11_سالم وقعت الكبايه من ايده واتسعت عنيه من شدة الصدمه وقال بتهته..م..مين..قولت مين
نادر شك اكتر من ارتباكو وقال ..قلت مرات فؤاد الاولي يا بابا تعرفها
سالم اتوتر جدا وقال...احم طبعا..طبعا اعرفها مش مرات فؤاد اكيد اعرفها معرفه سطحيه يعني لان انا وفؤاد كنا صحاب زمان وهيه كانت بنت عمو وعلشان كده كنت اعرفها بس..بس انت بتسأل ليه
نادر ذاد شكو وقال..لا عادي كنت عايز اعرف هيه ماتت ازاي
سالم بلع ريقه بتوتر وقال بعصبيه..وانا اش عرفني مات ازاي وبعدين ايه الاساله الغريبه دي على الصبح انا هطلع اريح اصلي تعبان عن اذنك
ولسه هيمشي نادر قال بسرعه..انت الي قتلتها يا بابا
سالم بصلو بصدمه وقال..ايه قتلتها قتلت مين انت ..انت اتجننت وكمل بانفعال شديد.. هو الي قتلها علا ماتت على ايده فؤاد هو الي قتلها
نادر قال..علا ..هيه ايمها علا ههه دا كلام فتون حقيقي بقى يعني انت فعلا كنت عايز تتجوزها وطبعا اما مرضيتش واتجوزتو قتلتها مش كده يا بابا
سالم قال بدموع وعصبيه شديده..قلتلك مقتلتهاش ..مقتلتهاش..والله ما قتلتها وقال بهدوء ودموع..انا..انا محبتش قدها في حياتي مستحيل اقتلها ..
نادر اتأثر من دموعو قرب منو وقال بهدوء ..احكيلي يا بابا ..انا هصدقك ..انا اصلا مستحيل اصدق انك تقتل بس الحكايه غريبه جدا ايه الي حصل هيه ماتت ازاي
سالم بلع ريقه وغمض عنيه بوجع وقال..ماتت مقتوله ..انا متأكد ان فؤاد هو الي عملها ..
نادر قال بتستغراب..ليه هو ليه هيقتلها هو مكانش يحبها يعني ولا هيه عملت حاجه ولا ايه
سالم قال بحزن..لا هو كان روحو فيها..وهيه عمرها ماغلطت بس ..بس قدرها كده ..بص يا نادر الموضوع ده متتكلمش فيه ابدا ..ده موضوع عدي عليه زمن وانا مش هقدر احكيلك عليه لو سمحت متضغطش عليا
نادر شاف الحزن على ملامحو والدموع في عنيه قال..بس يا بابا سراج..سراج فاكر انك قتلت امه وهو علشان كده كان عايز يقتلني وبسبب الموضوع الي انت مش عايز تحكيه اخويا مات
سالم اتنهد وقال...بسب الموضوع ده حصلت حجات كتير وناس كتير دفعت التمن من غير ذمب اولهم علا بس كل الي اققدر اقولهولك ان السبب في موت اخوك هو فؤاد فلو بتحب اخوك وعايز تاخد حقو تركذ على هدفك ومتخليش البنت الي جوه دي تلعب بعقلك
سالم قال كده وراح اوضتو وسابو واقف ومحتار ومش عارف ايه الي حصل ولا عارف مين المذنب الحقيقي
فتون بقى كانت قاعده مع علا وبتهديها لانها كانت بتبكي من الي حصل ومش راضيه تهدى
فتون قالت بحزن..بي بقى يا علا ..كفايه دموع بقى وجعتي قلبي
علا قالت وسط دموعها...شايفه بيعملو معايا ايه عايزين يجوزوني خالد ملقوش غير خالد
فتون قالت باستغراب وماله خالد يا علا والله ده ما فيه منو
