وفي لحظه يأس حس انو مش حابب يعيش ساق باقصى سرعه ناحية منحدر يشبه كتير المنحدر الي طارق مات فيه وفضل سايق بجنون والعربيه داخله على البحر وهو غمض عنيه ومش عايز يفضل عايش يوم واحد تاني
في الاوتيل كل واحد دخل اوضتو علا وخالد كانو في الاوضه وعلا كانت مكسوفه جدا من الي عملتوقدامهم في الفيله وكمان مكسوفه من خالد ومش بتبصلو ابدا
خالد فهم انها مكسوفه ابتسم بخبث وقرب منها وقال...ينفع كده تبوسي*ني قدام الناس
علا اتكسفت اكتر وقالت بتوتر...انا...انا..انا مكانش قصدي
خالد كان عايز يضحك بس كتم ضحكتو وقال بغضب مصتنع..انتي ايه..انتي كسفتيني ..وبعدين مش يمكن انا مش عايزك تقربيلي ايه الي عملتيه ده و
خالد كان هيكمل ويضايقها اكتر بس سكت لما شافها بتفرك اديها بتوتر ودموعها بتنزل
خالد ضحك جامد وقال...انتي بتعيطي بجد يا هبله
علا استغربت كانت فكراه ادايق بجد فضلت بصالو باستغراب وخالد قرب منها وابتسم ورفع وشها بصوابعو وقال....اجمل حاجه حصلتلي في حياتي هيه وجودك جمبي..واجمل لحظه بحس بيها لما بتبقى قريبه مني واقل لمسه منك بتخليني طاير من السعاده...انا جوزك..تقدري تعملي الي انتي عيزاه في اي وقت..وقدام اي حد
علا رفعت عنيها ليه وقالت بدموع..بس هيقولو ايه عليا
خالد حضنها وقال...فيه الي هيقول..يا بختو...والي هيقول...خايفه عليه...والي هيقول بتحبو
علا بعدت عنو وقالت بدهشه..بتحبو...بس انا مش بحبك
خالد ابتسم وقال..مظنش
علا قالت بتوتر..احلفلك يعني
خالد قال..وليه انا هعرف لوحدي وقرب منها اكتر وباسها برقه وشغف وعلا بادلتو بنفس الطريقه وبعد عنها وقال...بتحبيني..قلبي عمره ما كدب
علا قالت وهيه مغمضه..وقلبك..قلك اني بحبك
خالد قال بابتسامه..وقلبك انتي كمان
علا ابتسمت وقالت..طب وانت
خالد قال بحب شديد ...عمري ما حسيت اني بحب وحسيت بدقه قلبي غير معاكي
علا قالت ..يا سلام طب وفتون
خالد قال بعشق واضح في عيونه...كانت ماضي ..بس انتي الحاضر و نفسي تبقى المستقبل والعمر كلو
عند نادر بقى كان بيحاول يسكت فتون الي كانت قاعده جمبو وسانده راسها على كتفو ومنهاره وبتبكي بحزن شديد
نادر قال...يا حببتي كفايه...طب ايه لزمه كل الدموع دي وجعتي قلبي
فتون بصتلو ودموعها مغرقه خدودها وقالت بانهيار.لو شفتو يا نادر ..لو شفتو لما سمع اننا مش اهلو اول مره اشوفو منهار كده يا حبيبي مقدرش يقف قلي انتي مش اختي يا نادر تخيل ..انا مش مصدقه الي حصل ابدا ..حاولت..حاولت اقرب منو احضنو اطبطب عليه..اقولو..اقولو ان مفيش حاجه هتتغير واننا اهلو وانا اختو بس بعد ..بعد ومنعنا نقرب منو منعني اكلمو او احضنو يا نادر تخيل
نادر اتنهد وفرك شعرو من ورا وقال...احم..مهو عندو حق انتي مش اختو يا فتون ومينفعش تحضنيه اصلا
فتون بصتلو واتسعت عنيها وقالت بغضب وزعيق..انت بتقول ايه سراج اخويا..هيفضل اخويا انا طول عمري عارفه اننا اخوات من الاب بس ..بس عمره ما كان بابا هو الي بيجمعنا سراج ده..ده حياتي انا اتربيت على اديه..كنت دايما اشوف بابا بيجرحو بالمعامله ويزعلو وهو من عادتو مكانش يعيط ابدا كنت اطبطب عليه واقلو متزعلش بابا بيحبك..كان ديما يقولي..لا بيحبك انتي..طول عمره مجروح وبيتعذب انا قلبي وجعني عليه قوي..اوعى تفتكر انو لمجرد ان ابوك طلع ابوه الحقيقى يبقى كده بقى اخوك انت لا سراج اخويا اخويا انا وهيفضل كده على طول
