رواية عشق احفاد الجوهري الفصل السابع7والثامن8 بقلم ايه المهدي
أحمد بصدمة : اي حور عملت حادثة انتي بتهزرى يا سلمي معايا صح
سلمي بحزن : لاء يا احمد حور فعلا عملت حادثة وفي العناية المركزة ودلوقتي الدكتور يشرح لينا حالتها
خيم الحزن علي الجميع
علي الناحية الأخري:
عند حور وأسيل:
أسيل : حور احنا هنروح دلوقتي علي البيت وهافهمك كل حاجة
بعد مرور نص ساعة وصلت أسيل وحور وإسلام للمنزل
أسيل : اتفضلي يا حور البيت بيتك
حور : شكرا يا أسيل
إسلام : طيب يا جماعة هنعمل اي دلوقتي
أسيل : ركزي معايا يا حور في كلامي اللي هاقوله دلوقتي علشان متحصلش لخبطة وكارثة في القصر
حور بخوف: هو ممكن اكلم أميرة دلوقتي عايزة اطمن على بابا واخواتي
إسلام : اكيد يا حور اتفضلي كلميها علشان تطمني
حور : شكرا ليك
وبعد مرور عدة دقائق اطمئنت حور على والدها واشقائها
حور بتوتر : هنعمل ايه دلوقتي
أسيل : اهدي يا حور ومش تتوترى واسمعيني كويس انا هاقولك مليكة كانت ازاي بالظبط علشان تحاولي تكوني زيها بالظبط
حور : استني بس يا أسيل صدقيني انا مش هاعرف اكون زي مليكة لاني مختلفة عنها تمام
إسلام بهمس لاسيل : قولتلك دي عايزة إعادة تأهيل
أسيل بغضب : ممكن تسكت خالص دلوقتي
أسيل : طيب يا حور ما هو كل واحد في القصر عارف شخصية مليكة وأسلوبها في كل حاجة وخصوصا جدو
إسلام : طيب أن عندي الحل انتي هتقولي ليهم يا أسيل أنه مليكة اللي هي حور عملت حادثة صغيرة كده في المعرض وطلبتي ليها الإسعاف والدكاترة عملت ليها اللازم وقالوا عندها فقدان ذاكرة مؤقت ولما يسألوا مكانتش بتتكلم فيديو ليه هتقولي علشان مش فاكرة حد نهائي بس هتفتكر مع الوقت واطلبي منهم محدش يفكرها باي حاجة وحور في الوقت ده هتتاقلم عليهم وتحاول تشوف طريقة أسلوبهم وكمان محدش يستغرب تصرفاتها لأنها فاقدة الذاكرة حتي نفسها مش فاكرة هي مين ولا كانت ازاي واظن مافيش غير الحل ده
حور : براڤو انت بجد هايل يا زميلي اي الخطة الجميلة دي
إسلام وأسيل بهمس : زميلي ربنا يستر بجد
أسيل بهمس : عندك حق دي عايزة تجديد علي الاخر دي هتبهر الجميع
إسلام بضحك : انا مالي
أسيل ؛ طب امشي من قدامي دلوقتي يا إسلام وانا هاعرف حور علي العيلة
إسلام : تمام مع السلامة
علي الناحية الأخري:
في قصر عائلة الجوهري:
الجد : باسل قصي اخوك اتصل وقالك أي اللي حصل
باسل : ابدا يا بابا لسه مش طمنا
دخل سليم وسيف القصر
سليم وسيف: ازيك يا جدي ازيك يا بابا
الجد وباسل : ازيكوا يا ولاد اخبار الاجتماع اي كان كويس
سليم : كويس يا جدي واكيد الصفقة هتكون لشركة الجوهري
الجد : اكيد يا حبيبي بس شكلك مرهق يا سليم مالك يا بني انت تعبان
باسل بخضة: مالك يا سليم انت كويس
سليم بارهاق : اهدوا يا جماعة انا كويس بس مرهق من الشغل
الجد ؛ طيب اطلع ارتاح يا بني شوية
سليم بتعب : حاضر يا جدي عن اذنكوا
وذهب سليم لغرفته وأخذ حمامه وابدال ثيابه ونام من التعب والارهاق
في الاسفل :
سيف : مالك يا جدي قلقان ليه
باسل : بصراحة يا بني احنا مش كنا عايزين نتكلم علشان سليم ميعرفش
سيف : ميعرفش اي انا مش فاهم حاجه.