علا بصتلها بدهشه وقالت ..انتي بتقولي كده يا فتون ما انتي عارفه انو بيحبك ومبيفكرش غير فيكي اتجوز واحد عمره ما جيت في بالو حتي لو انتي تقبليها على نفسك
فتون قالت بحزن...معاكي حق اهم حاجه تتجوزي واحد يحبك بس انا بعد كل الي شوفتو هقولك نصيحه وانتي براحتك ...خالد ممكن يكون محبكيش ومضمنلكش يحبك بس اضمنلك حاجه مهمه جدا انو هيتقي ربنا فيكي وهيقدر مشاعرك وعمره ما هيخليكي تباتي موجوعه عارفه ليه لان عندو قلب طيب يمنعو من اذيتك يا علا مهما عملتي معاه
علا بصتلها بدموع وقالت.. ايوه انا عارفه بس ..بس انا مش حاسه اننا هننفع لبعض
فتون قالت بابتسامه..بس انا متاكده انكم هتنفعو وبكره تقولي فتون قالت يلا بقى روقي ومتزعليش بباكي واخوكي الانسان ملوش في الدنيا غير اهلو اسأليني انا
علا قالت باستغراب انتي ازاي كده ازاي سامحتيه بسرعه كده
فتون ابتسمت بدموع وقالت..علشان انا مزعلتش منو منو علشان اسامحو انا مجروحه من الي عملو بس ..بس بحبو ..بحبو زي ما هو مش قادر اقنع قلبي ان كل ده كدب مش راضي يصدقني
علا نزلت دموعها بس ابتسمت وبقت تتكلم هيه وفتون ومش واخدين بالهم لنادر الي كان واقف عند الباب وسمع كل حوارهم
نادر ابتسم بحزن شديد على كلام فتون وحس قد ايه هو وجعها بتصرفاتو وقد ايه بتحبو واستغرب انها اقنعت علا وكمان وصتها انها تسمع كلامهم مع انها كانت تقدر متعملش كده خصوصا بعد الي عملو معاها
علا طلعت من عند فتون واتفاجأت بنادر قالت.. نادر انت هنا من امتى
نادر قال بهدوء ..لسه جاي حالا
علا قالت ..تمام ولسه هتمشي نادر قال... استني انتي لسه زعلانه مني
علا اتنهدت وقالت..لا مش زعلانه. خلاص..وكمان موافقه اتجوزو بس يكون في علمكم انا هتجوزو كده مؤقت لو حسيت اني مش مرتاحه كل واحد يروح لحاله
نادر ابتسم وقال..وانا اوعدك بكده والله خالد ما هتلاقي زيه
علا قالت..طيب..لما نشوف عن اذنك ..وطلعت على اوضتها
نادر دخل عند فتون وقال بحرج..احم..شكرا
فتون ابتسمت باستهزاء وقالت...معملتش حاجه علشانك فمفيش داعي تشكرني ووقفت وراحت ناحية الحمام وهيه بتعرج
نادر قال..هيه..هيه رجلك لسه بتوجعك
فتون بصتلو وقالت بدموع...ياريت لو تخليك في حالك وملكش دعوه بيا ابدا..وسابتو ودخلت الحمام
نادر اتنهد بحزن وحاول يقوي وفضل مستنيها لحد ما تخرج
فتون خدت دش ولبست نفس هدومها لانها معندهاش حاجه تلبسها وخرجت ولقتو لسه مستنيها استغربت وقالت من غير ما تبصلو ...خير فيه حاجه
نادر قال ...انا بعت اجبلك هدوم شويه وهتوصل
فتون قالت بضيق...شكرا ..مكانش فيه داعي تتعب نفسك يا نادر بيه
نادر اتنهد بضيق وقال..اتكلمي كويس يا فتون مش معني اني هادي معاكي يبقى تقلي ادبك ويلا اطلعي معايا
فتون قالت باستغراب وخوف..على فين
