رواية امتلاك بالاجبار
الفصل الواحد والثلاثون 31
والثاني والثلاتون 32
بقلم هاجر عبد الحليم
تانى يوم
فى فلة الالفى
فى اوضة بسملة
ايات:انا متشكرة اوى ياعيون على اللى عملتيه علشانى...انتى بجد انسانة كويسة
عيون ضربتها بخفة على خدها وقالت:بطلى عبط انتى اختى...وياريت متشكرنيش على اى حاجة تانى والا فعلا انا هزعل منك..على فكرة امبارح معرفتش انام منك...حضرتك خليتينا نقصى طول اليوم عياط
ايات بعياط:انا مش مصدقة انه خلاص مات وسبنى انا حاسة انى السبب فى موته....انا مش عارفة ليه ربنا بيعمل فيا كدة امى وجوزى فى يوم واحد
عيون مسحت دموعها وخدتها ف حضنها وقالت:خلاص ياايات...بس نطمن على عمتى ساعتها يبقى روحيله اقريله الفاتحة وافضلى ادعيله...بس علشان خاطرى كفايا عذاب فى نفسك ويلة خلينا نمشى
ايات:ماشى ياعيون يلة بينا
فى الصالة
فاطمة:خد بسملة معاك ياجاسر
جاسر:هو انا رايح رحلة علشان اخدها معايا دة مشوار صد رد وجاى على طول...وبعدين انا هسيبها مع يسرية وهى هتاخد بالها منها...مش كدة يايسرية
بسرية:ياندامتى...طبعا ياسيدى بسملة ف عينى وهشيلها جواها لحد مترجعوا بسلامة ياعينى عليكى يابنتى انا حاسة بيكى بس كفايا دموع على راى المثل لو كان البكا بيرجع اللى مات كان باعوا الدموع فى الاززاخانات
ايات:ااااااه انا تعبانة اوى ياعيون....محدش هيقدر يحس بوجعى غير اللى داوء....يلة علشان منتاخرش على الدفنة هنومة كل شوية بتتصل
عيون:يلة ياحبيتى
ومشيو
صافى كانت متابعة الحوار وهى واقفة على السلم:هو انا خلصت من عيون علشان تجيلى ايات....البيت بقا ملجا للى بسوا واللى ميسواش بس ماشى والله لهطلعوا انتوا الاتنين فى اقرب فرصة
عند ايات وعيون وجاسر
راحوا الحارة عيون كانت حاضنة ايات اللى فعلا رجليها مش شايلاها.....العزبى شافهومهم جاى يروح بس اتخض لما شاف جاسر وكان معاه اربعة بادى جارد...رجع لوراء تانى وبيلعنه ف سره...الرجالة قالوا لايات انه خلاص غسلوها وكفنوها فاضل بس يودوها على المدفن اول مسمعت الجملة فضلت تصرخ وتلطم على امها وجوزها عيون فضلت تمسكها هى وكذا واحدة فى الحارة....بعد كدة رواحوا ودفنوها فى البحيرة
بعد كدة راحوا على الفلة
عيون:ياساتر يارب راجل اعوذ بالله عليه...تعرف كان نفسوا يتكلم معانا بس شكوا خاف منك
جاسر:طبعا يابنتى هو انا اى حد ولا ايه
ايات:انا تعبانة عايزة ارتاح
عيون:طبعا ياحبيتى اطلعى البيت بيتك
طق طق
بسرية فتحت
يسرية:مين حضرتك
احمد:انا احمد اخو ايات...هى موجودة
يسرية:اهلا وسهلا اتفضل الفلة نورت
ودخل الفلة ايات اول مشافتوا اتصدمت وقالت:انت ليك عين تيجى...امك ماتت وانت مهنش عليك تيجى تودعها...اكيد المحروسة اللى انت عايش من خيرها قالتلك متجيش مش كدة
احمد بثبات:انا مش هرد عليكى علشان عارف حالتك عاملة ازاى....انا جيت علشان اقولك ان خلاص البيت معدش ليه لازمة ف انا قررت ابيعه علشان محتاج الفلوس
