رواية امتلاك بالاجبار
الفصل التاسع عشر 19
بقلم هاجر عبد الحليم
فى فلة الالفى
جاسر فتح الباب وجرى على بنته حضنها
جاسر بلهفة:بسملة حبيبتى انتى كويسة
عيون:متقلفش ياجاسر هى بخير والحمد لله
جاسر بعصبية:اخرسى مش عايز اسمع صوتك تعرفى لو سمعت منك مجرد نفس هطلقك واخلص منك وارتاح
عيون بعياط:هو انا عملتلك ايه علشان تزعقلى كدة الحق عليا انى عايزة اطمنك على بنتك
جاسر:قولتيها ياعيون اهو بلسانك بنتى مش بنتك يعنى ملكيش حق عليها دى لو بنتك فعلا كنتى خوفتى عليها ومكنتيش خليتيها تركب الحصان لوحدها لكن لا هى علشان مش بنتك مكنش فارق معاكى حاجة.....انتى اصلا مينفعش تكونى ام
عيون عيطت جامد جت تمشى بس فاطمة مسكت ايدها وقالت لجاسر:جاسر متتعصبش على مراتك كدة عيب اوى لما تزعقلها قدامنا....لو عايز تزعقلها خدها واقفل عليكوا الباب ومدخلوش حد ما بينكوا لكن دلوقتى انت بتعمل عكس كدة دة اللى ربيتك عليه ياجاسر
الالفى:جاسر ماما معاها حق فى حد يزعق للشيكولاتة دى
جاسر بصله بحد وبعد كدة بص لعيون وقال:بنتى اياكى تقربى منها فاهمة هى انهردة هتبات معايا وانتى خليكى نايمة ف اوضتها لوحدك
وشال بنته وخرج من الاوضة
عيون اترمت فى حضن فاطمة وقالت بعياط:هو ليه مش بيرحم ولا بيخلى رحمة ربنا تنزل...ولا عايزنى ابعد عنه ولا اقرب منه...انا خلاص تعبت منه بجد...انا عارفة انى غلط علشان خليت بسملة تركب الحصان بس والله كنت حطة عينى عليها اللى حصل كانت حاجة مليش يد فيها
فاطمة:خلاص اهدى مفيش حاجة حصلت لو سمحت ياالفى امشى علشان عايزة اتكلم مع مرات حفيدى فى موضوع مهم
الالفى:حاضر ياست الكل
الالفى فى سره:يالهوى لما بشوفها بفتكر نوال واللى كنت بعمله معاها بجد ربنا بيحبنى علشان رجعهالى تانى بس ياترى عيون زيها ولا شكلى نحس وهتعب معاها😱😱
ياترى بقا فاطمة قالت لعيون ايه علشان تخلى علاقتها بجاسر اقوى واحسن؟
فى اوضة جاسر
جاسر نايم وبسملة ف حضنه كل ميغمض عينه ضحكة عيون وصورتها مش مفارقاه مش عارف يعمل ايه بجد حيران راح قام من على السرير اتوضا وصلى استخارة يمكن تريحه وفضل يناجى ربه كتير لدرجة ان عيونه دمعت وهو على سجادة الصلاه
تانى يوم
فى بيت اعتدال
فى اوضة ايات
اعتدال بعصبية:كنتى فين ياايات امبارح الزفت العزبى قالى انك خرجتى مع صاحبتك روحتوا فين ايات اوعى تكونى قابلتيه والله هطلع عين اللى خلفوكى
ايات بخوف:والله ياماما اسراء قالتلى انها عايزة تجيب هدوم قولت اروح معاها ومكسفهاش كتر خيرها باتت معايا قليل اوى تلاقى صحاب جدعان كدة
اعتدال:بت انا حاسة ان فى حاجة مش مظبوطة لو عملتى حاجة قوليلى بدل م والله هقول لاحمد اخوكى وهو يتصرف معاكى
ايات:احمد دة مات بالنسبالى لازم تعرفى انى معنديش اخوات...احمد دة مش راجل ابدا...لو راجل مكنش عمل اللى عمله دة ابدا...وبعدين مومن عيبه ايه ممكن تفهمينى
اعتدال:يابنتى هما اللى رافضين مش احنا اذا كان عليا انا اشيله من على الارض شيل
ايات:لا ياامى انت عايزة فلوس عيلة البحيرى مش عايزة مومن نفسه
اعتدال:عايزانى اجوزك شحات
ايات:لا ياامى مومن مش شحات مومن راجل واساسا نادرا فى الزمن الاسود دة نلاقى رجالة كويسة بقت عملة نادرة