نادر ابتسم وقال..متقلقيش مش هعملك حاجه ..هتطلعي معايا اوضتي هتفضلي معايا من هنا ورايح
فتون قالت باستغراب ..اوضتك ..اوضتك ليه انا مرتاحه هنا و
نادر قرب عليها وقال ..بس انا مش مرتاح عايزك معايا مش المفروض انك مراتي يبقى مكانك في اوضتي
فتون بصتلو باستغراب وقالت...مراتك..ههه..اطلع شوف الي معاك يا نادر وبلاش جنان على الصبح
نادر قال ...اممممم انا على العموم كنت متوقع انك هتتعبيني يلا .وشهقت بدهشه لما شالها وطلع بيها وفتون حاولت تنزل وبقت تقاوم وتقول..بس يا نادر نزلني... نزلني بقولك
بقلمي زهرة الربيع
بس نادر قال بزعيق..بس لتقعي لو البيبي جرالو حاجه هطلع عينك
فتون كمان خافت علي ابنها فهديت وفعلا وصلها اوضتو ونزلها على السرير
فتون قالت بعصبيه..انت باي حق تجبني هنا انا هنزل حالا ولسه هتمشي مسكها نادر بقوه وبص في عنيها وقرب منها قوي
فتون فضلت بصالو ومتوتره جدا من قربو وقالت بتهته..ابعد..نادر..ابعد ارجوك
نادر بقى يقرب اكتر لحد ما بقى مفيش بينهم اي فواصل وقال...ليه..خايفه
فتون بلعت ريقها بتوتر وقالت..انا ..انامش خايفه ..انا تعبانه وو..وعايزه انام
نادر ابتسم ابتسامه جانبيه وشدها من ايدها وقعدها على السرير وقال..انا رايح الشغل انتي هتفضلي هنا وتعقلي كده لانك لو نرفزتيني هتزعلي قوي يا فتون مش معنى اني جبتك هنا تفتكري اني حنيت انا بس عايزك تنامي كويس وتاكلي كويس علشان الي في بطنك... تمام
نادر لسه هيخرج فتون قالت ..ليه هو انا مش هعرف انام كويس غير في اوضتك ما القصر مليان اوض تانيه
نادر بصلها بنظراتو الي بتسحرها وقال ...القصر مليان اوض بس هو نادر واحد الي مش بتقدري تنامي غير في حضنو ..ولا بقيتي تقدري
فتون فضلت تبصلو بحب شديد ونسيت نفسها وهزت راسها ب لا ..
نادر ابتسم بفرحه شديده ومشي وسابها واقفه مكسوفه من الي قالو وافتكرت كلامها ليه كانت تقولو انها مش بتعرف تنام غير في حضنو حتى لو كانو زعلانين كانت متقدرش تنام الا في حضنو اتنهدت وقعدت على السرير وقالت ..مش هينفع كده لازم تنسيه لازم
اما سراج بقى من اول شروق الشمس طلع على البيت الي حابس تقى فيه ورغم انها مش حابه تشوفه ابدا لاكن مقدرش يمنع نفسو انو يروح يطمن عليها
تقى اول ما شافت باب الاوضه بيتفتح قلبها بقى يدق بخوف ورعب
سراج دخل و بصلها وشاف الخوف الي في عنيها قرب منها وقال..عامله ايه دلوقتي معرفتش انام من خوفي عليكي
تقى بصتلو وقالت بخوف..ايه الي جابك ..اياك تقربلي والله اموت نفسي اياك تلمسني
سراج بصلها بزهول وقال بحزن..اهدي يا تقى انا مش حيوان علشان تخافي مني كده ومش كل ما هاجي يبقى جاي علشان الي في دماغك و
تقى قاطعتو وقالت..امال جاي ليه..ها جاي ليه ..ما انت كل ما بتجي بيكون علشان كده بتغت*صبني وتمشي مش ده الي بيحصل