عيون بصدمة:ايه اللى انت بتقولة دة يااحمد...عيب عليك تقول الكلام دة وامك لسة مدفونة انهردة...مصدقت تموت علشان تاخد الشقة
احمد:جاسر بيه ياريت تخلى مراتك متتدخلش فى اللى ملهاش فيه....الموضوع دة بينى وبين اختى
ايات:طب ممكن اعرف الفلوس دى محتاجها فى ايه
احمد بتوتر:عايز افتح بيها مشروع...وانا مش باخد اذنك دة حقى وحقك برده هتاخديه مش هجور عليه
ايات:مشروع ايه بس فهمنى
ايات:مش ملزوم اقولك حاجة....انا هبيع البيت وخلص الكلام...ياريت بكرة تبقى فى الحارة علشان تمضى اظن فاهمة...يلة سلام
ومشى
ايات بعياط:يانصيبتك السودة ياايات....اخويا شكله اتجنن بيت ايه اللى هيتباع
جاسر:ومالكم مكبرين الموضوع كدة ليه....ايات قولتلك قبل كدة البيت دة بيتك...سيبيه ياخد الفلوس وبشبع بيها واكيد لو بيعمل حاجة غلط ليه رب يعاقبه مش احنا
ايات:انا طالعة عن اذنكم.
وطلعت وعيون عمالة بتبصلها بحسرة وبحزن....اتخضت لما لقت جاسر حاضنها من ورا
عيون بكسوف:ايدة ياجاسر ابعد عنى قبل محد يشوفنا
جاسر:طب ميشوفنا انا بحضن مراتى مش حد غريب...وتعالى بقا علشان عايزك فى موضوع ومينفعش يتاجل
ومسك ايدها ودخلوا الاوضة
عيون:موضوع ايه اللى انت عايز تكلمنى فيه
جاسر:اقعدى بس الاول ياعيون
عيون:حاضر
وقعدت هو قعد جمبها ومسك ايدها وقال:انتى ليه هربتى منى امبارح
عيون:انا اسفة علشان عملت كدة بس خوفت فجاه معرفش ليه
جاسر:هو انتى خايفة من ايه بالظبط
عيون:مكسوفة اقولك
جاسر:وانتى الصراحة بتتكسفى اوى
عيون:بطل تريقة انا فعلا مكسوفة اتكلم فى الموضوع دة
جاسر:عيون مفيش كسوف ولا كرامة بين الست وجوزها واتفضلى اتكلمى مش هشحت منك الكلام
عيون:هو انا الصراحة خايفة منك
جاسر بصدمة:انتى قولتى ايه
عيون بخوف:قولتلك مش هتسمعنى انا ماشية
قامت هو شدها من ايدها وقعدها تانى وقال:اقعدى انتى رايحة فين....ومفيش حاجة اصلا تستدعى الخوف دة كله
عيون:منا عارفة ان مفيش حاجة تستدعى الخوف...بس انا مش خايفة منك انت...انا خايفة من علاقتى معاك...انا فى الحارة عندنا بسمع حاجات غريبة عن اليوم دة...وبيقولوا بيقولوا
جاسر:بيقولوا ايه ياعيون كملى انا سامعك وفاهمك
عيون بكسوف:بيقولوا الراجل بيبقى عنيف مع مراته وبيخليها تصرخ وتعيط من الوجع...وهو بيبقى شهوانى مش فارق معاه معاه حالة مراته.تعبانة متضايقة مخنوقة...يبقى كل اللى عايزه كدة يعنى وبس
جاسر:على الرغم من انى مصدوم من الكلام اللى بسمعوا منك دلوقتى..بس هفهمك عيون هو انتى فاكرانى ممكن اعمل فيكى حاجة وحشة....انا هخليكى تصرخى وتتوجعى...عيون العلاقة الحميمية مبينية على الرحمة والالفة مش مبينة على الوحشية...الواحد لما بيبقا عايز مراته عايزها علشان بيحبها مش عايزها علشان اشباع رغبة رخيصة وخلاص...انا مش كدة ولا عمرى كنت كدة.....وبعدين انتى ايش عرفك ان علاقتنا هتبقى وحشة.. انتى جربتى اصلا
