رواية زواج بالاحتيال
الفصل الاخير
بقلم جمانه السعيدي
اياد ...وصلنا للبيت ويانه امي واختي وهي وياها امه
كتلهم جيبو العشى نتعشى كلنا
حضرت امي الاكل واني كاعد ماطلعت من الغرفه
جهزو الاكل وكعدنا ناكل
مالحكت تخلي اي شي ام نهله بلاكل
بعدين كملنا عشى امي واختي شالن الاكل وجابن جاي
ام نهله...من رخصتك اريد اوصي نهله
اياد...اي براحتج اني راح اوصل امي واختي للبيت وارجع
طلعت برا وصحت يله امي اوصلكم للبيت
امي..لا ابقه يم عروستك واحنا نروح
اياد..قابل شبيه عروستي هسه ارجع عليه
رحت كعدت بلسياره انتضر امي واختي فتحت الكامرا
لان رابط كل الكامرات بلموبايل
شفت ام نهله خلت الربط بلمخده ومااعرف شنو خلت على الحلويات وتوصي بنهله تنتبه ولا تضعف كدامي لان
الضاهر نهله هلمره حبتني صدك
وصلت امي واختي ورجعت للبيت بعدين وصلت ام نهله
وهي الطريق كله توصي بيه على نهله ورجعت للبيت
لكيت نهله مغيره ملابسه ولا بسه سيت نوم وكاعده بلغرفه
اخذت دشداشتي ورحت سبحت ورجعت علكت القاط
بعدين اخذت فراش من الغرفه ورحت فرشته بلغرفه الثانيه
اياد...يله تعاي حبيبتي
نهله...وين
اياد..انام بلغرفه الثانيه
نهله...ليش مانام بغرفتنا
اياد...اني عاجبني انام هنا اني وياج
سحبته واخذته للغرفه الثاني وهي بين عليه الخوف
اياد..ليش خايفه حبيبتي
نهله...لا ماخايفه بس ليش ماانام بغرفتنا احسن
اياد...لا اني عاجبني انام هنا
نهله...بس مااكلت من الحلويات
اياد...انتي الحلو كله وراح اكلج هسه
نهله..استسلمت لان مابيدي حيله واياد تمكن مني وصرت زوجته بلحقيقه
نمنا بلغرفه الثانيه وبعد مارجعنا الغرفتنا
اياد كعدت الصبح قبله سبحت ورشيت من الماي الي قرأ علي السيد وشمرت الحلويات برا
حتى الماي والكلاصات شمرته
اجت امي الصبح جابتلنا ريوك جمانه السعيدي كعدت نهله تريكنا ودخلت سبحت
ام اياد...الف مبروك حبيبي انشاء الله بالرفاه والبنين
اياد..الله يبارك بيج امي الغاليه
طلعت امي وكالت اني اجيبلكم غده
رن تليفون نهله باوعت شفته رقم امه نهله بلحمام
اي جاي تتصل حتى تطمن هسه راح تسمع احلى خبر
بته ازوجت اخيرا
طلعت نهله من الحمام
اياد..امج اتصلت راسا وجه انخطف
اخذت التليفون وراحت الغرفة النوم
اني راسا شغلت جهاز التجسس
نهله...اي اخذني
ام نهله...شلون اخذج
نهله..مااعرف بس احنا مانمنا بهاي الغرفه نمنا بلغرفه الثانيه
ام نهله...خاف انتي حجيتيله اذا عرفت انتي مطلعه العمل قسما بلله اني اموتج خلاص
نهله ...مامطلعته مو كتلج مانمنا بهاي الغرفه
ام نهله.. نهله احجي الصدك خاف هاي فكرتج انتي كلتي
نطلع انام برا
نهله...لا هو فاجئني
ام نهله ...اني هسه جايه
اياد...شويه واجت امها دخلت للغرفه على اساس تطمن خاف بته متاذيه من ليلة العرس
اني كعدت برا وشغلت كامرات الغرفه شفته فتحت المخده وتأكدت العمل موجود بعدين انطت واحد ثاني النهله او وصته تخلي بلمخده الثاني البره
ونطته جيس تخلي منه على الاكل
طلعت من الغرفه
ام نهله...بلعافيه عيوني منك المال ومنها العيال
اياد...الله يبارك بيج شكرا تعبناج ويانه
علما طلعن للباب اني دخلت طلعت العمل من المخده
السيد علمني شلون ابطله دخلت للحمام وبطلته
جبت ورقه بيضه وخليته مكانه وخليته بجيبي
من دخلت للغرفه رجعته للمخده
نهله اخذت العمل الجديد وخليته بلمخده الي نام عليه اياد البارحه
اياد اني جنت اراقبه بلكامرا
امي الضهر دزتلنا غده
اياد..... حبيبتي تعاي نتغدا
نهله...اي اجيت خل اجيب ماعون اخليك بي اكل
اياد..لا شكرا اني اكل بهذا الماعون تريد اجيبلي ماعون تخلي بي من السم الي جابته امها
بليل رحت جبت عشى جاهز وكنت واكف على راسه حتى لا تخلي شي
نهله..نروح انام مثل البارحه بذيج الغرفه
اياد...لا انام اليله هنا
نهله..براحتك
اياد ..صعدت قبلي على الجربايه وتتلمس بلمخده تتأكد من العمل موجود لو لا
خليه بهواها اني قبل اكول مسكينه بس طلعت ابد مو مسكينه نفس طينه امه بلضبط
نمنا اني وياها واني اخر انسجام اريدها حتى تأمن بيه اكثر
ثاني يوم اني حضرت الريوك الصبح
كعدنا نتربك جمانه السعيدي نفس الشي امه اتصلت تتاكد من شغله
