رواية عروسة مريم
الفصل الخامس5والاخير
بقلم محمد امام
وفتحت الباب والحمد لله لقيت البيت هادي وجميل زي الاول وفي الليله دي فضلت مريم تعيط ساعتين متواصلين لما راحت البيت وملقتش العروسه بس في الاخر نامت وانا نمت نوم عميق في الليله دي انا مش من طبعي الخوف او الرعب يعني حسام مش اول مره يغيب عن البيت لانه سعات كتير كان بيسافر عشان شغله وتاني يوم الصبح قومت من النوم عشان اروح لحسام لكن مريم صحيت علي العياط وفضلت تعيط حتي واحنا عند ابوها ولما حسام سألها انتي بتعيطي ليه قالتلو عشان ماما رمت صوفيا في الزباله وانا كنت بحبها عشان كانت بتقعد معايا وبتكلمني وبتحبني وبتجبلي اكل قالها طب خلاص انا اما اخرج من المستشفي هجبلك عروسه جديده قالتلو لا لازم ترجع صوفيا تعيش معانا يا أما انا اللي هسيبكو واروح اعيش معاها ومشينا بالليل كالعاده من عند حسام وروحت البيت بس وانا خايفه علي مريم جدا من اللي هي قالتو لحسام من انها عاوزه تسيبنا وتروح تعيش مع صوفيا فضلت مريم عايشه علي امل ان ابوها اما يخرج من المستشفي هيروح يجيب صوفيا تعيش معانا وفي يوم صحيت من النوم ملقتش مريم جمبي علي السرير خرجت ادور عليها ملقتهاش فتحت باب الشقه لقيتها واقفه مع بنت تانيه صغيره عندها بتاع سبع سنين قدام باب الشقه استغربت جدا وقولتلها انتي مين ياحبيبتي
قالت انا صفيه ياطنط وساكنه مع بابا وماما في الشقه اللي قدامكو دي الغريب ان الشقه دي كانت بتاعة د/محمود جارنا وهو سافر اعاره بره مصر من سنتين معقوله يكون باعها من غير ما يقولنا قولت مش اشكال انا هسأل اشرف البواب لما انزل عشان هو اللي معاه مفتاح الشقه اخدت مريم ودخلت وقفلت باب الشقه لبست عشان انزل اروح لحسام ولما نزلت ملقتش اشرف البواب سألت عليه عم محمد بتاع الخضار اللي جمب البيت قال اشرف سافر النهارده الصبح عشان عنده مشكله علي الورث في بلدهم وقدامه لآخر الشهر يعني اسبوعين ويكون هنا قولتلو تمام ياعم محمد وسبتو ومشيت المشكله ان مفيش شقق ساكنه في البيت غيرنا وكل الناس قفله شققها وقاعده في اماكن تانيه وصلت لحسام في اليوم ده وحكيتله علي السكان الجداد دول قال طب كويس اهو حد ياخد بحسكو لحد اما اخرج انا وفي اليوم ده روحت من عند حسام وطلعت البيت لقيت باب الشقه دي مفتوح فوقفت علي الباب وخبط علي الباب لقيت واحده ست خرجت لي وقالت اهلا وسهلا مين حضرتك قولتلها انا سلمي ساكنه في الشقه اللي جمب حضرتك دي ولقيت باب الشقه مفتوح افتكرت دكتور محمود رجع قالت لا د/محمود مش راجع هو هاجر هجره نهائيه واحنا اشترينا الشقه وانا بتكلم معاها خرجت البنت الصغيره صفيه وقالت طنط ممكن مريم تيجي تلعب معايا شويه قولتلها مش هينفع ياصفيه لو كده تعالي العبي معاها انتي عندنا ولما تزهقي هبقا ارجعك لماما البنت بصت لأمها قالتلها روحي ياصفيه بس ترجعي قبل اما بابا يرجع وفعلا جت البنت تلعب مع مريم وكويس جدا لأن مريم انسجمت معاها ونسيت العروسه المهببه دي وبالليل الباب خبط قولت مين رد قال انا ماهر ابو صفيه قولتلو حاضر ثواني ناديت للبنت وقولتلها بابا بيخبط فتحت الباب والبنت مشيت مع باباها بعد ما فضلت تتحايل عليه شويه تبات مع مريم وباباها