نادر ضحك بخفه وقال..طيب تمام..هو اخوكي..زي ما انتي عايزه..عارفه انا لما عرفت انو اخويا زعلت زيك واكتر كمان بس انتي زعلانه لانك حابه يكون اخوكي وانا كنت زعلان لانو طلع اخويا ..بس بعد كل الي حصل وكل الي عرفتو عنو بقيت فخور انو طلع اخويا سراج ده جبل محدش استحمل قدو ..وهو على فكره بيحبك قوي هو بس مجروح شويه وهيهدى مفيش حاجه هتتغير..وحمحم وقال..غير يعني موضوع الاحضان ده وكمل بمرح لو حابه تحضني احضني جوزك الغلبان هو سراج احلى مني يعني
فتون ضحكت وضربتو في صدرو بخفه وقالت...انت غلبان انت..بس قولي هو انت كنت عارف علشان كده يوم مازرناه مكنتش عايزو يقربلي
نادر اتنهد وشدها عليه اكتر وقال...ايوه ..عرفت..وكان كل الي عرفتو كوم ..واما افتكر انكم بتقربو من بعض دايما كان كوم تاني كنت بتجنن كنت حاسس بنار في قلبي
فتون ابتسمت وقالت...بتغير يعني
بقلمي..زهرة الربيع
نادر بصلها وقال..بغير..لا طبعا مش لدرجه اغير..هو يعني انا
بس فتون ضحكت جامد وقالت..وهو غلط تغير على مراتك
نادر قال بعشق واضح في عيونه...لا مش غلط..بس الفتره الي قعدتي فيها معايا خلتني اتأكدت اني المفروض مغيرش من اي راجل بالعكس هما يغيرو مني
فتون قالت..يا سلام ليه بقى
نادر قرب منها وقال بهمس..لانك ببساطه بتعشقيني...ومش شايفه اي راجل غيري ولا هتشوفي
فتون تاهت في عيونه وكانت حابه تقولو معاك حق زقتو بخفه وقالت..مغرور قوي
لسه هتمشي نادر شدها عليه وفضل يبصلها بنظرات جريئه عاشقه وقال...وازاي مبقاش مغرور وواحده في جمالك بتحبني الحب ده كلو
فتون قالت بحب واضح...واكتر من الي في خيالك
نادر شدها لحضنو وفضلو سوا يتكلمو ويهزرو لحد ما غلبهم النوم ونامو في حضن بعض
بعد كام ساعه نادر صحي على صوت التليفون وكان ابوه رد بنوم وقال..ايوه يا بابا
سالم قال ببكا شديد...الحقنا يا نادر اخوك سراج انتحر يا ابني
نادر قام بسرعه وقال بخوف ..ايه..انت..انت بتقول ايه..ازاي..ازاي
سالم قال ببكا...تعالى على المكان الي هبعتهولك يا نادر بسرعه
بعد نص ساعه كانو كلهم مجتمعين والحزن باين على وجوه الكل...واخيرا الشرطه قدرت تطلع العربيه من البحر وهيه متكسره ومحروقه وتدمره على الاخر..منظر العربيه كان يخوف والضابط قال...طبعا مستحيل الي كان سايقها يكون عايش اكيد الميه جرفتو واكيد هنلاقيه
نادر فقد اعصابو ومسكو جامد وقال بعصييه..انت بتقول..ايه مماتش..محدش يقول مات..لا مماتش وعايز يضرب الظابط وخالد حاشو عنو بالعافيه
سالم كان بيبكي بطريقه مش طبيعيه وبيقول..انا الي قتلتو..انا السبب في الي جرالو ..انا موتت ولادي لتنين ..انا السبب..يا ريت انا الي مت يا بني يا ريت انا
علا كانت بتهديه وهيه كمان هتموت من العياط وفتون بتبكي بشده لدرجه ان صوتها ضعف وتعبت واغمي عليها وفؤاد كان بيحاول يهدى وبيقول..عايش يا جماعه..ابني..ابني وانا عارفه..مماتش..ممماتش محدش يخاف..كان مقتنع انو عايش او بيتمنى اما الحاله الاسؤ كانت من نصيب تقى