نهله...لا العمل مااشتغل والبارحه اياد قرب عليه
شويه امها وتنجلط ماكو شويه مااحس اله اجت دكت الباب دخلت حتى تتاكد من العمل
اياد...اني طلعت من البيت اريده تأمن اني ماموجود وتشتغل براحته اله اخبله
ام نهله.. احجي الصدك خاف انتي نبهتي
نهله...لا شنو نبهته ايجوز العمل بطل
ام نهله...منو بطله بلله اذا هو مايعرف
نهله... اني شمعرفني امبين موهين ابد
ام نهله...مو عليه باجر اشتغله من جديد
اروح اسحب كم فلس من المصرف
نهله....اني هم اريد اسوي دفتر بلمصرف بااسمي
ام نهله...هو دفتر واحد وكل فلوسنا بي بس تخلص شغلة اياد اخذج واروح بلكت نحصل واحد مريش اريد ١٩٠ مليون يصيرن ٣٠٠
نهله...انشاء الله
اياد خليته تتخبل وين ماتخلي العمل اطلعه واخلي بمكانه ورقه لو ابطله واشمرا وابد مااكل بلبيت
بحجة اني اجيب اكل من برا حبيبتي لا تعبين نفسج
حتى الجاي اني اخدره
ام نهله تخبلت شلون العمل مااشتغل
شنو السر
بعد شهر من مراقبتي النهله وامه عرفت كلش هواي شغلات عن حياتهن السابقه لان يكعدن يحجن واني اسجل
وهنا قررتواضرب ضربتي الاخيره
لازم ياخذن جزائهن العادل
بلبدايه بديت بنهله
اياد...اكو موضوع حيل حيل مضوجني ومااعرف شلون احجي بي وياج
نهله...ياستار شكوووو
اياد...كلش مستحي بس انتي حبيبتي ومااكدر اضم عليج
نهله..خوفتني احجي
اياد..امج
نهله...شبيه
اياد...استغفر الله ربي لازم تعرفين اني كلش احبج ومستحيل افرط بيج ابد
نهله.... احجي
اياد...امج جاي تتحرش بيه وتكول اني أولى بيك من نهله
نهله.....هههه اكيد تتشاقا
اياد ...لا احجي صدك امج بعدها زغيره وحلوه ويمكن غيرانه منج
نهله...لا تتشاقا
اياد....زين اني راح اثبتلج امج عدها ١٩٠ بلمصرف تكول انطيك منهن تفتح مشروع
نهله...يااا
اياد...وحجتلي عن زواجاتج السابقه كلهن هادي وياسر وعلي
نهله...ضربت صدري ياا صدك
اياد...اني معليه بلماضي واعرف انتي مالج ايد بلموضوع
المهم انتي حبيبتي بس امج جاي تحرضني عليج وتريد تشاركج بيه
نهله...بس هي السبب بزواجاتي كلهن هي الي جانت تخطط
اياد..اني مسامحج حبيبتي بس ديري بالج منه
طلعت من البيت وأخذت تليفون نهله وياي خاف تتصل عليه قبل لا اوصله
نهله وكعت بلفخ حيل ضاجت من امها
طلعت كبل الحماتي العزيزه
اياد...عندي شغله مهمه اريد احجي وياج
ام نهله...خيررنهله بيه شي
اياد..مااعرف شلون احجي وياج بلموضوع لو ماعزيزه عندي
مااحجي ابد جمانه السعيدي
ام نهله ...خير احجي خوفتني
اياد...بينت حيل ضايج كدامه الصراحه نهله جاي تحرضني على قتلج
....قتلي اني
اياد...اي تكول امي مخليتني سلعه بايدها وتبيع وتشتري بيه
وكل بوم مزوجتني الواحد حتى تقبض فلوس قبلك زوجتي ٣ هادي وعلي وياسر
ام نهله...ياااا عزا
اياد...تكول اني احبك ورتاحيتلك حتى السحر الي خليتي بلمخده طلعته وهي الي مكنتني من نفسه
وهسه اخر شي تكول اكو ١٩٠ مليون بااسمج بلمصرف
اتكول ذني تعبي وامي خلتهن بااسمه تريدني اقتلج حتى هي تورث كلشي والدليل كل هاي المعلومات حجتهم اليه
اني مااكدر افرط ببج انتي عزيزه عليه
اياد...عفته وطلعت وهي مصدومه من بتها
راسا لبست عبايته وراحت النهله
وهنا اتعاركن عركه ماله مثيل وطلعن كل دفاترهن العتيكه
وحدا تعد وتصف الثانيه وجابن طاري كل عمليات النصب الي قامن بيه وحده تكول للثانيه انتي السبب
الكامرات صورة كلشي صوره وصوت
اني كبل طلعت للشرطه قدمت بلاغ واتصلت على هادي وعلي وياسر حتى يشتكون عليهن
اجت الشرطه ولزمتهن ثنيبنهن
كل واحد منا خله محامي يطالب بحقوقه كل الزواجات كانت مبنيه على الغش والخداع والاحتيال
القاضى أصدر امر بحبس المتهمتين وتعويض كل واحدمنا
يسترجع المهر الي دفعه
اعترفن بكل مصايبهن من البدايه للنهايه
بلاخير انسجنت الام عشر سنوات ونهله ثمن سنوات
وهذا جزاء كل واحد محتال وغشاش لازم ينكشف بيوم من الايام
القصه وصلتي عن طريق زوجة اياد الجديده
لان اياد استرجع المهر ورجع ازوج وحده هلمره على ذوق امه اما باقي العرسان كل واحد بقه يعاني فتره من الزمن يله كدر يسترجع عافيته
هادي ازوج وعندا ولد وعلي ازوج وينتضرالمولود الاول
بس ياسر بعده مايقبل يزوج
تمت