رواية رسالة الي أحدهم
الفصل السادس والاربعون 46
بقلم بنت الجهمي
فرح / انا مش موافقه
فهد / انا جاهز على فكره انا بتاسف لكى كمان مره وانا عارف اني كنت السبب في تعاسيتك وموت ولادك والله ما عارف ليه حصل كده و ازاي
فرح / ما عادش ينفع الندم اللي حصل حصل الحمد لله لعله خير
كريمة / بعد عمل الاشاعه والتحاليل اكتشف الدكتور انها مريضه بالكانسر في مرحله متاخره ولما اخبرها حصل لها حاله من الزهول خرجت من عند الدكتور منهاره
محمود / خير يا ماما الدكتور قال لك ايه
كريمة / قال اني هموت قريب ويا ريت هاموت زي الناس انا هكون زي المسخ وقعدت تبكي انا عندى السرطان و فى مرحلة متأخرة
محمود / ان شاء الله هتنتظمي في العلاج وهتبقى كويسه
كريمة / ده الكانسر يا ابني يعني سرطان يعني غول بينهش فى جسمى يا ريت على كده وبس ده حتى ما فيش عمليه الدكتور بيقوللي هتاخد كيماوي
محمود / ربنا قادر يشفيكى ويشفي كل مريض
كريمة / يا رب يا ابني اتمنى ان ربنا يشفيني وانا كنت اصلح كل اخطائي
الحاجة حميدة / بعد الشيخ محمد قعد اسبوع يقرا قران والشيخ الدرديري اعترف ان انعام زبونه مستديمه عنده وانه عمل لها سحر للتفرقه بين فهد وفرح وانه عمل ما يلزم ذلك
الحاجة حميدة / ارجوكم يا ولادي ما حدش يمانع في اللي هاعمله
طلعت / تحت امرك ياما عاوزه ايه بس
الحاجة حميدة / كل عفش عمك ينزل الجرن و الشقة تفضى من كل حاجة
مختار / طب ليه افهم
الحاجة حميدة / هنولع فيه نحرقه والاجهزه تطلع لله بعد الشيخ ما يشوف ان كان في سحر جواها ولا لاااا
طلعت / مش حرام ياما ما نديهم لحد غلبان
الحاجة حميدة / لا انا قولت تحرق كل حاجه هدوم مراتب خشب كل حاجه ممكن تتحرق احرقها
الشيخ محمد / عندك حق خلى خشب اوضة النوم و اوضة الاطفال يطلعوا لحد غلبان
الشيخ درديري / ابوس ايدك سامحيني انا خلاص حرمت وتوبت لله
طلعت / مش عاوز اسمع نفسك اقسم بالله اقتلك
الشيخ محمد / كده الشقه نظيفه يا حاجه الحمد لله هامشي انا
الحاجة حميدة / متشكره يا سيدنا ان شاء الله هاجي اشرب الشاي معاك فى بيتك قريب
الشيخ محمد / تنوري يا ست الناس
الشيخ الدرديري / طب وانا هتعملوا فيه ايه
الحاجة حميدة/ تمضي اقرار على نفسك بعدم العوده لاعمال السحر والشعوذه ثاني
طلعت / ده بعد اذنك يامه يفضل في المخزن لحد ما يموت ولما يموت يترمي الكلاب السكك
مختار / ده صوره نازله في كل مكان والحكومه بتدور عليه شكله كان مسنود على حد مهم
منتصر / خلاص يفضل هنا لحد ما يموت في داهيه وبعد كده يترمي ولا حد شاف ولا ولا حاجه بدل ما يمشي يعمل لنا مشكله
الحاجة حميدة / انا واثقه انه هيرجع لطريق الله و هيصلى ومش هيفتح بقه مش هيقول هو كان فين ولا مين كان خاطفه
الشيخ درديري / هو ده الكلام يا ست الحاجه والله ما شوفتكم ولا اعرفكم قبل كده
مختار / يا راجل يا كذاب ده انت لسه قاعد معانا اهو
الحاجة حميدة / طلعت خذ مختار معاك وارمي الاخ ده على اول المركز على المصرف العمومي وبعدين روحوا هاتوا انعام من المستشفى
مختار / خليها ياما هي قاعده لحد ما الفرح يعدى هى قاعدة بفلوسنا يعني مكسب للمستشفى
الحاجة حميدة / مرات ابني لما تموت لازم تموت على فرشتها عارف ليه لانها مراتك فاهم ام ولادك لو ماتت في مستشفى المجانين عيالك الناس هتقول عليهم امهم ماتت في مستشفى المجانين فاهم
مختار / فهمت يامه يلا يا طلعت تعالى معانا يا منتصر
بعد المغرب
خرج مختار و منتصر وطلعت خدوا الشيخ الدرديري معاهم متخدر ورموه على المصرف العمومي و ذهبوا الى المستشفى لاحضار انعام اللي كانت مريضه بجد
نرجس / ستي ابويا جه ومعاه امي اروح اشوفها
الحاجة حميدة / انا جايه معاكى يابتى
تمر الايام سريعة الكل مشغول في التحضير لفرح عمر وحمزه ونرجس اما انعام فكانت تعاني من هزال في جسمها وتعب مستديم مش قادرة تقوم من مكانها
فهد / الفلوس اهي وانا راجع تانى الشركه
الحاجة حميدة / بلاش سفر بالليل يا ابني
حمزة / خليك معانا يا عم ده فرحنا اخر الاسبوع
فهد / مش هقدر يا ابني الف مبروك نرجس ناقصك حاجة
