![](https://blogger.googleusercontent.com/img/b/R29vZ2xl/AVvXsEjtpe6pYcEJjFfMjFIshLCUm703fE1-OA01a2U3nHMZKEbSQuSuMoqvIfSIB7EzigSb1YnX9lItEbBBvwTBrCUYIpyr9HF8nH1Ufw920NS5vld2HCed1nZ-ly-V8-qwS4BsnZHg18yJW_hRuY9LCrdVnpLaPs-aKzP4Wh-zFcy1hWrWs7d_NI9Dp26NfzRA/s320-rw/FB_IMG_1717529741355.jpg)
خديجة : السلام عليكم ورحمة الله وبركاته
_وعليكم السلام ورحمة الله وبركاته
محمد بهدوء: تعالى يا بنتى
خديجة بحرج : اتفضلوا الشاى
محمد بابتسامة: دكتور على طالب ايدك يا خديجة رأيك ايه
خديجة بصدمة: ايه لا طبعا مش موافقة
على بصلها بصدمة و عتاب و قال بحرج : طب عن اذنكم انا فرصة سعيدة بتمنالك حياة سعيدة يا انسه
محمد بهدوء : شرفتنا يا بنى
مشى على🚶♂️😢
عائشة : السلام عليكم ورحمة الله وبركاته
_وعليكم السلام ورحمة الله وبركاته
عائشة باستغراب : مين معايا
_و كمان نسيتى صوتى
عائشة بصدمة :آسر انت انت جبت رقمى منين
آسر : خدته من ماما المهم فكك من دا ااطلعى البلكونة كدا
عائشة : حاضر و طلعت لقيته واقف تحت البيت
عائشة باستغراب : فى ايه
آسر بابتسامة و هو مازال معاها على الفون: نزلى السَبت
عائشة باستغراب: ليه
آسر : ايه الفضول دا بس على العموم كنت بجيب تسالى لينا علشان بابا حابب يسهر معانا قلت جيب لزوجتى المستقبلية
عائشة بهدوء: مفيش داعى على فكرة
آسر بحب : انا عارف انك بتحبى التسالي جدا على فكرة
عائشة بسخرية: و عرفت منين
آسر بمشاغبة: سبق و قلت انى اعرف كل حاجة عنك اصل المراقبة بتجيب نتيجة و كمل بأمر: نزلت السَبت يلا
عائشة نزلت السَبت حطلها الحاجة
آسر بهدوء : ارفعى
عائشة بصدمه: كتير اوى يا آسر ليه كدا
آسر بحنان: اعيش و اجبلك يا ح...عائشة سلام
عائشة بابتسامة: سهرة سعيدة يا آسر
آسر: يلا ادخلى من البرد دا
عائشة: حاضر
ودخلت
آسر جاى يدخل بيته لقى على نازل من عند عائشة و باين عليه الضيق بص لاسر و ركب عربيته و مشى من غير كلام
آسر بضيق: يا ترى الزفت دا كان بيعمل ايه فوق
و طلع
عائشة دخلت لقتهم كلهم قاعدين ساكتين و خديجة متوترة
عائشة باستغراب: مالكم و بعدين دكتور على راح فين
محمد بهدوء: مشى
عائشة بتوتر: هو كان عايز ايه
محمد بهدوء: كان جاى يطلب ايد اختك
عائشة بفرحه : ايه دا بجد مُبارك يا ديجا
محمد بسخرية : لا ما هى رفضت
عائشة بصدمه: اييه ليه يا ديجا كدا دا دكتور على محترم و ذوق جدا
خديجة بضيق: دا معدوش ذوق خالص و بعدين كفايه انو بن عم هشام
عائشه بهدوء: على مختلف تماما عن هشام يا خديجة على مش زيه فى اى حاجة على ميتحطش مقارنه معاه
خديجة بضيق: اهو اللى حصل بقى عن اذنكم هدخل اوضتى تعبت طول اليوم
عائشة بضيق: انا عرفت انتم كنتم مضايقين منى ليه دلوقتى
زينب بهدوء: لو على نصيبها زى ما آسر نصيبك كدا هيبقوا لبعض و كملت باستغراب : هو ايه اللى انت جايبه دا
عائشة بحرج : هو يعنى آسر جابهم ليا
زينب : هو اللى كام بيكلمك
عائشة هزت دماغها بأه
محمد بهدوء : طب ادخلى لاختك يا عائشة
عائشة: حاضر
على فى عربيته على الكورنيش
على بضيق: طب انا مضايق ليه دلوقت انت غبى يا على هتفضل طول عمرك غبى ما هى البت المفعوصه دى مش هتوافق و هى اصلا مش طايقاك طب ايه العمل طيب اعمل ايه اعمل ايه فكر يا على فكر فكر يا دكتور والله اللى خلانى دكتور ظالمني طب خديجة و عنيدة يعنى مينفعش اعاند معاها و لسانها طويل يعنى لو حاولت اتكلم معاها هتمسح بكرامة اللى جابتنى الأرض اعمل ايه الحل من عندك يا رب شغلتنى بيها و هى مشغولة