عيون بصدمة:اجرب مين...مش عايزة اجرب...انا بس قولتلك الكلمتين اللى فى دماغى وخلاص.وعايز الصراحة كلامك طمنى
جاسر:طب الحمد لله دة اهم حاجة عندى....فاضل بس مشكلة واحدة
عيون:مشكلة ايه
جاسر:لحد امتى هتفضلى مخبية جسمك عنى
عيون:مش عايزة شفقة منك
جاسر باستغراب:شفقة....ايه الكلام العبيط دة
عيون:انا مش عايزة اشوف نظرة شفقة فى عنيك مش هستحملها
جاسر:غمضى عينك
عيون:جاسر
جاسر:اشششش ولا كلمة اسمعى الكلام وبس
عيون غمضت عينها جاسر قرب منها وباسها فى خدها وبيحاول يلهيها على اللى بيعم
فضل يبوسها برقة اذابت كل كيانها...هى مكنتش حاسة بالعالم اللى هى فيه
جاسر قدر انه يقلعها هدومها وهى لسة مش حاسة بحاجة
جاسر ضحك وبعد عنها وباسها فى شفايفها للمرة التانية ...مكنش حاسس بنفور من جسمها ولا شفقة عليها...
قومها وباس خدها وهمس فى ودانها وقال:فتحى عنيكى
عيون فتحت عينها وضحكت وقالت:هو ايه اللى حصل
جاسر بخبث:هو انتى مش حاسة ان الجو ساقعة شوية
عيون استغربت فبتبص على نفسها لقت نفسها عريانة عيطت جامد وحضنته كانها بتستخبة فيه
جاسر:اششش بطلى عياط...ياهبلة انا جوزك...انا عملت كدة علشان اثبتلك ان جسمك ولا فارق معايا
عيون:انت رخم وانا مش مسامحاك...انا ازاى محستش باللى انت بتعمله
جاسر:سر المهنة...مش هقولك عليها....عيون بصى فى عنيا
عيون بصت فى عنيه
جاسر:انا بحبك ياعيون وجسمك دة حقى مش هتخبيه عنى....وبرده ارجع اقولك ان جسمك دة مشوفتش احلى منه ولا هشوف...
وباسها فى كتفها...وفضل يحسس على ضهرها وبالتحديد فى مناطق جرحها
جاسر:هيختفوا قريب من جسمك...دة وعد منى ليكى
جاى يبعد هى مسكت فيه وقالت:خليك جمبى اوعى تتحرك
جاسر قربها منه وفضل يمشى وهى فحضنه لحد مفتح الدولاب وجاب الروب ولبسهولها
جاسر:عيون انتى بخير
عيون:طول منت جمبى بخير
فى اوضة بسملة
ايات عمالة بتعيط جامد
ترن ترن
ايات:الو
ساندى:ايوة ياايات انا ساندى اخت مومن الله يرحمه
ايات فضلت تعيط اول مسمعت اسمه
ساندى بوجع:انا عارفة انك كنتى بتحبيه وصدقينى هو كمان كان بيحبك اوى...ياريت تسامحيه دة طلبى منك
ايات:هو انتوا دفنتوا ولا لسة
ساندى:ايوة هو ف مدفن.........بتسالى ليه
ايات:هكون بسال ليه يعنى...انا عايزة اروحله....مش كفايا انا مكنتش معاه
ساندى:طيب على الاقل هنيجى انا ويوسف ناخدك انتى فين
ايات:انا فى فلة جاسر الالفى هو يبقى جوز بنت خالى...علشان كدة جى معايا
ساندى:ماشى ياايات مسافة السكة هنكون عندك
ايات:ماشى سلام
فى قصر الصمدى
سليم:هى قالتلك كدة
ساندى:سليم انا عارفة انك بتحبها بس صدقنى موضوع انها تبادلك نفس الشعور دة صعب اوى انا مش عارفة انت هتعملها ازاى
سليم:انا بحب ايات بجد....وهشيلها جوة قلبى وعينى وفوق راسى لاخر نفس فى عمرى..وبعدين انا عارف اعمل ايه معاها بس محتاج مساعدتك