تقى كانت قاعده على جمب ومش بتتكلم ابدا..ولا بتبكي..ولا بترد اصلا اهلها حاولو كتير بس كانها بقت جماد مش حاسه بالي حوليها ودموعها بتنزل بغزاره
فضلو طول اليوم مستنين يلاقوه حي او ميت بس من غير فايده وتوالت اليالي الحزينه والدموع الي كانت على وشوش الكل ..وفضلو شهر كامل في مارينا قلبوها راسا على عقب وبرضو ملوش اثر
وبعد ما قضو شهر كامل من غير فايده قررو يرجعو القاهره ويسيبو رجالتهم يدورو تاني وتالت على امل يلاقوه
في قصر النوري كانو رجعو كلهم عليه طبعا ما عدا نهى لان نادر قطع علاقتو بيها وعرفها انوعرف بعلاقتها بسراج ...وفؤاد راح معاهم على الاقصر علشان فتون تعبانه وحب يطمن عليها الاول
فؤاد بص لفتون وقال..انتي كويس ..انا همشي
فتون حضنتو وقالت...تمام يا بابا شكرا
فؤاد باسها من راسها وقال..يلا يا تقى يا بنتي تعالي معايا
نادر بصلو باستغراب وقال..تيجي فين
فؤاد قال ..هتفضل معايا في اوضه جوزها لحد ما يرجع
هنا سالم قال بانهيار..كفياك احلام بقى ..كفايه..ابني مات مات ..مات بسببنا سراج انتحر احنا وصلنا لكده احنا خسرناه خلاص متضحكش على نفسك
فؤاد بلع ريقه وقال بنفس القوه يلا يا تقى يا حببتي هتستني جوزك عندي
تقى طبعا ..من ساعت الي حصل مش بتنطق بتبكي وبس كانت قاعده في حضن علا وساكته ومش بتتكلم
نادر كان بيحاول يهدي ابوه وقال...فؤاد بيه..سيب تقى عندنا لو سمحت هيه كلها كام شهر وهتولد يمكن وجود البيبي ده يخفف من على بابا موت سراج ارجوك
فؤاد بصلو بحده وقال بعصبيه...سراج مماتش...انتو متعرفهوش قدي..ابني اقوى من الجبال مستحيل ينهار لدرجه يقتل نفسو ..ده شاف امه بتموت قدام عنيه وهو طفل وكان وحدو في بيت المزرعه وكمل حياتو اي حاجه هيشوفها بعد كده مش هتأثر فيه لدرجه الموت ..مش هصدق انو مان لو شوفت فجثتو حتى
هنا تقى وقفت مره واحده واتسعت عنيها بشده وقالت...ال..المزرعه...المزرعه وطلعت جري من غير ما ترد على كل الي كانو بينادولها
تقى طلعت ونادر جري وراها وكان بينادلها ومش بترد بس وقفت لما قال...يا تقى استني علشان الي في بطنك
تقى وقفت ونادر مسكها من دراهها وقال بتعب..رايحه فين بتجري كده ليه
تقى قالت وهيه بترتعش...عارف..عارف مزرعة ابوك الي ماتت فيها والده سراج
نادر بصلها باستغراب وقال..لا معرفهاش ابويا باعها من زمان قوي
تقى قالت طب يلا بسرعه انا هقولك على المكان وطلعت في عربيه نادر وهو مش فاهم حاجه
بعد ما طلعو بالعربيه نادر قال..مش هتقولي فيه ايه
تقى قالت بفرحه والدموع في عنيها...سراج..سراج هناك
بقلمي...زهرة الربيع
نادر قال بزهول...هناك فين..في المزرعه
تقى قالت بدموع..ايوه ..ايوه هناك..قلبي بيقولي انو هناك انا متاكده
نادر اتنهد بحزن وقال..استهدي بالله يا تقى خلينا نرجع على القصر هو ايه الي هيودي هناك و
بس تقى قالت بدموع وابتسامه...هو هناك يا نادر ان مش بخرف..ونزلت دموعها وقالت....هو قلي انو لما الدنيا تيجي عليه بيروح هناك ..علشان..علشان يفتكر انو عدى بالي اسوء من كده انا افتكرت من كلام عمي هو اكيد هناك..