سراج اتسعت عنيه بصدمه وقال بغضب...اغت*صبك...انتي مجنونه..انا جوزك ..جوزك افهمي بقى
تقى قالت بغضب وزعيق..لا..لا انت مش جوزي ..مش جوزي الجواز قبول وانا مش قابله بيك ابدا جوازنا ده في دماغك انت بس ..اما انا مرات طارق..طارق النوري جوزي وهيفضل جوزي لحد ما اموت
بقلمي زهرة الربيع
سراج اتحولت ملامحو لغضب مرعب وضر*بها قلم قوى وقعها على الارض وقال بعصبيه شديده..اخر مره اسمعك تقولي كده انتي مراتي ..وانا جوزك .ويا اما تقبلي وترتاحي يا اما هتفضلي في جحيمي طول عمرك
تقى بصتلو بدموع وبقت تبكي بانهيار شديد وتقول..يا رب انا عملت ايه..عملت ايه زعلك مني يا رب ....وبقت تبكي بصوت يبكي الحجر
سراج بص لحالتها ونزل لمستواها وقال بدموع..يا تقى ارحمي نفسك وارحميني ...انا بعشقك يا تقي..اقسم بربي ما عرفت احب غيرك عشقتك و..عشقت عذابي.. معاكي انا بقيت اتمني العمى علشان مشوفش نظرة الكره الي في عنيكي
تقى غمضت عنيها بالم وبقت تبكي وسراج حضن وشها باديه وقرب من شفايفها باسها برقه شديده عمره ما عاملها بيها وبعد عنها بحزن شديد وخرج من غير ما يقول حاجه
تقى فضلت مستغربه رقتو وكلامو والاغرب انو مقربش منها زي العاده حست بحزن عليه اول مره تحسو
سراج بقى قضي بقيه يومه وهو يلف بعربيتو بحزن وخيبة امل وباليل طلع على نايت كلب متعود يسهر فيه وفضل يشرب من غير وعي وهو بيفتكر كلام تقى وكرهها ليه حاسس ان عمرها ما هتحبو ولا حتى هتتقبلو نفسة ينساها وعايز يشغل نفسو علشان ميروحلهاش حس بايد على كتفو بص يشوف مين واتفاجأ ببنت جميله جدا قال باستغراب..نهى ..انتي ايه الي جابك هنا
نهى قالت...بدور عليك يا سراج ايه الي انت عاملو في نفسك ده
سراج مسك الكاس وشربو مره واحده وقال بسكر..مالي ما انا تمام اهوه اااااااخر تمام
نهى قالت بضيق...انا كنت فاكره انك الوحيد الي هتساعدني بس الظاهر انك مش فاضيلي ولا فاضي للدنيا كلها
نهي لسه هتمشي سراج مسك ايدها وقال..استني رايحه فين
نهى قالت..رايحه اشوف حد فايق يساعدني
سراج وقف وشدها ليه وقال بخبث..انتي عارفه ان محدش هيساعدك غيري
نهى ابتسمت ومشت ايدها على خده وقالت..امال انا جتلك ليه
سراج نزل ايدها وقعد مكانو وقال بزهق..نادر مش كده
نهى قالت بغضب..ايوه زفت سمعت انو اتجوز اختك وانا معنديش استعداد اخسرو بعد ما ضيعت عمري وانا بستناه وانا عارفه ان انت كمان مش موافق على جوازة اختك منو علشان كده جتلك انا بحب نادر يا سراج مش هقدر اعيش من غيره
سراج ضحك بقوه وقال...انتي هتقوليلي ما انا عارف انك بتحبيه بأمارة الي بنا يا ناني
نهى قالت بضيق..الي بنا ملوش دعوه بحبي لنادر يا سراج ..وكملت بدلال ..على فكره بمناسبة الي بنا ما تيجي نروح شقتي علشان نتفاهم براحتنا
