سليم بصدمة:بت هو انتى مجنونة ولا بتستعبطى ولا فيكى ايه بالظبط الظاهر القلم اللى انتى ختيه منى خبلك...اتكلى على الله من هنا<br>
مارينا:سليم انا بتكلم بجد<br>
سليم:وانتى مين قالك انى بهزر...امشى من هنا طلبك مرفوض...عايزة تتجوزى واحد صايع مش معاه حتى فلوس علشان ياكل بيها<br>
ايات:احمد مش صايع ياسليم...احمد غلط اه بس هو ندم على كل اللى عمله وربنا بيسامح...اخويا حالته صعبة وانا لازم ابقى جمبه..ومارينا كانت قاعدة معانا وسمعت كل حاجة...واهى بتقولك عايزة تتجوز احمد...صدقنى هيرعاها<br>
سليم بعصبية:انتوا كلكوا مجانين ولا انا اللى مجنون....انتى واعية للكلام...عايزانى اجوز اختى لواحد كان متجوز رقاصة...صايع فى الكباريهات ليل ونهار...قوليلوا اطمن على اخته ازاى وهى معاه.وانتى ياست مارينا لحقتى تحبيه امتى<br>
مارينا بتوتر:حسيته مظلوم...وبعدين شكله فعلا ندمان...ليه متحاوش تساعده وتشغله معاك فى الصيدلية او تشوفله شغلانة تانية لحد ميقدر يثبت نفسه...هو عنده استعداد لدة<br>
سليم:وانا مش موافق<br>
مارينا:وانا موافقة<br>
سليم:ماشى يامارينا...هنشوف كلام مين اللى هيمشى...واتفضلى اطلعى برة...وانتى ياست ايات اتفضلى معاها يلا من غير مطرود<br>
مارينا مشيت بس ايات فضلت قاعدة وقفلت الباب بالمفتاح<br>
فى الصالة<br>
مارينا:انت ياعم رايح فين<br>
احمد:همشى <br>
مارينا:من نفسك كدة<br>
احمد بدهشة:والمفروض اعمل ايه...انا سامع صوت سليم وانا هنا والصراحة ليه حق...مين يقدر يجوز اخته لواحد صايع زييي<br>
مارينا:انت ازاى عديم الثقة ف نفسك كدة....على فكرة انا حسيت من نبرة صوتك انك فعلا ندمان...وانا اهو بقولك موافقة انى اتجوزك علشان تعيش معانا فى الفلة<br>
احمد بدهشة:انتى عبيطة يابت انتى...شكلك خارجة من فيلم كرتون...بقولك ايه انا راجل فاهمة يعنى ايه...يعنى مستحيل اعيش فى بيت مراتى<br>
مارينا:شحات وبيتامر...عجايب والله...وبعدين انت تطول تتجوز مارينا الصمدى...انا وافقت بس علشان صعبت عليا<br>
احمد:لا ياشيخة...ميصعبش عليكى...غالى انا هتكل على الله وماشى...<br>
ومشى<br>
مارينا:ايدة هو مش بجد ولا ايه...دة طلع عنده كرامة...وبعدين مالك ياست مارينا هتموتى وتتجوزيه كدة ليه...معرفش حسيته لما اتكلم مع ايات انه مظلوم ونفسه يبقى حاجة ليه بقا مساعدوش فى حاجة زى كدة...لا الظاهر زى مقال سليم انتى اتخبلتى فى دماغك هو كدة صح..كويس ان ماما مش موجودة كانت كملت عليا<br>
فى اوضة سليم وايات<br>
سليم:قولت لا يعنى لا<br>
ايات:بس ياسليم<br>
سليم:مفيش بس...فيه حاضر<br>
ايات:ياسليم دة اخويا...دة اول طلب اطلبه منك...انت مش بتحبنى ولا كنت بتضحك عليا<br>
سليم:ايه اللى جاب القلعة جمب البحر<br>
ايات:تصور نسيت اساله<br>
