رواية ابن خالتي الفصل الثالث3 الاخير بقلم هبه غنيم
وصحيت تاني يوم
_صباح الخير يا بوبا
_صباح الخير يا احمد
_اي وراكي حاجه النهارده ؟
_لا هعد في البيت مش هخرج
_طب خشي البسي يلا عشان هنخرج
_انت عبيط يا بني بقولك مش هخرج النهارده
_وانا قولت هنخرج
_يووووه ،اشمعنا يعني
_بصي التاريخ كدا ؟
_٥/١٣ أييه ! دا النهارده عيد ميلادي !
_صباح الفل يا دكتوره
_طيب عادي مش فارقه م زيه زي اي سنه اي الجديد ؟
_انا عايز احتفل معاكي السنه دي متبقيش رزله انا مسافر ومش هشوفك قومي يلا البسي هننزل غصب عنك
وافقت حبيبه بعد إصرار من جدها ودخلت تلبس لبست فستان ابيض في ورد صغير كتير لونه احمر وسيبت شعرها الأسود بس حطت توكه لونها احمر من فوق ومأفورتش في الميكب ماسكرا وليب جلوس وبس ونزلت معاه
_هاا وبعدين يعني اديك نزلتني من الساعه ١ الضهر هنعمل اي ؟
_هنفطر عشان انا جعان
_انت علطول جعان يا احمد
_يلا بس ناكل والله جعان
_ها يا عم هنروح فين ادينا فطرنا
_مفاجاه
_اييييه ! اشمعنا اخترت بولينج !
_عشان عارف انك بتحبيه ..
_بتهزر !عرفت منين !
_مش هقولك يلا عشان نشوف مين ال هيكسب
_هه عمرك م تغلبني
_ هنشوووف
لاول مره من فتره حبيبه تحس نفسها مبسوطه بالشكل دا صوت ضحكتها كان بيرن في المكان كله وأحمد كان فرحان اوي ومستغرب نفسه هو ازاي اتحول وبقا كدا
_اااه معنتش قادر بجد
_يلا يا خسران عشان مش عارف تغلبني مش قولتلك انا ال هكسب
صوت جاي من ورا
Happy birthday to you
Happy birthday to you
Happy birthday to boba
Happy birthday to you
حبيبه دمعت لما لقت احمد واقف وراها وهو مرتب لكل دا يحصل والبنت ماسكه التورته وعليها شمعه
_اي ؟مش هتنفخي؟
حبيبه مسحت دمعتها ولسه هتنفخ
_استني بس اتمني امنيه ....
_اتمني........
هووووف وانطفت الشمعه
_احمد بجد شكرا
_ع ايه يا عبيطه ..
وخرج احمد وحبيبه من الصاله وركبوا العربيه واحمد شغل اغاني في العربيه وفضلو يغنو هم الاتنين ويلفو بالعربيه لحد الساعه ١٢ بليل وروحوا سوا ....
_حمدالله علي السلامه يا بيه انت وهي اي التأخير دا كله ؟؟
_ايه يا جدو اي يا جدو بقا ازيك كدا وحشتني والله
_يا واد يا صايع انت بتقلب الحوار في ثانيه ،انبسطتي يا
حبيبه يا حبيتي اوعي يكون الواد دا زعلك في حاجه قوليلي وانا اقطملك رقبته
_لا يا جدو لاول مره احس احمد حلو كدا
_يا سلام دلوقتي بقيت حلو
_مش عجبك يلا ،طب مكنتش مبسوطه يا جدو واحمد زعلني
_يا شيخه دا احنا لسه ملحقنااش
_يووووه شكلكم مش هتخلصو النهارده انا هدخل انام وبراحه متعلوش صوتكم اوي لو صحيت من صوتكم انت حر يا احمد
_هو كله احمد احمد مفيش حبيبه
ضحكت حبيبه ودخلت تغير هدومها
ورجعت حبيبه تاني لقاعده البلكونه بتاعت بعد ١٢ بليل وتفتكر فيها كل حاجه حصلتلها خلال السنه دي وتفكر بجد هو ليه وصلنا ل كدا
_حبيبه ..
_احمد !!
انت انت جيت أمتي وازاي وبتعمل اي هنا دلوقتي ؟
_جيت النهارده الصبح وكلمت جدو واتفقت اني اجلكم دلوقتي
_ياااه حمدالله علي سلامتك يا ابن خالتي والله، يارب تكون كانت سفريه حلوه وانبسطت فيها
_مكنتش حلوه يا حبيبه كانت ناقصه
_ميهمنيش خليك مع جدك انا داخله انام
مسك احمد ايد حبيبه
_استني يا حبيبه متمشيش
_متمسكش ايدي يا احمد انت هنا عشان جدو بس و الوقت متاخر وجدو هينام ياريت تروح
_حبيبه انت بتعملي كدا ليه ؟
_يعني اي! جدو راجل كبير وبخاف عليه مينفعش يسهر كل دا
_مش بسال علي جدو يا حبيبه مش ملاحظه اني احمد واني واقف قدامك بعد سنه كامله مشوفتنيش ولا حتي كلمتيني مره واحده !