سراج ابتسم وقال بسخريه..يلا مش خسرانين حاجه... وطلعو سوا على بيتها
اما سراج رجع من الشغل بعد ما قضى طول اليوم مابين الشغل والتفكير في كلام فتون
اول ما دخل القصر سأل الخدم على ابوه قالولو انو نام فطلع على اوضتو عند فتون بس اتفاجأ انها مش موجوده فضل يدور عليها في الاوضه والحمام وروكن الملابس بس مش موجوده
طلع جري وسأل عليها الخدم قالولو دخلت اوضة خالد
نادر استغرب جداو طلع جري على اوضة خالد بس اتصدم واتسعت عيونه بشده لما شاف خالد نايم وفتون قاعده جمبو على السرير وقريبين من بعض جدا
نادر وقف مكانو بصدمه واتحولت ملامحو لغضب مهلك قال بزعيق..فتون ووووووو
الفصل الثاني عشر
12_نادر طلع جري على اوضة خالد بس اتصدم واتسعت عيونه بشده لما شاف خالد نايم وفتون قاعده جمبو على السرير وقريبين من بعض جدا
نادر وقف مكانو بصدمه واتحولت ملامحو لغضب مهلك قال بزعيق..فتون
فتون وقفت بخضه وتوتر وقالت..نن.نادر..انت رجعت امتى
نادر قرب عليها وبصلها بغضب رهيب وقال بطريقه ترعب..بتعملي..ايه..هنا
فتون لسه هتتكلم خرجت علا من حمام الاوضه وهيه بتقول..ملقتش شاش ولا قطن في الحمام و
علا قطعت كلامها لما شافت نادر وقالت بسرعه..نادر الحمد لله انك جيت تعالى شوف ابن عمك طلع عنينا
نادر بصلهم باستغرب شديد وهدي شويه لما عرف ان علا كانت معاها وقال..هو فيه ايه... ايه الي بيحصل هنا
علا قالت بضيق شديد..عريسي سبع الرجال جاي متنيل سكران ومدهول على عينه ومعور ايده كمان طلع عنينا على بال ما وصلناه اوضتو وخايفين ابوك يعرف انت عارف بيكره الشرب قد ايه
نادر بص على خالد لقاه مغمض وبيتمتم بكلام مش مفهوم وبيضحك اتندهد وقال..معلش يا علا انتي عارفه انو اول مره يشرب في حياتو علشان كده واصل للحاله دي انا مستغرب ازي شرب اصلا ده عمره ما عملها
وبص لفتون بحده وقال بغضب وانتي ايه الي يخليكي تقربي منو كده مش شايفه حالتو
فتون قالت بخوف..انا كنت بحطلو مخده ورا ضهره علشان نشربو حاجه يمكن يفوق
نادر اتنهد بارتياح وقال...كويس ان الموضوع كده انا فكرت حاجه تانيه خالص
فتون فهمت انو شك فيها اما علا قالت.. فكرت في ايه مش فاهمه
نادر لسه هيرد خالد قال بسكر...فتون بحبك قوي..قربي يا فتون انا..انا بحبك
علا بصت لاخوها وقالت بنرفزه..سمعتو بيفكر في فتون حتى وهو نايم يا رب تكون مبسوط وانت بترميني الرميه دي ..ومشيت بغضب
نادر اتنهد وقرب من خالد ولقا ايده بتنزف جاب علبه الاسعافات وربطلو ايده وقال من غير ما يبص لفتون...اطلعي على اوضتك
فتون بلعت ريقها بخوف ومشيت ونادر قعد شويه جمب خالد وقال..ليه بتعمل في نفسك كده معقوله بتحبها للدرجادي
عند سراج كان نايم جمب نهى وبيشرب سيجاره وسرحان وبيفكر في تقى
نهى اتعدلت وقالت..هيه برضو..