الجد : في حد حرق مخازن البضاعة كلها
سيف بصدمة : اي مخازن البضاعة مين عمل كده وليه ده سليم لو عرف مش هيرحم حد
الجد : علشان كده يا سيف انت مش هتقول حاجة لاخوك خالص وانا هابقي اقوله بطريقتي
سيف : بس يا جدي مافيش حاجة بتستخبي علي سليم هيعرف أن مكانش انهاردة يبقي بكرة
الجد : وقتها انا اللي هاتكلم مفهوم
سيف : حاضر يا جدي
الجد: اطلع ارتاح انت كمان لحد ما عمك قصي وعمك وليد يرجعوا
سيف : حاضر
الجد : قولي يا باسل مراد وادهم وسفيان مختفين فين مش شفتهم ليه
باسل : تلاقيهم يا بابا مع صحابهم ولا حاجة
الجد : ليه مش ينزلوا الشركة مع سليم وسراج وسيف انا عايز احفادي كلهم يتحملوا المسئولية
واذا بعز الدين وحسام يدلفون للداخل
عز وحسام : طب واحنا يا جدي مش احفادك مش عايزانا نشيل المسئولية
حسام : أنا قولتلك يا بني الناس دول لقينا صدقة كده علي باب جامع
باسل : اخرس يا زفت منك ليه واتفضلوا علي اوضكوا حالا
عز بمزاح : مالك بس يا عمي هي شيري مزعلاك
باسل بغضب : اسمها شيري يا قليل الادب اسمها مرات عمي يا ولد
عز بضحك : طيب يا عم مش هاخدها منك اهدا
الجد : علي فوق يا عز انت وحسام حالا
عز وحسام : يلا يا زميلي نطلع وكمان ورانا انهاردة ماتش كورة لازم نشجع
الجد : مافيش فايدة فيهم
باسل : متزعلش يا بابا بكرة يتعلموا
الجد ؛ اتصل باخواتك يا بني وطمنا
باسل : حاضر يا بابا
وبعد مرور بعد الوقت
دخل وليد وقصي القصر
وليد وقصي : السلام عليكم
الجد وباسل : وعليكم والسلام
الجد : ها يا قصي عملتوا اي عرفتوا مين عمل كده
قصي : لاء يا بابا الشرطة قالت ماس كهربي
وليد : بس انا حاسس أنه مدبر يا بابا معرفش ليه
الجد : طيب روحوا ارتاحوا دلوقتي والصبح نتكلم
الجد : صحيح يا قصي مليكة جاية بعد كام يوم مش عايزاها تحس بحاجة خالص
قصي : طبعا يا بابا بس يوصلوا بالسلامة
الجميع أن شاء الله
في غرفة سراج وسها :
سراج : انتي مش هتبطلي أنانية بقا وتشوفي بنتك يا هانم اللي فقدت النطق بسببك انتي مش حاسة بالذنب
سها زوجة سراج : مالك بس يا سراج ما البنت كويسة اهي وكمان انت السبب قولتلك انا مكنتش عايزة اخلف بس انت اصريت انا مبحبش اربط نفسي بحد
سراج بصدمة : بس دي مش حد دي بنتك
سها : سراج انا تعبانة وعايزة انام
سراج : طبعا لازم تنامي امال تروحي الحفلات ازاي
ذهبت سها للنوم وتركت سراج يفكر في حال ابنته ملك حتي راي صغيرته تقف خلف باب الغرفة وتبكي
ذهب سراج لابنته بلهفة
سراج ؛ ملك حبيبتي انتي كويسة في حاجة بتوجعك احكيلي مالك
ملك بدموع : ..............
