رواية امتلاك بالاجبار
الفصل الخامس والعشرون 25 والسادس والعشرون26
بقلم هاجر عبد الحليم
فى فلة الالفى
فاطمة:ايه يبنى جيت بدرى مش عوايدك يعنى
جاسر:نسيت ملف مهم اوى عن الصفقة الجديدة بتاعة الادوية انا قولت لعيون تحضره بس شكلها نسيت مش مهم هطلع اجيبه
فاطمة:ماشى يبنى
طلع الاوضة استغرب ان عيون مش موجودة
نزل تحت وهو بيحاول يتغلب على القلق اللى هياكل قلبه
جاسر:ستى حضرتك شوقتى عيون اصلها مش موجودة فى الاوضة
فاطمة بقلق:لا والله يبنى مشوفتهاش هى مش موجودة فى اوضتها
جاسر بعصبية:يعنى هتكون راحت مين معقولة خرجت برة الفلة ومن غير متقولى مش فارق معاها قلقى عليها...وبعدين هتروح فين... دى لو راحت الحارة لوحدها مش هتخرج منها حية بسبب الزفت العزبى
يسرية:جاسر بيه
جاسر:ايوة يايسرية
يسرية:الحقيقة انا شوفت ست عيون خارجة من الفلة وكانت دموعها على خدها بس ودين النبى معرف طريقها فين<
بسملة بعياط:بسملة تعرف ماما راحت فين اه...بسملة عايزة ماما اه
فاطمة:متعيطيش يابسملة ان شاء الله هنلاقيها...جاسر اسال عليها المستشفايات اوحتى الاقسام حاول تعرف هى راحت فين
جاسر بقلق:حاضر ياستى
جاسر فى سره:ياترى روحتى فين ياعيون وسيبتينى...معقولة حوار السى دى هو السبب...ولا فى حاجة تانية حصلت معاكى وانا معرفهاش
فى المستشفى
شاب شايل بنت بين دراعاته وعمال بيصرخ الكل جريوا عليه وخدوا البنت اللى معاه
بعد مكشفوا عليها الدكتور خرج
الشاب جرى عليه وقال:طمنى يادكتور عيون حصلها ايه
الدكتور:حضرتك جوزها
الشاب سكت شوية وقال:لا مش جوزها هى متجوزة اصلا
الدكتور:الحقيقة احنا منعرفش حاجة البنت مكنش معاها حاجة توضحلنا هى مين....انت تقرب للمريضة ايه
الشاب:انا اسمى مازن كنت زميلها فى الجامعة اهم حاجة طمنى الحادثة اثرت عليها ولا لا
الدكتور:الحقيقة اثرت مخبيش عليك جسمها كله بقا مليان حروق حظها ان وشها متاثرش مع ان دة مستحيل يحصل بس ربنا عايز كدة هى حاليا لسة فى البنج بس لما تفوق ياريت تخشلها تطمن عليها
مازن بصدمة:ماشى يادكتور شكرا ليك
الدكتور:الشكر لله وحده بس ممكن اعرف انت شوفتها وجيبتها ازاى
مازن:انا كنت ماشى فى الطريق لقيت ناس متجمعة على عربية مقلوبة وعلى وشك انها تتحرق رحت لقيت اللى فى العربية عيون حاولت اخرجها هى والسواق بس السواق بقاا للاسف تعيش انت بس عيون الحمد لله قدرت اخرجها
الدكتور:ربنا يرحمه عن اذنك ثوانى
مازن:اتفضل يادكتور
فى فلة الالفى
جاسر فى حد اتصل بيه من رجالته وقالولوا ان فى حادثة حصلت..سال على اقرب مستشفى وراح هو وسته وبنته ويسرية
فى المستشفى
جاسر راح وسال اذا كان فى مريضة اسمها عيون هنا طبعا الممرضة قالتله ايوة فراح علشان يتاكد بس وهو داخل اوضة قبل فى وشه مازن