نادر اتنهد وقال..يا تقى فكري بالعقل بس سراج اختفي في مرينا يعني غرق هناك والعربيه شوفتي منظرها و
بس تقىزقالت..لا يا نادر اكيد هو الي رما العربيه...يوم ماطارق مات وهو انقذني حط واحده بدالي علشان تفتكرو اني مت وهو دلوقتي رما العربيه علشان نفتكر انو مات انا متاكده انو في بيت المزرعه هو حبسني هناك سنه وقلي حبستك هناك علشان اعمل ذكري حلوه للمكان يمكن اضطر ارجع هنا وقتها افتكرك
نادر ابتدي يشك ان كلامها صح من الثقه والفرحه الي في عيونها..او كان بيتمنى فضل سايق وتقى بتوصفلو الطريق لحد ما وصلو
نادر لسه هينزل معاها ..تقى قالت لا انت خليك يا نادر علشان لو طلع جوه اعرف اتكلم معاه واقنعو يرجع
نادر اتنهد وقال... تمام هستناكي هنا
تقى نزلت وهيه بتدعي من قلبها يكون موجود وفضلت ماشيه في المزرعه لحد ما وصلت البيت الي فيها ودورت في كل حته بس مكانش موجود نزلت دموعها بيأس وخرجت ولسه هتمشي سمعت صوت خبط من ورا البيت مشيت ورا الصوت وكانت هتقع من الفرحه وابتسمت وحطت ايدها على قلبها بفرحه شديده وهيه مش مصدقه عنيها
كان سراج رابط قميصه في وسطو وبيقطع حطب علشان يدفى وكان ضهره لتقى يعني مش شايفها
تقى فضلت تقرب منو ببطأ وسراج حس بحد وراه طلع سلاحو والتفت بسرعه وووووووووو
الفصل الرابع والثلاثون الاخير
الاخير
تقى فضلت تقرب منو ببطأ وسراج حس بحد وراه طلع سلاحو والتفت بسرعه بس وقع السلاح من ايده واتسعت عنيه بشده وابتسم ودموعو نزلت تلقائيا
تقى كانت نفس الحاله بتبصلو بابتسامه ودموع وبقت تقرب ببطأ بس سراج جري عليها حضنها بقوه شديده وتقى مسكت فيه جامد واختفت في حضنو وبقت تبكي بشده وصوت عالي وانهارت في حضنو طلعت دموع الشهر كلو
نادر سمع صوت بكاها اتخض وجري علشان يشوفها واتفاجأ بسراج حاضنها بشده وبيبكي هو كمان
نادر ابتسم بفرحه وهو مش مصدق عنيه و رجع على طول قبل ما يشفوه وركب العربيه وقعد يبكي ويحمد ربنا وفرحتو ملهاش وصف
سراج وتقى بعدو عن بعض وتقى فضلت تمشي اديها على وشو ودراعاتو وقالت..انا مش مصدقه اني شيفاك قدامي كنت فاكره اني..اني خسرتك بجد...كنت..كنت بموت والله ..الحمد لله..الحمد لله
سراج بصلها بابتسامه وهو طاير بلهفتها عليه ومشتاق لها بطريقه عجيبه بس تقى اتحولت ملامحها لغضب حقيقي وهوب ضربتو قلم قوي جدا
سراج حط ايده على خده وبرق بزهول شديد وتقى ضربتو باديها لتنين على صدره وقالت...ليه عملت كده ليه..انا كنت بموت حرام عليك...انا ذمبي ايه انا ليه تعمل فيا كده حرام..حرام وبقت تبكي بشده
سراج سابها تضربو وتبكي وتطلع الي جواها ومكانش بيتكلم بس مركذ في كل تفاصيلها وبيشبع من ملامحها الي وحشتو قوي
بس تقى تعبت وداخت وسراج شدها عليه وقال وهو ساندها..تقى ...مالك يا حببتي
تقى فضلت بصالو ومقدرتش تتكلم واغمى عليها