نرجس / منحرمش منك يا عمى كله تمام نفسى ترجع مرأتك هى حد محترم و طيبه اوى
مختار / انا عندي فكره يامه ايه رايك نروح كلنا عند فرح ونطلب منها ترجع لاخويا
عمر / هي فكره حلوه والله وخاصه بعد ما اتخلصنا من كل حاجه في الشقه اكيد ما فيش اعمال ولا سحر لعمي ومراته
الحاجة حميدة / انا موافقه بس لو حصل ما يرجعش يقعد في شقته ثاني يفضل في المركز هو ومراته
عمر / عمى ياخد شقتى و انا اقعد مكانه على الأقل افضل جنب توأم روحى حمزة
حمزة / لا خليك فى شقتك و عمى مختار يرجع مكان عمى فهد ايه رأيكم
الحاجة حميدة / لما نخلص من فرحكم نبقى نفكر
نرجس / مرات عمي بنت حلال وهتوافق ان شاء الله
الكل ركب في ثلاث عربيات وراحوا عند فرح اللي اول ما شافتهم فرحت بيهم جامد
بدور / تعالى يا شوقي سلم على الجماعه دول اهلي على فكره
شوقى / سلم عليهم ورحب بيهم ونزل جاب حاجه ساقعه وجه
مختار / استاذ شوقي احنا جايين نطلب منك ايد بنت عمتك فرح لاخويا فهد
فرح / بس انا مش
بدور / عرض ببلاش يكفى أن الكل جاى يطلب ايدك وافقي يا بنت وعيشي حياتك يا حبيبتي انتى شوفتى كتير
فرح / انا مش معترضة ارجع لفهد علشان خاطر الولاد بس مش عاوزه اعيش في البلد هافضل هنا
مختار / براحتك خالص يا ست الناس انتى على دماغنا
فرح / انتم اهلى و اخواتى و مقدرش ارفض لحد فيكم طلب
الحاجة حميدة / مبروك يابنتى عمر روح هات المأذون بسرعة
نرجس / هتحضرى فرحى صح هتكونى بدل ماما
فرح / ربنا يشفي امك ويطول عمرها
نرجس / ربنا يحسن خاتمتنا جميعا الف مبروك
بدور / الغدا جاهز يلا
الحاجة حميدة / انا هاخد الولاد و انت خد مرأتك و اقعد يومين فى فندق ولا اعمل حاجة زى الناس اللى فى التليفزيون ما بتعمل فرح فرأتك و افرح معاها
بدور / عندك حق يا امى و قعدت تزرغد
بعد كتب كتاب فهد و فرح
الحاجة حميدة /انا هاخد الولاد معايا و انتم راحوا لاى مكان يومين تلاته
عمر / مبروك يا عمى حافظ على بيتك و مرأتك دى ست محترمة
حمزة / و ربنا لو انا ماكنت وافقت ارجعلك تانى
فهد / مسك زجاجة المئة و رشها على عمرو حمزة غور يابارد منك له
فرح / اسفة يا ماما مش هقدر ابعد عن ولدى ولا ساعة هم بعد اذنك هيفضلوا معايا
الحاجة حميدة / ههههه كنت متأكدة انك هتقولى كده يلا يا ولاد
نرجس / كان نفسي تحضرى فرحى بس مش زعلانه منك يكفى أن ربنا جبر بخاطرك و رجعت لعمى
فرح / أن شاء الله هنحضر فرحكم و نرجع بالليل الف مبروك
بدور / و انا كمان هاكون مع فرح بعد اذنك يا شوقي
شوقى / دول اخواتك مقدرش اقولك متحضريش فرحهم
مختار / تشرفنا بيك ياراجل ياطيب عوزين نتشرف بيك وتقضى معانا يوم
شوقى / الشرف ليه اكيد هاجى عندكم بأمر الله
الكل مشى و فضل فهد و فرح و الولاد
فرح / هالبس و انزل اوصل الولاد النادى
فهد/ انا جاى معاكم
بدور / رنت الجرس عمو مروان تحت بالتاكسى بأولاد البسوا بسرعة هاروح معاكم انا و عمو شوفى
فهد / مين مروان ده تعرفوا منين
فرح / تعالى معانا هنتكلم فى النادى
فهد / تمام يلا
صباح جديد
بعد عودة انعام البيت كانت شكلها تعبان بجد مهدودة و ديما بتبكى
نرجس / استغفر ربك وصلى و اقرأى قرآن كتير ربنا بيغفر الذنوب مهما كانت
انعام / انا عملت كل حاجة غلط انا تعبانه اوى
الحاجة حميدة / خدى اكلى امك و لو عوزة تروحى للدكتور البسى و انا هتروح معاكى
مختار / يلا يا بنتى علشان تفرشى شقتك مع اخواتك
نرجس / كان نفسي تكونى معايا في يوم زى ده
انعام / خدى مرأت عمك فهد معاكى هى ست كلها خير خليها تسامحنى
نرجس / باست ايد امها و خرجت ركبت مع عمر و نسرين
كريمة / بعد شهر من اكتشاف المرض أصبحت هيكل عظمي مع سقوط شعرها وشحوب بشرتها
حمدان / خدى كلى شوربه الخضار دى ممكن
كريمة / مليش نفس اسفة على كل حاجة وحشة عملتها معاك
حمدان / مفيش اسف أن شاء الله هتكونى بخير
كريمة / انا خلاص ربنا بيعاقبنى انا ظلمت ناس كتير فرح و قدرية امها و بدور اللى خليتها سابت شقتها و مشت و انت كمان
محمود / ربنا يشفيكى يا امى
كريمة / انا اس__________