آسر بعت و قال : انا اسف انا مش هقدر اقعد ساكت و مكلمكيش فاعملى بلوك
عائشة بصت للرساله و ضحكت و بعتت : من عيوني احلى بلوك
و عملت له بلوك
خديجة دخلت لعائشة وقالت : انا جهزت الحاجة برا تعالى علشان بابا و ماما هيقعدوا معانا
عائشة باستغراب: هيشوفوا كرتون
خديجة بضحك : اهى دى الصدمة بقى يلا
عائشة: حاضر
مرفت : و بس كدا كل حاجة جاهزة نادى على اخوك كدا يا هدهد
هدى : حاضر
دق دق الباب😂
آسر: اتفضل
هدى : ايه يا عم تعالى يلا
آسر بهدوء: تعالى يا حبيبتي عايزك
هدى باستغراب: ايه
آسر بهدوء: احنا طول الوقت فى بينا شفافية صح
هدى : اكيد طبعا
آسر: طب انت جاهزة انك تقبلى حد فى حياتك
هدى بتنهيدة: فى ايه يا آسر
آسر: فى واحد بن حلال عايز يجي يتقدملك بس خايف يكون بيتسرع عليك و انت ترفضى
هدى باستغراب: بيتسرع عليا ازاى
آسر : يعنى عايزك تشبعى من بابا و ميجبش ياخدك مننا بسرعه دى
هدى بهدوء: ممكن نستنى شوية على الموضوع دا علشان عايزة اقعد معاكم أطول وقت ممكن
آسر ضمها ليه بحب و قال : انا قلت كدا بردو
هدى بفضول : هو مين دا
آسر: امممم ممكن يكون سر لحد ما ربنا يأذن
هدى بضيق: بس انا عايزة اعرف طب حد اعرفه و لا حد غريب
آسر بحب : حد تعرفيه كويس و كويس اوى كمان
هدى بتحدى: يبقى هاعرف يا سي آسر
=يا ولااااد
آسر بصلها بضحك و قال : حاضر يا بابا جاين يلا يا استاذة هاعرف قدامى
قضوا سهرة حلوة سوا بين حب و حنان و شوق و ضحك و هزار
تانى يوم
محسن : بص يا محمد من غير لف و دوران كتير انت عارف احنا جاين ليه
آسر بسرعه : انا عايز اقرأ فاتحه دلوقتى و الخطوبة و كتب الكتاب اخر الاسبوع
خديجة بتهكم : و الفرح
آسر بتلقائية: بعد شهر
خديجة برفع حاجب : والله هو سلق بيض يا استاذ آسر دا يبقى بلاها جواز خالص
زينب بحده : خديجة
مرفت بهدوء : انا مع خديجة ليه السرعه يا بنى
آسر بضيق : يا ماما يا حبيبتى احنا عارفين بعض يعنى مفيش داعى لأى حاجة من الحجات الروتينية دى و الشقه و على التشطيب يعنى مفيش اى عطلة و بعدين انا بكلم عمى هااا قلت ايه يا عمى
محمد بهدوء: انا معاك فى كل كلمة بس الرأى رأى عائشة
محسن: طب رأيك ايه يا بنتى
عائشة بهدوء : معنديش مانع بس نأجل الفرح شوية كمان لحد ما اظبط أحوالى
آسر: يااااه بس كدا يبقى بعد شهر ونص اللى تأمرى بيه
محمد بضيق : ولااا اظبط بدل ما اقولك مفيش خالص
آسر: سكت اهو اللى آنسة عائشة عايزاه يكون كدا كويس
محمد : مش بطال
عائشة بابتسامة: يبقى بعد ٣ شهور
آسر برق لها : ليه كتير كتير اوى
عائشة بخبث: دا اللى عندى قبل ٣ شهور معطلكش
آسر بغيظ : طيب بعد ٣ شهور نقرأ الفاتحه بقى علشان تبقى بداية خير
و قرأوا الفاتحه
و عدى اسبوع بين ترتيبات و تجهيزات و اخيرا جيه يوم الخطوبة
عائشة بفرحه: المكان شكلوا حلو اوى يا آسر
آسر بغرور: مجهودى
عائشة : دا يسلم مجهودك انو غير سطح بيتنا بالشكل دا
آسر بحب: الفرحه تعمل اكتر من كدا
محمد قرب هو محسن عليهم بحب و قال : هااا يا ولاد تحبوا تبدأوا بايه
آسر: كتب الكتاب ياعمي
عائشة: بس
آسر قاطعها : علشان اعرف البسك الدبلة يلا يا عمى و بدأوا يكتبوا الكتاب بقى خلينا نخلص