سراج شالها ودخل بيها نيمها على السرير ومقدرش يمنع نفسو فضل يتامل جمالها ويبو*سها في كل جزء في وشها ووقف قدام شفايفها وبا*سها بشغف وجنون وعشق ونام جمبها وشدها لحضنه واستسلم لنوم هادي محسش بيه من زمان
نادر فضل مستني كتير بس محدش فيهم خرج دخل علشان يشفهم ملقاهمش في الجنينه واتأكد انهم دخلو البيت اتنهد وقال..طب انا قاعد بعمل ايه هنا بالذمه الحمد لله انو طلع عايش وركب عربيتو وطلع على القصر
بعد فتره تقى فتحت عنيها بتعب بتبص جمبها ابتسمت بسعاده لما شافت سراج ماسك فيها جامد ونايم زي الاطفال مشيت ايدها على شعره وقربت منو جامد عايزه تبوسو من خده بس سراج حرك راسو ناحيتها وفاجأها لما باسها من شفايفها بقوه
تقى اتخضت واتكسفت بعدت بسرعه وبقت تتحاشا تبصلو وقالت...انا انا..انا كنت
سراج قرب منها وشدها عليه وقال...وحشتيني...وحشتيني اوي كل حاجه فيكي وحشتني حسبت الدقايق يا تقى
تقى قالت...اممممم ما هو واضح اني وحشتك سبتيني ومسألتش وانا كنت فاكره انك..انك ومقدرتش تكمل ونزلت دموعها
سراج قال ..اششش ارجوكي متعيطيش تاني مش بقدر اشوف دموعك
تقى ابتسمت ومسحت دموعها وقالت..تمام ..مش هعيط ابدا .بس يلا بينا ارجع معايا كلهم هيموتو عليك
سراج بعد عنها وقال..كلهم الي هما مين
تقى قالت..الي هما ..اهلك كلهم
سراج ابتسم بسخريه وفضل يحط حطب للنار ويقول...انا مليش اهل ..مليش حد ابدا
تقى قالت بحزن..ياسراج..ياسراج انت اكتر واحد عندك اهل والله عيلة النوري والطحاوي التنين هيموتو عليك وليك علتين مش عيله واحده
سراج قال..لا انا مليش اي حد ..هرجع لمين انا معندش اهل..هرجع ابن سالم النوري الي طول عمري بكرهه انا مش قادر افكر فيها حتى ولا ارجع ابن فؤاد الطحاوي الي طلع مش ابويا وطلعت انا اكبر جرح في حياتو..لا انا مش هرجع انا هنا كويس
تقى بصتلو وقربت منو وقالت بدموع...ترجعلي انا..ترجع تربي ابننا ونعيش سوا زي ما انت كنت بتحلم ديما
سراج فضل سارح في عيونها بس فاق لنفسه بعد وقال...حتى انتي مش ضامنك..لسه من شهر قولتيلي اول ما نرجع القاهره هنطلق ..تمام..انا موافق اديكي حريتك..موافق اطلقك
تقى مكانتش مصدومه لانها عارفه ان الي حصلو صعب والي بيقوله من ورا قلبو فالت...تطلقني بسهوله كده
سراج قال من غير ما يبصلها ..وفيها ايه
تقى قالت بخبث..فيها.اني صغيره مش هينفع افضل عمري كلو من غير ما احب واتحب واتجوز هترضى
سراج حس بسكين في قلبو من كلامها ونار جواه لمجرد التفكير بس قال..احم..وانا مالي اعملي الي انتي عيزاه
تقى قربت منو وقالت..مش هتزعل..لما اتجوز واحد غيرك..وابقى ملكو وفي حضنو ويلمسني و
سراج حس بجهنم في قلبو مقدرش يستحمل التفت لها ومسكها من درعاتها بقوه وقال..انتي عايزه ايه ها هتجنيني عايزه ايه مش ده الي كنتي عيزاه ردي مش كنتي عايزه تطلقى ايه الي جرالك دلوقتي
تقى قالت وهيه مركذه في عنيه..حبيتك..حبيتك اوي