سراج بحزن : ان شاء الله صوتك هيرجع قريب ويلا علشان تنامي علشان تروحي الروضة بكرة تعالي انا هنام جمبك انهاردة ماشي
هزت ملك رأسها بفرح
سراج : تعالي يلا
علي الناحية الأخري :
في المستشفي
الاب : طمنا يا دكتور علي بنتي
الدكتور : مخبيش عليك هي كويسة بس الحادثة أثرت عليها أدت إلي غيبوبة وبصراحة هي اتعدت مرحلة الخطر باقي بس تفوق من الغيبوبة وربنا يقومها ليكوا بالسلامة
الاب بصدمة : غيبوبة
سلمي بانهيار : يعني اي حور دخلت في غيبوبة ارجوك يا دكتور قولي هتفوق امته اختي
الدكتور : مقدرش اقولك امته بس ربنا يقومها ليكوا بالسلامة عن اذنكوا
احمد بصدمة : بابا احنا ممكن نجيب دكتور تاني ليها والدكتور ده شكله مش فاهم حاجة حور كويسة وهتقوم دلوقتي أيوة هتقوم
الاب : اهدي يا بني اختك هتفوق أن شاء الله ده قضاء وقدر يا بني لازم نصبر علي الابتلاء ده
الجميع بحزن : يا رب
البارت الثامن:
بعد مرور ٣أيام تعرفت حور علي شخصيات الجميع
أسيل : كده يا حور عرفتي الكل وبكرة هنرجع القصر انتي فاقدة الذاكرة ومش فاكرة اي حاجة علشان محدش يشك ودي سماعة هتفضل معاكي علشان لو اتحطتي في موقف كده ولا كده هأقولك واكون معاكي متخافيش
حور: تمام يا أسيل فهمت كل حاجة بس ممكن نطمن علي اهلي في المستشفي
أسيل : طبعا يا حور هنطمن عليهم وكمان علي مليكة
حور بفرح : أن شاء الله هتكون كويسة وتقوم بالسلامة
أسيل : طيب يلا بينا نجهز الشنط علشان هنتحرك بالعربية بدري
حور : طيب يلا
علي الناحية الأخري:
في قصر عائلة الجوهري:
في غرفة سليم :
يتذكر جميع ذكرياته مع زوجته نادين
فلاش باك
نادين : يا سليم بقولك عايزة اخرج انت جايبني هنا تحبسني
سليم : يا حبيبتي احنا هنا في شهر العسل مفيهاش حاجة لو قعدنا مع بعض شوية دول هما يومين اللي قعدناهم لحقتي تزهقي مني
نادين بحب: لاء طبعا يا حبيبي بس زهقت من القعدة بس خلاص لو هتزعل مش عايزة اخرج
سليم : لاء يا حبيبتي قومي اجهزي وهنخرج نتفسح دلوقتي أنا مرضاش علي زعلك
نادين بفرح : بجد يا سليم هنخرج
سليم بحب : بجد يا حبيبتي روحي اجهزي بقا احسن ارجع في كلامي
نادين : لاء أنا خمس دقائق وتلاقيني خلصت
انتهي الفلاش بالك:
سليم : وحشتيني قوي يا نادين انا مش عارف اعيش من غيرك كلهم بيقولوا كمل حياتك هي راحت بس انا عارف انك معايا علي طول
في الاسفل :
كان الجميع علي طاولة الافطار :
الجد : سليم فين يا سيف
سيف : بيجهز وجاي يا جدي
الجد : سفيان مش ناوي تسيبك من مشروعك ده وتنزل الشركة مع ولاد عمك
سفيان : يا جدي انا حابب يكون ليا مشروع خاص بيا واعمله بمجهودى حابب ابني نفسي من الصفر
الجد: طيب وانت يا مراد برضو مصمم زي سفيان هتفضل معاه
مراد ؛ طبعا يا جدي سفيان بيتكلم صح خلينا نبدا من الصفر ونعمل بمجهودنا
ادهم : من غير ما تتكلم يا جدي انا ماليش علاقة بالمشاريع ولا الشركات انا ضابط
الجد: انا اساسا مكنتش موافق انك تدخل كلية الشرطة
ادهم : ليه يا جدي ده انا مبسوط كوني ظابط وبحاول أنضف البلد من المجرمين
الجد : ربنا يوفقكوا يا ولاد
الجد : سراج ملك فين مش شوفتها من امبارح ممكن تبعت الدادة تجيبها وحشتني
سراج : حاضر يا جدي انا هاطلع اجيبها