ساندى:ازاى بس ياسليم....مش معقولة يعنى هتعرض عليها الجواز...مومن لسة ميت امبارح وعلى فكرة لولا انى عارفة انك بتحب ايات بجد مكنتش هكلمك بس هى محتاجة وجود حد جمبها على الاقل فى الفترة دى
سليم:انا عارف هعمل ايه....انا جاى معاكوا..بس امشوا انتوا وانا هاجى واركوا
ساندى:ماشى ياسليم سلام
سليم:سلام
ومرة واحدة باب اوضة سليم اتفتح
مارينا:سليم
سليم:حد يخش على حد بالطريقة دى...فى ايه يامارينا
مارينا:مينفعش ياسليم
سليم:ايه هو اللى مينفعش...مش فاهم...اه قصدك موضوعى انا وايات...لا هينفع يامارينا
مارينا:انت ازاى هتحب البنت اللى كانت السبب فى تعاستى وخلت احلى يوم فى عمرى اسوا يوم...وبعدين انت لحقت تحبها وامتى...لا ياسليم محدش فينا هيسمحلك بكدة
سليم:محدش خد رايكوا ثم انا وضعى غير وضع مومن انا عارف احافظ عليها واتمسك بيها ازاى....انتوا هتتقبلوها علشان معندكوش اى اختيار تانى بس ادعوا انها توافق علشان شكلها هتتعبنى واتفضلى اطلعى برة خلينى اغير...واعتقد انتى عارفة انا رايح فين
مارينا:انا معلملتش اللى فى دماغك
سليم:والله...فعلا....ماشى انا عارف انى غلطان اتكلى بقا خلينى اغير هدومى
مارينا:ماشى ياسليم....بس صدقنى هتندم على اللى بتعمله دة
سليم ببرود:محدش خد رايك واطلعى برة بدل م والله همد ايدى عليكى ودى انا اول مرة اعملها
مارينا خرجت بكل غل الدنيا ورزعت الباب فى وشها
فى فلة الالفى
فى اوضة جاسر
عيون:يعنى مصممة تروحى على المدفن لوحدك...ليه مش عايزة تاخدينى معاكى
ايات:معلش ياعيون انا عايزة اروح لوحدى وبعدين ساندى ويوسف هييجى ياخدونى متقلقوش
جاسر:خدى بالك من نفسك...بلاش تتاخرى
ايات:حاضر مش هتاخر...سلام
ومشيت
عيون:انا قلقانة اوى عليها
جاسر:صدقينى مفيش حد عنده القدرة انه يواجه اللى هى بتواجهه ربنا يقويها بقولك انا رايح مشوار على السريع وجاى
عيون:مشوار ايه
جاسر:متقلقيش كدة..هروح اقعد مع واحد صاحبى شوية مراته ولدت هروح اباركله
عيون:صاحبك مين دة اسمه ايه يعنى
جاسر:بصى الواحد مش مصدق ان احنا اخيرا هنتقابل انا الصراحة كنت مانع نفسى عنه لانه حصلت بينا مشاكل زمان بس الحمد لله كله رجع واتصلح...هو اسمه ادهم البسيونى ومراته اسمها جنة😱😱😱😱😱😱
عيون:طب متاخدنى معاك
جاسر:لا مش انهردة...خليها يوم السبوع هنروح انا وانتى سوا اوكى
عيون:اوكى ماشى
فى المدفن
ساندى بعياط:حرام عليكى ياايات كفايا...انتى كدة بتعذبيه انتى قولتى هتقريله الفاتحة وتمشى على طول احنا اهو بقالنا فوق الساعتين وانتى عينك لسة شغالة
ايات:اوعدك يامومن ان مفيش حد يقدر ياخد مكانك فى قلبى مهما حصل...انت الوحيد اللى جوزى وحبيبى ومالك كل حاجة فيا
ساندى بصت لسليم بقلق اللى كان واقف بعيد عنهم
سليم:مساء الخير
ايات بفرحة:سليم
سليم:الصراحة قولت اجى اقراله الفاتحة لو هضايقك امشى