بقلمي...زهرة الربيع
سراج سابها واتسعت عنيه بشده وقلبو بقى يدق بعنف بلع ريقه وقال ..قولتي ايه ...قوليها تاني..كده
تقى نزلت دموعها وابتسمت وقالت..بحبك..بعشقك..بحبك اوي يا سراج
سراج ابتسم بفرحه شديده وقال...قوليها كمان قوليها عايز اسمعها على طول وشدها لحضنه وهيه بتقول..بحبك..بموت فيك والله انا اسفه سامحني عذبتك كتير
سراج كان بيحضنها جامد واتنهد بشده وراحه وقال...عذبتيني كتير بس داويتيني في ثانيه انا كنت مستعد ادفع عمري كلو واسمعاها يا تقى
تقى قالت..يعني هترجع معايا ا
سراج قال..اروح معاكي اخر الدنيا دلوقتي عندي الي ارجع علشانو
في القصر كان نادر رجع وقلهم ان سراج عايش والكل فرحان ومبسوط جدا بالخبر وفضلو مستنينو فتره طويله لحد ما اخيرا رجع هو وتقى
سراج اول ما دخل فتون جريت عليه وحضنتو وهيه بتبكي وقالت...ليه عملت فينا كده حرام عليك
سراج بص لنادر.. ونادر ابتسم ابتسامه بسيطه وسراج حضنها شويه وقال بدموع...عامله ايه انتي كويسه..وحشتيني
فتون بكت وقالت..انت اكتر والله ومسحت دموعها وقالت اامهم انت اخبارك ايه
سراج قال انا كويس...وسلم على علا وخالد واتقدم على فؤاد ووقف قصادو بدموع ومسك ايده يبوسها بس فؤاد شده عليه جامد وحضنو واخير بكا هو الوحيد الي كان كاتم عذابو في قلبو قال...وحشتني يا قلب ابوك..وحشتني يا ابني
سراج بكى وقال..انت اكتر...انت اكتر والله
فؤاد حط اديه على خدودو وقال...مكنتش اعرف اني بحبك اوي كده سامحني على اي حاجه وحشه ارجوك يا ابني
سراج قال بدموع..انت ابويا وتعمل الي انت عايزه واتقول الي انت عايزه.
فؤاد حضنو تاني بفرحه وقال..طبعا ابوك ااكيد. ابوك
على زاويه كان سالم قاعد بيبصلهم بحسره ومش قادر يتنفس من كتر البكا وبيشهق بشده وحااتو كانت صعبه بجد
فؤاد بصلو وبص لسراج عايزه يسلم عليه وسراج فهم وراح اتقدم عليه ببطأ وقال..احم..انا كويس انت بتعيط ليه
سالم قال بدموع شديده...نفسي..نفسي اقف احضنك ..محستش بعجزي غير دلوقتي
سراج نزلت دموعو وقعد علي ركبة وحضنو براحه وسالم شدو عليه وبقى يبكي بشده وفضل حاضنه فتره طويله وبعدو عن بعض وسالم حط ايده على خدو وقال...انت اغلى من اولادي كلهم انت اغلى من نفسي... كنت هموت عليك..انت مصدقني مش كده
سراج لمعت عيونه بالدموع ووقف وهز راسو بايوه وقال...يلا يا تقى هنمشي
فؤاد قال بخوف..على فين
سراج ابتسم وقال...على القصر..بتنا
فؤاد ابتسم بفرحه كبيره وقال..يلا ..يلا بينا
سراج مشي هو وتقى وفؤاد تحت انظار سالم الي كان بيبص عليه بحسره
سراج لسه هيطلع من الباب التفت لسالم وقال....لو حبيتو تزرونا في اي وقت اتفضلو ...هستنا حضرتك انت واخواتي
سالم ابتسم بفرحه وحس انو بيديه امل وهز راسو بحاضر وسراج خرج هو وفؤاد وتقى
نادر جري وراه وقال سراج استنى عايزك