مازن:مين حضرتك
جاسر:انا جاسر المريضة اللى جوة تبقى مراتى
مازن بصدمة:مراتك
جاسر:ومالك مصدوم كدة ليه...انت مين بقا
مازن:احم انا اسمى مازن كنت زميل عيون فى الجامعة
الممرضة:هو اللى انقذ المريضة وجابها على هنا...الصراحة انسان محترم اوى.لولاه كانت زمانها عند خالقها دلوقتى
جاسر بعصبية:انتى ازاى تفولى على مراتى فى وشى كدة..انا عايز اشوفها اطمن عليها وبعدين فين الدكتور انا عايز اعرف مراتى مالها
مازن:ممكن تهدا شوية خلينى اعرف افهمك الحقيقة عيون كويسة بس الحادثة سابت اثر بمعنى ان جسمها بقا مليان حروق بس متقلقش تقدر تعمل عملية تجميل وان شاء الله هتنجح
يسرية بخضة:يالهوى جسمها اتحرق ياحبيبتى يابنتى حسرة عليكى وعلى شبابك اللى راح فى الارض
فاطمة بصت لجاسر اللى كان فى دنيا تانية حس ان هو السبب فى اللى حصلها
فاطمة حطت ايدها على كتفه وقالت:بلاش تحسس نفسك بذنب انت مش عملته...دة قضا ربنا...اهم حاجة نطمن عليها وعلى حالتها
الممرضة دخلت وخرجت تانى وقالت:الحمد لله المريضة فاقت تقدروا تخشوا تطمنوا عليها
جاسر جرى للاوضة بلهفة قعد جمبها وحط ايده على خدها وقال:حبيبتى انتى كويسة....قوليلى حاسة باى وجع...انا مش هحاسبك علشان خرجتى من ورايا من غير متقوليلى.هو انا هحاسبك بس مش دلوقتى....انتى ايه اللى خلاكى تخرجى قطعتى قلبى عليكى ياعيون حرام عليكى
عيون مستغربة الكلام اللى هو بيقوله هى مش فاهمة هو بيقول ايه
عيون فى سرها:الراجل دة بيقول ايه...معقول الخوف دة كله علشانى...بس مين دة انا مشوفتهوش قبل كدة...بس شكله اقسم بالله موز على الاخر
فى النادى
الكل ماشى جمب بعض ايات جمب سليم..مارينا جمب مومن اللى كل شوية بيبص نظرات حادة ل ايات النظرات دى بترعبها وفضلت تلعن نفسها علشان اقترحت الخروجة دى
كلهم قعدوا على الطربازة كانت ايات جمب سليم..ومومن جمب مارينا
مارينا:الجو حلو اوى هنا مش كدة يامومن
مومن:اه حلو بغباء فعلا...مقولتليش ياسليم شوفت ايات ازاى
سليم بص لايات بهيام هى اتوترت وحطت ايدها على رقبتها كدليل على توترها
مومن بغيرة:بطل تسبيل لايات علشان والله هتاكلها بعنيك..وكلمنى
سليم:الحقيقة يامومن ايات دى واحدة مجنونة على الاخر انا اول مرة اشوف حاجة زى كدة بس جنانها حلو وبينى وبينك عجبنى اوى ايه ياايات احكيلهم على اول لقاء بينا كان شكله ايه
مارينا بهزار:ايوة ونبى ياايات قوليلنا انتى عملتى ايه...الصراحة هو سليم قالى بس انا عايزة اسمعها منك اصله الرزل دة مقالش تفاصيل وانا بصراحة بموت فيها
ايات غمضت عينها بطريقة طفولية وقالت فى سرها:ياوكستك السودة ياايات....شكل سليم وقع على بوزه ولا ايه...انا انتهيت...اقرى القاتحة على روحك ياايات مقدما