سليم:هو مين دة<br>
ايات:اللى بنى القلعة<br>
الاتنين ضحكوا بصوتهم كله<br>
سليم:ايه يابت السكر دة<br>
ايات بغرور:عادى دى اقل حاجة عندى<br>
سليم:اموت انا فى الجامد اللى خلاص بسببه معودتش قادر<br>
ايات قربت منه وحضنته من رقبته وقالت بنبرة دلع:سليم<br>
سليم بيبص يمين وشمال بقلق<br>
ايات:مالك فى ايه<br>
سليم:ولا حاجة بس بدور على مراتى ومش لاقيها...هو انتى بجد ولا انا بحلم...لو مش بحلم اقرصينى خلينى اتاكد<br>
ايات:انت عايز ايه<br>
سليم:بوسة<br>
ايات بكسوف:انت قليل الادب<br>
سليم:على فكرة انا جوزك صحى النوم<br>
ايات بخبث:والبوسة دى هتاخدها ببلاش كدة<br>
سليم:يالهوى هتخلينى ابوسك...دة انتى تومرينى ياست الحسن<br>
ايات قاعدت على السرير وقالت:تعالى اقعد جمبى<br>
سليم قعد ومستينها تتكلم<br>
ايات:ممكن نتكلم بجد شوية وكفايا هزار لحد كدة<br>
سليم:تمام <br>
ايات:انا عارفة انك ليك حق تخاف على اختك من احمد...بس ايه اللى هيجرا لو خليته تحت عينك فترة اتغير كان بها...متغيرش وطلع لامؤخذة انا هطردهولك بنفسى<br>
سليم:بس ياايات<br>
سكتته ايات بقبله نسته اسمه<br>
وبعدت عنه وقالت:علشان خاطرى اديله فرصة واحدة<br>
سليم:انتى عملتى ايه<br>
ايات:ايه بوست جوزى فى مشكلة<br>
سليم:حاضر ياايات هعملك اللى انتى عايزاه مع انى مش مقتنع....بقولك ايه متجيبى حضن نفسى احس بحنان الام<br>
ايات:هههههههه مش انهردة....لما نشوف حوار اخويا...ليك عندى ليلة ولا الف ليلة وليلة<br>
سليم:امرك غريب ياايات...لو كنت اعرف ان مجى احمد هنا هيعمل فيكى كدة....كنت عملت الموضوع دة من زمان...ويارب صبرنى لحد مست الحسن تتكرم علينا وتقولى لقد قبلت بك زوجا<br>
وقلد على ربيع وقال:اهى يارب اللى واقفة اهى يارب...اللى هتخلينى اتهور دلوقتى يارب<br>
ايات ضحكت بصوتها كله وخرجت من الاوضة<br>
وحطت راسها على الباب وقالت:شكلى حبيتك ولا ايه ياسليم<br>
سليم:قولتى حاجة يالولو<br>
ايات:ها لا سلامتك <br>
سليم فتح الباب وقال:ايات استنى<br>
ايات:نعم فى ايه<br>
سليم:هاتى رقم احمد....حابب اتكلم معاه<br>
ايات بفضول:هتقوله ايه<br>
سليم:اقول اللى قاله انتى مالك...هتجيبه الرقم ولا ارجع فى كلامى...<br>
ايات:لا خلاص هديك الرقم <br>
فى المستشفى<br>
جاسر:خير يادكتور طمنى<br>
الدكتور:مخبيش عليك الحالة حرجة اوى...البنت مش عايزة تفوق خالص...على العموم احنا مفيش ف ايدينا غير نستنى 24 ساعة<br>
<br>
<br>
<br>
<br> جاسر بقلق:طب لو عدت 24 ساعة ومفيش جديد هنعمل ايه<br>
الدكتور:خلى عندك ثقة ف ربنا وتاكد انها هتقوم بسلامة ان شاء الله<br>
جاسر:انا عايز اطمن عليها...عايز اقولها متسبنيش...ارجوك يادكتور انا عايز اشوفها...دى لولاها كانت بنتى دلوقتى ميتة...دى فدت بنتى بروحها...لا مينفعش تسيبنى...انا عايز اخشلها<br>
