![](https://blogger.googleusercontent.com/img/b/R29vZ2xl/AVvXsEjtpe6pYcEJjFfMjFIshLCUm703fE1-OA01a2U3nHMZKEbSQuSuMoqvIfSIB7EzigSb1YnX9lItEbBBvwTBrCUYIpyr9HF8nH1Ufw920NS5vld2HCed1nZ-ly-V8-qwS4BsnZHg18yJW_hRuY9LCrdVnpLaPs-aKzP4Wh-zFcy1hWrWs7d_NI9Dp26NfzRA/s320-rw/FB_IMG_1717529741355.jpg)
مسافه ما على طلع آسر قفل الباب
آسر بتلقائية: انت و هشام و اللى جابتكم فى ساعه واحدة
خديجة بصدمة : ايه
آسر برق بصدمة و لفلهم بسرعه و شاف صدمتهم اللى ماليا وشهم
آسر بلعثم : انا انا مكنش يعنى هو
زينب بضحك : اهدى يا بنى خلاص
محمد بصله بابتسامة و قال : مين دا
عائشة : دا دكتور على لسه بيتدرب و يبقى بن عم هشام
آسر بتلقائية: انا كدا عرفت هو تبت لمين
عائشة بصت له و ضحكت و بعدين قالت : دا على طيب و مش شبه هشام
آسر بضيق : اه واضح
محمد باستغراب: هو ايه اللى حصل اصلا معلش
خديجة بحماس : اقولك انا يا حاج و بدأت تحكيله ........ شوف بقى آسر ياخد عشرة من عشره و نجمة و هشام زيرو
محمد بحب : شكرا يا بنى
آسر: على ايه يا عمى انا تحت أمركم و كمل بحرج استأذن انا بقى و الف سلامة
محمد بهدوء : الله يسلمك
و طلع مشى 🚶♂️
محمد : فى حاجة يا عائشة
عائشة بتوتر: هاا لا مفيش
محمد بهدوء : تقدرى تلحقيه و تعتذريله على فكرة
عائشة بتوتر : مش هيدايق
خديجة بغمزة: دا هيطر من على الأرض طير لو روحتى وراه دلوقتى
عائشة بخجل: اسكتِ ...... انا هروح اشوفه
و طلعت وراه 🚶♀️
عائشة بلهفه: نهى
نهى بابتسامة: ازيك يا عائشة
عائشة بسرعه: الحمد الله كان فى واحد طالع من الأوضة دى دلوقت راح فين مشى منين
نهى : راح ناحية الحسابات
عائشة : تمام شكرا يا نهى و مشيت بسرعه
نهى باستغراب: العفو
آسر بتصميم : بس خد دول تحت الحساب
الموظف : بس يا فندم الحساب بيندفع وقت الخروج دا النظام
آسر: انا متفهم دا و هو هيخرج بكرا الصبح يعنى هيبات هنا خد الحساب من اول ما دخل لحد دلوقت و بكرة الباقى
الموظف بتنهيدة: تمام يا فندم زى ما تحب
آسر بابتسامة : تمام تقدر تسحب المبلغ من الفيزا و ان......
عائشة بمقاطعه : آسر
آسر لفلها باستغراب و قال : فى حاجة عمى كويس
عائشة بهدوء : ايوا الحمد الله كويس بس عايزة اتكلم معاك شويه ممكن
آسر بهدوء : طبعاا
الموظف بمقاطعه : اتفضل يا فندم
آسر اخد منو الفيزا و قاله : تمام و وجه كلامه لعائشة و قال : اتفضلي
آسر: هااا فى ايه هتفضلى ساكته
عائشة بتوتر : انا اسفه
آسر بتنهيده : محصلش حاجة خلاص
عائشة بدموع : لا انت بتاخدني على قد عقلى انا والله اسفه مكنش قصدى اقول الكلام اللي...
آسر بمقاطعه : انا لا باخدك على قد عقلك و لا حاجة و اهدى خلاص محصلش حاجة
عائشة : يعنى انت مش زعلان منى
آسر ابتسم لها و قال : لا مش زعلان
عائشة : طب قولى بقى عمو محسن هطلع امتى و لا ازاى
آسر بتنهيده : هيطلع بعد شهر ان شاء الله
عائشة : بس الحكم فاضله سنين
آسر: دفعت الفلوس اللى كان مداين بيها
عائشة : بس كانت اتضاعفت يا آسر
آسر بجدية : اومال انا كنت بشتغل ليه الحمد الله انهم مطالبوش باكتر من كدا
عائشة : الحمد الله و اه ماكنش فى داعى تدفع حاجة
آسر بهدوء : عمى محمد هو اللى مرابينى يعنى فى مقام ابويا و الحمد الله انو بقى كويس
عائشة: شكرا يا آسر
آسر بابتسامة: انا موجود فى الخدمة دايما
عائشة: انت طلع..... دى خديجة بترن
آسر: طب ردى عليها
عائشة : ايوا يا ديجا
خديجة : فينك يا هانم اخدتى الواد و روحتى فين
عائشة بخجل : احنا فى الجنينة
خديجة : طب تعالى يلا علشان لو مشيت اكتر من كدا هتوه جوا المستشفى يدوبك اعرف ارجع الأوضة عند بابا
عائشة: طب يلا سلام انا جايه اهو
عائشة : معلش بقى اسيبك و اطلعهم
آسر: تمام هروح اخلص كام حاجة و هرجع تانى
عائشة: تمام
سابته و مشيت شوية نادى عليها
آسر: عااائشة
لفتله : نعم
آسر بحب : انا لسه باقى عليكِ على فكرة
عائشة بصتله بصدمة و مشيت بسرعه
آسر بابتسامة: دا عبث انا عارف بس عجبنى
اما عند خديجة و هى راجعه الأوضة قابلت مين ايوا ايوا هو عللللى عدت من جمبه بلوية بوز
على باستغراب : مالها دى و بعدين راحه فين يا 164
خديجة :.......
على جرى وراها
خديجة بخضة : فى ايه
على : راحه فين يا 164
خديجة بسخرية : هاهاها دمك خفيف
على بابتسامة: بقولك راحه فين
خديجة : و انت مالك اما شئ بارد بصحيح
على بجدية : دا خارج نطاق الهزار والدك كويس راح فين من هنا
خديجة بضيق : بابا الحمد الله بخير و راحه الأوضة عنده
على بجدية : بس دا طريق غرفة العمليات
خديجة بحرج: ايه دا بجد اومال فين الأوضة
على : ارجعى اخر الممر ادخلى الممر التانى
خديجة : حاضر شك...
على : شوفتى بتبقى حلوة و انت مطيعه ازاى
خديجة برفع حاجب : والله طب تصدق خسارة فيك
على بخبث : هى ايه
خديجة : شكرا
على ببرود: العفو
خديجة بغيظ : بارد
و مشيت