_احمد انت متفرقليش انت فاكر نفسك اي قولتهالك قبل كدا من سنه وهقولهالك تاني انت حي الله ابن خالتي
احمد قفل باب البلكونه مره واحده
_وانتي مش هتخرجي من هنا يا حبيبه من غير م نتكلم زي الناس
_انت عايز مني اي يا احمد افتح الباب كدا انا معنديش حاجه اقولها
_لا عندك كتير واسمحيلي احاول أصلح اي حاجه من ال كسرتها ارجوكي
_م انت خلاص كسرت كدا أو كدا معدش يفرق معدش هيبقي في نتيجه
_لا في
_في اي يا احمد لو واخد بالك انت سافرت وسبتني من غير م حتي تعرفني انت ماشي أمتي مره واحده اختفيت من حياتي من غير اي إنظار
_عشان كنت عارف انك هتزعلي اني ماشي
_دا عزرك !انت عبيط يا بني انت بتقول اي يا احمد انت جيت ضيف علي حياتنا فتره مش اكتر !
_ انا ضيف يا حبيبه !
_ايوا يا احمد ضيف ،انت مكنتش موجود في حياتي بقالك مده طويله وسبحان من دخلك فيها تاني انا كنت لسه متعافتش من ال حصل وانت جيت تاني جيت ليه يا احمد
_انتِ اي ال وصلك ل كدا !
_انت بتسال ! بجد انت بجح يا احمد
_طلعي ال جواك وانا قابل
_مفيش يا احمد انا داخله انام
مسك احمد في ايد حبيبه
_مش هسيبك قولي
_ اقول اي بس خطبت وسبتني يا احمد انت مكنتش شايف اني بحبك بجد !انت ازاي كنت اعمي للدرجادي وانت اكتر واحد ذكي قبلته ف حياتي ،محدش كان بيستحملك غيري ولا حد كان بيستحملني غيرك .مكنش ليا صحاب في الحياه كلها غيرك كان نفسي تفضل معايا بس انت سبتني سبتني ومشيت وعرفت انك سافرت من غير م تقولي يا احمد حتي ازاي تسافر مره واحده من غير م ابقي عارفه ليبييه ،انا غلطت أنا بجد ال غلطت في كل دا انت ارجع ل حياتك يا احمد وانا هرجع ل حياتي وكل واحد في حاله ربنا يوفقك
_حبيبه انا بحبك
طول السنه دي اكتشفت اني بجد مش متاكد من اي حاجه قد م انا متاكد من حبي ليكي ،طول السنه رغم كلامنا ال مش موجود رغم قطعك ليا وسيبتيني لوحدي مسالتيش عليا ولا مره اتاكدت اني بجد بحبك انتي وعايزك انتي
_انت جاي دلوقتي تقولي كدا فاكرني هنط في حضنك يعني وسامحتك ! مش مسمحاك يا احمد اول مره اعرف انك اناني جاي بعد م اكتشفت كدا !انت ازاي كدا ابعد يا احمد عني مش عايزه اشوفك تاني انساني وانا زي م عديت السنه من غيرك هعدي باقي سنيني من غيرك برده
سابت حبيبه احمد وفتحت الباب وخرجت ودخلت اوضتها وفضل احمد واقف مكانه
عدي خمس دقايق واحمد وقف قدام باب اوضتها
_بصي يا حبيبه قولي عني ال تقوليه بس وكتاب ربنا م هسيبك غير وانت ليا ومعايا
_عارفه أن احلي غلطه في عمري كانت احمد ،اني سامحته عن سيبانه ليا واني سمحت ل قلبي يحبه تاني بعد م كسره ،بس اكتشفت أني بجد مبسوطه اني سبته يعمل كدا معرفش ازاي بجد بس هو مريحش فضل
ورايا مده طويله لحد م قررت اقف واسمع منه ولقتني مره واحده بقع في حبه تاني أكني نسيت كل حاجه عملها معايا واهو انت ثمره حبنا ،ربنا رزقني بيكي يا احلي ياسمين في
حياتي بحكيلك كدا وعدي خمس سنين علي الموقف دا احمد رجع واخترني بدل السفر واستقرينا هنا واختار بجد أنه يحب صح ،بحيكلك وانت لسه نونو مش فهماني بس احب اقولك اني هحكيلك الحكايه دي كتير واقولك أن الحب فعلا
بيعالج وان الحب علي قد م بيكسرنا علي قد م بيشفينا برده المهم تبقو فعلا بتحبو بعض بجد
تمت بحمد الله