اعتدال:مومن لو ساب اهله هيبقى شحات ساعتها لو جالك مش هقبل بيه مش ناقصين غلب على غلبنا انتى فاهمة واسمعى لو متعدلتيش والله اقل عريس فى الحارة لو قالك هقبل بيه علشان تتربى من الاول والجديد
وسابتها ومشيت
ايات:يارب انا تعبت ومش عارفة اعمل ايه
ترن ترن
ايات:الو
مومن:وحشتينى
ايات بكسوف:وانت كمان
مومن:بكاشة اوى
ايات:ليه عملت ايه
مومن:يعنى انا فعلا وحشتك
ايات:يعنى لازم اقولهالك علشان تصدقنى
مومن:لا مش لازم تقوليها علشان اصدقك...ايات انا نفسى اعملك حاجات كتير بس ربنا يبارك فى عمرى ويجعل يومى قبل يومك
ايات بخوف:بعد الشر عليك...ايه يامومن الكلام دة بترعبنى والله تعرف لو كنت قدامى دلوقتى كنت ضربتك لحد متموت فى ايدى
مومن:طب ايه اللى منعك متيجى
ايات:اجى فين
مومن:ياصبر ايوب حرام عليكى ياايات مش كدة
ايات:ايوة خلاص فهمت عايزنى اجى الفلة مش كدة
مومن:ايوة ياايات والله نفسى اخدك ف حضنى واطمنك نفسى اعمل حاجات كتير بس مش هقولك عليها دلوقتى
ايات بكسوف:مومن الله بلاش الكلام دة بتكسف يااخى
مومن:بتتكسفى يابيضة
ايات:انت فين
مومن:فى قلبك
ايات:مومن فينك بجد
مومن:بكلمك من اوضتى اللى فى القصر ايات رايحة الجامعة انهردة
ايات:والله لسة مش عارفة ظروفى فيها ايه...بس بفكر لا جسمى واجعنى شوية
مومن بخبث:تعالى وانا اريحك دة انا مفيش احن من ايدى
ايات بكسوف:لا لا لا انت كدة بتتكلم بقلة ادب فعلا سلام انا هقفل
وقفلت
فى اوضة مومن
مومن:الو الو ايات...يابنت المجنونة دى قفلت السكة ف وشى انا قلبى بيقولى انها مش هتروح الجامعة انهردة وهتيجى الفلة..يالهوى عليك يامومن شكلك وقعت بالجامد..بسرعة بسرعة قوم البس علشان تروح تلاقيك
وقام بسرعة البرق من على السرير اتوضا وصلى ودعا ربنا انه يبقى معاه ويساعده علشان نيته خير
اول مخلص صلاه لبس وجرى على الفلة
فى بيت الالفى
عيون صحيت من النوم خدت شاور ولبست هدومها وخرجت علشان تطمن على بسملة
فتحت الباب لقت فى وشها جاسر
عيون بخضة:يامامى ايه ياعم متعمل صوت قطعت الخلف حرام عليك
جاسر ببرود:هو انا اللى المفروض اعمل صوت انا كنت خارج فلقيتك فى وشى انتى اللى متعرفيش عن اى بى سى الذوق هو محدش علمك ان قبل متخشى المفروض تخبطى
عيون:اسفة...هى عاملة ايه دلوقتى
جاسر:ملكيش دعوة
عيون:لا ليا انا قاعدة عنها بسببها طالما انا مليش دعوة بيها يبقى اخرج من هنا احسن
جاسر:اطلعى برة ياعيون
عيون:انت قولت ايه
جاسر وهو بيشدد على الحروف:اطلعى برة ياعيون
عيون خافت وخرجت برة الاوضة
جاسر:عايزانى اطلقها قال...اتخبلت دى ولا ايه
فى اوضة عيون
عيون دخلت وجابت الفازة وكسرت بيها المرايا بعصبية
جاسر اول مسمع الصوت جرى على الاوضة دخل لقا عيون واقعة على الارضة اتخض عليها وشالها حطاها على السرير وبيخبط على خدها براحة
جاسر:عيون فوقى ايه اللى حصل عملتى ايه
عيون:ههههههههههههه
جاسر بعصبية:اه يابنت ال
جاى يضربها قلم
عيون خبت وشها فى ايدها وقالت:اسفة والله مش هعمل كدة تانى حبيت اهزر معاك...واشوف خوفك عليا اللى بيخلينى احبك اكتر واكتر
جاسر:انتى ازاى كدة
عيون:كدة اللى هو ايه
جاسر:بتخلينى مش عارف اعمل معاكى حاجة نفسى انعصب عليكى اضربك ازعقلك مش عارف
عيون:لا ياراجل بجد مبتعرفش...جاسر دة انت شوية وهتضربنى بالشلوط