رفض فضلت متبعاهم لحد اما وصلو لباب الشقه ودخلو لقيتهم حطو يافطه علي الباب مكتوب عليها المهندس ماهر توفيق فضلت العلاقات تطور مع مامة صفيه وفي يوم خرجنا انا وهي نروح السوق وسبت مريم مع صفيه واحنا ماشيين الست شاورت وقالت البيت اللي هناك ده هو اللي كنا ساكنين فيه وجبنا الحاجه من السوق وقلتلها معلش هتقل عليكي انا ينفع اسيب مريم عندك اروح ابص علي سمير علي خلاص هو خارج من المستشفي بكره قالت اه طبعا ينفع انت تؤمري احنا خلاص بقينا اخوات سبت مريم عندهم ورحت اليوم ده عند سمير وفضلت معاه لحد العشا ولما سأل علي البنت قولتلو دي عند الجيران الجداد مقدرتش اجيبها معايا وهم ناس محترمين جدا متقلقش عليها وبعدين مشيت وصلت البيت لقيت اشرف البواب رجع من السفر قولتلو حمدلله علي السلامه يا اشرف جيت امتي قال جيت النهارده ياست سلمي طلعت اخبط علي الجيران فضلت شويه اخبط محدش رد عليا قولت ارن علي ام صفيه عشان اشوفها فين لقيت التليفون بيقول هذا الرقم غير موجود بالخدمة وقفت مش عارفه اعمل ايه نديت علي اشرف يا اشرف انت فين قال انا طالع اهو ياست سلمى ولما طلع قولتلو متعرفش استاذ ماهر ومراته فين قالي ماهر مين ياست سلمى دي شقة دكتور محمود قولتلو اه ماهو باعها قال لا محصلش مفتاح الشقه معايا اهو لو اتباعت كنت اول واحد هكون عارف فضلت اصوت ومش عارفه اعمل ايه قولتلو طب معلش يا اشرف هات المفتاح وافتحلي باب الشقه دي نزل اشرف جاب المفتاح وفتحلي الباب دخلت لقيت التراب و العنكبوت في كل مكان والنور مطفي رد اشرف قال بقي دي شكل شقه كان فيها بني ادمين الصبح فضلت اصرخ وكنت منهاره ومش عارفه اعمل ايه ولما اغمي عليا من كتر الصريخ اشرف البواب اتصل بجوزي وقاله علي اللي حصل ولما فتحت عنيا لقيت حسام واقف جمبي وماسك عكاز وقالي ضيعتي البنت ياسلمي انا لو بنتي مرجعتش مش هيحصلك كويس ومن دلوقتي كل واحد فينا من طريق فضلت اعيط وشويه قولتلو انا الست دي شاورتلي علي بيتهم القديم تعالي نروح نشوفها قالي انلأتي مجنونه بنقولك اصلا مكانش فيه جيران جمبنا قولتلو طب بس تعالي نروح مش هنخسر حاجه ولما دخلنا البيت وقفنا الاسانسير جالنا البواب وقال اؤمرو قولتلو احنا طالعين عند الاستاذ ماهر توفيق قال تمام يبقي انتو السكان الجداد اللي هتاخدو الشقه ابتدى حسام يصدقني شويه ولما طلعنا والبواب فتحلنا الباب قالنا معلش هي الحيطان مهببه شويه من ساعة الحادثه وش بياض وهتكون زي الفل قولتله حادثه! حادثة ايه ؟ قال هو السمسار مقالكوش قولتلو لا مقالش حاجه رد البواب وقال من سنه حصلت حريقه كبيره في الشقه مات فيها استاذ ماهر ومراته وبنته صوفيا قولتلو صوفيا! قصدك صفيه قال صفيه ده اسمها الحقيقي اما الدلع فهو صوفيا كلمت حسام وقولتلو انا ضيعت بنتي فين صدقني يا حسام انا مش مجنونه الناس دي جم عندنا البيت وانا قابلتهم وكلمتهم واخدو مني مريم صدقني انا مش مجنونه ولو مش مصدقني اسم بنتهم ده هو اسم العروسه اللي صوفيا اخدتها من الراجل في السوق قالي ماهي العروسه دي بردو كانت شورتك بردو انا مش مسامحك ياسلمي قولتلو حسام انا عرفت مريم فين قال فين قولتلو مريم في المقابر قال وانتي ايه اللي عرفك قولتلو انا هحكيلك علي كل حاجه ولما حكيت قال انا وانا في المستشفي جالي القط الاسود ده في المنام وقالي انت ضربتني وانا