مومن بغيرة مسك ايد مارينا وباسها قدام الكل عندا فى ايات اللى اتصدمت من اللى عمله
سليم:ايه ياعم رميو مش قدامى ياجدع عيب شايفنى مركب قرنين ولا ايه
مارينا بكسوف:ايه اللى انت عملته دة...احرجتنى يااخى.. وانت من امتى بقيت رومانسى كدة ولا شكل اللى خصل مع ايات وسليم سخنك وانا معرفش
ايات:ايه لسة الفضول واكلك تعرفى يعنى اقول ولا اغور
الكل ضحك طبعا ماعدا مومن اللى بيقاوم احساس انه عايز يمسكها من ايدها ويمشوا من هنا حالا
مارينا:لا قولى انا سامعاكى وكلى اذن صاغية
ايات حكتلهم كل حاجة حصلت كانت مكسوفة وف نفس الوقت خايفة
مارينا:اوباااا ايه الجراه دى يالولو...تصدقى اخويا اول مرة بنت تعلق معاه بالشكل دة
سليم:احم احم ايه يامارينا فى ايه...بقولك ياايات ايه رايك نتمشى شوية فى النادى
مومن بغيرة:لا خليكوا قاعدين علشان ميصحش نقعد انا ومارينا لوحدنا...مش كدة ياايات
بصلها بحدة وعمل اشارة بعنيه انها تقعد بس هى عاندته وراحت مع سليم علشان يتمشوا شوية فى النادى
مومن فى سره:اصبرى عليا ياايات...قسما بالله لهوريكى وهدفعك تمن اللى عملتيه امبارح غالى اوى...انتى خنتينى ياايات باللى عملتيه دة
عند سليم و ايات
سليم:مبسوطة وانتى معايا
ايات ضحكت علشان تجامله وقالت:اه طبعا مبسوطة
سليم:ممكن اسالك سوال بس متتعصبيش عليا
ايات:هههه ايه ياعم مالك شايفنى بقطع فى هدومى ولا ايه...متقلقش ياسيدى مش هتعصب عليك بس انت اسال
سليم:هو الكلام اللى انتى قولتيه امبارح كان هزار ولا جد
ايات:كلام ايه
سليم:اتتكى عليه
الاتنين ضحكوا وقالت:انا شكلى هكراش عليك فعلا
سليم بعدم فهم:بصى انا اعرف كل المفاهيم الشعبية واعجبك اوى لكن دى انا اول مرة اسمعها
ايات:بكراش عليك يعنى بعاكسك...وبصراحة انت شكلك طيب ولما بتحب بتحب بكل جوارحك مش كدة
سليم:ممكن نتمشى علشان انا اصلا معرفش احنا وقفنا ليه
ايات:هههه ماشى بس برده مجاوبتش على سوالى
سليم:انا قافل على قلبى ومش هفتحه الا لواحدة تقدر مشاعرى وتصونها....وانا فى المقابل هشيلها جوة عينى ومش هتخلى عنها
ايات:مبلاش الكلمة الاخيرة دى علشان مش بلعاها...لا هتتخلى عنها لو اهلك موافقوش عليها
سليم:لا انتى غلطانة هحارب علشانها لاخر نفس فى عمرى...وبعدين لو هى كويسة ايه المانع...هتجوزها وانا لو عملت كدة مش هبقا عاق يعنى ياايات بس صدقينى الوقت بيغير حاجات كتير ممكن مع مرور الوقت يتقبلوها
ايات:ممكن...انا عايزة اجرى
سليم:تجرى...طب اشطا يلة
ايات:لا انا خايفة
سليم:متخايفيش يلة بقا
ومسكوا ايد بعض وجريوا جامد كانت فرحانة وهو كمان بس مرة واحدة رجلها اتلوت ووقعت وقعة محترمة على الارض😱
فى المستشفى
جاسر:مالك ياعيون مستغربة كلامى كدة ليه
عيون:ممكن اسالك سوال
جاسر:اسالى