الدكتور بحزن:جاسر بيه حضرتك مؤمن وعارف ان دايما الانسان ...ومعرض للابتلاءات اهم حاجة نصبر ودعى ربنا...ونكون عندنا ظن كويس بيه....ان شاء الله تقوم بسلامة....تقدر تخشلها بس ياريت فترة صغيرة مس كبيرة...دة لمصلحتها...احنا دخلناها العناية علشان تكون تحت الملاحظة...تقدر تخشلها هناك<br>
جاسر:شكرا ليك<br>
فى اوضة العناية<br>
جاسر دخل وقعد على الكرسى ومسك ايدها وباسها وعينه عمالة تدمع بحرقة عليها<br>
جاسر بعياط:اوعى تروحى منى ياعيون...انا مصدقت لقيتك....انتى مش انانية علشان تعملى فيا كدة...حياتى من غيرك كلها اسود ف اسود....قومى علشان خاطرى انا روحى ناقصة من غيرك..قومى وفتحى عنيكى علشانى..عيون ابوس ايدك اوعى تسيبينى يارب وحيات حبيبك النبى اوعى تاخدها منى....دى هى اللى خلت حياتى ليها معنى....يارب انت رحيم وعارف حياتى من غيرها كانت عاملة ازاى<br>
ايدة مسكت نبض ايدها فجاه لقيته بيقل قلق وخاف<br>
جاسر بقلق:لا مستحيل دة يحصل...عيون انتى مش هتسيبينى...فاهمة<br>
قام وعمال يصرخ ويقول:دكتور يادكتور ابوس ايدكم حد ييجى يشوفها مراتى بتموت<br>
الدكتور جى هو وكذا واحدة معاه شافوا نبضها لقوا فعلا على وشك انه ينتهى...حاول يفوقها بالجهاز مش عايزة تستجيب...حاول بكل الطرق بس للاسف النبض انتهى<br>
الدكتور بحزن:شكلها هتدخل فى غيبوبة طويلة الامد....احنا منعرفش هى ممكن تفوق منها امتى<br>
جاسر راح للدكتور ومسكه من قميصه وقال بصريخ:مراتى هتقوم انت سامع هتقوم اعمل كل اللى تقدر عليه وانا هديك من جنيه لمليار...عيون قومى<br>
الدكتور:جاسر بيه افمهنى انا دكتور وبقولك ان المريضة مش هتقوم..احلنا نشيل الاجهزة وجودها زى عدمها<br>
جاسر:يعنى ايه<br>
الدكتور بخوف من رد فعله:يعنى اعتبرها ماتت...المريض اللى بيدخل غيبوبة من النوع دة بنعتبره مات...انا اسف فى اللى بقوله بس دى الحقيقة...تعالوا شيله الاجهزة<br>
جاسر بصريخ:اوعوا محدش يقرب من الاجهزة...عيون هتقوم<br>
وراح لعيون عمال يهز فيها وبقول:عيون...عيون فوقى...يارب لا ونبى يارب لاااااا...يامييييييي<br>
وعمال يعيط ويصرخ <br>
فجاه عيون حركت ايدها وخدت نفس جامد وقالت:جاسر....جاسر<br>
جاسر بفرحة مسك وش عيون بايديه وقال:عيون انا جمبك....وجعتى قلبى عليكى...انتى كويسة...قوليلى انك كويسة<br>
الدكتور:جاسر بيه ممكن تخرج خلينا نشوف حالتها بقت عملة ايه دلوقتى<br>
جاسر:حاضر<br>
جاى يمشى بس عيون مسكت ايده <br>
بصلها بدهشة وبعد كدة بص للدكتور وقال:خلينى جمبها...مش عايز اسيبها<br>
الدكتور:جاسر بيه ينفعش كدة...خلينا نعرف نشتغل..بعد اذنك اتفضل برة<br>
جاسر:حاضر<br>
فى شقة ما<br>
طق طق<br>