ايات:لا ياسليم متقولش كدة
سليم قرا الفاتحة لمومن
سليم فى سره:سامحنى يامومن...انا عارف يمكن نفسى ف حاجة مش بتاعتى..بس انا كنت هعمل اللى عليا وهدوس على قلبى علشان تكونوا مع بعض بس دلوقتى لا...انا هحارب علشان اوصل لايات...واللى انت معرفتش تعمله انا اللى هعمله
امتلاك بالاجبار الحلقة 32
بمكن انتوا مستغربين ايوة ادهم وجنة ابطال رواية انتقام ام سعى وراء الحب هيظهروا معانا فى الحلقات الجاية يارب تكونوا مبسوطين اسيبكم بقا مع الحلقة
فى فلة الالفى
طق طق
عيون:خير ياستى حضرتك كنتى عايزانى ف حاجة
فاطمة:ابوة ياحبيتى خشى متقفيش على الباب كدة
عيون دخلت وقعدت جمبها
فاطمة:عارفة انا نفسى ف ايه
عيون:نفسك فى ايه ياستى
فاطمة:طول عمرى نفسى جاسر يبقى ليه ضهر وسند فى الدنيا بس للاسف مراته الله يرحمها معرفتش تعمل كدة...وبصراحة خير ما عملت...انا نفسى جاسر يجيب الولد دة منك انتى
عيون حست ان الدنيا بتلف بيها معقولة متعرفش انها عمرها مهتكون ام
عيون:بس ياستى انا
فاطمة:انا عارفة يابنتى ان علاقتك انتى وجاسر مش مستقرة بس هتتحسن مع الوقت
عيون بوجع:لا ياستى انا مكنتش هقول كدة....ستى انا مينفعش اكون ام..انا نفسى يمكن اكتر منك...بس ربنا مش رايد حاجة زى كدة...وبعدين ربنا يخلى بسملة ربنا يعلم ان بعتبرها زى بنتى واكتر
فاطمة بصدمة:ايه الكلام دة ياعيون...معنى كلامك انك ضحكتى علينا...ازاى مقولتيش حاجة زى كدة من الاول...لا معلش ياعيون الموضوع دة كبير انا نفسى جاسر يكون عنده ابن
عيون:يعنى ايه ياستى قصدك انك عايزة جاسر يتجوز عليا.لا اكيد مش هيوافق....جاسر بيحبنى ومستحيل يجيبلى ضر
فاطمة:لاحول ولا قوة الا بالله يابنتى هو مش من حقى اكون عايزة ابن لحفيدى ليه تحكمى عليه انه ميبقاش ليه ضهر
عيون:ربنا يخليله بنته ياستى
فاطمة:مقولتش حاجة بس بسملة مسيرها تكبر وتبقى لعيلة جوزها...بس الولد هو الاساس وسيرة الالفى مش هتتقطع
عيون بوجع:لا ياستى كلامك دة بيخوفنى اوى انا لا يمكن اسمح بحاجة زى كدة...انا مخترتش اللى ابقا فيه...انا الرحم بتاعى متشال كان ممكن ابقى ام بس للاسف دلوقتى لا
فاطمة:والله يابنتى انا بحبك...بس لازم جاسر يبقى ليه ضهر...ايه هيموت وميبقاش ليه سيرة
عيون بخضة:بعد الشر عليه ليه ياستى الكلام دة..والله الكلام دة ميتعقلش ابدا....وعلى العموم لما ييجى جاسر بسلامة ابقى اتكلمى معاه فى الموضوع دة عن اذنك
فاطمة:عيون متبقيش انانية ممكن جاسر يرفض موضوع الجواز ساعتها انا عايزاكى تقنعية لو بتحبيه فعلا
عيون:ربنا يسهل ياستى
فى حارة العزبى
على القهوة
العزبى:احنا كلنا لازم نتجمع يارجالة قدام فلة المحروس جوز عيون مينفعش ايات تقعد معاه ف بيت واحد ولا ايه يارجالة
الراجل1:عين العقل يامعلم وهى دى الاصول محدش يقدر يتكلم فيها...وبعدين انت اولى ب ايات