عيون:انت مين
جاس حس كان مكعب تلج نزل عليه من الصدمة كلهم بصوا لبعض مستغربين كلامها
يسرية:سلامة الشوف ياست عيون دة اسم النبى حارسه جوزك
عيون فتحت بقها بصدمة وقالت:جوز مين...انا مش متجوزة انا امتى اتجوزت اصلا
جاسر جاى يحط ايده على خدها يطمنها بس هى بعدت نفسها عنه
عيون:اوعى تقرب منى اياك تلمسنى انا بحب مازن وبس...هو فين ييجى ينقذنى منكوا علشان انتوا شكلكوا مخابيل
جاسر بغيرة:ببتحبى مين ياروح امك مين...لا فوقى كدة بدل مفوقك بقلمين محترمين
عيون:انت قليل الادب...انا مستحيل اتجوز واحد همجى زيك....عايز تضرب واحدة بنت
جاسر:يابنتى انا جوزك
عيون بصريخ:مااااازيييين تعالى يامازن علشان خاطرى
مازن دخل وقعد جمب عيون اللى اترمت فى حضنه وفضلت تعيط:قولى يامازن ان الراجل دة بيكدب قوله ان احنا بنحب بعض وهنتجوز قولوا انك انت حب عيون الاول والاخير
مازن بص لجاسر لقاه على وشك انه يفقد اعصابه معقولة بتتحامى فى واحد علشان بحميها منه...دة لو عايز يعمل فيها حاجة كان عملها من زمان
جاسر:اطلعوا برة
فاطمة:براحة عليها يبنى
جاسر بزعيق:قلت اطلعوا برة
عيون جسمها اتنفض من صوته بتبص لمازن
مازن:انا لازم اطلع ياعيون...علشان هو فعلا جوزك...انا هطلع اجيب الدكتور يعرفنا حالتك دى ايه
ومشى وهى عمالة بتنادى عليه
جاسر قفل الباب وغمض عينه جامد بعد كدة بيقرب منها وهو بيقلع بدلته وبيرميها بعشواءية
عيون قامت بخوف وعمالة تبعد:انت هتعمل ايه...اعقل كدة...اوعى تقرب منى...معقولة هتاخد مراتك بالعافية
فضلت تتكلم لحد ملزقت فى الحيطة هو حاوطها بدراعه وقال:ممكن تفصلى شوية وتبطلى استعباط
عيون:انا مش بستعبط على حد ولو سمحت ابعد عنى
جاسر:انا جوزك ومن حقى اقرب منك وقت محب دة خقى
عيون:كدب...انا مش فاكرة ان الحكاية دى حصلت
جاسر:انا مش بكدب عليكى..وبعدين مين مازن دة
عيون:دة اللى بحبه مش انت خالص على فكرة
جاسر بغيرة رجل شرقى:عيون احترمى نفسك...مازن دة حبك الاول صح مش مهم انا هبقا اعرف ايه الحكاية دى منه هو شخصيا
عيون:حتى لو كنت مراتك مش هتعرف تقرب منى
جاسر:لو عقلك مش فاكرنى
حط ايده على قلبها وكمل:فقلبك هو اللى فاكرنى وانا متاكد انك بتحبينى وانا لو عايز اقرب منك انا واثق انك مش هتبعدينى عنك
كلمات جاسر لمست عيون متعرفش هى ليه حست انه صادق فى كلامه بس ليه هى مش فاكرة حاجة
عيون:مش هتعرف تقرب منى
جاسر ضحك وعينه جات عند شفايفها وقرب منها وباسها برقة لمست روحه وروحها هو كان نفسه فى الموضوع دة من زمان وحصل كانت بوسة مختلفة حس ان روحها مختلفة عن روح نوال...لا مش عايز يجيب سيرتها...خليه بس فى اللحظة اللى كان ببيتمناها كانت بوسة تحمل كل معانى الرغبة والشوق والحب..عيون قلبها مطوعهاش تبعد عنه بعد فترة بعد عنها وصدره بيعلى ويوطا
