
نزل مالك للاسفل بمساعدة خدم القصر
الجد: تعال يا مالك يا حبيبي اقعد جمبي سحب الخدم الكرسي المتحرك لجانب كرسي الجد
الجد: مالك بقا يا حبيبي مبتنزلش تاكل معانا ليه أن شاء الله هتتحسن يا حبيبي انا هاسفرك تتعالج برة بس لازم نفسيتك تتحسن لازم تأكل وتتكلم مع اخواتك وتضحك
مالك: .............
حور بهمس: اي الواد القمر ده تعبان ما هو الحلو مبيكملش
الجد: مليكة عايزة اعرفك ده مالك ابن عمك وليد اخو أسيل وسفيان
حور بمرح : بجد ده ابن عمي ايه القمر ده
الجميع باستغراب من طريقة كلام مليكة ولكن افتكروا كلام أسيل عن طريقة تغير مليكة
حور: اهلا يا عسل تقبل نكون صحاب
مالك :.........
حور : انا عايزة نكون صحاب بس ده انا حتي بنت عمك
عز بمرح : يا واد يا مالك وافق ده مزة العيلة مليكة الجوهرى
سيف بغضب : عز احترم نفسك اي مزة دي
حور بهمس ؛ اهو وربنا الواد ده مسهوك قوي
حور : مافيهاش حاجة بيهزر وايه يعني
سيف : مليكة انتي عمرك ما حبيتي هزار عز ابدا
حور : بجد طيب انا مش فاكرة بس هو دمه خفيف وانا معنديش مانع يهزر
حسام ؛ واد يا عز متاكد انه دي اختك دي كانت بتتعصب لو هزرت معاها كده
عز بمرح : تصدق مش مصدق بس خلاص شكلنا كده هنبقي حلوين مع بعضينا
عز بمرح : تسلمي يا اختي والله حبيبة اخوكي يا لوكة
حور بمرح : والله انت اللي قمر
سيف لسراج : سراج اختك مكانتش بطيق حد يدلعها هو فقدان الذاكرة ده مطول احسن كده لما ترجع ليها الذاكرة هتكون اتحولت وبقت شخصية تانية بفضل اخوك المصون عز
سراج بضحك : والله ما عارف بس عز مش مضمون كل شئ وارد
سيف بغيظ: طيب بطل ضحك بقا علشان علي اخري
سليم : طيب عن اذنكوا بقا ورانا شغل كتير في الشركة انهاردة يلا يا سيف انت وسراج
حور في سرها: اي البني الادم ده غريب حاسة اني شايفة انسان ألي
الجد: ربنا معاكوا يا اولاد ذهب سليم وسيف وسراج للشركة
وذهب قصي وباسل ووليد للفرع الاخر لشركات الجوهري
حور بمرح : أنت اسمك مالك اسمك حلو يا مالك
مالك : ...............
حور: الله يا بني مش تتكسف مني احنا هنبقي صحاب
حور : طب تصدق يا واد يا قمر انت انا مش فاكرة حاجة ومكنتش عايزة اكلم حد بس شكلي كده حبيتك لله في لله
مالك باستغراب من طريقة كلام مليكة
حور : لاء متبصش بعينك الحلوة دي يا جدع
حور : انت عارف انا دلوقتي شخصية جديدة يعني حابة اعرف كل حاجة هنا
وفضلت حور تتكلم مع مالك وكان الجد يراقب ذلك ومالك يستمع لها باهتمام
الجد : انا حاسس أنه مليكة هتكون سبب أنه مالك يتجاوب معاها
شهاب : انا كده برضو يا بابا مالك اول مرة يسمع بتركيز لحد
الجد : خير ان شاء الله