فؤاد اخد تقى وطلعو على العربيه وسراج وقف يكلم نادر
نادر قال...الحمد لله انك بخير انا افتكرت ان جرالك حاجه بجد
سراج ابتسم وقال..عمر الشقي بقي
نادر قال...معاك حق ..على فكره تقى بتحبك اوي دي كانت هتتجنن عليك
سراج قال....قالتلي كده..احم شكرا على كل حاجه انت كنت عارف من الاوا علشان كده خرجتني من السجن انا مكنتش فاهمك بس شكرا
نادر قال..انا اتبسطت انك طلعت اخويا يا سراج
سراج قال..انا لا الصراحه بس هتعود..خد بالك من فتون مش هتلاقي واحده تحبك قدها...اه وفكك من الي اسمها نهى دي ..خلاص مش هتنفع بما اننا اخوات فلازم تعرف...احنا كنا مقضينها انا وهيه شيلها من حسبتك
نادر ضحك وقال..انا عارف
سراج قاا..عارف...عرفت ازاي
نادر قال بضحك فتون قفشتكم مره هيه حكتلي
سراج برق وفرك جبينه بحرج وقال..احم طيب انا همشي دلوقتي اشوفك وقت تاني سلام
بعد مرور سنتين في قصر النوري كانو نادر وسراج بيحتفلو بدمج شركاتهم وكانت الاجواء جميله جدا وسط انغام الموسيقى وجمع كبير من رجال الاعمال والصحافه والاعلام
سراج كان مع نادر وخالد وكانو بيستقبلو المعازيم بطريقه شيك جدا وشكلهم كان قمر
نادر قال..بقولك ايه انا هروح اشوف الصاروخ الي هناك دي واجيلك على طول
سراج اتعصب وبص يشوفه يقصد مين بس ابتسم لما لقاها فتون كانت طالعه زي البدر في تمامو
سراج ابتسم وقال...سكتك خضره
نادر ضحك وراح لفتون وقال...ايه الجمال ده كلو
فتون ابتسمت وقالت ...هو فين الجمال ده ابنك مخليني عايزه اشد في شعري
نادر قال ..بقى القمر ده مزعلك طب ده عسل ده
فتون قالت... اممممم عسل علشان بتشيلو اقل من ساعه في اليوم لو بيصدعك زي متقولش كده
نادر ابتسم وشال الطفل الجميل الي على ايدها وقال..طروقه حبيب بابا هيفضل معايا يلا اعملي الي عيزاه كلو صيعي وانحرفي براحتك
فتون ضحكت وقالت والله ماحد منحرف غيرك
نادر قرب عليها وقال بوقاحه..هو فيه احلى من الانحراف طب انا هموت وانحرف دلوقتي
فتون اتكسفت ولسه هترد جات علا وقالت..هيه كلمه واحد عايزه اطلق عايزه اطلق
نادر اتنهد وقال...فيه ايه تاني يا علا المكان مليان صحافه يخربيتك
علا قالت مليش دعوه عايزه اطلق ...اشهدينا يا فتون..مين الي حامل
فتون قالت....انتي
علا قالت..مين الي شكلها باظ وبطنها قدامها مترين
فتون قالت..انتي
علا قالت مين الي عنها هتطلع في ربايه البيبي
فتون قالت.. انتي
علا قالت...يبقى مين الي يسميه..مش المفروض انا
نادر قال..يعني انتي عامله الهيصه دي علشان عايزه تسميه ..طب يا ستي سميه او اجلو الموضوع لحد الحفله ما تخلص
علا قالت..الباشا بيقول لصاحبه انو هيسميها...روفيده وانا مش عاجبني الاسم واتكلمت معاه قبل كده طلقوني منو انا حره
نتدر شاور لخالد الي كان بيضحك مع اصحابو
خالد جيه وقال..فيه حاجه ولا ايه
فتون قالت ..مزعلها ليه متسبها تسمي البيبي يا اخي