جاسر:طعم شفايفك حلوين اوى
عيون بكسوف حطت ايدها على بقها وقالت:هى دى بوسة قلى ان دى بوسة
جاسر ضحك وقال:ايوة بوسة والله عايزة تجربيها تانى
عيون بسرحان:لا انا عايزة انام
جاسر شالها وحطها على السرير وباس راسها وقال:ارتاحى وانا شوية وجاى
ومشى
عيون حطت ايدها على بقها وقالت:دة باسنى...دى جرى اوى...بس انا ليه مخليتوش يبعد عنى...ليه حسيت ان جسمى رافض حاجة زى كدة...يارب استرها فى اللى جاى
امتلاك بالاجبار الحلقة 26
فى النادى
الكل سمع صريخها وجريوا يشوفوا مالها
مومن بخوف:مالها ايه اللى حصل ياسليم
ايات فى سرها:قسما بالله بارد بدل مياخدنى ف حضنه يعمل كدة
سليم:انا اسف ياايات وربنى رجلك عاملة ايه
ايات بخوف من مومن:لا مفيش داعى انا كويسة متتعبش نفسك
سليم:يابنتى انا دكتور ...بس اشوفها عاملة ايه... انا عايز اطمن عليكى
ايات وافقت سليم بيلمس رجليها بيكشف عليها مش اكتر مفيش اى نية تانية...اما مومن قبض على ايده جامد وخلاص حاسس ان صبره نفذ
سليم:لا الحمد لله رجلك مفيهاش حاجة التواء صغير بعد كدة ابقى خدى بالك انتى مش عيلة
ايات:انا عايز ادخل الحمام
سليم:اساعدك
ايات:لا مفيش داعى انا هروح لوحدى
قامت من على الارض كانت فعلا رجليها وجعهاها ودة كان واضح وهى ماشية فضلت تدعى فى سرها ان الزفت اللى متجوزاه يعمل اى حاجة بس للاسف لا
فى الحمام
ايات غسلت وشها جت تخرج بس فى ايد مسكت ايدها ولوت دراعها جامد
ايات بوجع:اااه سيب ايدى
مومن بعصبية:هى الخيانة سهلة عندك اوى كدة....دة انتى عيارك فلت على الاخر توصل بيكى القذارة انك تتعرفى على واحد وانتى متجوزة..هو انا رخيص قدامك ولا متخيلة انى ضعيف مش هعرف اشكمك
ايات:اوعى سيب ايدى...انا معملتش حاجة غلط
مومن شد دراعها ليه وقال:قلبى دة سهل ادوس عليه بالجزمة القديمة. ايه اللى خلاكى تقربى من سليم....دة انسان كويس اوعى تجرحية ليه تحشريه ما بينا سليم على قد مهو طيب بس لو اتعصب هيحرق الدنيا بالى فيها ...ملقيتيش غير سليم علشان تتحدينى بيه
ايات:انا مكنش فيه قدامى حل تانى....سهل اوى تنهى المهزلة دى باعترافك انى ابقى مراتك ولا صعبة تتخلى عن الموزة اللى برة
مومن:انا هقول كلمتى دى ومش عايز اكررها علشان مش بحب اكرر كلامى مرتين انتى تمشى احسلك من سكات بدل م والله هعمل تصرف نندم عليه احنا الاتين
ايات قررت متعاندش معاه
ايات بتحدى:مومن انا معنديش استعداد اكون ضحية ولا ابقى سيرة للى يسوا واللى ميسواش فى الحارة...قسما بالله لو احمد اخويا عرف دة انا اتقتل واتعدم فى ميدان عام انا مش هقبل ان كل دة يحصل انت ياما تشوف حل يرضى جميع الاطراف يااما انا اللى هتصرف سلام
ومشيت بسرعة قبل م سليم ومارينا يشوفوها