ضربتك كده خالصين بس انا لسه ليا عندك تار ومفهمتش الحلم ده غير دلوقتي وانتي بتحكي قولتلو مش ده القط الاسود اللي انت ضربتو قدام باب الشقه قال شكله كده طب انتي ايه اللي عرفك انها في المقابر قولتلو في ليله من الليالي دخلتلي مريم الاوضه بتاعتي وقالت ان صوفيا عاوزه تاخدها معاها المقابر رجعنا تاني لبواب العماره وقولناله لو تعرف القبر بتاع ا. ماهر قولنا هو فين قال تعالو هوديكو ولما وصلنا المقابر لقيت وش حسام اصفر وقال هي دي المقبره بتاعتهم لا انا مش هدخل لوحدي لازم الشيخ حافظ يدخل معايا وراح طلع تليفونو واتصل بالشيخ حافظ ابن الشيخ حافظ رد عليه وقالو ان الشيخ حافظ مات من عشرة ايام علي فجأه قولتلو انا عاوزه اعرف ايه الحكايه قال انا هحكيلك انتي عارفه ان انا جبت مريم للشيخ حافظ قلتله اه عملها حجاب ورقاها وبدأت تتكلم بعدها بيومين قالي ده اللي انتي تعرفيه لكن اللي انتي متعرفهوش انه عملها سحر عباره عن كيس من القماش صغير وطلب مني ان انا ادورله علي جثه طفله صغيره تكون لسه ميته جديد وبالفعل دورت في كل المقابر ملقتش ولما جيت هنا قابلت الحارس بتاع المقبره دي ودلني علي جثة بنت صغيره لسه ميته من يومين ودخلت انا وهو قعد يعزم علي الجثه وفتح بقها وحط السحر ده في بق البنت الصغيره دي واحنا خارجين من غير قصد دوست علي فخد البنت الصغيره دي وفضل يطلع دم حتي انا وحافظ استغربنا انها ازاي ميته وفخدها يطلع دم كده ولما شوفت العروسه صوفيا في ايد مريم وبقعة الدم اللي علي رجلها افتكرت الموقف ده وعشان كده قولتلك ارمي العروسه رديت وقولتلو يانهار اسود انت عملت كل ده وبتقول ان انا اللي ضيعت البنت قعد يعيط وقال مكنتش اعرف ان كل ده هيحصل قولتلو طب واحنا هنتصرف ازاي دلوقتي قالي تعالي نروح نقابل ابن الشيخ حافظ يمكن يكون عنده حل روحنا سألنا عليه لقيناه بيصلي العشا جوزي استغرب جدا لان تقريبا حافظ ابوه ده مكانش بيدخل جامع ولما خلص صلاه قال انا هساعدكو لوجه الله وتكفيرا عن ذنوب ابويه يمكن ربنا يسامحه قولتلو ماشي قال لحسام بس انت هتنزل معايا القبر وانت ونصيبك يهتموت تحت يا اما ربنا يكتبلك عمر جديد ونزلو الاتنين وانا وقفتلهم علي باب القبر لقيتو قعد يقرأ علي الجثه وفتح بوق الجثه وطلع السحر من بوقها وحط ايده علي فخدها اللي كان بيجيب دم ومحصلش حاجه لحسام وابن الشيخ حافظ خد السحر وحرقو وقال لحسام مسألة رجوع بنتك دي بقي في ايد ربنا هي دلوقتي في حكم التايهه ربنا يرد عليك ضلتك بس انت ادعي ربنا وتوب علي اللي انت عملتو وفعلا ابتدى سمير يروح كل يوم المقابر ويدعي للبنت صوفيا دي عندقبرها وانا معاه واحنا واقفين في يوم عند المقابر ببص من بعيد لقيت مريم جايه لوحدها بتجري من بعيد جريت عليها وفضلت احضن وابوس فيها وسألتها انتي كنتي فين يامريم قالت كنت قاعده مع صوفيا والنهارده قالتلي انها رايحه مشوار ومش هينفع اروح معاها واني لازم ارجعلكو وانا قاعده هنا من امبارح مستنياكي لما تيجي وهي قالت قولي لبابا انا بباها سامحه خلاص ومش زعلان منه....
تمت