سراج بصلها بطرف عينه وقال..هيه مين
نهى قالت..مانت لو تعرفني هيه مين كنت ارتحت لا كن ست الحسن سر متخبي ومش بتكشفو الايام
سراج اتنهد وقال.. وانتي مالك بيها عايزه تعرفيها ليه
نهى قالت..نفسي اعرف مين دي الي وقعتك كده وخلت حالك حال بقى ده سراج الطحاوي الي عمره ما اهتم لواحده اكتر من يومين معقوله تيجي واحده تنسيه نفسو دا انت مش قادر تقربلي حتى
سراج قال بضيق..عادي مليش نفس ..سيبك من الهري ده وقوليلي كنتي عيزاني في ايه
نهى قالت ..عايزه ارجع نادر ليا من تاني
سراج قال ..دي سهله جدا لو ركذتي هتعمليها اول حاجه لازم تبقى قدامو اربعه وعشرين ساعه وده مش هيحصل الا لو دخلتي القصر
نهى قالت..وازاي اعمل كده
سراج قال انا هقولك على كل حاجه خطوه بخطوه وكمل بتحذير مرعب وقال...بس فتون خط احمر لو قربتيلها ولا اذيتيها يا نهي هتضطري اتواجهيني انا
نهى بلعت ربقها بتوتر وقالت..لا طبعا هو انا مجنونه يعني انا عايزه نادر يبقى ليا ومش عايزه مشاكل
سراج قال..كده تمام اسمعي هتعملي ايه.....
بقلمي...زهرة الربيع
عند فتون كانت قاعده في الاوضه بتوتر شديد وخايفه من نادر جدا
نادر دخل وقفل الباب جامد وقال بعصبيه...ايه الي دخلك اوضتو انا مش قولتلك متتحركيش من هنا
فتون اتنرفزت جدا من زعيقو وقالت بعصبيه..وانا اعمل ايه اختك نادتلي وكانت سنداه لوحدها ومش قادره تدخلو اوضتو رحت ساعدتها كفرت يعني
نادر اتنهد ومسح على وشو بضيق وقال...فتون..خالد بيحبك..بيحبك لتكوني مش واخده بالك يعني
فتون قالت بغضب..مش ذمبي ..مش ذمبي انو حبني ومش ذمبي اني بنت فؤاد عدوكم ومش ذمبي ان اخوك اتقتل مليش ذمب في اي حاجه من الي بتحصلي ..بس فيه ذمب واحد عملتو وبلعن نفسي عليه ..وكملت بدموع وقالت... ذمبي الوحيد اني حبيتك واستاهل كل العقاب عليه... وسابتو وراحت نامت على الكنبه
نادر بصلها بحزن ووجعو كلامها بس حاول ميبينش قال بضيق..نمتي عندك ليه قومي هنام سوا على السرير
فتون قالت بضيق..انسي انا لو نمت في الحمام مش هنام جمبك
نادر قال ..اه ..عيزاني اشيلك زي الصبح حاضر وقرب منها بس فتون قالت بسرعه..لا لا اسمع ..اصل انا..انا مينفعش انام جمبك خالص ال٣ شهور دول
نادر بصلها باستغراب وقال ليه..احنا هنام بس
فتون قالت بكدب..الدكتوره..الدكتوره قالت كده ..قالت مينفعش انام جمب اي حد احسن يخبطني باليل وقالتلي نامي لوحدك لحد الجنين ما يثبت
نادر استغرب جدا وقال .اول مره اسمع الكلام ده بس مش مشكله اهم حاجه البيبي يبقى بخير يلا قومي نامي على السرير وانا هنام على الكنبه
فتون قامت بسرعه وفرحه اصلا مش قادره تنام على الكنبه وقالت..شكرا والله كلك رجوله يلا تصبح على خير وراحت نامت
نادر ابتسم على حركاتها وكان متأكد انها بتكدب بس محبش يضايقها مع انو بيستغرب معاملتو الهاديه معاها فضل وسط افكارو لحد مانام هو كمان