مارينا:هى راحت فين
مومن:قالتلى انها تعبانة فقولتلها تروح
سليم:هى اكيد رجليها واجعاها لحد دلوقتى...كان لازم اوصلها دى قلة ذوق مننا
مومن بغيرة:خلاص ياسليم هى اكيد مش زعلانة منك يلة خلينا نمشى من هنا علشان تعبت وعايزة اروح
سليم:ماشى يلا بينا
فى بيت اعتدال
فى اوضة اعتدال
ايات:جرا ايه ياماما هتفضلى لحد امتى مش عايزة تاكلى انتى خسيتى النص
اعتدال:
ايات:ياماما ردى عليا...ايه يعنى اللى حصل محل واتحرق ان شاء الله يتعوض... اما انتى لو حصلك حاجة هنعوضك تانى ازاى...ياامى ردى عليا الله يخليكى انا مش مستحملة
اعتدال بعياط:المحل راح منى واخوكى كمان راح منى والله اعلم حالته عاملة ازاى دلوقتى مع اللى لحست دماغه حبه للفلوس عماه عايزانى ابقا كويسة هاتيلى ابنى...انا عايزة المحل يرجعلى تانى هناكل ونشرب ازاى...وانتى حساكى فيكى حاجة ومخبية عليا ياترى فيكى ايه ياايات
ايات خدت امها ف حضنها وقالت بعياط:خلاص ياماما ان شاء الله اخويا هيرجعلنا والبيت هيرجع ينور بيه تانى
اعتدال:قوليلى يابنتى فيكى ايه ريحينى الله يريحك قلبك
ايات بعياط:والله ياامى بخير...انا بس مخنوقة شوية...وكمان محتاجة اقرب من ربنا يمكن ينظم حياتى اللى متلغبطة دى..
اعتدال:ان شاء الله ياحبيبتى كل شى هيتحل....بس قولى يارب وهو مش هيسيبك
ايات/يارب
فى قصر البحيرى
ساندى:ممكن تبطل تكسير فى الاوضة...اللى انت فيه دلوقتى بسببك مش بسبب حد تانى
مومن بعصبية:عايزانى اعمل ايه قوليلى....ابويا لو عرف انى متجوز قسما بالله هيقتلها
ساندى:ليه انت شايفه مجرم علشان يعمل كدة
مومن:لو فى حاجة وقفت فى طريق مصالحه ويشغله ف ايوة هيبقى مجرم
ساندى:ياخويا الحق اعترف والا المواضيع هتتطور وانت مش هتحس مش بعيد تلاقى ايات وسليم بيحبوا بعض وانت اللى هتبقا بالنسبالهم زى اللقمة فى الزور
مومن بغيرة:والله هقتلها واقتله ايات ليا انا وبس...ولو دة حصل مش هطلقها ولا هخليها تطيل سما ولا ارض ساندى انا لحد دلوقتى محافظ عليها وعلى شرفها ف ابوس ايدك بلاش كلام فى السيرة دى لان دماغى بتجيب حاجات بتودى لطريق اسود
ساندى سكتت وحاسة ان الموازين هتتقلب وشكل اخوها هو اللى هيطلع خسران بسبب ضعفة وعجزه على مواجهة الحقيقة حتى لو ابوه قرر ييذيها ايه مش هيقدر يحميها منه ولا لقت راجل وزوج وسند القاب ليس لها اى اساس من الصحة
فى المستشفى
جاسر بثبات:اتكلم
مازن بتوتر:اتكلم اقول ايه
جاسر:ايه علاقتك بعيون
مازن بتوتر:كنا بنحب بعض بس اقسملك دلوقتى لا انا بقيت متجوز ومش عايز اهدم بيتى علشان خاطر واحدة هى برده بقت متجوزة بعنى احنا ملناس نصيب فى بعض من الاول
جاسر بارتياح:كويس...ممكن اعرف ليه العلاقة دى مستمرتش
