رواية رسالة الي أحدهم
الفصل الثامن عشر 18
بقلم بنت الجهمي
فرح / اشمعنى احنا ما كل الستات قاعدة بأولادها و زوجها بيجيب كل حاجة
قدرية / معلش يا بنتى الصبر حلو
فرح / طب انا هدومى مبلوله وخفيفة انا بردانه اوى
قدرية / خدى لفى الشال عليكى و اقعدى عند عمك بدران تحت
واحدة من السكان خدى يا ام فرح الهدوم دى ليكم و كمان سندوتشات اقعدى كل انتى و بنتك
قدرية / ربنا ييسر امرك يا رب متشكرة تعالى يافرح ناكل و خدى البسى الهدوم دى
فرح / متشكرة لحضرتك
واحدة من السكان/ خدى الجزمة دى كمان و ابقى تعالى يوم فى الأسبوع روقى شقتى مش هنختلف
قدرية / يا فرج الله حاضر هاخيلك بكرة
بدران البواب / انتم قاعدين تأكلوا مش تخلصوا الاول
قدرية / معلش يا اخويا البنت جعانه
بدران / خلصى بسرعة قبل سيادة المستشار ما يوصل مش عاوزين نسمع كلام
قدرية / ممكن فرح تقعد جنبك و انا هاخلص على طول
بدران / تعالى يافرح والله انتى الضحية يابنتى
تمر الايام و قدرية طول النهار بتشتغل وتجيب لوازم البيت و حمدان ياخد الباقى و يخرج مع أصحابه كل ليلة مر على كدة لحد ما عمر فرح وصل عشرة سنين إلى أن جه فى يوم ابو قدرية مات واعمامها من الارياف جم و عرضوا على قدرية و اخواتها شراء نصيب ابوهم فى قطعة أرض زراعية فوافقوا و قدرية اخدت نصيبها وقررت تشترى الشقة اللى هى قاعدة فيها بالايجار من صاحب البيت و كتابه العقد باسم فرح
حمدان / لا انا عوز الفلوس اعمل بيهم مشروع
قدرية / لا انا هاخد الشقه اللي احنا فيها واكتبها باسم بنتنا
حمدان / ساعتها هطلقك واتجوز عليك واطردك منها واقعد فيها انا و مراتي الجديده
قدرية / بروضه هاكتبها باسم فرح حرام تفضل متشحططه ورانا
حمدان / هاتى الفلوس وضربها جامد
قدرية / رفضت تدي له حاجه وراحت لصاحب البيت واشترت منه الشقه وكتبتها باسم فرح
حمدان / لما عرف طردها هي وبنتها من الشقه وجاب كريمه اللي كان متجوزها فعلا ومخلف منها بنت و حامل
قدرية / بعد محاولات انها تقعد معاهم أو ترجع شقتها ما عرفتش راحت قعدت مع امها هي وفرح وعاشت مع امها خمس سنين و ماتت و تركت فرح مع ستها فرح خرجت اشتغلت فى مصنع لتعبئة السكر و اخذت الدبلوم بالعافية وقعدت تشتغل وتصرف على نفسها و تخدم ستها المريضة
أما حمدان فعاش حياته مع كريمة و أولاده التلاته و كان لما بيشوف فرح فى الشارع يقعد يزعق ويشتم علشان تتنازلله عن الشقة
كريمة / نفسى العقربه ست بنتك تموت علشان نضغط على المحروسه تكتب الشقة باسمى علشان ولادى
حمدان / انا سمعت أن ورقة مبايعة الشقة عند شوقى زوج بدور بنت خالتها
كريمة / اتصرف هاتها هنا و كتبها تنازل عن الشقة بعد كده ايكش تغور فى داهية
حمدان / احنا قاعدين في الشقه و عمرها ما هتقدر تخرجنا بره
كريمة / ماتزوجها سعيد ابن اختى اهو هى بتشتغل و تساعده على العيشة
حمدان / قولى تصرف عليه دولد تلفان و مبرشم
كريمة / طالعلك اعسل ما انتم نسخة من بعض
تمر الايام و فرح بين شغلها و خدمه ستها إلى أن جائت لحظة الفراق و نهاية حياه زهيرة ام قدرية ست فرح ماتت و سابت فرح بدون سند بدون حد يسأل عنها أو يهتم بها و زاد من عذابها عندما جائها خالها و طلب منها إخلاء الشقة علشان يزوج ابنه فيها
الممرضه / الحقنه يا مدام هو انتى فعلا خرساء
فرح / كتب لها انا كنت بتكلم زيك بس من ساعة ما جيت هنا مش عارفه اتكلم الحمد لله
الممرضة / ياضنايه يابنتى الف سلامه عليكي لو عوزة حاجة انا تحت امرك
فرح / متشكرة و اغمضت عينيها و نامت
فهد / دخل حجرتها بص عليها وسأل الدكتور عنها و ترك المستشفى ورجع لشغله بدون أن يتكلم معاها و حمد ربنا انها لم تحس بيه
أما طلعت فراح سوق الحاجات المستعمله اشترى سريرىن اطفال و دلاب كبير و كنبه استديوا و بوتاجاز و تلاجة وطقم حلل مش ماركة و اطباق و كوبيات وجه فى عربيه و معاه مختار و اتصل بعمر يقابله على الشقة
عمر / ايه ده معقولة ولاد عمى هتنام على سرير مستعمل مستحيل ده يحصل
طلعت / عم......