آسر بص لعائشة و قال : بصفتى اخوها
هشام بسخرية : اخوها متخلى عندك كرامه يا عديم الكرامة
عائشة بضيق : هشام اخرس و سيب ايد.....اعااااا
آسر بغضب: خلى عندك انت شوية من الأحمر و امشى من هنا بكرامتك بدل ما امشيك من غيرها
خديجة بضحك : آسر 10 و هشام سالب 10 و وجهت كلمها لهشام وقعتى يا بطة يا بنت ماما انتِ وقعتى اخص عليك يا آسر مش براحه عليه اديه عايز حد يقومه يلا يا ممرضات يلا يا دكاترة مش دا زميلكم تعالوا قوموا
الكل بصلها بصدمة من كلامها و بدأوا يضحكوا ماعدا هشام اللى بصلها و بص لاسر بغل دفين
آسر بصله بسخرية و قال : مقوتش ليه شوف كرامتك ضاعت من بنت و مش اى بنت دى بنت لسه تانية كليه عيله يعنى و كل دا انا معملتش حاجة لسه
على قرب من هشام اللى كان هيطق و قاله : قوم يا هشام
عائشة : سيبوا يا دكتور شكله عجبه القعدة تحت
هشام وقف و قال بصوت عالي للمتجمين حوليهم : كل واحد على شغله يلااااا ووجه كلامه ليهم و قال : انتم هتدفعوا تمن اللى حصل دا غالى اوى و بذات انت يا بن رد السجون و البت المفعوصه دى و شاور على ديجا
على بضيق : يلا يا هشام
خديجة : يلا يا شاطر اسمع كلام البتاع اللى معاك دا
على بصدمة : بتاع انا يتقالى بتاع انت لسانك طويل ليه يا متر و نص انتِ
خديجة بضيق : انا بردو اللى لسان طويل و على فكرة انا164سم انت اللى عمود نور
على بغضب : انا عمود نور يا...
آسر بمقاطعه : بس انت و هى اخرسوا و انت خد صاحبك و امشوا من هنا احسنلكم
على بصلهم بضيق و قال لهشام : يلا يا مهزقنا
هشام بوعيد : ماشى
ولف يمشى عائشة نادت عليه
هشام بصلها و قال : خير
عائشة بهدوء : مش نسيت حاجة
هشام بغيظ : اه نسيت ابعتر بكرامتكوا الأرض
عائشة : تؤ تؤ مش دا لأنك مش هتعرف بس نسيت دى و شالت الدبلة من ايدها اديدهلوا
هشام بعصبية : انت ازا...
على قاطعه بعصبية و قال : جرى ايه يا هشام ما انتهينا خلاص هى مش عايزاك و لا انت غاوى تهزيق و قلة قيمة و انا قلتلك من الاول انت و هى لا مش شبة بعض يبقى الموضوع انتهى يلا اتفضل خلينا نمشى
و اخدوا و مشيوا
آسر بهدوء : يلا يا خالتى نشوف عمى محمد علشان لوحده
زينب : يلا يا بنى
عائشة : هو بابا ماله اصلا يا ماما
زينب : غيبوبة سكر
خديجة : انت مين اللى قالك
عائشة بصت لاسر و قالت : مامت آسر اللى رنت عليا و قالتلى
آسر بهدوء : طب يلا
فى الأوضة
زينب بلهفه : محمد حبيبى عامل ايه
محمد بضيق : حبيبك انتم فين يا ولاد الكل*ب و سيبيني لوحدى
آسر بابتسامة: موجودين حمدلله على السلامه
محمد بابتسامة: الله يسلمك يا بنى
عائشة بدموع : بابا
محمد بتجاهل : عملت ايه يا آسر مع المحامى
آسر: الحمد الله شهر و هيطلع
محمد بفرحه : بتتكلم جد يا بنى
آسر بابتسامة: جد الجد
زينب بحب : على خير يابنى
عائشة بزعل : انت مش عايز ترد عليا ليه
محمد ببرود : جيتى ليه ما كنت خليك مع البيه بن الهانم
عائشة قربت عليه بهدوء و قالت : انا اسفه انا خلاص نهيت الموضوع انا اسفه يا بابا
آسر: احم طب استأذن انا
راح يفتح الباب اتفاجأ بعلى
آسر ببرود : خير
على بحرج : اهلا
خديجة بسخرية : وسهلا
على بغيظ : كنت جاى اعتذرلكم بالنيابة عن هشام
عائشة بهدوء : محصلش حاجة يا دكتور خلاص
على بهدوء : والله يا عائشة انا قلت له من الاول مينفعش مردتش عليا
محمد بهدوء : خلاص يا بنى محصلش حاجة
على بحرج : عن اذنكم
اسر بغيظ : اه يلا مع السلامه
مسافه ما على طلع آسر قفل الباب
آسر بتلقائية: انت و هشام و اللى جابتكم فى ساعه واحدة
خديجة بصدمة : ايه
آسر برق بصدمة و لفلهم بسرعه و شاف صدمتهم اللى ماليا وشهم
آسر بلعثم : انا...........