مازن:ظروف حصلت كانت ضد العلاقة دى...بس للاسف الظروف كانت اقوى منى ومنها...بس ياريت اوعى تسالنى ظروف ايه لانها تخض عيون مش تخصنى انا
جاسر بفضول وقلق:يعنى ايه مش هتقدر تقولى...هى عيون فيها حاجة انا معرفهاش وبعدين لما اسالك تجاوبنى
مازن:قولتلك عيون هى اللى تقدر تجاوبك بس طالما هى خدتنى بالحضن لما شافتنى ف دة معناه انها مش فاكرة حاجة
جاسر اتعصب ومسك قميص وقال:قول اللى فى دماغك من غير لف ودوران انا هسالك سوال تعرف لو عدت ثانية ومتكلمتش ورحمة امى مهرحمك...انا اصلا ماسك نفسى منك بالعافية
مازن بتوتر:ليه ياعم هو انا للى قولتلها تعالى اترمى ف حضنى
جاسر بعصبية:ايه عم دى انت هتصاحبنى اخلص وانجز سيبتوا بعض ليه
مازن:انا اللى سيبتها
جاسر:عشان
مازن:علشان عيون مش بتخلف واحنا ف حارة شعبية وصعايدة ف الموضوع دة يفرق معاهم لما امى عرفت خليتنى اسيبها
جاسر باستحقار:وانت سمعت كلامها وسيبتها....كانت بتثق فيك وانت اتخليت عنها...بس كويس انك عملت كدة...بسببك عيون وقعت فى طريقى نصيحة منى اوعى تقرب منها تانى مفهوم
مازن:مفهوم
فى اوضة عيون
عيون:مين القطقوطة دى
بسملة بزعل:عيون تعرف بسملة لا
عيون حست بزعل بسملة وقالت:لا ياحبيتى فاكراكى بس بستعبط تعالى اقعدى على حجرى
قاطمة:لا ياعيون مينفعش لسة جروحك متشفتش
عيون بعدم فهم:جروح ايه انا مش فاهمة
فاطمة:يابنتى هو انتى مش عملتى حادثة..الحادثة دى خلت جسمك فى حروق بس متقلقيش جاسر هيتصرف وف اسرع وقت هتعملى العملية
عيون بصدمة:حروق....طب هو انا هفضل امتى قاعدة فى المستشفى هنا...بصراحة انا مخنوقة اوى ومش بحب القاعدة فيها ومتقلقيش عليا انا كويسة
طق طق
فاطمة:اتفضل
صافى دخلت وقاعدت جمب عيون وقالت:حمد لله على سلامتك ياعيون حرام عليكى كدة تخضينى عليكى..ايه مالك انتى مش عارفانى انا صافى ابقى مرات ابو جاسر
عيون بحلقت جامد فيها وقالت:لا ياشيخة الصراحة كنت بحسبك اخت جاسر او حتى صديقة ليه لكن مرات ابوه دى حاجة غريبة شوية ياريت متزعليش من كلامى الصراحة شكلك صغننة
صافى:هههههه لا انتى شكلك فعلا مش فاكرانى ان شاء الله لما ترجعى بيتك بسلامة هنرغى كتير اوى وفهمك كل حاجة..احنا اعز صحاب مش كدة ولا ايه
عيون ضحكت وقالت:اه طبعا
فاطمة:هى صافى دى ناوية على ايه...ايه التغير الفظيع دة....معقولة اتغيرت فعلا...ولا بتستغل حالتها لسبب فى دماغها انا معرفوش لا ياصافى انا مش هسمحلك تيذيها
طق طق
جاسر:السلام عليكم
الكل:وعليكم السلام
بسملة جريت على باباها وقالت:الحق عيون فاكرة بسملة لا
جاسر:لا ياحبيبتى ماما عبون فاكراكى هى بس بتحب تلعب معاكى شوية
بسملة:لا لعبة وحشة اه...عيون غير لعبة اه
جاسر:عيون انا كلمت الدكتور قالى انك تقدرى تخرجى بس انتى محتاجة راحة فى البيت اظن مفهوم