جاسر:ههههههههه لا مش للدرجادى شلوط ايه هو انت تعرفى عنى كدة برده
عيون قربت منه وقالت:يخربيت ضحكتك يااخى....انت ازاى بتخفيهم كدة...تعرف ياجاسر لو ضحكت الضحكة دى فى الشركة هعمل فيك ايه هدبحك
جاسر:لا ياشيخة
ولوى دراعها جامد وكانوا واقين نص وقفة على السرير
جاسر:قولتى هتدبحينى مش كدة
عيون بخوف:انا بهزر معاك سيبنى بقا
جاسر:فكى نفسك مليش دعوة
عيون:هفك نفسى ازاى انت ماسك دراعى جامد
جاسر:اللى يخش عرين الاسد يستحمل اللى يحصل فيه
عيون قربت منه هو بصلها باستغراب بطريقة تضحك وقربت من خده ونفخت فيه بطريقة رقيقة هو حس بقشعريرة فى جسمه فسابها
عيون قامت بسرعة من على السرير وغمزتله وقالت:سلام ياعم الاسد
فتحت الباب لقت فاطمة ف وشها
عيون:ستى
فاطمة:الظاهر انكوا اتصالحتوا يعنى مليش لزمة هنا
عيون:لا ياستى ازاى يعنى متقوليش كدة الحقيقة احنا اتصالحنا والحمد لله
جاسر:خير ياستى فى حاجة انتى بخير
عيون:ايوة ياحبيبى بخير انا بس جيت علشان اقولك انى عايزاك انت وعيون تسافروا اسبوع تغيروا جو
جاسر:لا مش هسافر واسيب بسملة لوحدها
فاطمة:يعنى هتكسر كلامى
جاسر:العفو انا مقولتش كدة
فاطمة:هتسافر ياجاسر علشان خاطرى ومتقلقش على بسملة فى عنيا
عيون:بس انا الصراحة مش مطمنة مش هقدر اسيب بسملة قلبى هيفضل واكلنى عليها طول الوقت
فاطمة:انتوا كدة كدة هتسافروا لو عايزين تاخدوها معاكوا انتوا حرين مش همعنعكوا
عيون بصت لجاسر
جاسر:خلاص ياستى هنسافر وهناخد بسملة معانا كمان مقدرش على زعلك ياسته انا
عيون فرحت وغمزت لفاطمة اللى ضحكت وقالت:تسلملى ياحبيبى ويارب ربنا يهدى سرك مع مراتك
عيون:امين يارب
فى فلة يوسف
ايات دخلت الفلة لقت مومن مستنيها
مومن:كنت عارف انك جاية
ايات:لا ياشيخ بتنجم ولا ايه
مومن:لا قلبى قالى انك جاية
ايات قربت من مومن وقالته:خايفة
مومن:يادى الخوف اللى دايما متملك منك دة...يابنتى دة انا قربت اغير عليكى منه
ايات:بلاش هزارك دة يامومن انا فعلا خايفة انا مش عارفة ايه اللى هيحصلنا
مومن:ايه هنموت ولا ايه
ايات:ههههه والله انت فعلا رخم...امى بتفضل تسالنى كتير على فكرة والدك مغلطتش لما قال امى كل اللى يفرق معاها الفلوس هى فعلا كدة
مومن:انا عايزك انتى مش عايز اهلك انتى مالكة كل حياتى ودنيتى
ايات:احضنى يامومن
مومن:هه
ايات:انت هتحضنى ولا امشى
مومن ضحك وحضنها هى حضنته جامد كانها بتستمد منه القوة
مومن:ايات قسما بالله مش هينفع كدة
ايات:ايه هو اللى مش هينفع كدة دة انا بحضنك بس
مومن:ايات
مومن:قلبها
مومن همس فى ودانها وقال:عايز بيبى
ايات بقها اتفتح جامد من الصدمة
بعدت عنه مرة واحدة بعد كدة قالت:ياميييييييى
وجريت هو جرى وراها لحد ممسكها من ضهرها ودوخها
بعد كدة قعدوا يتكلموا كتير ويهزروا اتكلموا فى طفولة ايات وطفولة مومن عرفته ايه اكتر حاجة بتبحبها فى الراجل وايه اللى بتكرهه وهو برده حكالها كل حاجة عنه وعن حياته
بعد كدة هو حط راسه على رجلها ومسك ايدها وباسها بعد كدة غمض عينه ونام
ايات:والله مينفعش...انت كدة خليتنى مقدرش استفنى عنك ابدا.....اوعدك انى هفضل معاك وهنحارب مع بعض اى حد يفكر انه يفرقنا
بليل
فى فلة الالفى
جاسر نايم فجاه لقا ايد بتملس على وشه بيفتح عينه بخضة اللمسة مكنش حاسسها يلاقى صافى ف وشه😱