=بارك الله لكما وبارك عليكما وجمع بينكما في خير
آسر بصلها بحب و قال : تسمحيلى البسلك دبلتى يا زوجى المصون
عائشة بحب : اكيد طبعا هسمح
عائشة بضحك: أختك هطق
آسر بضحك : و اختك انت كمان
هدى بغيظ : اطق. طقوا انتم . انتم قلتوا أحلامك انى البس خطيبة اخويا الدبلة اه منكم
عائشة بضحك : معلش يا حب بقى مالك يا ست خديجة هطقى ليه كدا كنت عايزة تلبسينى الدلة و لا ايه
خديجة بضيق : ممكن تسكتى
عائشة باستغراب: فى ايه
آسر بمشاكسة : سبيها يا عائش هى بس غيرانة
خديجة بتوتر: و هغير من ايه
عائشة بصت بجهل لاسر اللى شاور بعينه على على و واحدة واقفه جانبه
عائشة بتمثيل الصدمة: انت غيرانة على على
خديجة بضيق: لا مش زفت غيرانة انا انا انت ايه اللى خلاك تعزميه اصلا
عائشة ببرود : والله انا عزمت كل اللى فى المستشفى و دكتور على بما انى يعتبر ممرضته الخاصه و اللى معاه فى كل حاجة يبقى لازم اعزمه و يجى كمان و بعدين اسكت جايين علينا
على بحب أخوى: مبارك يا عائشة مبارك يا استاذ آسر
=الله يبارك فيك
على : اعرفك يا حبيبتى دى عائشة يُعتبر ممرضه خاصه ليا مستحيل اشتغل اى حالة غير فى وجودها و دى عشق يا عائشة
عشق بابتسامة: مبارك ليكم ربنا يسعدكم اتشرفت بمعرفتك يا عائش على بيعزك اوى
عائشة : الله يبارك فيك و بعدين غنيه عن التعريف يا عشق و كملت بغرور : لازم يعزنى دا انا اللى بنقذه اصل فى فرق خبرة
على بضحك : انت هتزلينى بالسنه اللى انت اكبر بيها و انك تعرفى اكتر منى
عائشة بغرور اكثر : او علشان انا اللى أنقذت فيه مريض كان بيموت تحت ايدى و نجدك من السجن
على بحرج : يااه قلبك اسود قوى
عشق بصدمه : ايه اللى انا بسمعه دا
على : انا لسه بدرب يا جماعه عادى بتعلم يعنى إنما هى بسم الله مشاءالله يعنى متمرسه و كمل بهدوء يلا عن اذنكم احنا و حاوط كتف عشق و مشيوا كل دا تحت نظرات الغيظ من خديجة
خديجة بضيق : عيل سمج
عبده قرب على آسر و قال: ايه يا عريس مش هترقص و لا ايه و شدوا و قال روحى شوفى صحابك يا عروسة
بدأت أجواء الفرح تزداد حماس و سعادة
_ازيك يا آنسة خديجة
خديجة بضيق: الحمد الله يا دكتور
على: مش بتشارك أختك فى فرحتها ليه
خديجة بضيق: شئ ميخصكيش
على بضيق: انت لسانك طويل كدا على طول
خديجة بعصبية : ما تخليك فى حالك و خالينى فى حالى و لا روح شوف البت اللى كانت معاك فين
على ضغط على أسنانه بغضب شديد و قال : اقسم بالله لو متعدلتى لاعدلك انا و صوتك ميعلاش انت سامعه
خديجة بغضب : هتعدلنى ازاى بقى ان شاء الله
على : هتجوزك ان شاء الله
خديجة بسخرية : دا لما تعض قفاك تلقاني يا بتاع عشق
على بفرحه: انت غيرانه صح
خديجة بضيق : لا طبعا
على بابتسامة: عشق
خديجة بضيق: مش عايزة اعرف تبقى مين
=بنت خالتو
خديجة بصتلها بضيق و قالت : قلت مش عايزة اعرف يا استاذة بنت خالتو
على بضحك : بس يا مفعوصه
عشق : انا مفعوصة اخص عليك
خديجة بصت لهم بضيق و كانت هتمشى على قالها بسرعه : و اختى دى تبقى بنت خالتي و اختى فى نفس الوقت و انا استأذنت من باباك قبل ما اجي اتكلم معاك و انا عرضى لسه سارى وافقتى كان بيها موافقتيش يبقى ربنا يرزقك باللى يسعدك و يا ريت تفكرى الاول يلا يا عشق عن اذنك