العزبى:خلاص انهردة بليل نتجمع ونقول ل ايات ان لازم يبقى ليها ضهر يسندها.. جهزوا نفسيكوا يارجالة عايز وحوش مش حتة عيل فاكر نفسه بيه يخوفكوا لازم نقولو ان مينفعش تعيش معاك فى بيت واحد حتى ولو فى كذا حرمة فى البيت فاهمين ولا لا
الرجالة بصوت واحد:فاهمين يامعلم
فى فلة الالفى
فى اوضة بسملة
بسملة:بسملة تعرف عيون مالها اه
عيون:متخافيش ياحبيبتى عيون بخير مفيهاش اى حاجة
بسملة:بسملة ترن على جاسر تقولو اه
عيون بصتلها وعيطت جامد
بسملة:شوفتى بسملة عرفت ان عيون فيها حاجة اه
عيون حضنتها وقالت:حبيتى انتى بتحبينى وبتعبترينى زى امك ولا لا
بسملة:بسملة تحب عيون اه...عيون ام بسملة اه...عيون تعيط لا...عيون دموعها وحشين اه
عيون ضحكت وقالت:تعرفى انا بحبك قااااااد البحر...ومحدش يقدر يخلى عيون تحبه غيرك انتى ياقطتى
ترن ترن
عيون مسحت دموعها وردت على التليفون:ايوة ياجاسر
جاسر:السبوع بكرة بجد تعالى شوفو البيبى بجد عسول اوى ما شاء الله
عيون:ربنا يخليه ليهم الا قولى ياجاسر هو دى اول خلفة ليهم
جاسر:لا خلفوا بنت سموها حور...والصراحة هى اسم على مسمى فعلا جميلة ما شاء الله عليها
عيون:انت فين دلوقتى
جاسر:خلاص انا داخل على الفلة اهو عيون مال صوتك...حاسك فيكى حاجة
عيون:انا لا ابدا مفيش انا بس عايزاك فى موضوع اول متيجى هقولك عليه
فى اوضة جاسر وعيون
جاسر بعصبية:ستى هى اللى قالتلك كدة...وبعدين مش عايزك تحسى بنقص مش هفضل طول عمرى اقولك كدة..انا ليا كلام معاها جواز ايه وزفت ايه بس...بسملة بتحبك والحمد لله وانا اتقبلتك بعد تعب وصراع مع نفسى ملوش اول من اخر ودلوقتى ستى عايزانى ابتدى من الصفر ليه
عيون:جاسر علشان خاطرى فهمها براحة دى ستك متخلنيش احس بالذنب علشان قولتلك
جاسر معلقش ودخل اوضة فاطمة وعيون دخلت وراه
فى العربية
سليم:انتى متضايقة علشان ركبتى معايا العربية
ايات:ليه يعنى مش متضايقة ولا حاجة وبعدين يوسف كان حابب يقعد مع ساندى ويتكلم معاها محبتش اكون طرف تالت ما بينهم شكلك انت اللى متضايق مش انا
سليم:انا لا ابدا والله ظلمتينى...انا بس شايفك مهمومة...ايات الحياه مش بتقف على حد لازم تعيشى حياتك انتى لسة صغيرة ومسيرك تلاقى الشخص اللى يسعدك ويقدرك
ايات:فى ايه ياسليم حرام عليكوا حسوا بيا بقا.....انت مش حاسس بوجعى فياريت متتكلمش معايا فى الموضوع دة
سليم:انتى قاسية عليا كدة ليه انهردة
ايات:معلش ياسليم انا مخنوقة لو سمحت خلينا ساكتين احسن
سليم بضيق:اوكى زى متحبى
فى فلة الالفى
فى اوضة فاطمة
جاسر:ممكن اعرف ايه الكلام اللى عيون قالته دة
فاطمة:معقولة لحقت تقولك وعلى العموم هجاوبك انا عايزاك يبقى ليك ضهر
جاسر:يااما من عيون يااما بلاش وبعدين انا مستكفى ببنتى
فاطمة بزعل:ايه هتعصى كلامى معقولة دى اخرة ترببتى فيك ياجاسر...كل دة علشان عاوزة مصلحتك وبعدين انا بحب عيون وبعزها بس طالما دخلنا فى الموضوع دة يبقى لازم اتصرف