مر اسبوع بدون احداث تذكر نادر بيعامل فتون بطريقه اهدى من الاول بس لسه بيضغط عليها وبيضايقها بالكلام
فتون بقى دايما حزينه خصوصا انها مش عارفه تشوف ابوها او حتي تكلمو بالتليفون
سراج بقى فضل طول الاسبوع ده ميشوفش تقى ومش بيروح عندها خالص وبيبعت لها الي تحتاجو مع الجارد بتاعو وبيحاول يضغط على نفسو علشان ميضعفش ويروح لها
اما علا وخالد كان حالهم ميفرقش عن بعض التنين مضايقين من موضوع جوازهم ومش بيتكلمو مع بعض خالص لحد ما جيه يوم فرحهم وفعلا كتبو الكتاب وكانو عاملين حفله جميله جدا في ساحة القصر مليانه برجال الاعمال والشخصيات الهامه
نادر كان بيقابل الحضور بابتسامه وطله رهيبه جذابه كالعاده بس فجأه لقا الناس بتبص على مدخل القصر وبص لقا فتون خارجه من القصر بفستان سهره جميل جدا بالون الدهبي ورافعه شعرها بطريقه شيك جدا مع ميكب خفيف حرفيا ابهرت الجميع حتى نادر الي فضل متنح فيها وكأنو شاف حوريه من الجنه
فتون بقت تبتسم للحضور بطريقه شيك جدا وراحت وقفت جمب غلا من غير ما تبص لنادر
علا كانت بتبتسم للناس من غير نفس وبصت لفتون وقالت اتاخرتي كل ده ليه
فتون قالت انا مكنتش هنزل ابدا لان رجلي وجعاني والكعب مخليني مش قادره امشي وخايفه الناس تاخد بالها
علا قالت..مفيش حد واخد بالو من حاجه غير من جمالك الي غطى على القمر
فتون ابتسمت وقالت...مفيش قمر هنا غيرك بس ليه القمر مضايق بقى
علا قالت بغيظ..يعني منتيش شايفه كل صحابي في الحفله والبيه واقف بعيد وهاتك يا رغي مع ده وده وسايبني خالص منظري بقى زباله
فتون ابتسمت وقالت..متكبريش الموضوع كده افرحي بقى
خالد شافهم واقفين فضل باصص على فتون ومركذ معاها شويه وبعدها اتقدم ناحيتهم
نادر شاف نظرات الاعجاب الي بيبصلها بيها اتنرفز جدا واتنهد بضيق شديد واستأذن وراح لهم
خالد قال..اذيك يا فتون انبسطت انك نزلتي
فتون لسه هترد علا قالت بغيظ..طبعا لازم تنزل هو ينفع الفرح من غير فتون مش كفايه انها مش العروسه كمان متنزلش يبقى كتير عليك يا حبيب
فتون برقت ولكمتها في كتفها وخالد بصلها بغضب وقال..لمي لسانك يا علا اقسم بالله اخليكي تتكلمي بالاشاره
علا اتعصبت منو ولسه هتتكلم نادر ادخل وقال..ايه يا عرسان مش هترقصو ولا ايه يلا الناس مستنياكم
علا قالت بسخريه ...وهو يعرف يرقص اصلا انا عمري ما شوفتو رقص في حياتي خلينا واقفين بكرلمتنا احسن
نادر قال بضيق..وبعدين يا علا
خالد قال بعند...طب ايه رايك هنرقص يلا وشدها بقوه من ايدها وبقو يرقصو سوا والناس بتسقف لهم وبتصورهم وعلا انبهرت حرفيا بان خالد هو الي بقى يحركها على انغام الموسيقى وكان بيرقص باحتراف
علا قالت..امممم مكنتش اعرف انك شاطر كده
خااد ابتسم بسخريه وقال...وانتي مش بطاله
علا اتغاظت وقالت...ياسلام على التواضع على العموم كويس اننا رقصنا علشان عايزه اكلمك في موضوع