عيون:ماشى بس اهم حاجة اخرج من هنا
جاسر:يلة علشان تاكلى
عيون:لا انا مش جعانة
جاسر:مينفعش ياعيون انتى لسة خارجة من حادثة مش هينة ابدا...محتاجة تتغذى
عيون:انت مش بتفهم ولا ايه قولتلك مش جعانة مش طايقة ابص للاكل ابعده عنى
جاسر قرب منها صافى قامت وخلت جاسر يقعد جمبها
جاسر:انتى كدة كدة هتاكلى فكلى بالذوق احسلك
عيون:دة تهديد
جاسر:اعتبريه كدة
عيون:لا مش هاكل...ورينى هتعمل ايه
جاسر ضحك ضحكة خبيثة وقال:عيون بلاش تتحدينى بصى ستى وصافى وبسملة قاعدين معانا ممكن اعمل حركة ومش هتكسف اعملها قدامهم
عيون بخوف:حركة ايه
جاسر:قربى ودانك علشان اقولك
عيون قربت ودانها ليه اما هو فضل يقولها كلام خدش حياءها حرفيا🙈
فاطمة بتبصلهم وبتضحك اما صافى كانت بتدوس على الفستان اللى لابساه بغيرة واضحة
عيون فتحت بقها من الصدمة والكسوف فبصتله وقالت:انت قليل الادب
جاية ترفع ايدها بس بصة جاسر الحادة ليها خليتها تكش وترجع ايدها تانى
جاسر:ها هتاكلى ولا اعمل اللى قولت عليه
عيون:لا هاكل
بسملة:مامى مامى بسملة تعرف جاسر قال لماما عيون ايه اه
عيون بكسوف بصت لجاسر وقالتله:رد عليها
فاطمة:بت يابسملة تعالى هنا خلينا نسيبهم لوحديهم شوية
عيون:لا خليكوا...مش عايزة ابقى معاه لوحدى
بس هما سابوها وخرجوا
عيون:عجبك كدة مشيوا بسببك...وتعالى هنا انت ازاى تقولى الكلام القليل الادب دة فى ودانى
جاسر:احمدى ربنا ان قولته فى ودانك وبس...يلة كلى
وفضل ياكلها هو كان مستمتع بدة فعلا
فى حاجة كانت على بقها هو قرب من شفايفها وشالها هى حست بقسعريرة وقالت:ابعد ايدك عنى
جاسر:انتى مالك كشيتى كدة ليه...خايفة منى
عيون:انا مرعوبة منك مش خايفة
جاسر بزعل مصطنع:ماشى ياعيون انا هاكلك وهمشى بعد كدة تلبسى خلينا نمشى من المستشفى دى
عيون:طب بسرعة اكلنى خلينى امشى من هنا
جاسر:ماشى ياعيون بس صدقينى زى مخليتك تحبينى وانا معملتش اى مجهود لدة هخليكى تعشقينى بس بعد موريكى حبى شكله ايه
فى قصر البحيرى
محمود:متقلقش ياعادل الولاد شكلهم منسجمين مع بعض
عادل:مش هوصيك على بنتى يامحمود...دى بتعشق مومن...انا وافقت على حوار الدمج دة علشانها
محمود:ان شاء الله وخلاص الخطوبة ان شاء الله بكرة عقبال سليم كدة
عادل:مش باين عليه خالص يامحمود...مفيش واحدة قدرت تخطف قلبه خالص...بس هو يشاور على واحدة وانا والله هجوزهاله
محمود:ان شاء الله يلاقى بنت الحلال اللى تصونه شكرا ياعادل علشان جيبت الخامات انت عارف ان الخامات دى كانت ضرورية علشان نقدر نسد الطلبات للمصنع المتعاقدين معاه
عادل:متقلقش كدة يامحمود احنا خلاص بقينا اهل يلة تصبح على خير واشوفك بقا ف حفل الخطوبة بتاعت مومن ومارينا
محمود:وانت من اهله