رفع راسه من على الدريكسيون فجأة و قال بغُنى : و لقيك مشغول و شاغيلنى بيك و عنيا تيجى فى عنيك و كلامهم يبقى عليك و انت دارّى و راعيك و أصحى من الليل أناديك و أبعت روحي تصحيك قوم ياللّى شاغلني بيك جرب نارى أهواك و أتمنى لو أنساك و أنسى روحى وياك و ان ضاعت يبقى فداك لو تنسانى و أنساك و اتارينى بنسى جفاك و أشتاق لعذابى معاك و ألقى دموعى فكراك أرجع تانى بلقاءك الدنيا تجينى معاك و رضاها يبقى رضاك و ساعتها يهون فى هواك فى هواك طول حرمانى❤
والله ما كذبت يا حُلُم طب والله انا تافه ان شاء الله هترضى و انا هرضى و جميع الأطراف هتتساوى ان شاء الله اما اروح لأمي
عائشة بهدوء : ممكن اعرف انت زعلانه ليه
خديجة بخنقه : معرفش بس نظرة العتاب و الصدمة اللى بصلى بيها قبل ما يطلع وجعتني حسيت انو كان جاى و متأكد من موفقتى و انى خذلتوا و لا لما قالى بتمنالك حياة سعيدة يا انسه اللى هو انت عبيط انا مش عارفة انا مدايقة ليه و لا من ايه مش مضايقة اوى
عائشة بحب أخوى: طب يا حبيبتة قلبى هقولك زى ما ماما قالت دلوقتى لو هو نصيبك زى ما آسر كدا كان نصيبى هيجيلك تانى
خديجة : ثانية بس نقطه استيعاب ان آسر لسه مخطبكيش حتى ان مقرأناش فاتحه يا عائشة نصيبك منين
عائشة : يا ساتر يا رب ايه الأر دا هو خلاص بقى جوزى ملكيش فيه و بعدين حد يرفض دكتور على دا لسه بيشوف كرتون يعنى كيانه اكتر من كدا مفيش
خديجة بضحك : طب يلا اطلعي برا يا بت او اقولك خدى هنا انت عرفتى منين انو بيشوف كرتون
عائشة بضحك : دخلت المكتب بتاعه كنت عايزاه فى حاجة لقيته مشغل غامبول بيتفرج عليه و مندمج اوى معاهم بس بقولك انا مقولتلكيش حاجة
خديجة بضحك : حاضر
عائشة : طب يلا قومى آسر جايبلي حجات برا حضريها عقبال ما اشوف كرتون نشوفه و نسهر سوا شوية النهاردة
خديجة بحماس : فروزن جبيه لحد ما اجى
عائشة بحب : حاضر
خديجة طلعت جرى
عائشة بضحك : و الله على لايقك عليك
جابت الفيلم على اللاب و لقت رسالة وقلتلها من رقم آسر على الواتس
آسر: انت يا هانم
عائشة بصت لمحتوى الرسالة باستغراب و كتبت و قالت : فى ايه يا بنى مالك
آسر: زفت الطين اللى اسمه على دا كام عندكم بيعمل ايه
عائشة بمراوغة: شئ ميخصكيش
آسر شاف الرسالة و حدف الفون على السرير و قام رايح جاى فى الأوضة بعصبية : شئ ميخصنيش شئ ميخصنيش اومال يخص مين
مسك الفون و كتب بعصبية : اومال يخص مين يا هانم هااا ما انا مش هفضل اهرى و انكت فى نفسى كتير اقسم بالله يا عائشة لو ما قولتى كان بيهبب ايه عندكم لاكون فوق راسك دلوقتى و هعرف بردو
عائشة بابتسامة كتبت : كان جاى يطلب ايد خديجة ارتحت كدا يا استاذ آسر سلام
آسر بضيق كتب بسرعه: انا اسف انا بس فكرة انو كان جاى و بيحاول يعنى يعتذر بالنيابة عن البارد هشام او جيه يطلب ايدك و انت كنت بتتكلمى عنو حلو انا انا بس خوفت
عائشة بابتسامة : قصدك غيرت مش خفت
آسر: الاتنين بصراحه
عائشة بعد مت استوعبت الكلام اللى كتبه كتبت : انت فكرت انى ممكن ارجع لهشام او أوافق على على لو كان اتقدملى انت مفكرنى لسه أنانية اه يا سيدى كنت أنانية مراعتش اى حاجة و كنت مصممة أحقق احلام مراهقه جوايا احلام ساذجة انت لسه مسامحتنيش يا آسر على اللى انا قلتوا و عملتوا
آسر بص للرسائل بصدمة و استوعب انو عك فى الكلام و كتب بسرعه: لا والله ابدا مش قصدى كدا انا بس خايف لضيعى من ايدى انا مش هطمن الا لما تبقى مراتى يا عائشة و انا مسامحك مسامحك و من كل قلبي و مش شايل حاجة جوايا من ناحيتك غير كل احترام و حب و ود يا عائشة انت مكنتيش أنانية و لا حاجة انت بس كنت معمية و التجربة دى فوقتك انا اسف لو كلامى دايقك او زعلك
عائشة بهدوء : خلاص محصلش حاجة
آسر عمل ريأكت على الرسالة قعدوا بعض ثوانى ساكتين محدش بيكتب و لا حد بيبعت لحد ما آسر بعت و قال : انا اسف انا مش هقدر اقعد ساكت و مكلمكيش فاعملى بلوك
عائشة بصت للرساله و ضحكت و بعتت : من عيوني احلى بلوك
و عملت له بلوك