جاسر:عيون الوحيدة اللى ليها حق فيا....مش هتحوز ومش هسمح لنفسى انى ابقا مصدر جرح وتعب ليها...مش هسمح لنفسى ان ابقا نايم فى حضن غيرها وهى نايمة بليل ودموعها على خدها وبعدين انا عارف دكتور كويس يقدر يشوفلنا حل فى موضوع عيون
فاطمة:ولو منفعش
جاسر:يبقى دة الله وادى حكمته مش هنكفر يعنى ياستى
فاطمة:بس انا عايزاك تتجوز
جاسر:اسف مش هقدر
فاطمة:افهم من كدة ان زعلى ميفرقش معاك
جاسر:انا مقولتش كدة....انا مش هتجوز وخلص الكلام يلة بينا ياعيون
فى اوضة عيون وجسر
عيون بعياط:انا اسفة اوى
جاسر بعصبية:انتى بتعيطى ليه
عيون:علشان انا مكنش نفسى يحصل كدة
جاسر:اهو حصل وخلاص
عيون:انت مش زعلان منى
جاسر:وازعل منك ليه يابنت الناس....عيون ياحبيبتى متقلقيش انا كلمت ادهم فى موضوعك وهو هيشوفلنا صرفة
عيون:انت ليه متمسك بيا كدة....جاسر لو عايز تتجوز اتجوز انا مش همنعك
جاسر:اه انا عايز اتجوز فعلا...وياسلام فى واحدة موزة انا هموت عليها فى الشركة خلاص انا هكلم ستى ياستى
عيون بعصبية وغيرة:استنى هنا ايه الكلام اللى انت بتقوله دة...انت عايزنى ادبحك وادبحها ولا ايه...انا مصدقت مسكت فى الكلمة...دة انا بهزر واحد عينه زايغة صحيح.
جاسر:ههههه طب منا والله كنت بهزر حبيت بس اناكشك شوية...واشوف نظرة الغيرة اللى فى عنيكى
عيون:لا ياشيخ طب اعملها ياجاسر وشوف انا هعمل فيك ايه قسما بالله لهقتلك
جاسر خدها ف حضنه وقال:انا بعشقك عارفة طريقة كلامك مستفزة بس حلوة...عيون والله حوار الخلفة م فارق معايا اصلا
عيون:يعنى ايه مش فارق معاك...يعنى مش عايز تخلف منى
جاسر:لا طبعا عايز...بس هنحاول نشوف صرفة يمكن نلاقى طريقة نعرف نعالجك بيها بس قولى يارب
عيون:يارب ياجاسر يارب
فى الصالة
جاسر:اهلا وسهلا ياسليم اتفضل
سليم:لا معلش خليها وقت تانى
عيون:لا ياسليم خش على الاقل اشرب حاجة
سليم:ماشى
ودخلوا فى الصالون
عيون:انت بقا سليم تعرف ايات كانت بتقول فيك شعر امبارخ بليل مش كدة ياايات
ايات بكسوف:كدة ايه لا طبعا انا مقولتش كدة دى بتكدب
عيون:شوفت وشها بقا عامل زى الطماطم ازاى...يبقى انا بكدب ولا لا....وعلى العموم انت شرفتنا ياسليم
ايات:مارينا عاملة ايه ياسليم
سليم:انتى متخيلة هتكون عاملة ايه
ايات:انا اسفة اوى علشان كل دة حصل بسببى
طق طق طق طق
جاسر بعصبية:مين الهمجى اللى بيخبط على الباب كدة يسرية شوفى مين
يسرية فتحت لقت رجالة واقفين وفى ايديهم سلاح
يسرية بخضة:يانصيبتى الحقنى ياجاسر بيه
كلهم خرجوا يشوفوا فى ايه
ايات بخضة:انتوا بتعملوا ايه هنا...هى حصلت تتهجموا على بيوت الناس بالطريقة دى
جاسر بعصبية:انتوا مش هتخرجوا من الفلة دى على رجليكوا ابدا....ايه شغل البلطجة اللى انتوا فيها دى...انا هكلم البوليس ييجى ياخدكوا من هنا...