خالد قال...طب هو اتولد اصلا دي من ساعت ما الدكتوره قالت انها بنت وهيه عماله تجمع لها اسامي ومش عاجبها اي اسم
علا قالت..ليه مالو اسم تولين زي القمر
خالد قال..طب اتفضل
سراج جيه وقال...ابقو كل واحد يناديها بالاسم الي يحبو بس توصل بالسلامه
خالد قال..معاك حق والله... تعالي يا قلبي انتي ..انا هعملك الي عيزاه هسميها تولين زي ما انتي عايزه مبسوطه
علا قالت بفرحه..بجد يا خلودي
خالد مشي معاها وهو بيقول بجد يا روح خلودي انتي بس كرري الاسم قدامي علشان اتعود عليه عايزه تسميها ايه يا قلبي
على زاويه كان سالم وفؤاد سوا فؤاد قال...كانت فكره كويسه فكره الدمج كان معاك حق احنا بندمج الحصاد الحقيقي جمعة الاولاد سوا بالدنيا ..تخليني استحمل وجودك
سالم قال..معاك حق احنا اتصرفنا بانانيه كتير قوي وكنا هنخسرهم جيه الوقت الي لازمم يبقو من اولوياتنا ومشاكلنا تبقى على جمب
تقى جات وقالت ...واحد فيكم يشيل ياسين علشان مطلع عيني
سالم شالو وقال..هاتيه حبيب جدو القمر بص يا فؤاد عسل ازاي
فؤاد بقى يضحكو وسراج جيه وقال..والله انتو ما فيه منكم خلوه معاكم حبه بقى هخطف امو دققتين
بقلمي..زهرة الربيع
فؤاد وسالم ضحكو وسراج شد تقى على جمب وقال..وحشتيني يلعن ابو الحفلات مش عارف اتلم عليكي خالص
تقى ضحكت وقالت..وتتلم عليا ليه اصلا
سراج قال..ليه... ليه ازاي فيه مواضيع مهمه عايزك فيها
تقى قالت بضحك..طب ما انا عارفه كل مواضيعك بطل جنان وخلينا نروح للناس
سرتج شدها عليه وقال..استني بس مش قبل ما تديني بوسه
تقى قربت عليه وباستو في خدو بسرعه وقالت يلا بقى بس سراح شدها عليه جامد وباسها برقه وتقى اتعلقت في رقبتو ونسيو نفسهم بس فاقو على صوت حمحمه
وكان نادر وفتون... فتون ضحكت ونادر قال...طب هو ينفع هنا يا جدعان الله يسهلو يا عم
تقى جريت بكسوف شديد وسراج قال..الله يخرييتك يا شيخ وجري وراهها
فتون ضحكت جامد ونادر فضل سرحان في ضحكتها القمر وقال..تيجي نعمل زيهم الحته دي فيها طاقه حلوه كده
فتون ضحكت وضربتو في كتفو وقالت..اتلم
نادر قرب وحط ايده ورا وسطها وهيه حطت دماغها على كتفو وبقى يبوصو على اسرتهم الي اخيرا بقت سعيده نادر قال...سامحتيني يا فتون
فتون قالت ....والله سامحتك ليه بتسألني السؤال ده كل يوم انسى بقى
نادر قال ..حابب اعيشك اجمل ايام عمرك حابب امسح كل وجع وعذاب من قلبك حابب امسح كل الوقت الي قضيتو معاكي وانتي زعلانه واخليكي بس مبسوطه وبتضحكي
فتون قالت..ومين قلك انا حابه امسح اي لحظه معاك انا حابه كل دقيقه في قربك بحلوها ومرها كل السهر والتعب حلو معاك عشقت المي ووجعي وتعبي
....وعشقت عذابي.....
انت مراد القلب ونبضه...وانت كل احبابي
وانت الداء والدواء .....وانت سؤالي وجوابي
دخلت قلبي و ملكته....فكتفى واغلقت بابي
هو لك عذبه كما تشاء..فقد عشقت عذابي
تمت بحمد الله