رؤي ؛ اي يا جدو وانا مش وحشتك ولا الحب كله لملك يعني أنا زعلانة
الجد بضحك : لاء ابدا انا مش يرضيني زعل حفيدتي الجميلة تعالي هنا
ذهبت رؤي لجانب جدها
رؤي : نعم يا جدو
الجد: قوليلي بقا عايزة اي
رؤي : فاهمني يا جدو يا شقي انت
الجد بغضب مصطنع: بنت اي شقي دي انا جدك متقعديش كتير مع اخوكي
حسام : انا معرفش انتوا ظالمني كده دايما يا جدو انا مالي هو أنا قلت ليها اقعدي واتعلمي
عز الدين : معلشي يا عم بورعي متزعلش نفسك
حسام : يرضيك يا حاج عماد اللي بيحصل
عز : ابدا ابدا لازم نعمل تحليل DNA انا متأكد يا بني الناس دول لاقونا صدقة وخدونا يعطفوا علينا
حسام : تعتقد كده انا حاسس برضو دي مش معامله أهل يا بني
الجميع بذهول
الجد : امشي يا فاشل منك ليه يلا كل واحد علي جامعته
عز وحسام: استني بس يا حاج احنا بنتناقش
باسل بضحك : يلا يا اهبل منك ليه برة
حسام وعز : احنا لسه في أول الحوار استنوا
سليم : حسام عز علي الجامعة حالا
حسام وعز بهمس : بيطلع منين ده احنا نمشي احسن ما نتعلق يا بني ده ممكن ياكلنا
سليم بغضب : بتقولوا اي انا مقولتش كل واحد علي جامعته يلا حالا
ركض عز وحسام للخارج بخوف من غضب سليم
الجميع ؛ محدش غيرك يا سليم بيخوفهم
الجد : ها يا رؤي المجانين مشيوا انتي عايزة اي
رؤى : عايزة ننزل انا وزهرة ننزل نجيب هدايا لاسيل ومليكة جايين بكرة
الجد بفرح : اه والله وحشوني
رؤي بفرح : يعني ننزل يا جدو انت موافق
الجد: طبعا يا حبيبتي بس الحراس هيكونوا معاكوا وملك هتروح معاكوا
رؤي : حبيبي يا جدو طبعا احنا تحت امر ملك هانم
الجد بضحك : اه يا بكاشة منك بتاعة مصلحتك وبس
رؤي : طبعا ربنا يخليك للجمهور يا جدو
الجد ؛ طيب يلا روحي جهزي نفسك انتي وزهرة وانا هاكلم الحرس اللي هيكونوا معاكوا
رؤى : هوا واكون جاهزة يلا يا زهرة
نزل سراج للاسفل ومعه ابنته
الجد : اهلا اهلا حبيبة جدو وحشتيني
ملك بفرح هزت راسها
الجد : تحبي تروحي تتفسحي مع زهرة ورؤي
ملك بفرح هزت راسها
الجد : حبيبة جدها تأمر بس
سها زوجة سراج : لاء ملك مش هتروح مع حد
سراج بغضب : سها انتي ازاي تتكلمي مع جدي كده
سها : دي بنتي وانا اللي اقول تعمل اي وتروح فين
سراج بغضب : دلوقتي بقت بنتك يا هانم مش كنتي بتقولي أنا مكنتش عايزة اخلف وانت السبب
سها : أيوة بس خلاص خلفتها يبقي من حقي اقول اي حاجة تخصها
الجد بغضب : ملك دي حفيدتي وانا اللي احدد اي يناسبها واي لاء احسن احلف الغي الكيرد كارت بتاعتك ومافيش حفلات مافيش خروج وتقعدي تهتمي ببنتك
سها بخوف : انا مش قصدي انا بس خايفة عليها
الجد بسخرية : لاء متخافيش أنا أعرف مصلحة حفيدتي كويس واخاف عليها
الجد ؛ ملك حبيبتي روحي الدادة تلبسك
ملك : هزت راسها بحزن
الجد : من هنا ورايح يا سها لو جيتي جمب ملك انتي حرة مش هقولك هيحصل أي انتي عارفة طبعا
سها بخوف وتوتر : اه طبعا
كان الجميع غير مبالين بسها
سليم : يلا بينا يا سيف انت وسراج اتاخرنا
الجد : سليم تعالي مكتبي عايزاك
سليم : حاضر
ذهب سليم والجد لغرفة المكتب
سليم : خير يا جدي
الجد : كل خير يا بني بس هو حصلت مشكلة كده امبارح
سليم : مشكلة اي يا جدي
الجد: .........