العزبى:براحة علينا ياجاسر بيه احنا جايين وقصدنا خير
عيون:خير ايه جايين ومعاكم سلاح وتقولوا جايين فى خير...ايه اللى رماكم علينا الساعادى
العزبى:انا عايز اتجوز ايات
سليم بعصبية:انت اتجننت ياراجل انت...ايات مين اللى تتجوزها...دة انا اقتلك قبل متلمس شعرة منها
جاسر:سليم اهدا....بقولك ايه يامعلم ايات مش حابة تتجوزك...وبعدين انت كدة بتغلط...فى واحد رايح يتقدم لوحدة وف ايده سلاح ومعاه رجالة الحارة كلهم
العزبى:الاصول بتقول ان ايات مينفعش تبات مع واحد غريب فى بيت واحد رجالة الحارة هتاكل وشى...ايات لازم تتجوز والا هتجيبلنا العار
عيون بعصبية:هو انتوا فاكرين نفسكوا فين ايش حشركم انتوا فى الموضوع دة وبعدين ايات هتتجوز مش مستيا حد منكم يجوزها
الكل بصلها بصدمة
ايات:انا هتجوز
عيون:ايوة مالك مستغربة كدة ليه...ايوة هتتجوزى سليم..وسليم شاريكى مش كدة ياسليم
وغمزتله هو ضحك وقال:انا شاريها من اول يوم شوفتها فيه
جاسر:اعتقد وجودكم هنا بقا ملوش لزوم ف اتفضلوا من هنا بدل م والله هخليكوا تباتوا فى الحجز اليلة
العزبى بعصبية بص لسليم وقال:تمام...واكيد هنيجى ننقط العرسان...يلة بينا يارجالة
ومشيوا
صافى:ايه اللى انا شوفتوا دة معقول تدخلوا مجرمين فلة الالفى
جاسر:ملكيش دعوة ياصافى...لو سمحت اطلعى اوضتك
صافى:لا مش هطلع الا لما اعرف ايه اللى بيحصل هنا
ايات:انا مش هتجوز سليم ياعيون
سليم:مفيش قدامك غير الحل دة..العزبى مش هسيبك...وبعدين جوازنا هيبقى على ورق وبس
ايات:وليه جواز من اساسه....انا مش عايزة اتجوز وبعدين اهلك مش هيتقبلوا حاجة زى كدة....والتاربخ هيعيد نفسه من الاول وجديد
سليم:انا مش هخلى دة يحصل ثقى فيا
ايات:سليم افهمنى انا مش عايزة اخسرك انا بعزك وبعتبرك قريب من قلبى وبعدين انت عارف مومن الله يرحمه كان ايه بالنسبالى
جاسر:انتى لازم تتجوزى ياايات...وسليم انا متاكد انه هيصونك
ايات:طب واهلك ياسليم
سليم:بكرة الصبح هاجى اخدك ونروح مشوار سوا خليكى جاهزة واستنى منى تليفون...صدقينى انا عارف هحميكى ازاى يلة سلام
ومشى
فى اوضة بسملة
ايات:عيون انا مش عايزة اتجوز
عيون:دة لمصلحتك....صدقينى سليم انسان كوبس
ايات:مش هعرف اسعده ومعنديش حاجة ادهاله
عيون:هيقدر وضعك متقلقيش يلة نامى وبكرة يحلها حلال
ايات:انا خايغة مومن ميسامحنيش على اللى انا هعمله
عيون:لا هيسامحك يلة نامى بقا تصبحى على خير
ايات:وانتى من اهله