خالد قال..موضوع ايه ده
علا قالت بكسوف..احمم انا ...انا مش عايزاك...يعني مش عيزاك تقربلي خالص
خالد بصلها وضحك بخفه وقال..وليه بقى بتكهربي مثلا
علا قالت .. بطل خفه انا قصدي لحد ما ناخد على بعض كل واحد يلزم حدودو
خالد شدها عليه بقوه وقال...انا وانتي خلاص مباقش فيه بنا حدود عشان اققف عندها ومع ذاك الي يريحك مش قاتل نفسي علشان اقربلك انا كنت هعمل كده واجب مش اكتر
علا قالت بضيق..اممم واجب واخده بالي على العموم كويس اننا اتفقنا
على جنب فتون كانت بتصقف ومبتسمه بفرحه شديده ونادر بصلها على ابتسامتها وشكلها الي جننو بقى سرحان في ملامحها وعيونها الرمادي الي بيضحكو من كتر الفرحه قال..احم..شكلك حلو قوي انهارده
فتون اختفت ابتسامتها وقالت بصوت هادي...شكرا كلك ذوق
نادر قال...اه امم ...تحبي ترقصي
فتون بصتلو وقالت بضيق ...احب جدا بس مش هقدر بالعافيه لابسه الجزمه اصلا من وجع رجلي
نادر حس بحزن وكان لسه هيتكلم بباه نادالو
نادر قال..نعم يابابا عايز حاجه
سالم قال بغضب..انت ايه حكايتك حاسس ان معاملتك للبنت دي بتتغير اوعى يكون..
نادر ارتبك وقال ..لا ابدا يابا انا بس عايز ابني تكون صحتو كويسه مش اكتر ..متقلقش
سالم قال..يعني اخدتها اوضتك واشتريلها الهدوم الغاليه دي وعمال تتودود معاها كده كل ده علشان ابنك برضو
نادر لسه هيرد اتحولت ملامحو لصدمه رهيبه لما شاف سراج داخل الحفله
سراج اتقدم عليهم بابتسامه مستفزه وقال..مبروك يا نادر مبروك يا سالم بيه
سالم فضل باصصلو بدهشه وابتسامه غريبه ولمعت عيونه بالدموع وقال...سراج ..انت سراج مش كده بقالي كتير مشوفتكش كبرت قوي بقيت نسخه من والدتك سبحان الله نفس ملامحها
بقلمي..زهرة الربيع
سراج بصلو وابتسم رغم الغضب الي في قلبو وقال..شكلك تعرف والدتي كويس يا سالم بيه
سالم خد بالو من كلامو وقال بتوتر..احم كانت ست طيبه ربنا يرحمها..اتفضل بارك للعريس
نادر بصلو بزهول وقال بغضب..يبارك لمين دا يتفضل يخرج بره بدال ما انادي على الحرس يرموه رمية الزباله
سراج ضحك وقال...حد يعامل الضيوف كده برضو انا جايب هديه للعريس هديهالو وامشي وخبط في كتف نادر ودخل من غير ما يستني منو رد
سراج وقف قصاد خالد وقال..معلش يا جماعه اققفلو الصوت شويه علشان هقول كلمتين للعريس لانو اكتر من اخويا
المسأولين قفلو الصوت وخالد والكل مستنين يسمعو هيقول ايه حتى فتون الي كانت مرعوبه ليعمل مصيبه
سراج قال..يا جماعه احب ابارك لخالد صاحبي واخويا واقول الف مبروك با خلود
بس بما انك اخويا احب انصحك لاني ميرضنيش اشوفك بتتخم واقف ساكت
الناس بقت تتساءل ومستغربين ونادر كان هيموت من الغضب وعارف انو مش هيجيبها لبر
سراج قال بصوت عالي..للاسف مراتك مش بنت وكانت في سريري اكتر من مره والدليل معايا اهوه وووو