احمد:اتفضل ياسليم<br>
سليم:هو دة المكان اللى انت قاعد فيه...اومال فين صاحبك<br>
احمد:مش هنا...قاعد على القهوة تحت<br>
سليم:وانت مش قاعد معاه ليه<br>
احمد:مبقتش احب الاماكن دى...انت جاى ليه<br>
سليم:مارينا اختى عايزاك....الحقيقة انا مستغرب رد فعلها...اول مرة تكون عايزة حاجة بالشكل دة.....اسمع يااحمد انا هسالك سوال...انت عندك استعداد تتغير او لا<br>
احمد:انا تعبت ياسليم مبقتش قادر نفسى احب واتحب واتجوز واعيش فى استقرار بس مش هعمل كل دة لوحدى...انا محتاج مساعدتك<br>
سليم:تعرف لو زعلت اختى...او فى يوم جت واشتكتلى منك هعمل فيك ايه<br>
احمد بدهشة:معنى كلامك انك موافق على جوازى من مارينا<br>
سليم:مش قبل م اتاكد انك فعلا اتغيرت<br>
احمد:طب قولى اعمل ايه علشان اكدلك انى اتغيرت<br>
سليم:انت خريج ايه<br>
احمد:خريج كليه تجارة<br>
سليم:هشوفلك شغلانة كويسة اهم حاجة تثبت نفسك فيها...انا مش هقدر اساعدك...لازم انت تساعد نفسك...ولو لقيتك بقيت انسان كويس....هعلن جوازك من اختى...ومتقلقش مرتبك كويس وهتعرف تعيش انتى وهى مستورين<br>
احمد:هو انا ينفع احضنك<br>
سليم:افندم<br>
احمد:هههه حضن راجل لراجل يعنى<br>
سليم:هههههههه تعالى ياعم<br>
وحضنوا بعض وسليم واثق ان احمد اتغير...وهيقدر يسعد اخته<br>
فى اوضة مارينا<br>
ميرفت:يعنى انتى حبة فعلا تتجوزى احمد<br>
مارينا:ياجدعان انتوا مالكم مستغربين كدة ليه...دى قبول...حاجة بتاعة ربنا مش بتاعتنا....وكمان حسيته راجل وجدع فى نفسه لولا ظروفه وحبه لعيون مكنش عمل اللى عمله<br>
ايات:احمد طيب يامارينا...وهيحبك طول عمره نفسه يحب...كان دايما بيقولى لو لقيت واحدة تحبنى مش هبخل عليها باى حاجة<br>
طق طق<br>
سليم:ممكن ادخل<br>
ايات:اتفضل ياسليم...قولى عملت ايه<br>
سليم حكالهم كل حاجة<br>
مارينا بفرحة:بجد يعنى هتشغله وبمرتب كويس...شكرا شكرا يااحلى اخ فى الدنيا<br>
وحضتته هو معرفش يعمل حاجة غير انه يحضنها<br>
مارينا:انت لسة زعلان منى<br>
سليم:مش من حقى ازعل<br>
مارينا:خلاص ياسليم انا اسفة والله مهعمل حاجة زى دى تانى...سامحنى بقا وحيات ايات عندك<br>
<br>
<br>
سليم:انا هسامحك بس مش علشان خاطر ايات....علشان انتى انسانة كويسة وعارف اختى وتربيتها...بصى انا هحطه تحت عينى فترة لو حسيته انسان كوبس يبقى على بركة الله<br>
مارينا بهزار:احبك ياستمونى<br>
كلكهم ضحكوا <br>
سليم بص لايات وغمزلها بس من غير م اى حد يشوفه<br>
ايات بكسوف:سليم الله<br>
ميرفت:فى ايه يابت انتى...هو كلمك ولا حتى لمسك...الله ايه<br>
سليم بخبث:اه هو انا عملت ايه...ايه الله دى على راح ميرفت<br>
ايات اتضايقت ودخلت الاوضة<br>
سليم باس راس اخته وقال:ربنا يكتبلك اللى فى الخير<br>
مارينا:امين يارب